المساعد الشخصي الرقمي

مشاهدة النسخة كاملة : ممنوع البوس......!!

el rayk gedan
30-11-2007, 03:36 PM
انهارده وانا بقلب فى النت صادفنى مقال غريب جدا مقال من نوع خاص

خير .......ايه الى حصل .........وقعت قلبنا

طولوا بالكوا بس يجماعه مفيش حاجه مستهله القلق ده كله

طيب قولنا فى ايه وانجز

طيب خلاص هاقول أهو

وانا بقلب يا أستاذ انت وهو وياأستاذه انتى وهى

لقيت أيه

دكتور مصرى يعلن انشاء جمعيه لمنع القبلات بين الازواج بتاريخ 13/6/2007

ايوة ياعم صدق...... وعهد الله مابكدب

بصراحه انا اتخضيت اول ما سمعت الخبر وحسيت ان حياتى معدتش ليها معنى

المهم سيبكوا من الدراما دى

الدكتور عادل عاشور أستاذ طب الاطفال بكلية طب من بقوك....... آآآآآآة قصدى بكليه طب القاهرة

بيعلن عن رغبته فى انشاء جمعيه لمنع القبلات بين الازواج (عارف ان 3 تربع شباب الديفيدى أحلامهم انهارت )

طيب ايه الى خلاه يقول كده ياعم الرايق وخلص فى يومك

والله هقول كل حاجه بس انت اصبر عليا أخد نفسى حتى وصفى نفسيتك من ناحيتى عشان ربنا يبركلنا فى ام الموضوع المنيل ده

اقولك بقى ياسيدى ايه الى خلاه يقول كدا

المعلم بيقول ...قصدى الدكتور بيقول ان السبب الرئيسى لطرحه فكرة انشاء الجمعيه

ان كافة الابحاث الطبيه والمجلات الطبيه العالميه أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية والميكروبية وأبرزها الأمراض الجلدية .. ويأتى على رأسها حب الشباب .. ومن الأمراض الميكروبية زى مجموعة الميكروبات العنقودية وهي ميكروبات موجودة في فم الإنسان بصورة طبيعية .. كذلك الحمى الشوكية والأمراض الفيروسية التي تنقلها القبلة كمان زى الزكام والرشح والى يجب عدم الاستهانة بها .. حيث قد تصيب الخلايا المبطنة لخلايا المخ وينتج عنها ارتفاع شديد في درجة الحرارة يصعب السيطرة عليها وقد تؤدى إلى الوفاة في بعض الأحيان .. أيضا التهاب الغدة النكفية وكذلك الحصبة الرمادية والألمانية والفيروسات الكبدية .. وأكد أن الجمعية تضم في عضويتها كافة التخصصات الطبية لشرح الآثار السيئة للقبلة .. وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الإسلامي تحرم القبلة في غير الإطار الزوجي .. وقد أكد العلم على وجود إضرار جسيمة لذلك وعن أراء المواطنين حول هذه الجمعية المزمع إنشاءها تنوعت الآراء بين الرفض والقبول هدى محمد طالبة بكلية العلام .. وصفت الإعلان عن الجمعية بأنه كوميدي ولا يهدف سوى إلى لفت النظر إلى القائمين عليها إذ افتقد الإعلان عن منع القبلات الأساليب التي سوف تتبع للتأكد من حدوث هذا المنع
طيب بالله عليك الى عنده الامراض دى ايه الى يخليه يكمل فى الدنيا ويتجوز كمان ؟ ومين ده أصلا الى مستغنى عن عمرة وهايتجوز واحده او واحد عنده الامراض دى

وبعدين الكلام الى بيقوله الدكتور ده بيتناقض مع كلام هيفاء وهبى لما قالت بووووس الواااااااااوا بالفم المليان
(معلش ياليونايدس ياحبيبى انا عارف ان كده اتعديت على خصوصيتك لكن الافية نقحت عليا)

بس يجماعه يعنى الواحد لما يجى بيوس زوجته يتمضمض بمحلول البيتادين
ويدهن شفايفه بردو بمحلول البيتادين وبعد ميخلص البوسه يتف تلات مرات ويشرب كباية
أكيد بيتادين .. ربنا يشفيك يادكتور ويبشبش الطوبه الى تحت راسك

دة الواحد بيبقى لسة سايب صاحبة من ربع ساعة يشوفة يقوم نازل فية بوس .. بوس
اخوى طبعا .. وكمان عايز تمنعة بين
الأزواج .. لا دة كده الواحد يلحق يتجوز قبل ميبقى قرار ويتناقش في مجلس الشعب

يعنى لو واحدة اسمها بوسى تغيره ويبقى متبوسيش بس كده أتحلت خلاص
مع تحيات شركه متبوسيشى لانسر
يا عم بوس اية اللي عايز تمنعه ؟؟

طيب بالنسبه لرغيف العيش لما يقع على الأرض أجيبه وأبوسه ولا غلط
يا حلاوة على العلم واللي بيتعلموه
وأحب أقول لسعادة الدكتورة الفاضل ادرسلك حاجة تنفعك أحسن
وسيب الناس تبوس ياعم وبلاش وساوس

انا عايز اطمن الدكتور ده وأقوله انه ولله الحمد معظم الأزواج في مصر مابيبسوش بعض أصلا !!
بوس ايه يا عم بلاش قلة أدب
هوه احنا بنتجوز وندفع دم قلبنا ولاد وبنات علشان نبوس !! ايه المسخرة ديه !!

وفى النهايه أحب أقول للدكتور ده روح شوف العيش المسرطن والا الشيبسى والا المياه المجارى
ولا الخضروات المسرطنه والهرمونات والا والا والا والا والا وبعدين أتكلم على البوس

مستنى رأيكو ياشباب عشان والله تعبت فى الموضوع ده
haitham_titanic
30-11-2007, 04:02 PM
لا بالله عليك بلاش انا مستنى اتجوز لكن كدة هاتجوز ليه
el rayk gedan
30-11-2007, 05:17 PM
لا بالله عليك بلاش انا مستنى اتجوز لكن كدة هاتجوز ليه

ايه بس يا هيثم الى مزعلك؟؟:31:

ده راجل فاضى ومش لاقى اى حاجه يعملها قام قالك اما اقوم امنع البوس..:thumbdown:

ومرسى لمرورك يا زملكاوى
B.O.S.S
30-11-2007, 05:26 PM
ما علينـــــــــــــا
el rayk gedan
30-11-2007, 05:37 PM
ما علينـــــــــــــا

الله على الكلام الى مليان عبارات ملهمه

بجد بجد بجد مرسى على ردك

وتعليقك الرائع

وشكرك

وزوقك

ياراجل ده حتى النك نيم بتاعك اسمه بوس
maxx_4ever
30-11-2007, 07:18 PM
ههههههههههههههههههههههههههه

الفاضي يعمل مشروع قرار في مجلس الشعب هههههههههههههههه
و بعد كده المتجوزين يطلعلهم قرار تفتيش مفاجئ هههههههههههه

بس هي فكرة برضوا بجملت البلاوي اللي بنسمعها اليومين دول
hazemalpha
30-11-2007, 07:36 PM
طيب ما انا في كلية الطب (اسكندرية) و البوس عندنا على ودنو عادى يعني
ايه الناس المعقدة دى؟؟؟؟
الدكتور دة شكلة محروووووووووووووم
ENG_AEA
30-11-2007, 07:42 PM
طيب ما انا في كلية الطب (اسكندرية) و البوس عندنا على ودنو عادى يعني
ايه الناس المعقدة دى؟؟؟؟
الدكتور دة شكلة محروووووووووووووم

ههههههههههههه فعلا شكلها كده
lyonaids
30-11-2007, 10:01 PM
قشطة يا رايق ..ضيقها كمان وكمان ..

بعد القهوة ..والمواضيع دي كلها جاي حضرتك بتحرم البوس ..

لا معلش بقي .....

البنطلون لأ......!!






ايه ده ...كل دي امراض بيجيبها البوس .؟؟!!






البنطلون آه...:mdr:
el rayk gedan
30-11-2007, 10:12 PM
قشطة يا رايق ..ضيقها كمان وكمان ..

بعد القهوة ..والمواضيع دي كلها جاي حضرتك بتحرم البوس ..

لا معلش بقي .....

البنطلون لأ......!!






ايه ده ...كل دي امراض بيجيبها البوس .؟؟!!






البنطلون آه...:mdr:


الحمد لله انك مخدتش بالك من الى قلته عن هيفاء

وبعدين انت مش عجبك الموضوع ولا ايه

ده انت سنتك معايا طويله :53:
lyonaids
30-11-2007, 10:26 PM
انا فعلا بعد الكلام اللي قلتة عالبوس ده هيفاء مش هتبوس الواوا.

دي هتعمللي انا الواوا..واقعد انا أبوسها!!


منك لله يا رايق ..!!
djmido_pop
30-11-2007, 10:31 PM
لالالالالالالالالالالالالالالالالالالا
لحد كدة وكفاية
تمنعو البوس انهادا بكرة تمنعو حاجة تانية( لالالا)
كريم كرم
30-11-2007, 10:35 PM
ههههههههههههههههههههه
بجد موضوع جامد اوى
وصحيح احنا هنعمل ايه لو ده حصل
وساعتها بقى مراتتنا تقولنا لا انت مسمعتش الدكتور الفلانى وهو بيقول كذا كذا
دكتره اخر زمن
el rayk gedan
30-11-2007, 10:59 PM
منك لله يا رايق ..!!

بتدعى عليا يا ليو :31:

مااااااااشى خد راحتك خالص

وربنا ماسيبك:53:
ali refaat
05-12-2007, 09:05 PM
هى بقت كده

ماشى على العموم لو حصل القرار

هنقول الصبر نقفذ يا حكومه

وده مش هيحل طبعا
elnomrsy
07-12-2007, 01:43 AM
و الله مواضيعك احلى من بعض
المهم

أمال بوسى سمير تعمل ايه متبسش سمير
حرام عليكم طب سمير ذنبوا ايه تظلموه

سلامى ليك و بقية الزملا
MOON___LIGHT
07-12-2007, 04:56 PM
اية الدكتور الفايق دة ...عموما مش فارقة
تسلم ايدك يا مان
s.farouk
08-12-2007, 12:50 AM
شكراااااااااااااليك يا مان
el rayk gedan
15-12-2007, 12:12 AM
نورت التوبيك يا s.farouk
ومرسى لمرورك
eng_dody_do
15-12-2007, 08:27 PM
هههههههههههههههههههههههههههههههههههههههههدج
هههههههههههههههههههههههههههههههههههه
بجد انا موت من الضحك على طريقتك فى الكلام و عرض الموضوع

ياعيني على مرات الدكتور ده



طيب بالله عليك الى عنده الامراض دى ايه الى يخليه يكمل فى الدنيا ويتجوز كمان ؟ ومين ده أصلا الى مستغنى عن عمرة وهايتجوز واحده او واحد عنده الامراض دى

معاك حق هو اصلا اللى عنده كل الامراض دى هيبقي عايش اصلا عشان يبوس

و بعدين محدش لية دعوه بأة احنا عاجبنا كدة
بنحب الامراااض احنا حرين

و بعدين انت بتكلم ميييين دحنا الشعب المصرى اللى حسب الدراسات العلمية المفروض انه يكون انقرض علميا و عمليا من كتر التلوث و الامراض المحيط بينا

اهدا كدا يا عم الدكتور و صلى على النبى
دحنا جامدين اوى
el rayk gedan
16-12-2007, 02:06 AM
على رأيك يا بشمهندس احنا الشعب المصرى الى لو كل زباله حتى الميكروبات هى الى هتموت
الى لو نزل الترعه البلهارسيه هتروح تحلل

وشكرا لمرورك يا بشمهندس
lakaleko
24-12-2007, 04:03 AM
هاهاهاهااهاها
بجد اسلوبك يموت من الضحك
و على فكره انا كليه طب0قناه السويس) يعنى اوعى البوس
و احنا عندنا دكتور باطنه متعقد برضه من البوس كان قلنا على الموضوع داه و قعد يقولنا انا هاعقدكم من البوس
Keroghee
29-12-2007, 07:41 PM
حتى البوس مش سايبينه حراااااااااااااااام عليكم ده البوس ده كان الحاجة الوحيده اللي مصبرانا...... دلوقتي الواحد يتجوز ليه يعني
انا متهيالي ان لو الدكتور ده كان في امريكا و قال الكلام ده كانوا اغتالوه او فجروه
وشكرا اوي عال الموضوع الجميل جدا ده و الاسلوب الرائع انا كنت بموت من الضحك و انا بقرا
shery050
29-12-2007, 08:55 PM
ههههههههههههههههههههه
ناس فاضية ..
خلاص حلينا مشاكل البلد والشعب قاعد البوس ..
دا غير اصلا ان 3/4 المتجوزين مبيبوسوش بعض والربع الباقي بيبقى في شهر العسل ...
تسلم ايدك ع الموضوع الظريف يامان ...
an an
30-12-2007, 01:21 AM
الدكتور بيخالف السنه النبويه لان رسول الله صلي الله عليه وسلميقول فيما معني الحديث الشريف في اتيان احدكم لزوجته بها حسنه فقال الصحابه يا رسول الله اياتي احدنا شهوته وله فيها حسنه؟ قال ارايتم ان وضعها في حرام فله فيها ذنب)
ارجو عدم الغضب مني لعدم حفظي لنص الحديث و شكرا لموضوعك
el rayk gedan
30-12-2007, 04:01 AM
أن أن
شكرا لمرورك ومشركتك الجميله بس انا عايز أوضح حاجه
الى قولته ده ملهوش علاقه بالبوس اطلاقا وده بيتكلم على الجماع بين الزوج وزوجته مش البوس

انا طبعا مش بغلطك وولا مع الدكتور فى كلامه
بس انا حبيت أوضحلك الكلام أكتر
وشكرا تانى مرة على المرور
el rayk gedan
30-12-2007, 04:19 PM
هاهاهاهااهاها
بجد اسلوبك يموت من الضحك
و على فكره انا كليه طب0قناه السويس) يعنى اوعى البوس
و احنا عندنا دكتور باطنه متعقد برضه من البوس كان قلنا على الموضوع داه و قعد يقولنا انا هاعقدكم من البوس

ياعم دى عالم فايقه وبعدين اذا كان التلامس بالشفاه ينقل المرض
اذا الجماع هو كمان بينقل الامراض دى وةأكتر منها كمان

يبقى الاصل ان لو حد فيه الامراض دى يتعالج منها الاول وبعدين يبقى يبوس براحته أحسن لو نفض وقعد يبوس يبقى هيموت هيموت لا جدال
أمال يعنى هيشتغل ازاى وهو فى الحاله..:mdr:
el rayk gedan
30-12-2007, 04:24 PM
حتى البوس مش سايبينه حراااااااااااااااام عليكم ده البوس ده كان الحاجة الوحيده اللي مصبرانا...... دلوقتي الواحد يتجوز ليه يعني
انا متهيالي ان لو الدكتور ده كان في امريكا و قال الكلام ده كانوا اغتالوه او فجروه
وشكرا اوي عال الموضوع الجميل جدا ده و الاسلوب الرائع انا كنت بموت من الضحك و انا بقرا

ههههههههه أمريكا أيه ياباشا لو كان بيقول الكلام ده قدامى كنت جبت رقبته
وأنا معاك فى كلامك فعلا دى الحاجه الوحيده الى كنت مستحمل قرف الدنيا عشانها
جايين دلوقتى يمنعوها
يبقى أنتحر أحسن..:mdr:
el rayk gedan
30-12-2007, 04:29 PM
ههههههههههههههههههههه
ناس فاضية ..
خلاص حلينا مشاكل البلد والشعب قاعد البوس ..
دا غير اصلا ان 3/4 المتجوزين مبيبوسوش بعض والربع الباقي بيبقى في شهر العسل ...
تسلم ايدك ع الموضوع الظريف يامان ...

أه امال أيه لازم يعقدوها طبعا
يعنى ينفع يخلوا الناس تبقى مبسوطه ولو بأقل شئ هه ينفع ؟؟
طبعا لازم يعقدوكى فى حياتك من العيشه ومن جوزكك
ماهو لو كل الناس عايشه مبسوطه..مين بقى الى هايتشل وينتحر؟؟..:mdr:
prosecutor.mohamed
30-12-2007, 08:42 PM
ازاى يعم فيه حاجة اسمها ممنوع البوس برده؟؟؟؟؟؟؟؟؟؟؟؟؟؟؟؟؟ اه يا بلد
@viper2@
30-12-2007, 08:56 PM
اخي الكريم الدكتور يقصد البوس
في الحرام ممنوع ,,,
el rayk gedan
30-12-2007, 09:39 PM
يا أستاذ فايبر اولا انا شكرا على مشركتك وردك
ثانيا الدكتور بيتكلم عن البوس عموما وبيتكلم عن أضراره
وبعدين هو البوس فى الحرام هينقل أمراض وفى الحلال مش هينقل ..؟؟
wolf9
02-01-2008, 05:58 AM
ههههههههههههههههههههه
دكتور ما دكتوراش أحنا ميهمناش ....و أتك ع الزرار هنرفع الشعار
بالبوووووووس و الحضن هنكمل المشوار ....و سلملي ع الملوخية و بلاش
الخيار ههههههههه

تحياتي يا رايق
RA2ED_NEGM
02-01-2008, 06:27 AM
ربنا حلل للزوج والزوجة كل شىء يستمتعوا به مع بعضهم فى نطاق الحلال
ولكن كدة بقا يبقا البوس حرام شرعاً لأنه فيه ضرر واذى :0:
ولكن اللى ممكن نفهمه من كلام الدكتور دة
إنه لابد وأن تتوافر شرط النظافة بين الزوجين حتى لا يحدث ضرر لأى منهما وهذا هو مضمون الموضوع تقريباً ودة الى الدكتور عاوز يشرحه بس هى وسعت منه شوية :glasses:
GHOST RIDER™
03-01-2008, 09:52 PM
مع احترامي لكلام الجميع امراض مش امراض هبوس يعني هبوس ده اكيد هيبقي حقي يعني ايه انا عايش في الحياه علي البوسه قصدي بتصبر وانت تقولي مفيش بوس هههههههههه
dr_ashry
03-01-2008, 11:28 PM
سيبك منه دا الدكاترة أحسن ناس بتبوس
وبعدين بذمتك اسأل صاحبنا ده في بيته بطل بوس ولا؟؟؟؟؟؟؟؟؟
kala_azar
08-01-2008, 07:18 PM
أنا قريت الموضوع و بعدين قعدت يوم كامل علي ما تداركت الصدمة و عرفت أتماسك و أحط إيدي علي الكيبورد و أكتب رد
مش ممكن هايمنعو البوس كده فاضلنا إيه ده حتي يبقي حرام
و بعدين داحنا لو متنا قبل مانبوس داحنا نخش الجنة حدف:2:
SHIKO_1986
09-01-2008, 09:18 PM
ارجوك مــتـســمــحـش لـنــفـسك بـتـقـيـيـم الـموقـف بدون دراسه مسبقه و الا هـتـخـرج بـمفهوم خاطىء يـنـعكس على رغبتك ابتدائن في تـلـويث الاخرين ..
الامـر اللي فـي النهـايه يجعلني ادافع عن صديقي بصرف النظر عن اي اعتبارات اسريه بعيده عن ارض الواقع
مـــــشـــربــــش الـــشـــاي اشـــــرب أزوزه أنـــــــا
طوفــان
09-01-2008, 09:28 PM
djmido_pop

لالالالالالالالالالالالالالالالالالالا
لحد كدة وكفاية
تمنعو البوس انهادا بكرة تمنعو حاجة تانية( لالالا)



shery050

ههههههههههههههههههههه
ناس فاضية ..
خلاص حلينا مشاكل البلد والشعب قاعد البوس ..
دا غير اصلا ان 3/4 المتجوزين مبيبوسوش بعض والربع الباقي بيبقى في شهر العسل ...
تسلم ايدك ع الموضوع الظريف يامان ...


dr_ashry

سيبك منه دا الدكاترة أحسن ناس بتبوس
وبعدين بذمتك اسأل صاحبنا ده في بيته بطل بوس ولا؟؟؟؟؟؟؟؟؟


wolf9

ههههههههههههههههههههه
دكتور ما دكتوراش أحنا ميهمناش ....و أتك ع الزرار هنرفع الشعار
بالبوووووووس و الحضن هنكمل المشوار ....و سلملي ع الملوخية و بلاش
الخيار ههههههههه

تحياتي يا رايق




والله فعلا عيب جدااا ان يعرض هذا الموضوع بقسم النساء
ولا انت مش معايه ... واللبيب بالاشارة يفهمو
el rayk gedan
09-01-2008, 10:52 PM
ههههههههههههههههههههه
دكتور ما دكتوراش أحنا ميهمناش ....و أتك ع الزرار هنرفع الشعار
بالبوووووووس و الحضن هنكمل المشوار ....و سلملي ع الملوخية و بلاش
الخيار ههههههههه

تحياتي يا رايق

ههههههههه

ملوخيه وخيار أيه يابنى

هههههههه

نورت التوبيك والله يا ولف
el rayk gedan
09-01-2008, 10:58 PM
ربنا حلل للزوج والزوجة كل شىء يستمتعوا به مع بعضهم فى نطاق الحلال
ولكن كدة بقا يبقا البوس حرام شرعاً لأنه فيه ضرر واذى :0:
ولكن اللى ممكن نفهمه من كلام الدكتور دة
إنه لابد وأن تتوافر شرط النظافة بين الزوجين حتى لا يحدث ضرر لأى منهما وهذا هو مضمون الموضوع تقريباً ودة الى الدكتور عاوز يشرحه بس هى وسعت منه شوية :glasses:

كلامك مظبوط يا نجم

وبعدين الدكتور برده غلطان ...عشان خص البوس فقط بنقل الامراض دى ...طيب ما ممكن الاتصال الجنسى ينقلها برده
عشان كدا مفروض كان وضح وجهة نظرة وقال ان فى أمراض أن وجدت فى الانسان ممكن تتنقل عن طريق البوس

ومرسى على مرورك للتوبيك
el rayk gedan
09-01-2008, 11:03 PM
مع احترامي لكلام الجميع امراض مش امراض هبوس يعني هبوس ده اكيد هيبقي حقي يعني ايه انا عايش في الحياه علي البوسه قصدي بتصبر وانت تقولي مفيش بوس هههههههههه

قول له حاجه والنبى يا yoafa أحسن الدكتور ده بيقول كلام مش عجبنى خالص..:mdr:
el rayk gedan
09-01-2008, 11:12 PM
سيبك منه دا الدكاترة أحسن ناس بتبوس
وبعدين بذمتك اسأل صاحبنا ده في بيته بطل بوس ولا؟؟؟؟؟؟؟؟؟

ههههههه

سؤال فى غاية ألاهميه كان تايه عنى فين ده

أسكت ياعم احسن يدايق من السؤال يقوم يمنع الجواز كمان
el rayk gedan
09-01-2008, 11:25 PM
أنا قريت الموضوع و بعدين قعدت يوم كامل علي ما تداركت الصدمة و عرفت أتماسك و أحط إيدي علي الكيبورد و أكتب رد
مش ممكن هايمنعو البوس كده فاضلنا إيه ده حتي يبقي حرام
و بعدين داحنا لو متنا قبل مانبوس داحنا نخش الجنة حدف:2:

ههههههههه

طيب الحمد لله ان ربنا قومك بالسلامه وحاول بقى تجمد قلبك عشان باين مش هتقف على كدا ...واللى يعيش ياما هايشوف
el rayk gedan
09-01-2008, 11:30 PM
ارجوك مــتـســمــحـش لـنــفـسك بـتـقـيـيـم الـموقـف بدون دراسه مسبقه و الا هـتـخـرج بـمفهوم خاطىء يـنـعكس على رغبتك ابتدائن في تـلـويث الاخرين ..
الامـر اللي فـي النهـايه يجعلني ادافع عن صديقي بصرف النظر عن اي اعتبارات اسريه بعيده عن ارض الواقع
مـــــشـــربــــش الـــشـــاي اشـــــرب أزوزه أنـــــــا

ههههههههه

ماشى يابتاع الازوزة

نورت يا برنس التوبيك
el rayk gedan
09-01-2008, 11:35 PM
والله فعلا عيب جدااا ان يعرض هذا الموضوع بقسم النساء
ولا انت مش معايه ... واللبيب بالاشارة يفهمو

أولا يا أستاذى ده العام مش قسم حواء

ثانيا الموضوع مفيهوش أى كلام خارج بدليل ان فى بعض المشاركات من البنات

ونورت التوبيك يا أستاذ اللبيب بالاشارة يفهمو