wolf176
30-11-2007, 05:51 AM
بسم الله الرحمن الرحيم
خلاص بقى بقت موضة قديمة ان حد يسالنى عن سبب الاسم الغريب والسبب الحقيقى غير ان دى نظرية هثبت صحتها دلوقتى هو ( ان انا الى كاتب الموضوع ومن حقى اختار اى اسم يعجبنى ) :31:
اولا : الكشرى
مفيش حد فى مصر او العالم تقريبا ميعرفش يعنى ايه كشرى تقولولى طيب وايه الى عرف الغرب بالكشرى اقول وبكل فخر احنا المصريين..؟؟؟!!
الى مسافرين فى كل البلاد بنعمله لانه سهل وفى عناصر كتير ...
غير ان اى مصرى ليه قريب او صديق عربى او اجنبى لازم عشان يفسحه فى مصر ياكله فول وكشرى والاكل الشعبى ده
الكشرى طبق كوكتيل بين شوية اكلات مستقلة بذتها ( معادا الصلصة والتقلية) عشان محدش يقول دول مش اكلات مستقلة ..دول فئات وعمال ههههههههههههههه..قديمة
بس لما اختلطو طلع لهم اسم جديد يوصفهم كلهم ((الكشرى))
الاختلاف بقى بينه وبين الانسان : ان لو اى حاجة من مكونات الكشرى زادت برضه اسمه هيفضل كشرى مش هيبقى اسمه عدسشرى او مكروشرى او رزشرى هو اسم واحد كشرى
ثانيا : الانسان
الانسان ده اية من ايات الله سبحانه وتعالى مجموعة معجزات ماشية على الارض بس احنا هنخلينا فى جزء من الاجزاء الغير ملموسة فيه ( الى متعرفش نمسكها يعنى )
الصفات ::
الانسان متجمع فيه كوكتل صفات كل صفة مستقلة بذاتها فيهم المحبوبة والمكروهة ولما بيتعجمعو بيبقى ليهم وصف واحد بيشملهم كلهم ...
بس المرة دى بقى لو صفة زادت الباقى كله بيتسمى باسمها
طيب نشوف شوية امثلة مع شرح بسيط
النفاق : انك تقول حاجة غير الى جواك والغالب بتكون عكسه عشان مصلحة ليك .. ومع زيادة الصفة دى فى الانسان بيبقى منافق
مثلا::: حبيبتى انتى اجمل بنت شوفتهافى حياتى (وهى اصلا شبه الحج ضيوف بتاع السنغال مع الاعتذار للحج طبعا ليزعل ويدعى عليا )
الكدب : انك تغير الحقيقة او الاحداث باحداث تانية برضو عشان مصلحتك او اى سبب شخصى ..ولما تزيد يبقى كداب
مثلا: انا النهارده عمى بعتلى دعوة عشان اروحله المانيا ( وعمه ده من منيا القمح )
الغرور : احساس الانسان بانه احسن من كل الى حوليه وانه مميز عنهم
مثلا: انا مش هروح ستارز بيئة انا مش باكل الحاجات دى يععع ( وهو اصلا بيضرب كل يوم بلانص فى طبق الفول . ولما بيخرج بيروح يتفسح فى شارع الموسكى اخره )
وفى صفات تانى كويسة بس مظنش انى عمرى سمعت عن واحد بيوصف واحد بيها ليه مش عارف بس تقريباالناس بتسيب الصفات الكويسة وتمسك فى العيوب ...مش عارف ليه
فى النهاية اقدر اقفل الموضوع بتلخيص لكل الرغى ده الانسان كوكتيل زى طبق الكشرى ودى نظرتى ..وكل واحد حر فى نظريته وارجع واقول سعد باشا قالها كلمة "مافيش فايدة".
خلاص بقى بقت موضة قديمة ان حد يسالنى عن سبب الاسم الغريب والسبب الحقيقى غير ان دى نظرية هثبت صحتها دلوقتى هو ( ان انا الى كاتب الموضوع ومن حقى اختار اى اسم يعجبنى ) :31:
اولا : الكشرى
مفيش حد فى مصر او العالم تقريبا ميعرفش يعنى ايه كشرى تقولولى طيب وايه الى عرف الغرب بالكشرى اقول وبكل فخر احنا المصريين..؟؟؟!!
الى مسافرين فى كل البلاد بنعمله لانه سهل وفى عناصر كتير ...
غير ان اى مصرى ليه قريب او صديق عربى او اجنبى لازم عشان يفسحه فى مصر ياكله فول وكشرى والاكل الشعبى ده
الكشرى طبق كوكتيل بين شوية اكلات مستقلة بذتها ( معادا الصلصة والتقلية) عشان محدش يقول دول مش اكلات مستقلة ..دول فئات وعمال ههههههههههههههه..قديمة
بس لما اختلطو طلع لهم اسم جديد يوصفهم كلهم ((الكشرى))
الاختلاف بقى بينه وبين الانسان : ان لو اى حاجة من مكونات الكشرى زادت برضه اسمه هيفضل كشرى مش هيبقى اسمه عدسشرى او مكروشرى او رزشرى هو اسم واحد كشرى
ثانيا : الانسان
الانسان ده اية من ايات الله سبحانه وتعالى مجموعة معجزات ماشية على الارض بس احنا هنخلينا فى جزء من الاجزاء الغير ملموسة فيه ( الى متعرفش نمسكها يعنى )
الصفات ::
الانسان متجمع فيه كوكتل صفات كل صفة مستقلة بذاتها فيهم المحبوبة والمكروهة ولما بيتعجمعو بيبقى ليهم وصف واحد بيشملهم كلهم ...
بس المرة دى بقى لو صفة زادت الباقى كله بيتسمى باسمها
طيب نشوف شوية امثلة مع شرح بسيط
النفاق : انك تقول حاجة غير الى جواك والغالب بتكون عكسه عشان مصلحة ليك .. ومع زيادة الصفة دى فى الانسان بيبقى منافق
مثلا::: حبيبتى انتى اجمل بنت شوفتهافى حياتى (وهى اصلا شبه الحج ضيوف بتاع السنغال مع الاعتذار للحج طبعا ليزعل ويدعى عليا )
الكدب : انك تغير الحقيقة او الاحداث باحداث تانية برضو عشان مصلحتك او اى سبب شخصى ..ولما تزيد يبقى كداب
مثلا: انا النهارده عمى بعتلى دعوة عشان اروحله المانيا ( وعمه ده من منيا القمح )
الغرور : احساس الانسان بانه احسن من كل الى حوليه وانه مميز عنهم
مثلا: انا مش هروح ستارز بيئة انا مش باكل الحاجات دى يععع ( وهو اصلا بيضرب كل يوم بلانص فى طبق الفول . ولما بيخرج بيروح يتفسح فى شارع الموسكى اخره )
وفى صفات تانى كويسة بس مظنش انى عمرى سمعت عن واحد بيوصف واحد بيها ليه مش عارف بس تقريباالناس بتسيب الصفات الكويسة وتمسك فى العيوب ...مش عارف ليه
فى النهاية اقدر اقفل الموضوع بتلخيص لكل الرغى ده الانسان كوكتيل زى طبق الكشرى ودى نظرتى ..وكل واحد حر فى نظريته وارجع واقول سعد باشا قالها كلمة "مافيش فايدة".