المساعد الشخصي الرقمي

مشاهدة النسخة كاملة : موبيلى 3250 اتسرق

eltot
10-11-2007, 01:23 PM
انا كنت عاملله باسورد بحيث لو شريحة تانية ركبت فيه لازم تدخل الباسورد ، هل اللى سرقه كده مش هيعرف يشغله ولا ممكن حد يضرب الباسورد دى و شكرا
shatou
10-11-2007, 06:30 PM
انا كنت عاملله باسورد بحيث لو شريحة تانية ركبت فيه لازم تدخل الباسورد ، هل اللى سرقه كده مش هيعرف يشغله ولا ممكن حد يضرب الباسورد دى و شكرا

أحتمال من تلاتة اللى ممكن يحصل:
1. انه يكون ضاع مش اتسرق بمعنى اتسرق والمفروض لو ركب فيه اى شريحة تانيه هيبعت رسالة وتاخد نفسك جرى على الفرع الرئيسى للشبكة اللى اتركبت الشريحة بتاعتها فى موبايلك المسروق وزى ما بقولك ده غالبا لو ضاع منك وحاول حد يستخدمه....
2. انه يكون اتسرق فعلا بس من حرامى اهبل فهيحصل نفس اللى فوق واعمل نفس اللى فوق برده ومتنساش صحيح تاخد معاك علبة الموبايل وكل تفاصيله وفاتورة الشرا والضمان كله كله لو عرفت تجيب البياع يبقى خير وبركة...
3. انه اتسرق فعلا بس من حرامى محترف فاول حاجه هيفرمت الموبايل وبالتالى البرنامج هيتمسح تماما ويبقى عوضك عليه....

إن شاء الله يكون احد الاحتمالين الاولين....
ابقى قلنا اخر الاخبار....
NADERMOHAMED
10-11-2007, 06:42 PM
قلبى عندك ويارب يرجعلك انا نفسى والله يرجعلك
eltot
10-11-2007, 07:15 PM
لا هو اتسرق ماضاعش ، واحد ماعرفوش ركب معايا العربية و خده و هو ماشى ، و حاولت اتصل بعدها قاللى غير متاح و بعدين جرس و مايردش ، المهم رحت فودافون طلعت شريحة جديدة ، و اما رحت القسم اعمل محضر قالولى التتبع ده اتلغى خلاص يعنى المحضر تضييع وقت ، المهم هو ممكن يفرمته ازاى يعنى انت تعرف حد عملها؟؟
shatou
10-11-2007, 11:56 PM
لا هو اتسرق ماضاعش ، واحد ماعرفوش ركب معايا العربية و خده و هو ماشى ، و حاولت اتصل بعدها قاللى غير متاح و بعدين جرس و مايردش ، المهم رحت فودافون طلعت شريحة جديدة ، و اما رحت القسم اعمل محضر قالولى التتبع ده اتلغى خلاص يعنى المحضر تضييع وقت ، المهم هو ممكن يفرمته ازاى يعنى انت تعرف حد عملها؟؟


سيلبك من القسم دى ناس بتستهبل وعايزه فلوس من اول الفراش لحد الباشا...المهم انت عامل ايه بالظبط باسورد لما تفتح التليفون..؟؟
ولا باسورد لو اى شريحة تانيه؟؟
eltot
11-11-2007, 01:01 AM
لا انا عامل باسورد لو شريحة تانية
shatou
11-11-2007, 03:30 AM
لا انا عامل باسورد لو شريحة تانية

حاجه من تلاته برده يا اما هيطلع حرامى متخصص وهيروح يتصرف فى موضوع الباسورد وهيحاول يفك شفرتها يا اما مش هيعرف فهيرمى الموبايل يا اما هيستصح ويتصل بيك ويعمل نفس لاقاه وياخد منك الحلاوة...اتمنى يكون اخر احتمال بس كونه لسه سايب الشريحه ومبيردش فده ان شاء الله خير ...ابقى قولنا اخر الاخبار
@sherif@
11-11-2007, 12:58 PM
عموما ياأخى لاتزعل وعوضك على الله وفدك ألف موبايل لكن أحب أوجه نظرك الى حاجة فيها بصبص الامل حاول تعمل محضر فى قسم الشرطة وأكتب رقم المحضر فى ورقة واذهب الى العنوان التالى /المركز القانونى لتتبع الهاتف المفقود ! العنوان /14 شارع السادة القادرية متفرع من شارع محمد نجيب سيدى بشر الاسكندرية تليفون3589397 أو محمول 0127073759 /0125728112 ومعاك رقم المحضر وعلبة الموبايل اللى عليها السريال نمبر /الاستاذ أسلام حجازى والمكتب بيفتح كل يوم من الساعة الثامنة مساء ماعدا يوم الجمعة000والله المستعان
shatou
11-11-2007, 06:33 PM
عموما ياأخى لاتزعل وعوضك على الله وفدك ألف موبايل لكن أحب أوجه نظرك الى حاجة فيها بصبص الامل حاول تعمل محضر فى قسم الشرطة وأكتب رقم المحضر فى ورقة واذهب الى العنوان التالى /المركز القانونى لتتبع الهاتف المفقود ! العنوان /14 شارع السادة القادرية متفرع من شارع محمد نجيب سيدى بشر الاسكندرية تليفون3589397 أو محمول 0127073759 /0125728112 ومعاك رقم المحضر وعلبة الموبايل اللى عليها السريال نمبر /الاستاذ أسلام حجازى والمكتب بيفتح كل يوم من الساعة الثامنة مساء ماعدا يوم الجمعة000والله المستعان

ملوش فرع فى القاهرة؟؟
eltot
11-11-2007, 08:35 PM
انا كلمته ، قاللى انه بياخد 50 جنيه مقدم و 250 اما الموبيل يرجع ، بصراحة ممكن يكونو بينصبوا عشان ياخدوا ال 50 جنيه و خلاص
H0SSAM
12-11-2007, 02:32 AM
على فكرة
لو الحرامى فرمته دى حاجة كويسة لانه حيحط Sim فيه وحتتبعت بياناته لمباحث التليفونات بس لازم يكون فيه بلاغ بالسيريال
لو مفرمتهوش يبقى عليه العوض لغاية مايتغير الوضع اكيد مش حيسيبه زينة كده او "يا رب ميسيبهوش زينة!"
لو رماه يبقى يا رب واحد ابن حلال يحاول يرجعه او واحد ابن حرام يفرمته ويتجاب ياا رب
والتعامل فى الحاجات دى احسن مع مباحث التليفونات والتتبع متلغاش
والمحضر عمره ما يبقى تضييع وقت اللى فاقك الكلام ده قوله يشتغل وهو ساكت!
محمد حامد سلطان
18-11-2007, 08:07 PM
انا زعلت والله