أنا أنثى جدا

[Nile bride]

أنا ألأنثى .. جدا...


لذلك تجنب التعامل معي بخشونة وتصرف بقمة الرقة والعذوبة
***


أنا الأنثى .. الضعيفة أحتاج لمن يحميني
لذلك كن دائما إلى جانبي فأنت بطلي الأول.

***
أنا الأنثى .. حاول تجنّب إثارة إعجابي بالطيش والتهور ...

وتصرف بطريقة رجولية وعقلانية .. طبعاً وبرومانسية هادئة
***
أنا الأنثى .. لا يشغل بالي إلا أنت فأنا أحاول دائما وضعك في المركز الأول لي ...
فلا تتذمر إذا ما أخذت برأيك في أصغر الأمور.


***
أنا الأنثى .. إذا وجدت ما لا يعجبك في تصرفاتي ...فتذكر بأنه يعجبك الكثير من تصرفاتي الأخرى فلا بأس بالتغاضي قليلاً .
***
أنا الأنثى .. إذا لم يعجبك ما أرتديه أو ما أفعله ...فلا تعترض عليه بخشونة وإنما بلطف وذكرني بما هو أفضل منه كأن تقول لي هذا الثوب جميل.. ولكنك بدوت بالآخر أجمل .

***

أنا الأنثى .. فمن قال إن الألماس صديق الأنثى إلي ألأبد ...فتأكد بان ذلك لا ينطبق على ..فالحب والرومانسية وأنت أصدقائي إلي ألأبد.

***
أنا الأنثى .. فلا تنسي..إذا كانت إحدى مناسباتي السعيدة فدائماّ سارع في تجهيز الشموع والورود لهذه المناسبة ... ولا داعي للتكلف بالهدايا الثمينة فأنت أثمن ما أملك.

***

أنا الأنثى .. فلا تحاول تقديم الهدايا الفاخرة لي لتجعلني أتغاضى عن بعض تصرفاتك ... بل أجعل حبك ورومانسيتك هما دافعي الدائم للتغاضي .

***
أنا الأنثى .. فحين تكون معي لابد وان تكون بأبهى حلة فانت أميري الذي أمتلك قلبي ...وتذكر دائما أنني كالوردة المتفتحة سرعان ما قد أذبل .. وقد تتمزق أوراقي بسهولة ..
Yzma

[lyonaids]

امممم جميييييل جميييييل :mdr:

[bigsonson2003]

طيب انا ححلفك بأغلى عندك وبالله انتى مقتنعة بنص الكلام دا؟؟؟؟
يمكن احنا اللى ظالمين

[!~MaRiA~!]

بجد كلمات رائعه
ومعبره جدا
اجل فهي بكل بساطه هذه هي الانثى
وليست كل فتاه هي انثى
فللانوثه صفات
لا تتحلى بها كل انثى لذا يجب التفريق بين الانثى
والفتاه
وشكره على كلماتك الرائعه

[bigsonson2003]

تسدقى بايه ياخت مارية انا احترمت كلماتك جدا لأنها خلاصة الخلاصة

[tatababe]

يا حلااااااااااااااوة
يا جدعان الممثل ده اسمه ايه دايما بنسى
كان بيقول يا حلاوة
كلام جميل
بيفكرنى بالاعلان بتاع
Mtm
الفرقه اللى بتغنى
المهم بيقول ايه
علبه سمنه يا ختى عليها .........ده مرمله والبمبئ فيها

كان نفسى اعرف ايه البمبئ ده من زمان
بس انتى خلتينى اعرف
شكرا ما مظمظيل
شكرا
واخيرا وليس اخرا
بووووم شكااااا لااا كااااااااااا

[ENG_AEA]

شكرا على الموضوع

[bigsonson2003]

اسمه مظهر ابو النجا يابرنس وهو ايه البمبىء؟

[islam_shaker]

طب و لبه انتو تكونو مستفزين معانا و لازم تلبسو لبس يضايقنا رغم انكو عارفين اننا هعترض عليه؟!!

[haitham_titanic]

كلامك كله جميل بس بيحسسنى ان مفيش حاجه ورانا غيركوا علشان اعمل كل الحاجات دى هو صحيح انتوا عقلكوا بيحب التفاهات دى وانا عن نفسى معنديش مانع انى اهتم بيها بس مش لازم على طول الخط اعملها
ثم مش محتاجين ان احنا نقول ليكم ان اللبس الضيق وحش دى معروفه لوحدها

[haiam85]

nile bride klamek gameel gedan we s7 el s7 bs zy ma mria 2alet mosh kol bent onsa l2en el onosa leha mwsafat ll2asaf mafkoda el ayam de.

[Tayel2002t]

كلام جميل جدا

[Nile bride]

أنا قرأت المواضيع الي انت كاتبها وأغلب كلامك عن البنات الايام دي صح بس برضو مش كله
بعدين انت اسلوبك بصراحة هجومي وكمان في أستهزاء
انا مش بعترض عليك ولا بغلطك مافيش مانع انك تقول رأيك بس ممكن بأسلوب اهدى من كدا شوية
وعموما شكرا على مرورك وردك لانه يهمني

وسلملي على البمبئ





يا حلااااااااااااااوة
يا جدعان الممثل ده اسمه ايه دايما بنسى
كان بيقول يا حلاوة
كلام جميل
بيفكرنى بالاعلان بتاع
Mtm
الفرقه اللى بتغنى
المهم بيقول ايه
علبه سمنه يا ختى عليها .........ده مرمله والبمبئ فيها

كان نفسى اعرف ايه البمبئ ده من زمان
بس انتى خلتينى اعرف
شكرا ما مظمظيل
شكرا
واخيرا وليس اخرا
بووووم شكااااا لااا كااااااااااا

[Nile bride]

كلامك كله جميل بس بيحسسنى ان مفيش حاجه ورانا غيركوا علشان اعمل كل الحاجات دى هو صحيح انتوا عقلكوا بيحب التفاهات دى وانا عن نفسى معنديش مانع انى اهتم بيها بس مش لازم على طول الخط اعملها
ثم مش محتاجين ان احنا نقول ليكم ان اللبس الضيق وحش دى معروفه لوحدها

احنا مش عايزنكم تسيبوا كل حاجة وتفضولنا بس مافيهاش حاجة لو شاركتونا اهتماماتنا حتى لو هي تافه بالنسبالكم
وصدقني في بنات حابة تتغير بس مش لاقية الي يوجها
شكرا على ردك.

[takki]

كلام جميل جدا جدا جدا
وموضوع اكثر من رائع

[el rayk gedan]

كلام جميل وربنا مستعد أنفذه بالحرف بس الاقى الانثى الى بتتكلمى عليها

[WiNtEr SoNaTa]

بعد ماقرات هذا الموضوع...

لا اجد الا ان اقول...

رحم الله الرجال

:42:

!

[HiL@Ry]

موضوع جميل يا قمر...ربنا يوفقك دائما

تحيتى لكم ....فى رعايه الله

[kastafela]

كلام جميل كلام معقول مقدرش أقول حاجه عنه
لكن هل موجود فعلا

[teba3a]

THANKSA LOT Yzma


REALLY NICE SUBJECT

[saad28]

الكلام ممتع بجد
بس مافيش انثى للدرجة دى فى هذا الزمان
مع احترامى لكل انثى على وجة الأرض

[DYSPHAGIA]

No comment

[Ferro1]

كلام حلو جدا جدا
بس مجرد كلام
لو هي دي كل متطلبات البنات يبقى كل بنت هاتلاقي حواليها بدل الراجل الواحد 10000000 راجل(مش عارف انا كتبت كام صفر)
يا ريت الكلام بصدق يتوجه للبنات ويسبوهم بقى من موضوع المساواه واللي مش عارف ايه ده اللي خالاهم يتبهدلوا اخر بهدلة

[designer.brain]

nice topic

[SALLY_MO]

هااااااااااااااااااااااايل

[Nile bride]

أولا شكرا على الردود جميعا
تانيا على الفكرة كل واحد فيكم بيقول بس كدا انا هعمل كدا بس الاقيها صدقني مكن تكون الانثى دي معاك وانت الي مش بتعمل كدا
مع العلم برضو انها مش متوفرة ومكن كمان تكون نادرة بس على الاقل موجودة مش منقرضة.

[love_story_boy]

يسلموووووووووو علي موضوعك هذا وننتظر المزيد منك

[geen2000]

هيا مواصفات الانثونه فعلا والتي لا تمتلكها 95% من بنات اليومين دول
مع اني بنت بس دا الحق

[dark_fear2003]

طبعا صفات مش موجوده اله فى قليل من البنات دلوقتى لأن حتا البنت يوم ما تحب الرجل جدا بيتجوز وده اخر امل ومنتها البنت وكده هى وصلت لنهايه الطريق انما الرجل دى بدايه المتاعب والشقاء معاه وكل البنات كده دلوقتى القله قله يعنى

[المقتولة]

كلام طبعا جميل بس فين دة بيحصل دلوقتى مفيش كدة
المقتولة السعيدة

[أحمد أبو القمصان]

جميل جداً ربنا يكرمك

[2ouza]

كلام جميل جدا جدا جدا جدا........
وموضوع اكثر من رائع
مرسي
تقبلي مروري

[Nile bride]

ميرسي لمروركم
وبصراحة كلامكم صح نسبة قليلة من البنات هي الي كدا بس والله في
أنا بنت وصراحة مش كدا بس فيا لو حتى 5% منها

[فتاه اسلامية]

موضوع بصراحة وحش والكلام اوحش ليه المفروض لما تيجى وتعملى موضوع ما يكونش بالطريقة دى اقصد يعنى انتى تقصدى ايه من الموضوع ده وبصراحة تدافعى عن حواء ام تمدحين فيها وتغيظى ادم لو ده قصدك حاولى انك تغيره لائن ربنا اوجدنا مع بعض وما فضلش حد عن التانى بل باعكس احنا افضل خلق الله

[طوفــان]

انت انثي والمفروض يكون فيه حياء
لان الكلام ده غير لائق بانثي ان تقوله
والله يهدينا ويهديكِ

[shmosh]

لو كلامدة من تاليفك
يبقى بصراحة كويس جدا جدا

[ahlawii]

كله بيتغير بعد الجواز كمل ده هجص

[ماكــــلين الجو]

يمكن يكون الموضوع مش لطيف بس مشكوووووره
على المجهود

وتحياتى