شركة بترول تطلب مهندسين ميكانيكا و كهرباء ومدنى حديثى التخرج

[nour_subzero]

طبعا اى مهندس لسه متخرج مهيصدق يقرا اعلان زى ده ويفرح ويجرى يتصل بارقام المحمول الموجوده بالاعلان ليصبح احد الضحايا اللى انا والحمد لله كنت لحد ما واحد منهم لانى لحقت نفسي فى اخر لحظه الموضوع هو انى فى يوماشتريت جرنال اهرام الجمعه ولقيت الاعلان مكتوب بس الصراحه كان ميكانيكا بس فى الاول طبعا فرحت واتصلت واذا بانسان تنك جدا يرد عليا ويطلب بياناتى لانه هيملا ابلكيشن ليا عنده وبعد ما اخد البيانات قلت اسال اسم الشركه فقالى مش دلوقتى لما تقبل معانا الاول طيب يا عم اعرف منين انى قبلت فرد انت رقمك كذا واتصل بينا كمان عشر ايام تعرف النتيجه وقفل وبعد عشر ايام كلمته قالى النتائج مطلعطش اتكلم كمان يومين اتكلمت بعد يومينانت رقمك كام فقلت لا معلش نتيجتك لسه مطلعتش كلمنا كمان يومين اتكلمت طيب انت نجحت معانا بس اتكلم بكره علشان تعرف التفاصيل اتكلمت الخط شويه مشغول شويه يفتح عليا ويقفل شويه جرس ومحدش يرد اخيرا بعد ساعه ونص رد رقمك فقلته وبعدين طيب عشر دقايق واتكلم علشان اطلع بياناتك اتكلمت طب سورى خمس دقايق وكلمنى تانى علشان معايا تليفون مهم على الخط التانى اتكلمت طيب انت المهندس كذا كذا انت فعلا قبلت عندنا طيب يا عم ريحنى وقلى شركة ايه واخيرا رد
احنا شركه انتر ناشيونال جروب للبترول احنا شركه اماراتيه بس فى مصر ملناش غير فرع واحد فى توشكى وهنفتح بعدين فى القاهره واسكندريه وسينا ويبقى ليك الحق انك تتنقل للفرع اللى انت عاوزه لما نفتح الفروع ديه ماشى وبعدين هتمضى معانا عقد خمس سنين من غير شرط جزائى وعاوز تسبنا فى اى وقت براحتك وبعدين يكملى بعد سنه ممكن نسفرك فروعنا فى الخليج لو انت عاوز والمرتب 2050 جنيه والعمل من الساعه 8 الى الساعه اربعه وفى اوفر تايم من الساعه 6 الى عشره اليوم الاضافى ب 28 جنيه وانت بتقعد 25 يوم هناك و9 ايام اجازة ولو قعدت الخمسه وعشرين يوم اضافى تاخد ال28 جنيه فى اليوم وكمان علاوة اجاده 400 جنيه والاقامه عليهم من اكل وشرب وسكن والسفر كمان بطيران على حساب الشركه وطلب الاوراق عادى خالص الجيش والرقم التامينى و....و بعدين ابتدى يهبل كارتين منتل و ورق فلوسكان وقلم جاف وطوابع بريد وطلع بقى الاسفين طبعا التذاكر بتاعت الطيران على حساب الشركه بس اول تذكره انت هتشتريها ازاى تحول على حسابنا فى البنك 1000 جنيه تمن التذكره ولما تيجى وتمضى العقد هتخدهم بس لازم بكره الصبح الساعه تسعه ونص تروح البنك وتكلمنا من كبينت منتل واحنا هنديلك رقم الحساب ولما تعمل كده هنبعتلك بعدها بتلت ايام جواب التعيين طبعا واضح النصب يا جماعه انا لقيت فى الوسيط نفس الاعلان لكن بيطلبو مدنى وكهرباء فخدو بالكم اللهم بلغت اللهم فاشهد ...

[alyabady]

مشكووووور بس معقول حد عايز ينصب يكون بالغباء دة هو باين انه نصب معقول شركة محترمه ليه فروع في الخليج مش هتقدر تبعت تذاكر طيران او حتى تروح مقابله او اتنين على الاقل

[تيمور مصر]

ربنا يحفظنا من النصابين لحسن اصبحوا كتير اووي اووي اووي في الايام دي

[thegoodhacker]

عاوز احكيلكم عن موقف حصلي فعلا انا كمان:
برضه في الوسيط كان فيه اعلان يطلب مهندسين حديثي التخرج جميع التخصصات.......المهم اتصلت بيهم و اخدت العنوان و رحت.....
لقيت ناس بالزوفة طبعا علشان مشكلة البطالة زي ما انتم عارفين....
المهم في المقابلة كان فيه واحدة طبعا جميلة قعدت تدي لكل واحد فكرة عن الشركة و نشاطها(كانت بتقول انها شركة بناء عقارات لها مشاريع في مصر كلها) و قالت المرتب 3000 جنيه بالاضافة للارباح...
المهم سالت اذا كنت اريد ان اعمل بتلك الشركة بعد ما عرفت عنها المعلومات دي......طبعا وافقت واكيد كل الناس وافقوا....وكان لازم الشرط اني املا بيانات application ب 5 جنيه!!!!ودفعت زي الباشا....
وقالتلي اتصل بيهم في خلال اسبوع!!!وانا خارج من المكتب و جدت احد زملاء الكلية و كان للحظ احد سكان تلك العمارة الموجود بها مكتب الشركة و بعد ما قصصت له الموضوع عرفت منه ان ذلك المكتب عبارة عن شقة مفروشة تم تاجيرها منذ يوم واحد فقط!!!!يعني دول شوية نصابين
وتخيلوا كمية الفلوس اللي جمعوها من الشباب عن طريق عملية النصب دي!!!

[DARSH_2004]

انا تعرضت لنفس عماية النصب من نفس الشركة انترنوشنال جلروب من الوسيط ونزل فى الاهرام كمان وكان اعلان شركة بترول خزوا حزركم

[mode85eg]

بصراحه العيب على الجرايد اللي بتنشر اي اعلان مادام في فلوس بتدفع من غير متتاكد

[funny_me]

ايوه يا جماعة انا كمان اتصلت بالنصابين دول وفهمت الموضوع اول ما قلي ادع الف جنيه

[king_hamada]

انامهندس مدنى وشوفت الاعلان واتصلت وعاوز اى حد يكلمنى او يدينى رقمه واكلمه عشان اتاكد وافهم منه انها نصبايه و لا ..
رقمى 0106274031
ahmednashat@yahoo.com
ياريت ضرورى الرد النهاردة لانى ميعادى معاهم النهاردة

[eng_elkenawy]

ياسيدي مش كل الاعلانات نصب
دي تجارب ناس اتنصب عليهم فبيوضحو اللي حصل
ياعني ازاي احول الف جنيه قبل ما اشتغل مثلا
ممكن موضوع الابلكيشن ده يكون نصب او لا بس الاكيد ان زي مافيه نصابين فيه ناس جد الجد

[gedo25]

لا حول ولا قوة الابالله الناس دي فاكرة انهم مخلدين فيها يعني سرقة بخسة وندالة
ربنامنتقم جبار علي كل واحد بيتهاون في مسؤلياتة
والحمد لله اخي nourان ربنا نجاك من النصب دة

[engbody2010]

ياجماعه انا برضو اتصلت بالجماعة النصابين وانا اصلا مهندس كهرباء وقالى نفس الكلام بس مقليش ادفع الف جنيه انا اصلا من المنيا قالى روح بورسعيد وانت ماشى فى الطريق ابعتلى اول ماتركب رساله قولى انا طالع من البيت وانت فى الطريق ابعت التانيه واول ماتوصل ابعت التالته وبعدين كلمنى المهم قولت اكمل اللعبه معاهم وبعت الرسايل التلاته وانا فى البيت وبعدين كلمته قالى اشترى كرت ميناتل وكلمنى منه علشان يتاكد انى فى بورسعيد وبعدين قالى احجز فى فندق وقولى على اسمه وقتها بقى قولتله انه نصاب وحرامى ياجماعه خذه حظركم وانا الحمد لله دلوقتى شغال فى شركة المقاولات المصرية مختار ابراهيم

[sherif_080]

يبدو يا جماعة ان الناس دي لسه محدش قبض عليهم عشان نفس الموضوع ده حصل معايا امبارح بس انا ما روحتش ادفع الفلوس يا جماعة احنا عيزين نتواصل مع بعض عشان نوقف هؤلاء النصابين عشان ما يضحكوش على الشباب المصري انا مستعد ان اقدم بلاغ لمديرية الامن وقولهم ع الموضوع كله لانه حصل معايا بالنص وهو ده رقم التيليفونات بتاعتهم
و 0104064375 و 0182509712
وده الايمل بتاعي sherif_080@yahoo.com
ارجوا التواصل ... لان ياجماعة فيه ناس ما بتفتحش النت و مبتدورش و بتصدق على طول
يا جماعة اللي مايلقينيش فاتح يبعتلي رسالة ع الايميل

[فرح القلوب]

السلام عليكم ورحمة الله وبركاته:
بجد ياريت كنت قرأت الكلام اللى كاتبه العضو nour لان فى شهر 3 تقريبا حصل معايا نفس الموضوع من نفس الشركة وللاسف لم يكن يخطر ببالى ولو للحظه هذا النصب كنت فاكره الناس لسه بخير لكن للاسف .
وطلب منى طوابع وقالى لغاية ما الشركة تفتح فروعها هاشتغل نظام تسويق لمدة كام شهر داخل المحافظة اللى انا منها وكل يوم اشحن ب30 جنيه وهكذا لمدة حوالى عشرة ايام وبع كده قفل الموبايل وغير الطوابع والطلبات اللى ابعتها الامارات وهكذا. حسبنا الله ونعم الوكيل

[semsemaomda]

انا مشجعة التواصل مع العضو شريف لان انا تعرضت لنفس النصب وانا كنت محتاج للشغل جدا انا عايز اخد حقي وحق كل اللي اتنصب عليهم ده ايميلي ارجو التواصل معي love222215@yahoo.com
وده تليفون ارضي اللي عايز بجد نقدم بلاغ زي العضو شريف ما قال يتصل 22790050 ارجو التواصل يا اخ شريف لان انت شجعتني علي هذا الموضوع

[theemperor_m]

انا متشكر جدا للاخ nour_subzero
على هذه الافادة
انا كنت هقع فى هذا الفخ اليوم و على نفس رقم التليفون و قلولى نفس الكلام بالكلمة ماعدا اسم الشركة كان الامراتية سلفر جروب للبترول
اما المرتب فهو 3050 و ما تدفعه لتذكرة الطيران 1180 و كمان 31,25 جنيه رسوم ادارية ارجو الحرص يا جماعة و الف شكر للاخ اللى كتب الموضوع و جازاه الله كل خير .

[بندكت]

والله انا كمان اتصلت على الراجل ابن المعفنة دوت النهاردة وكان برده بيرد عليا بتناكة وقاللى نفس الكلام اللى قاله للاخ the emperor بس الحمد لله انى ماصدقتوش لأن كلامه فعلا كان واضح جدا انه شغل عصابات وده اللى خلانى ادخل برده النهاردة على النت وابحث عن اسم الشركة اللى مالوش وجود ولما بحثت برقم التليفون وصلت للموضوع دوت

خدوا بالكوا ياشباب الدنيا فيهانصابين كتيراوعى حد يضحك عليكوا

انا معادى اتصل عليه بكرة الساعة 8.30 والمفروض انى هاكون قدام البنك .. ان شاء الله هاتصل عليه علشان افشخ امه ... شكرا

[sherif_080]

ياجماعة انا ضايف كل واحد حاطط ايميله بس ياريت نتواصل عشان اقولكم آخر التطورات (تطورات جامدة جدااااااااااااااااااااااااا ) وبلاش ارقام تليفونات ارضي ياريت يبقى موبايلات سلاااااااااااااااام
انا مستنيكم وربنا يوفقنا جميعاٌٌٌٌ

[sherif_080]

ده رقم الموبايل بتاعي 0104655819

[marzouk_law]

انا كمان حصل معايا موقف مشابه بس بشكل احترافي اكتر
شركة اسمها انتجريتيد سيرفيس طلبت مهندسين شبكات وبالرغم اني تخصصي سوفت وير اكتر منه هاردوير لكن قلت اروح يمكن يكون لي نصيب
بعتت ال سي في وتاني يوم اتصلوا بيا علشان انترفيو
رحت وعملت انترفيو وكان منطقي جدا: اسئلة قوية ف تخصص الشبكات +اسئلة شخصية +اسئلة iq بس كان ف شركة تانية اسمها اجورا
وتاني يوم عملت انترفيو تاني ف الشركة الاساسية
لكن...........
اول ما شوفت المكان لقيته مكتب ف عمارة ومش مكتوب حتي اسم الشركة
ولا في موظفين طبعا قلقت وسالتهم طبعا قالولي اصل لسة ماوضبناش وده فرع جديد للشركة
وبعد الانترفيو ده اتصلوا بيا تاني
حضرتك مرشح معانا لمنصب كذا وانت من الناس المميزين جدا....
(طبعا كله شغل اكل ودان)
بس حضرتك محتاج شوية كورسات قبل الشغل
الشركة هتدفع 75% منها وحضرتك الباقي ولازم تدفعهم خلال يومين
وكانو كاام
750 جنيه
سالته ليه ماتخصموهم من اول مرتب رفض طبعا
take it or leave it
طبعا فهمت انها نصباية
دخلت عانت علشان اشوف اي حاجة عن الشركة دي مالقتش
وكنت اتعرفت علي ناس يوميها وقالولهم نفس الكلام
تفتكروا لو كام واحد صدق الكلام ده الشركة دي هتسرق فلوس اد ايه؟!!!!!!!!!
ارجو الحذر وعدم الجري وراء الاوهام
ياريت نحكم عقولنا
واسف للاطالة

[tifa_tyger]

والله برافوووووووووووووووو عليكوووووم

بالنسبة لموضوع الشغل والتعيين بس علشان كل واحد عارف هو بيعمل أيه
وأقدر أفيدكو في الموضوع ده

أنتو أول حاجة طبعاً بتعملو أنترفيو في الشركة
لو الشركة محتجاكو أكيد هتقبلو مفيش حاجة أسمها أنت كويس بس محتاج كورس يأما هتفيد يأما CV في البلاك ليست طيب جميل أنت قبلت أول حاجه بتكون تحت التدريب والمراقبة علي شغلك خلال 3 شهور طبعاً بمرتبك المتفق عليه

وبعد 3 شهور يأما تخرج يأما بره وده طبعاً في القطاع الخاص وسعتها ممكن تمضي عقد سنة أو أثنين حسب الأتفاق

أي حاجة تانية يبقا وهم أو شركة تحت بير السلام
أنا أسف في التعبير


والله الموفق يا شباب.

[nagar]

والله يا شبابا .. انا رأيي الشخصي ان اي حد يحط الموقف ده او ينضحك عليه في حاجة زي كدا .. سوري في الكلمة يكون أهبل وعبيط وبريالة ويستاهل اللي جراله...

أي واحد خريج "دبلون" مش دبلوم كمان يقدر يفهم.. هو انا هروح اعمل انتر فيو في شركة ايه ونشاطها ايه وسهل اوي اجيب بيانات عنها

لكن موضوع الشقق المفروشة والحوارات الهبلة دي ممكن تليفون لمكتب العمل او بلاغ اوي اي حوار وهما هيلملموا ورقهم وفي الخلعون علي طووول
بس الحوار عايز واحد جرئ يعرف يرد ويتعامل .. ولا انتوا بتريلوا قدام المزز علي طول ولو لقيتها حلوة هتدفع ولو كانت لابسة بادي ضيق مش هتتكلم ويا سلام لو بلارينة علي بنطون جيز ضيق او بووت طويل علي ميني جيب

فكروا والنبي شوية الله يكرمكم

مع اني عاطل بس وصلت لشركات كبيرة واشتغلت بس استاهل اللي انا فيه

بس الحمد لله محدش نصب عليا ونفسي اقع في حد من بتوع النصب دول والله لاعلم عليهم

اة اسمي محمود النجار
مهندس بترول

eng_mizoo@yahoo.com

[popritch]

عَنْ أَنَسِ بْنِ مَالِكٍ رَضِيَ الله عَنْهُ، عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَنَّهُ قَالَ: "عِظَمُ الْجَزَاءِ مَعَ عِظَمِ الْبَلَاءِ وَإِنَّ اللَّهَ إِذَا أَحَبَّ قَوْمًا ابْتَلَاهُمْ فَمَنْ رَضِيَ فَلَهُ الرِّضَا وَمَنْ سَخِطَ فَلَهُ السُّخْطُ". أخرجه الترمذي
السلام عليكم ورحمه الله
السادة اعضاء المنتدى
تحيه طيبه وبعد،،
نحيطكم علما بان شركة انتجريتد سيرفيس
شركة نصب واختيال وهى حتى الان تطلب مهندسين بخبرة او بدو ن وبعدين يروح الطالب الا لسة متخرج جديد يعمل اختبار وبعدين تتصل بية م / منال مصطفى وتقولوا حضرتك اكسبت معنا وحضرتك هتشتغل معنا مهندس مشروعات R&d , الرتب بتاع حضرتك هيكون 2700 ج بس حضرتك ان شاء الله حتشرفنا وتحضر معاك الاورق المطلوبة وتجيب معاك 875 ج طيب بتوع اية 875 ج دى سياسة الشركة واحنا حندلك كورس فى Ccna , Ccnp و شهادة من سيسكوا
وبعدين تروح تلقى الا بيدلك الكورس لسة مش اد كدة وتصدم اكتر لما تعرف انك هتاخد Ccnp بس ومرت 3 حصص واتصالوا بى وقالوا الدكتور ة ولااء اعتذرات وفجاءة يتصلوا بعد اسبوع ويقولك ان شاء احنا خالصنا فترة العقد فى متسكو ا فى شارع مصطفى لبيب وحضرتك تشرفنا فى شارع محمد ابراهيم وتروح تلقى المكان فى البدرون تحت الارض ولسة مافهوش غير 6 كراسى بس
وبعد اكدة اتصالوا بينا عشان نمضى الاوراق والمفروض انك متفق معاهم انك تخلص الكورس يوم 14/2/2009 وشف من 1/1/2009 وكل مرة احمد فاروق يقول احنا لزم نضغط نفسنا ومافيش حد بيدلك ولا كورس ولا شهادة من سيسكوا ويقللولك تعالى عشان تمضى العقد وفجاءة يقلك انك الاساس بتاعك باقى 1000 ج و 1700 دول لو حقق عدد 15 مشروع بالحد الادنى 7500 ج ويقول وسام ان احنا الا حنجيب المشاريع ويوم وراء يوم وراء اجتماع يقولك انك انت الاحتنزل بنفسك تجيب العقود وحتركب بنفسك وغير قانون العقوبات القذر الا هما حطينوا وضاعت علينا 875 ج لان لما بتسائل على الفلوس يقولك ما انتى اخت بيهم كورس واصلا احنا ما خدناش اى حاجة وهى شركة نصب واغتيال الشباب الخرجين ولسة فية كلام كتير .......................
واوعى حد فيكم يروح يدفع فلوس او اى حاجة كافية الا حصل لى
ولو فية اى استفسرات اتصل بى على رقم 0108434562
برجاء من السادة المشرفين عدم حذف الموضوع لانة توعية لكل الشباب
وجزاكم الله خير

[فيلسوف مهندس]

نفس الكلام حصل معايا تقريبا بس انا اختلف في ان الشركة ماطلت معايا ومبروك اتقبلتي وبعدين التليفون مش بيرد
بالعافية عرفت ان اسمها الاماراتية جروب وهتفتح فروع في طنطا والمنصورة وفعلا اللي بيرد عليك تنك جدا كانك طالب حسنة مش وظيفة
ونظام انه كل ما تكلمه يحدفك ليوم تاني
ربنا يسلمنامن العالم دي

[shaprewesh]

السلام عليكم
انا برده لسه حاصل معايا الموقف ده من كام يوم كده لاقيت اعلان فى الوسيط فاتصلت بالنمرة المكتوبة رد عليا واحد تنك و خد بياناتى و قالى اتصل بينا بكرة عشان تعرف النتيجة المهم اتصلت و قالى انى نجحت مش عارف نجحت فى ايه بالظبط !!! المهم قالى اتصل بينا بكرة عشان نقولك على اوراق التعيين برده اتصلت تانى يوم رد عليا واحد تنك قالى اتصل كمان ربع ساعة و هنقولك على اوراق التعيين اتصلت بعد نص ساعة رد عليا واحد و قعد يرغى معايا نص ساعة لحد ما وصل لموضوع ان اول سفرية همه هيدفعوا نصها تقريبا و انا اكمل بعد ما سمعت الكلمة ديه بدأت اقلق المهم فضل يتكلم بس الخط قطع لان رصيدى خلص وقتها تقريبا اتكلمت معاه حوالى نص ساعة ... بعد ماالخط قطع توقعت ان همه على الاقل هيتصلوا بيا على اساس انى نجحت و همه عايزنى و كده .. و كده كده انا مكنش معايا رصيد عشان اكلمهم تانى المهم قولت ما اخش عالنت كده ادور على سيلفر للبترول ديه اشوف ايه نشاطاتهم بيعملوا ايه كده يعنى اذا بى افوجأ بالموضوع ده على السايت هنا ... طبعا شكرت ربنا انى شوفت الموضوع ده و عرفت انه نصباية بعد ما كنت شاكك فيها و طبعا نفضت للحوار بس اللى بفكر فيه دلوقتى الناس ديه ممكن نجيبهم ازاى او نبلغ عنهم فين و ازاى لانى برده انا متوقع ان فيه ناس ممكن فعلا يصدقوا الكلام ده و ينضحك عليهم و يروحوا يدفعوا فلوس ....
فايه رايكم يا جماعة عاوزين نعمل خطوة ايجابية و نبلغ عنهم عشان محدش يلبس فى الحوار ده تانى..

[g0zela]

انا الموضوع ده بالضبط حصل معايا بس شيل كلمة مهندس و حط كيميائي
و الوسيط برضه بس الحمد لله انا ما دفعتش حاجة
وشكرا جذيلا

[battaonly]

حسبى الله ونعم الوكيل

منهم لله