لكل ادم..ولكل حواء ...ماتيجوا نفهم بعض...

[eng_shadyahmed]

انا بدعو كل ادم وكل حواء فى المنتدى هنا للمشاركه فى موضوعى ده
وهدف الموضوع هدف بسيط جدا فى نفس الوقت صعب جدا
الهدف اننا نفهم بعض
يعنى ادم يفهم حواء بتحب ايه ؟؟ عايزه ايه من ادم؟؟
وحواء تفهم ادم بيجب ايه؟؟ ومستنى ايه منها؟؟
تعالوا ياجماعه نقرب وجهات النظر
والنتيجه ان شاء الله ان كل واحد مننا هيفهم الطرف التانى كويس
ويستفاد من الموضوع فى حياته العمليه

[eng_shadyahmed]

مستنى الردود عشان اعرف اذا كنا نبدأ فى طرح الافكار والاسئله على الطرفين واذا كنتم هتشاركونى الموضوع ولا لا؟؟

[wolf176]

اظن اننا ممكن نتفاهم بس لما الجنيه المصرى يبقى ب4 دولار

محدش اصلا عارف هو عايز ايه عشان يفهمه للتانى
ش
بس انا معاك يا زناتى اقصد يا شادى

[oufsameh]

لا للتطبيع

[oufsameh]

لا للتطبيع مع حواء

[wolf176]

لا للتطبيع مع حواء

ههههههههههههه ايه بس ياعم الثورجى متدى فرصة للمفاوضات

[eng_shadyahmed]

ههههههههههههه ايه بس ياعم الثورجى متدى فرصة للمفاوضات
ههههههههههه انا سعيد بمشاركتكم طبعا
وبعدين ياعم تطبيع ايه بس وبتاع ايه؟؟
احنا عايزين نفهم بعض عشان نرتاح فى حياتنا المستقبليه
وانت لما ترتبط او تتجوز تبقى فاهم هيا بتحب ايه من غير ماتقولك
والعكس للبنات برده
ياجماعه احنا بجد محتاجين نفهم بعض...
معايا ولا ايه يااخوانا؟؟

[hagar20]

موضوع جميل ياشادى ياريت فعلا كلنا نفهم بعض كويس حنعيش مرتاحين.كل اللى حواء عاوزاه من ادم الحب.والامان. والحنان يا ترا دا كتير؟صدقنى لو ادم عمل دا حيرتاح ويريح حواء

[kokilina]

اعتقد ان حواء تعوز من ادم انه يحترمها ويحترم قراراتها وارادتها الحره ويحترم انها مش جاريه وانهاانسان زيها زيه ليها نفس الحقوق والواجبات وانها مش مخلوقه لاسعاده وراحته ..يحترم ذكائها وتفكيرها ويحترم نجاحها وشخصيتها المستقله من غير ما يحاول يغير من نجاحها او يحقر منه ويعتبر انه شئ زائد مالوش لازمه...يحترم حقها فى انها تكون مستقله عنه وتعيش معاه عشان هى عاوزه ده مش عشان هى محتاجه ليه..يحترم استقلاليتها من غير ما يخاف على عرشه المزعوم منها ..مينصبش نفسه ملك وهى الجاريه اللى تحت ايده ..اعتقد انها مش مطالب صعبه ..بس مستحيله

[eng_shadyahmed]

شكرا اوى ياهاجر على مشاركتك وتابعينا
وشكرا ياكوكيلينا على ردك بس عايز اقولك
انه مش مستحيل ان الراجل يعمل اللى انتى
طلبتيه....
عموما يامعشر الرجال توصلنا الى ان المرأه
تريد الحب والحنان والاحترام والامان
ولسه كمان هنعرف حاجات تانيه
ومستنى مشاركات كل ادم وكل حوا

[lyonaids]

معلش يبني انتا يبني انت يا اكسلانس انت وكل البنات ..واللي ردو

منهن يعني :mdr:

انا بقي شايف ان لا يمكن لاي ادم انه يفهم اي حوا بالصلاه علي النبي !!

وان انا عن نفسي عايز اتجوز خدامة ...!!أه..وش ..انا بقي يا جدعان

رجعي ...ولسه عايش في عصر سي السيد ..بتاع لمي هدمك وهدومي وهدوم

العيال وروحي ليور مازر يا أمييينااااااااا..!:39:

اه من الأخر كدا..

وماعنديش غير الكرباج ..

من الاخر ...

انا اكتر حاجة بتغيظني العيال دي اللي بتلبس بادي بمبي بترتر!

زي حلاوتها ام حسن بالضبط...والنبي ده راجل ده ..

وبطل ياعم انتا يا عمرو يا واكد تقعد تقوللي: توصلنا ان المشاميش

عايزين الحب والحنان والاحترام والامان ..هه:mdr:

انا ما بعترفش بالحب ...!! حنيه ؟ اه ماقلناش حاجة ..

امان.؟ اه بردو ما عترضناش علي حاجة ...!

الاحترام ؟..ومالو.. يجوز نطلع حبتين كدا كل عيد ام ..!!

انما تقوللي اخليها الملكة بتاعتي ..وفارسة احلامي وانا ابقي

السايس بتاع الفرس ...لا معلش..بعييدة اوي دي بأه ..!!

انا فتاة احلامي ما احلاها وهي ماسكة المنفضة وبتنفض ..

و ماسكة العيل كدا وريحتهم الاتنين محشي !!:mdr:

هيا دي البنات ..

هي دي النص الاخر لأدم يا مواطن!!

قال ملكة قلبه قال ..!!

صباح الفل يا بناويت !

[kokilina]

ايوه كده اظهر وبان يا ليونايدس ...اتاريك قعدت هيفاء وهبى بجلاله قدرها فى الوادى وخليتها تحلب البقره...يا سيدى يا سيدى واذا كان على المحشى نص مصر دلوقتى بقى ريحتها محشى...هيييييص يا عم

[eng_shadyahmed]

هههههههههه ماشى ياعم ليونايدس
اولا شكرا على ردك
ثانيا انا معاك ان صعب اوى ان ادم يفهم حوا وان حوا تفهم ادم
والموضوع بتاعى ده مجرد محاوله جايز نفهم بيها بعض ولو بنسبة 70%
ثالثا بقى انا ماقلتش تبقى هيا فارسة احلامك وانت السايس بتاعها
بس ليه مايبقاش ادم وحوار راكبين مع بعض على الحصان
ورابعا بالنسبه لصفات فتاة احلامك دى حاجه تخصك وادام انت شايف
انها كده هتملى عينك وتريحك يبقى بجد ربنا يوفقك وتلاقى الانسانه دى

بالنسبه للاخت كوكيلينا انا قريتلك ردود كتير على مواضيع تانيه
ولاحظت ان معظمها اعلان عن حقوق حواء على ادم من ناحية الشغل
طب عايز اعرف وجهة نظرك فى حقوق ادم

[lyonaids]

ايوه كده اظهر وبان يا ليونايدس ...اتاريك قعدت هيفاء وهبى بجلاله قدرها فى الوادى وخليتها تحلب البقره...يا سيدى يا سيدى واذا كان على المحشى نص مصر دلوقتى بقى ريحتها محشى...هيييييص يا عم

كووووكيييي....؟...فيييه حاجه:mdr:

أيوة بأه بصراحة انارجعي وبحب الاضطهاد..ولعلمك بأه ..

البت دي اللي ي ي اسمها هيفاااء دي ؟..

انا حتي لما ييجي معاد نومنا بخليها تنام لوحدها في الجنينة ..

ما بتقعدش معايا في القصر خالص ..

واديكي شايفة اد ايه هيا مبسوطة انها متجوزاني ..!

بس للأسف هيفاء كل اكلها لبناني ومالهاش في المحشي ...!!




عشان كدا قررت اتجوز عليها ...:mdr:

[lyonaids]

هههههههههه ماشى ياعم ليونايدس
اولا شكرا على ردك
ثانيا انا معاك ان صعب اوى ان ادم يفهم حوا وان حوا تفهم ادم
والموضوع بتاعى ده مجرد محاوله جايز نفهم بيها بعض ولو بنسبة 70%
ثالثا بقى انا ماقلتش تبقى هيا فارسة احلامك وانت السايس بتاعها
بس ليه مايبقاش ادم وحوار راكبين مع بعض على الحصان
ورابعا بالنسبه لصفات فتاة احلامك دى حاجه تخصك وادام انت شايف
انها كده هتملى عينك وتريحك يبقى بجد ربنا يوفقك وتلاقى الانسانه دى

بالنسبه للاخت كوكيلينا انا قريتلك ردود كتير على مواضيع تانيه
ولاحظت ان معظمها اعلان عن حقوق حواء على ادم من ناحية الشغل
طب عايز اعرف وجهة نظرك فى حقوق ادم


يا عمرو يا واكد يا مونبيه والنبي كفاية بأه تقولي حصان انتا وهيا .

واحمد بيحب مني وحياتك ...!! هه:mdr:

والنبي احنا لو فهمنا حواء واحدة بس

واحدة بس ..

انشاللا خيرية بتاعة الجبنة والجرجير اللي في سوق العبور..:::


ممكن اقوللك ان احنا ممكن نعمل بأه ساعتهااي حاجة ..انشالله ناخد كاس

العالم ياعم ..!!

او انك يا شادي تبقي عمرو واكد ..:mdr:

[kokilina]

اكيد مش هانكر حق ادم بس ادم مش محتاج حد يطالب بحقه..ادم واقف معاه المجتمع كله والناس والدنيا كلها ..وبعدين فكرتى المبسطه عن حقوق ادم باختصار شديد اوى اوى زى مايكون ليك صاحب قريب منك وزى اخوك واكتر كمان وبيقف معاك مواقف جدعنه ومراعيك اخر مراعاه ..يبقى حقه عليك انك تعامله زى ما هو بيعاملك تمام..فهمت الفكره ؟ يعنى حق ادم عليا انه زي ما بيعاملنى كويس اعامله انا كمان كويس ويمكن احسن واقدم الخير بزياده لما الاقيه جدع ومقدم الخير معاه ..مش كده ولا ايه ؟ ارجو تكون فكرتى وصلت
اما بقى لعمنا الكبير اوى اوى ليونايدس..ريحت التبوله بتاعت هيفا وصلت لحد عندنا فى البيت وجوعتنا منها لله...وبعدين الدنيا برد حرام عليك تنيمها فى الجنينه فى البرد ده يا راجل..طب حن عليها وخليها تنام فى الحظيره مع الفراخ ولا الاسطبل مع الاحصنه اهى تدفا شويه باى حاجه اتارى يا عينى البت عصعصت ونشفت..وعموما عروستك التانيه عندى وريحه المحشى بتاعها قالبالنا الدنيا

[lyonaids]

هههههههههههه يا سلاااام هتجوز بقي عشان الاكل أنا ...

لا طبعا هو زي ما قلتي ان هيفاء فعلا نشفت ...!!!

بس انا هسمع كلامك و هخليها تنام معايا النهارده .





علي الارض كدا جنب السرير..:mdr:

[eng_shadyahmed]

هههههه
بقى انت ياعم ليونايدس لو هيفاء معاك هتسيبها
تنام فى الجنينه لوحدها.....ياراجل قول كلام غير ده
ده انت لو معاك عيشه الكيلانى مش هتسيبها تنام لوحدها

[lyonaids]

بس يا اكسلانس انتا ما تشتمنيش ..هه
عيشة الكيلاني ..؟ ...هزلت..!!

يبني هيفاء دي اصلا كل يوم بتعمل خناقة وبتعيط جامد عشان اغير رايي

وماتجوزش عليها .!!

.تعمل ايه بقي بتحبني ..:mdr:

[eng_shadyahmed]

هههههههههه
ااه ده باين الموضوع بجد
طب ماتكلمهالنا ياعم تشوفلى اليسا
نظامها ايه اوتوماتيك؟؟ ولا من غير؟؟

[kokilina]

تلاقى ليونايدس واخد اليسا كمان ومدكن عليها..انقل العطا على انجلينا جولى بقى يا باشمهندس شادى ...الا صحيح يا ليونايدس عملت ايه فى ميج رايان ؟ البنت حيلها اتهد من الجرى وراك اديتها استماره سته ؟؟؟؟؟؟؟

[eng_shadyahmed]

هههههههه
المهم بقى عشان مانخرجش من الموضوع
عايزين كل ادم يقولنا هو عايز ايه من حوا
؟؟؟؟؟

[dalila7777]

واشمعنى ادم يا مان ما حوا كمان ليها راى ولا هو الراى اتكتب باسم الرجاله واحنا وحشين ومالناش نفس عنصريه

[dalila7777]

[size="3"]بصراحه عايزين الادب والاخلاق الرجل ما بياثرش البنت اوالست الا بلاحترام اما المهزق فبيدفعها ولا اراديا انها تشتمه بجد بترتاح لهزيتمه ومرمطتت كرامته زى ما هو بيسعد لالمها اما اللى بيحترمها فبصراحه بيبقى تاج على راسها وللعلم يعنى بتخليه يعيش اجمل قصة حب بتكون بنته واخته هو ملاذها وهى ملاذه حب وشعور واحساس احساس عالى مشترك بين اتنين مهما كانت قسوت الظروف بيبقى حب
لو حد فهم معنى الحب حيفهم كلامى الرجل بتعذيبه للمراءه ممكن يشوف النار ولو حسسها بحبه بدون ابتذال حيكون روحها حيكون البيه بتاعها وهى الهانم
عارفين زمان كانت الست يقولها جوزها يا هانم والسيده
تقول الافندى بتاعى او البيه الا لو كان ظابط فبيبقى الباشا المهم يعنى كل اللى عايزاه اى ست الحب والتراحم والحنيه وكمان العيشه الكريمه معقول حتلاقى كل ده وتقول لا
وماتحترمش زوجها الا اذا كان هناك سوء اختيار الرجل ما يلمش الا نفسه لان المجتمع مفتوح يقدر ينقى ويختار ما
يريد ما يلمش الا سوء اختياره اما لو كانت على خلق ولقت انسان فظ سى السيد معاه الكرباج حيحطمها ومش حيبقى الا انسان معدوم من اشياء كتير واولها احساسها بلامان حتصرخ حتتمرد حتقول لا مين مننا ما شفش ظلم لام او اخت او حتى قريبه وقال منه لله ده ما يستهالهاش يا جماعه الست مش عايزه الا الامان والرحمه اديها الامان وبس حتديك عينيها وروحها وحياتها لكن مين يسمع :2:

[lyonaids]

تلاقى ليونايدس واخد اليسا كمان ومدكن عليها..انقل العطا على انجلينا جولى بقى يا باشمهندس شادى ...الا صحيح يا ليونايدس عملت ايه فى ميج رايان ؟ البنت حيلها اتهد من الجرى وراك اديتها استماره سته ؟؟؟؟؟؟؟

ههههههههه لا طبعا يا كوكي انا خلاص كتبت علي هيفاء ومبسوطين مع بعض..

اما ميج رايان فدي بنت بيئة اساسا ..بعد ماكانت هتموت ورامية الجتة

قلبت بجنان وبقت تجري في كل شارع تزعق ...!

بس انا زي ما كنت كاتب عالصورة .:

.بطلي تلقيح جتت..وعمري ما هبصلك:mdr:

ولا عمري هالتفت ليكي عشان طريقتك رخيصة ..:mdr:

[medo80360]

ههههههههه لا طبعا يا كوكي انا خلاص كتبت علي هيفاء ومبسوطين مع بعض..

اما ميج رايان فدي بنت بيئة اساسا ..بعد ماكانت هتموت ورامية الجتة

قلبت بجنان وبقت تجري في كل شارع تزعق ...!

بس انا زي ما كنت كاتب عالصورة .:

.بطلي تلقيح جتت..وعمري ما هبصلك

ولا عمري هالتفت ليكي عشان طريقتك رخيصة ..

هههههههههههههههههههههههههههههههههههههههههههه

يالهوي على الرجعيه فعلاً ...

بس على فكرة , لو انت كده في الحقيقه .. زي ما قلت في اول الموضوع ..

يبقى صدقني انت معقد .. :)

[kastafela]

http://img155.imageshack.us/img155/4858/6de03c546dbf0.gif
سأل الرجال هل يمكن تطويع المرأة وترويضها و كيف يتم ذلك ؟

أجاب البعض : نعم يمكن تطويعها من دون تحفظ

بالمعاملة الحسنه

بالكلمة الطيبة

بالصبر والحكمة

بالتفاهم على أساس الحوار
…..

أجاب البعض يمكن تطويعها بشروط مسبوقة :

إذا أحبت المرأة الرجل تمنحه كل شئ

إذا اخلص الرجل للمرأة وهبته عمرها

إذا أراد الرجل تطويعها وهي وافقته على ذلك

…..
أجاب البعض الآخر لا يمكن تطويعها أو ترويضها :
لان هذا من سابع المستحيلات

لان المرأة غدارة وذات حيل

لان المرأة كالحيه ولا يمكن ترويض الحية

لا يوجد رجل بمقدوره السيطرة على المرأة

كل شئ في العالم يمكن تطويعه وترويضه إلا المرأة لأنها داهية

كل شئ في العالم يروض إلا المرأة التي تروض كل شئ بينما تبقى هي شامخة..

……………………..

وسألت النساء هل يمكن ترويض الرجل وكيف ؟
كانت أجابه قسم منهن : نعم يمكن ترويضه من دون تحفظ :

بالصبر والتعود .

الرجل كالطفل يحتاج دوما للمرأة ولا يستطيع الاستغناء عنها ويمكن ترويضه بالإقناع والصبر وطول البال .

أسلوب المرأة هو الأساس في كل شئ خصوصا أن كيدهن عظيم لكن إلى درجه معقولة .

بالاهتمام به ورعايته ومعاملته بالرفق واللين والتدلل والدلال

احترام رأيه وكلامه ومراعاة مشاعره وأحاسيسه ومطاوعته في كل شئ بطريقه ذكيه .

بالصدق والحب والتفاهم والإحساس به وبكل شئ يتعلق بحياته واحترام استقلاليته .

الإقناع الدبلوماسي الخالي من الضغوط يلعب دورا مهما في ترويضه

أن تكون صديقته بالاضافه إلى كونها زوجته تشاركه أحزانه وهمومه وتستمع إليه دائما .

بالكلمة الطيبة والعطاء والمساندة والدعم في كل الأوقات خاصة في وقت الشدة .
…..

أجاب القسم الثاني : نعم يمكن ذلك لكن بشروط :
إذا شعر الرجل بضعفه

إذا أراد الرجل ذلك بمزاجه

إذا كانت شخصية الرجل ضعيفة

إذا كانت شخصيتها قويه ولها نفوذ وتأثير ساحر عليه.
…..

أجاب القسم الأخير : لا يمكن ترويض الرجل أبدا :
لانه شرس

لان الرجل متعصب بطبيعته

لأن من شب على شئ شاب عليه

لان الرجل لا يقبل بانعدام شخصيته أمام المرأة

لان الرجل ذو شخصية قويه ويضعف فقط عندما يريد .


لان الرجل مزاجي بطبعه ويخضع للمرأة حسب حاجته ورغبته

لان شخصيته لا تسمح له بأن يكون ضعيف أمام المرأة لان الرجل مثل البحر غدار ويجب ألا تأمن له المرأة حتى وان طاوعها.

[eng_shadyahmed]

بجد كلامك جميل ومفيد جدا
وياست دليله انا بقول دعوه لكل ادم ولكل حوا
وشكرا جدا على مشاركتك الرقيقه
ومستنى مشاركات كمان من كل ادم وكل حوا
عشان كل حد يقول عايز ايه من الطرف التانى؟؟