لكل بائع ومشتري - من بيتك تقدر تبيع وتشتري من أي محافظة في مصر وحاجتك تجيلك لحد عندك

[Salamonti-CS]

السلام عليكـ ورحمة الله



شفت حاجة في منتدى العرض وعجبتك لكن لما جيت تشتريها اكتشفت ان صاحبها من الإسكندرية وانت من القاهرة ؟

طب واجتهك مشكلة في توصيل بعض الأغراض لصديق أو قريب في محافظة أخرى ؟؟



إليك الحل السريع والأكيد







نبدأ بسم الله الرحمن الرحيم



العملية كلها يا جماعة ان فيه شركة شحن اسمها Middle East وانا اتعاملت معاها أكتر من 10 مرات في البيع والشراء من ناس بعيدة عني او في محافظات تانية


الشركة دي يا سيدي بتاخد منك الحاجة اللي انت عاوز تبيعها وتوديها للمشتري لحد باب بيته في أي محافظة في مصر

ومع التسليم بتاخد منه المبلغ المتفق عليه
وبعد كده ترجعهولك لحد باب بيتك



كل ما عليك هو انك تتصل بيهم عشان يبعتولك مندوب على مكانك سواء في البيت أو في الشغل وبتقلله انا عاوز اعمل ""شحنة مقابل مبلغ""


وده طبعا نظام آمن جدا
بمعنى ان لو المستلم مادفعش المبلغ ده مش هايسلموه الشحنة وهاترجعلك تاني زي ما هي







طب الكلام ده كله مقابل إيه ؟؟


أسعار الشحن غير ثابتة
فتختلف الاسعار باختلاف
المكان
فاسكندرية غير دمياط غير المنصوره....
كذلك تختلف حسب
الحجم والوزن
فيستطيع اي منا الاتصال بالشركة لتحديد هذه العوامل لمعرفة تكلفة الشحن الاجماليه



يعني مثلا لو انت هاتبيع ماذربورد لواحد في الاسكندرية التكلفة الاجمالية لتوصيل حاجتك للمشتري في الاسكندرية وبعد كده توصيل الفلوس ليك في القاهرة لن تزيد عن 15 جنيه لأن وزن الماذربورد وزنها لن يزيد عن كيلوجرام واحد والمبلغ اكيد اقل من الف جنيه (وبالطبع التكلفة دي مفروض بتبقى على المشتري فانت بتطلب من المندوب تحصيل الرسوم كلها منه)




طب فلنفرض لا قدر الله انه المشتري طلع مش قد كلمته ورفض استلام الشحنة او دفع الفلوس
ففي الحالة دي الشحنة بترجعلك تاني لحد باب بيتك برضه بس ساعتها بقى انت بتدفع تمن شحنها رايح جاي يعني 7 جنيه رايح + 7 جنيه جاي = 14 جنيه




اعتقد المخاطرة مش كبيرة بل وتعتبر معدومة لو الشخص اللي انت هاتبعتله الحاجة ده كان ليه تعاملات كويسة قبل كده مع ناس قبلك أو لو انت شايف انه فعلا عاوز الحاجة وواثق انه هايدفع الفلوس ويستلمها




واعتقد أيضا ان الثقة بين الطرفين لازم تكون موجودة ومتوفرة عشان زي مانت خايف احسن مايرضاش يستلم الشحنة ويلبسك تمن الشحن رايح جاي
فأكيد برضه المشتري بيكون خايف لتبعتله بضاعة بايظة أو حتى كرتونة مليانة طوب بدل الحاجة





إذن فالثقة لازم تكون متوفرة بين البائع والمشتري
ودي بتتم عن طريق تعاملات سابقة أو عن طريق سمعة البائع والشاري مع الأعضاء الآخرين من خلال تعاملاته معاهم ومدى جديته ومصداقيته بين الناس





البيانات اللي هايطلبوها منك (عن الراسل والمرسل إليه):
الأسم بالكامل
العنوان بالتفصيل
رقم البطاقة (عشان التسليم لا يتم إلا بالبطاقة)
رقم الموبايل (عشان في حالة عدم العثور على العنوان بيتصلوا بيه يوصفلهم الطريق)





طيب اتكلمنا عن كل حاجة ماعدا مواعيد العمل والتسليم
بالنسبة لمواعيد العمل الرسمية للشركة فهي من 9 صباحا لـ 5 عصراً يوميا ماعدا الجمعة
أما بالنسبة لمواعيد توصيل الشحنات فتوصيل الشحنة بيتم في اليوم التالي مباشرة وأيضا إرجاع المبلغ المطلوب بيتم في اليوم الذي يليه (ولا يتم احتساب أيام الاجازة والعطلات الرسمية)




يعني بالبلدي كده لو النهاردة بعتت شحنة مقابل مبلغ لواحد في طنطا
هاسلم الحاجة للمندوب النهاردة
بكرة هايكون المشتري بيستلمها وبيدفع الفلوس
بعد بكرة هاتكون الفلوس عندي



والشركة بتقللك انه حسب ضغط وظروف الشغل انه أحياناً بيكون فيه فترة تأخير أقصاها 24 ساعة
لكن انا اتعاملت معاهم اكتر من 10 مرات وماحصلتش معايا الصراحة ولا مرة






أما عن ارقام تليفونات الشركة فهي كالآتي:



القاهرة:
الفرع الرئيسي
2413033/02
(سبع خطوط)
الزمالك
7356428/02
7374253/02
هليوبوليس
4159340/02
2917291/02


الأسكندرية:
4876706/03
5464379/03


برج العرب:
4592635/03


العاشر من رمضان:
412199/015


دمياط:
2410733/057


المنصورة:
2301404/050


الإسماعيلية:
348746/064


بورسعيد:
347790/066


السويس:
332325/062


طنطا:
3325822/040


بني سويف:
2333960/082


المنيا:
2374907/086
2338833/086


6 اكتوبر:
8332455/02


أسيوط:
349975/088


سوهاج:
313351/093


قنا:
320293/096


الأقصر:
375044/095


أسوان:
318429/097


نجع حمادي:
595814/096


شرم الشيخ:
663075/069


الغردقة:
447622/065





وبالنهاية أتمنى يكون موضوعي مفيد للناس ويارب يعجبكم،
أخوكم/ إسلام السعودي


.

[gamer_3006]

شكر يااسلام على المعلومات القيمة

[lothario666]

Great Stuff man, Thanks a Dozen

[mido_se]

الف شكر يا اسلام حلوه قوى الشركه ديه و هاتوفر كتيييييييير للناس اللى بتكون عاوزه تشترى حاجه و بتكون من محافظات اخرى

شكرا يا اسلام

[supersmart2007]

شكرا يا اسلام
وللاسف البحيرة مش من ضمن المحافظات ال supported
الظاهر الشركه بتكرهنى هههههههه
بس انا ليا صحابى فى طنطا ممكن اتفق مع حد منهم يستلم البضاعه
لحد ما يكون للشركة فرع فى البحيرة

[medo7171]

الشركة دى ممتازة فعلا فى تعاملتها

انا اتعاملت معاها كتير وبصرحة خدمتهم كويسة ورخيصة

شكرا على ارقام التلفونات لانى كنت فعلا بدوخ على ما اعوز اكلمهم كل مرة

[arnge]

tab ma3lesh so2al ba3d eznak ya eslam

law 7assal ay damage fe el beda3a asna2 el sha7n

feeh ta2meen

[EMAD27]

فعلا ده احسن طريقة وامان
ورغم ان فى شركات كتير جدا لكن الشركة ده تمتاز بالاسعار الرخيصة ونفس الوقت خدمة ممتازة

[Salamonti-CS]

شكرا يا اسلام
وللاسف البحيرة مش من ضمن المحافظات ال supported
الظاهر الشركه بتكرهنى هههههههه
بس انا ليا صحابى فى طنطا ممكن اتفق مع حد منهم يستلم البضاعه
لحد ما يكون للشركة فرع فى البحيرة


لا يا باشا الشركة بتوصل الطلبات في كل المحافظات

يعني كل مكتب من دول بيخدم برضه المناطق اللي حواليه اللي مافيهاش مكاتب ليهم

بالعربي كده انت تشوف ايه اقرب مكتب ليك يبقى هو ده اللي هاتتعامل معاه عادي جدا

وكده كده هما اللي بيجولك مش انت اللي بتروحلهم

[Salamonti-CS]

الشركة دى ممتازة فعلا فى تعاملتها


انا اتعاملت معاها كتير وبصرحة خدمتهم كويسة ورخيصة


شكرا على ارقام التلفونات لانى كنت فعلا بدوخ على ما اعوز اكلمهم كل مرة


آدي يا سيدي ارقامهم كلها عندك اهي

لكن مع مراعاة اتغيرات الجديدة في ارقام التليفونات بعد الزيادات الجديدة

لو اتصلت برقم واكتشفت انه اتغير بسبب زيادة الارقام الجديدة

كل ما عليك هو الاتصال بـ140 الدليل وتقولله د الرقم القديم كذا كذا وتسأله الجديد بقى كام وهو يقللك

[Salamonti-CS]

tab ma3lesh so2al ba3d eznak ya eslam

law 7assal ay damage fe el beda3a asna2 el sha7n

feeh ta2meen


فيه تأمين بس اختياري

لكن على اساس تعاملاتي السابقة اقدر اقول ان الحاجة بتوصل زي الفل

لأن بالطبع لو أي حاجة حصل فيها ولو حتى خدش فده بيضرهم وبيسوأ سمعتهم

فبالطبع من مصلحتهم انهم يحافظوا على حاجتك

ولو الناس دي كانت خدمتهم مش كويسة مكنتش كلفت خاطري وكتبت موضوع عنهم

عشان بس محدش يفتكر اني واخد فلوس عالإعلان ده :jap:

ههههههههههههههههه

[kareem_power]

مشكور رررر

[amryano]

يعنى ممكن توقف الراجل برة على ما تجرب البروسيسور او الرامة ولو مش عاجباك مستلمش : )
حوار لذيذ نجربوة

[Salamonti-CS]

يعنى ممكن توقف الراجل برة على ما تجرب البروسيسور او الرامة ولو مش عاجباك مستلمش : )
حوار لذيذ نجربوة


لا هو فعليا الراجل مش بيسلمك الحاجة نهائيا غير لما تدفع المبلغ بالكامل نقداً

عشان كده قلتلكم ان الحوار ده ماينفعش غير الناس اللي فيه بينها ثقة متبادلة أو تعامل قديم

أو حتى تكون سمعتها في المنتدى معروفة بحسن أخلاقها ومصداقيتها في عرض السلع

[mohamadika]

اخى العزيز جزاك الله خيرا على الشركه الجميله دى وعلى المعلومات القيمه عن الموضوع
وفعلا فكره ظريفه وسعرها مناسب جدا
شكرا ليك مره تانيه

[Boshbosh2005]

meya meya 7aga kowaysa gedaan

[mindvision]

موضوع متميز طبعا منك اخي اسلام ويستحق التثبيت طبعا لتعميم الفائدة... وارجو ان يقراه جميع المشتركين في المنتدي لانه سيسهل كثير من عمليات البيع والشراء التي تقف المسافه فيها حائل لاتمامها
شكرا لك...
تم التثبيت والنقل لمنتدي العرض العام حتي تعم الفائدة اكثر

[costa0111]

الله الله ربنا يكرمها وتبقا فيدكس المصريه

[pito773]

طيب انا كنت عايزة اشترى قطة من القاهرة
وفعلا مش عارفة اجبها ازاى
ساعتها انا هتحاسب ازاى
وهما ممكن ينقلو حيوانات

[mindvision]

طيب انا كنت عايزة اشترى قطة من القاهرة
وفعلا مش عارفة اجبها ازاى
ساعتها انا هتحاسب ازاى
وهما ممكن ينقلو حيوانات

اعتقد ان نمر التليفونات اللي موجودة في المشاركه الرئيسية ممكن تساعدك..

القاهرة:
الفرع الرئيسي
2413033/02
(سبع خطوط)
الزمالك
7356428/02
7374253/02
هليوبوليس
4159340/02
2917291/02

[Salamonti-CS]

طيب انا كنت عايزة اشترى قطة من القاهرة
وفعلا مش عارفة اجبها ازاى
ساعتها انا هتحاسب ازاى
وهما ممكن ينقلو حيوانات

هما ممكن ينقلولك القطة بس في حالة انك تحطها في كرتونة محكمة الغلق وماتقللهمش ان جواها قطة
وياه بقى لو تكتف القطة كمان عشان ماتتحركش والعملية تتفقس
وطبعا ماتنساش توصيها تبقى مؤدبة وماتنونوش

[mindvision]

هما ممكن ينقلولك القطة بس في حالة انك تحطها في كرتونة محكمة الغلق وماتقللهمش ان جواها قطة
وياه بقى لو تكتف القطة كمان عشان ماتتحركش والعملية تتفقس
وطبعا ماتنساش توصيها تبقى مؤدبة وماتنونوش

اختصر بقي وقولها "اقتليها" احسن...:2:

[Salamonti-CS]

ههههههههه
لا مش أوي كده

لكن اعتبريها قطة معلبة

لول

[السلفية]

طيب حضرتك بتقول ان التسليم بيكون فى حدود 24 ساعة طيب لو انا من اسكندريةو عاوز ابعت قطة مثلا تعد 24 ساعة من غير اكل و لا شرب دى كانت تموت ارجو الرد . و جزاكم الله خيرا

[Salamonti-CS]

هههههههههه

ياجماعة بخصوص القطة انا كنت بهزر

طبعا ماينفعش الشركة تنقل أي كائن حي

لأنها مس بتاخد غير الحجات المغلفة تغليف محكم

يعني لو حطيت قطة أصلا مش هاتموت جعان لا هاتموت مخنوقة

[H0SSAM]

شكرا ياباشا
انا كنت بتعامل مع شركة تانية بس حجرب دى

[mindvision]

**** اعتذار وتوضيح ****

يعتذر (اسلام السعودي) صاحب الموضوع لجميع الاعضاء عن عدم التوضيح الكامل في مسالة تكاليف الشحن بالموضوع هنا، والتي تم توضيحها في المشاركه الرئيسية الان بانها غير ثابتة وتختلف حسب
الوزن والحجم والمكان..
شكرا...

[المفكر.]

الكلام ده زى الفل و حاجه محترمه جدا"
بس انا ليا سؤال واحد
لو انا حبيت اشترى حاجه من السعودية مثلا" هل ينفع و هتكون التكلفه عامله ازاى ؟؟؟

[Salamonti-CS]

مش عارف والله هل عندهم خدمات شحن دولي ولا لأ

أعتقد تقدر تكلمهم بالتليفون وتسألهم

[alexmaxtor]

الكلام ده زى الفل و حاجه محترمه جدا"
بس انا ليا سؤال واحد
لو انا حبيت اشترى حاجه من السعودية مثلا" هل ينفع و هتكون التكلفه عامله ازاى ؟؟؟

اولا الشركة دى شغلها محلى فقط ، شركات الشحن الدولى زى فيديكس - دى اتش ال - ارامكس - اى ام اس ، او ممكن الشحن بالبريد العادى.


ثانيا لما تحب تشترى حاجة من برا ، الى بيبيعلك هو الى بيتولى عملية الشحن مع الشركة الى تناسبه او اذا اقترحت عليه انت اسم شركة معينة.
الاسعار بتبقى حسب الوزن و الحجم ، تقدر تحسبها على مواقع الشركات.

الشحن الدولى من الارخص للأغلى:
البريد العادى ، بعدين مع البريد السريع الدولى Ems ، بعدين مع شركة ارامكس ، بعدين كل الشركات الباقية بتكون تقريبا نفس الاسعار زى فدكس ، تى ان تى ، دى اتش ال ....

[alexmaxtor]

تعديل مهم يجب اجراؤه فى المعلومات عن الشركة دى..

أولا شركة غالية مقارنة بالشركات الاخرى..
ثانيا لنقل الفلوس مش بس بتتقاضى العمولة الى الاخ بينها (3 او 4 جنيه على الالف) لكن ايضا بتتقاضى نفس قيمة الشحن المدفوعة ذهاب كتكلفة شحن الفلوس من المشترى الى البائع.
ثالثا اذا كان المبلغ اكبر من 700 جنيه فالشركة مبتدفعش المبلغ كاش ، لكن بتدفعه شيك ، يعنى حاتروح تتلطع فى البنك لغاية ما يصرفولك الشيك ، و طبعا البنك حياخد منك عموله هو كمان.

برجاء تصحيح المعلومات دى فى الموضوع

[Salamonti-CS]

شكرا لتوضيحك يا غالي

وياريت لو تفيدنا وتدينا أسماء ومعلومات عن الشركات اللي أرخص من كده للإفادة

لأني بصراحة دي ارخص شركة اعرفها

فلو انت تعرف شركات تانية ياريت تدينا تفاصيل أكتر عشان نقدر نستفيد منك ويكون لك الأجر والثواب

[ahmeddahab]

جزاك الله خيرا

[clarion]

مطلوب وش كاسيت sony expload 5001 or 5005
0105135059

[Salamonti-CS]

مطلوب وش كاسيت sony expload 5001 or 5005



روح العب بعيد يا شاطر !!

[عمده طلخا]

مشكووووووووووووووووووووور

[رضا الحضرى]

مشكورررررررررررررررر

[مستر احمد بدوى]

جزاك الله خيرا

[elbeak_2006]

يا باشا شاكرين مجهودك
و بالتوفيق دائما

[hany negm]

شكراا المعلومات القيمة

[omarmbk]

thnxxxxxxxxxxxxxxxxxx

[mfarid_inbox]

thxxxxxxxxxxxxxxxxxx

[nagaty_1]

جزاك الله خيرا يا اسلام باشا ...

بجد معلومات قيمه للغايه

[HOSSAIN421]

شكرا جدا اخوى اخيرا لقينا حاجه فى بنى سويف
والله مشكور على الاخر

[Salamonti-CS]

أي خدمة يا معلم

[Son₪devil]

مفيش ف الشرقيه

[broadway2]

thank youu

[Boushy™]

موضوع ممتاز
تقبل كل تحياتي

[™BOB]

شكراً لك اخى الغالى على الموضوع الرائع
لدى أستفسار بسيط ؟
أريد شراء شىء من الخارج
مثل أمريكا أو أستراليا
من شركة أو محل ماذا أفعل
وشكراً لك مرة اخرى

[Salamonti-CS]

والله ا باشا في الحالة دي يبقى انت عاوز حد يكون معاه فيزا تشتري عن طريقه ويكون عنده حساب على أرامكس عشان يقدر يشتريلك الحاجة عن طريق الفيزا ويشحنهالك مع الأرامكس

فيه كذا واحد هنا في المنتدى بيعملوا المشروع ده مقابل نسبة عمولة من تكلفة الحاجة اللي بتشتريها

منهم الأخ نجاتي تقدر تراسله وتستفسر هو يفيدك اكتر مني ويديك كل التفاصيل

[mr_bambino_dent]

شكرا يا باشا علي المعلومات المفيدة

[dr.mohammed]

THanks for the info

[ramy_ahlawy]

موضوع جميل جدا و فكره كويسه جدا
شكرا يا باشا على طرحك للموضوع

[the_loyal]

الموضوع قيم جدا جدا.. شكرا ليك على مساهمتك وجزاك الله خيرا ورمضان كريم

[goodmedo2003]

شكرااا ع الموضوع الجميل والخدمة المحترمة
ورمضان كريم

[محمد علاء الدين]

أولا مش عارف أفول ايه على الموضوع الجميل دا والصراحة انا لسة متعامل مع الشركة دي مع أحد أعضاء المنتدى الكرام وماشاء الله الشركة تعاملها نضييف جدا وشكرا بجد أستاذ إسلام لإنك وفرت عليا مشواااااار لغاية اسكندرية :15:ههههههه وربنا يوفقك

[abdou23]

شكرا يا مان

[nagaty_1]

السلام عليكم

أحب اوضح للاخوه الاعضاء ان الاسعار دى اتغيرت من فتره ..

و دلوقتى الاسعار الجديده كالتالى :2:


اول كيلو 13.25 جنيه و اى كيلو بعد كدا ب 2 جنيه فقط

و لو هتستلم فلوس هتدفع 13.25 جنيه على الفلوس لأنها بتتحاسب على اساس شحنه راجعه كيلو

و على كل ألف جنيه بيخدو 3 جنيه

............

مثال للتوضيح

لو حضرتك شارى كارت من واحد و الكارت ب 1500 جنيه ووزنه 2 كيلو

فالحسبه هتكون كالتالى

13.25 جنيه اول كيلو + 2 جنيه تانى كيلو +13.25 جنيه مصاريف شحن الفلوس الى راجعه + 3 جنيه أول الف + 3 جنيه تانى ألف

= 34.5 جنيه

و هكذا ....

..........................

و الشركه تعتبر جيده و بتوصل الحاجه لحد باب البيت

و لكن يعيبها ان العميل لازم يغلف اى حاجه قبل ما يبعتها .. على عكس جميع شركات الشحن الاخرى

[mido_nana77]

شكرا لمتابعه الاسعار وربنا يجعله فى ميزان حسناتكم

[™master]

بالفعل الشركه دى جيده جدا انا اتعاملت معاها شخصيا
( طبعا بعد ما قريت الموضوع هنا ,, واحمد نجاتى طمنى منها كمان )

بس بعد تعاملى معاها الشركه بصراحه 10 / 10

الجهاز وصل للراجل اللى اشتراه تانى يوم بعد الشحن ودفع مصاريف شحن حوالى 30 جنيه وهو من الاسكندريه

والفلوس وصلتنى فى اليوم التالى مباشره

بجد تسلم ايدك يا اسلام على التنويه عن الشركه الجامده دى

[nagaty_1]

بالفعل الشركه دى جيده جدا انا اتعاملت معاها شخصيا
( طبعا بعد ما قريت الموضوع هنا ,, واحمد نجاتى طمنى منها كمان )

بس بعد تعاملى معاها الشركه بصراحه 10 / 10

الجهاز وصل للراجل اللى اشتراه تانى يوم بعد الشحن ودفع مصاريف شحن حوالى 30 جنيه وهو من الاسكندريه

والفلوس وصلتنى فى اليوم التالى مباشره

بجد تسلم ايدك يا اسلام على التنويه عن الشركه الجامده دى


الحمد لله و أى خدمه ياباشا

تحت أمرك فى اى استفسار فى اى وقت باذن الله :glasses:

و طبعا ألف شكر لاسلام باشا صاحب الموضوع

[a.sherif1]

الشركة دي فعلا وحشششششششششششششششششة جدا والتسليم متأخر جدا جدا جدا
وقال ايه مستنيين الفلوس تيجي من اسكندرية مش تحويل ههههههه
عموما متتعملوش مع الشركة دي تاني
انا مش هتعامل معاها

[nagaty_1]

الشركة دي فعلا وحشششششششششششششششششة جدا والتسليم متأخر جدا جدا جدا
وقال ايه مستنيين الفلوس تيجي من اسكندرية مش تحويل ههههههه
عموما متتعملوش مع الشركة دي تاني
انا مش هتعامل معاها

سبحان الله

انا اتعاملت مع الشركه دى اكثر من مره و مشفتش حاجه منها وحشه خالص غير موضوع التغليف بس اللى وضحته قبل كدا ..

ياريت حضرتك تحكيلنا عن تجربتك بالتفصيل علشان نتسفيد ..

[a.sherif1]

سبحان الله

انا اتعاملت مع الشركه دى اكثر من مره و مشفتش حاجه منها وحشه خالص غير موضوع التغليف بس اللى وضحته قبل كدا ..

ياريت حضرتك تحكيلنا عن تجربتك بالتفصيل علشان نتسفيد ..


انا ياسيدي بعت ساعتين مرة والمفروض ابعت و يوصلهم و كان احد هنا وتمام اوي
بعد كدة بقا قعدت 3 ايما عشان المبلغ يوصلي قلت عادي
اللي يغيظك بقا ان اكلمهم اسالهم البت تقولي المبلغ في اسكندرية و لسة مجاش ههههه(مفيش اختراع اسمه بنوك يعني)او مدام حصلوه من هناك يبقى يدوني المبلغ مباشرة من هنا
لأ مستنيينه يجي من اسكندرية
و اكلم فرع اسكندرية يدوني اسم واحد اكلمه يقوللي انا مخدتش حاجة من حد ههههههه حاجة غريبة جدا المهم المبلغ وصلي فالاخر الحمد لله بس والله انا مكانت دي مشكلتي انا مشكلتي كلها في اسلوب التعامل والغباء منهم انهم مستنيين المبلغ ييجي من اسكندرية محسسني انه لو هناك ادالهم ربع جنيه مكتوب عليه احمد لازم يجيلي ربع جنيه مكتوب عليه احمد
بس ياسيدي ادي لموقف
يعني المفروض اتحصل هناك يبعتوا المبلغ في ساعتها حتى لو انا رحت الفرع يدوني المبلغ
صح ولا انا غلط؟

[nagaty_1]

انا ياسيدي بعت ساعتين مرة والمفروض ابعت و يوصلهم و كان احد هنا وتمام اوي
بعد كدة بقا قعدت 3 ايما عشان المبلغ يوصلي قلت عادي
اللي يغيظك بقا ان اكلمهم اسالهم البت تقولي المبلغ في اسكندرية و لسة مجاش ههههه(مفيش اختراع اسمه بنوك يعني)او مدام حصلوه من هناك يبقى يدوني المبلغ مباشرة من هنا
لأ مستنيينه يجي من اسكندرية
و اكلم فرع اسكندرية يدوني اسم واحد اكلمه يقوللي انا مخدتش حاجة من حد ههههههه حاجة غريبة جدا المهم المبلغ وصلي فالاخر الحمد لله بس والله انا مكانت دي مشكلتي انا مشكلتي كلها في اسلوب التعامل والغباء منهم انهم مستنيين المبلغ ييجي من اسكندرية محسسني انه لو هناك ادالهم ربع جنيه مكتوب عليه احمد لازم يجيلي ربع جنيه مكتوب عليه احمد
بس ياسيدي ادي لموقف
يعني المفروض اتحصل هناك يبعتوا المبلغ في ساعتها حتى لو انا رحت الفرع يدوني المبلغ
صح ولا انا غلط؟


ههههههههه :)

هى فعلا الشركه غبيه جدا فى النقطه دى

بس هما بيعملو كدا مع الكل يعنى الفلوس بتوصلنى مدبسه بدبوس وهو هى الفلوس اللى استلاموها من العميل

جايز بيعملو كدا علشان لو الفلوس مزوره يبقى الراسل هو اللى يلبسها :2:

بس الحمد لله انها وصلتك فى الاخر :glasses:

[a.sherif1]

ههههههههه :)

هى فعلا الشركه غبيه جدا فى النقطه دى

بس هما بيعملو كدا مع الكل يعنى الفلوس بتوصلنى مدبسه بدبوس وهو هى الفلوس اللى استلاموها من العميل

جايز بيعملو كدا علشان لو الفلوس مزوره يبقى الراسل هو اللى يلبسها :2:

بس الحمد لله انها وصلتك فى الاخر :glasses:
اه والله الحمد لله
بس لو عملوا حوار البنك دا هيستفيدو جامد قيبقى سعر النقل 15 جنيه مش 26 جنيه هينزل النص
فسبحان الله

[Almuzikooo]

شكرا علي الموضوع المفيد جدا جدا

[aymo_on]

باشا هى كنوعية خدمة من الشركة ممتازة و فوق الممتاز, لان كبرة الشركات زى ارامكس و فيديكس للاسف اتلغى من عندها الخدمة ده و كل ما الواحد يسال عليها بيقلولنا كانت بتسبب مشاكل فاتلغت, اما بالنسبة للشركة فالصراحة انا اتعاملت فى الخدمة ده اكثر من مرة من مع مكتبهم اللى فى اسيوط و اسوان, الصراحة انا مشفتش اى تاخير او عدم اهتمام بمواعيد التسليم حتى فى التغليف بتاع الشحنة بيبقى نوعا ما كويس, بس فى الاول و الاخر المفروض الجهة اللى هى بعتالك السلعة انها تظبطو كمان من عندها قبلد ماتبعت, و انت كمان تظبطو قبل ماتبعتو لحد, متضمنش الطريق, بس كمضمون الصراحة الشركة بتنفرد بالخدمة ده و مقارنة بشركات كتير عذرا يعنى تحت السلم, هى احسن بكتير, و صاحب الموضوع يشكر انو نزلو للافادة و ربنا يباركلك فى رزقك يا عمنا

[a.sherif1]

انا بصراحة لحد دلوقتي اتعاملت معاها 15 مرة والحمد لله لأ كله تمام بس اهم حاجة متسعجلهمش

[Gamer55]

انا اتعاملت مع الشركة اكتر من 10 مرات و الحمدلله كله تمام.

بس هما ممكن يبقى عليهم ضغط ولا حاجة و تاخروا عليك مرة من ضمن 15 مرة يبقى كويس يعني مش مشكلة

[salim381977]

كنت عاوز اسئل لو اشتريت تليفزيون من كارفور المعادى للشركة فرع هناك ممكن ينقلهولى دميط وشكرا

[abdobasha2006]

فيه برضو منتدى السوق (http://100fm6.com/vb/forumdisplay.php?f=101) بتاع منتديات نجوم اف ام فيه بيع وشراء داخل مصر وجامد
ومنتدى وظائف

[مصطفى المصرى]

دى شركات شحن بضائع صح على العموم دى معلومات جميلة وشكرااااااااااا

[3shraf]

thnxxxxxxxxxxxxxxxxxxxxxxxxxxxxxxxxxxxx

[عرب مول]

السلام عليكم
بجد موضوع تحفة تسلم ايدك
عايز اقوللك اني داخل علي شغلكبير وكانت اكبر مشكلة عندي الشحن المحلي لان الدولي ليا معارفي اللي بيخدموني فية كويس جدا وباسعار رائعة وايحد محتاج اي شيءدوليانا تحت امرة
شكرا بجد علي الموضوع الرائع والمعلومات الرائعة اللي وفرت عليامشاوير كتير
وان شاء الله ابداء اتعامل معاهم واقولك علي التطورات خطوة بخطوة

[AMON2]

الشركة دى روعة انا من طنطا وبتعامل معاها

[galillio]

ممتاز موضوع رائع جدا

[شيكو افندي]

الف شكر بجد موضوع جميل جدا وهااادف
بارك الله فيك وزاد من امثالك

[grand_pharoh]

السلام عليكم ورحمه الله وبركاته
الف شكر يا اسلام على الشركه دى
واتمنى انها تفيد اعضاء كتير فى المنتدى

[فتاة الاحزان]

انا عندي اغراض كهربائية وملابسة جديدة بالكرتون لم تستعمل وفيها اغراض مستعملة ولكن انا بالكويت وانوي بيعها لخارج الكويت فهل هناك اناس يشترونها

[air_man707]

تصدق الشركة دى عندنا فى المحافظة وحتى إنى مأعرفش مكانها ولا تليفونها .
أشكرك شكر جامد جداً جداً وعلى رقم التليفون إلى هاستعمله حاااااالاً

[!X! MaFiA !X!]

موضوووووووووووووووع مفيد و اتعاملت معاهم قمة فى الزووووووووووق

[killer_sniper]

انا اتعاملت مع الشركة دي وبصراحة كنت قلقان بس أثبتت كفائة بجد ووفرت ع الواحد كتير

خليت واحد صاحبي يبعتلي من المنوفية كارت دش يوم الخميس..الكارت جالي كفر الشيخ يوم السبت الساعة 11 الصبح

يعني هو يوم والحاجة وصلتني بحالتها وزي الفل وبعت معاهم كارت دش تاني يودية لنفس المكان

وعملية الشحن ذهاب وعودة اتكلفت 26 او 27 جنية بس

حاجة تمام والله

[genius0100]

طب ارقام التليفونات دلوقتى ايه عشان ناقصة

[Unix]

هى الشركة دى ليها فرع فى دمنهور

[ahmedartstar]

شكرا علي الموضوع مفيد جدا

طيب لو بعت كارت شاشة من السويس للاسكندرية هتتكلف كام؟

[monmon01010]

الف شكرررررررررررر

[ponti]

thankssssssssssssssssssssss

[hany negm]

متشكرين جدا ياإسلام باشا

[djfrikiko]

موضوع هام ومفيد
مشكور على العرض
وانا اتعاملت كتير مع الناس دول ومواعدهم تمام

[Ashr@F]

الف شكر يا باشا عالمعلومات دى

[hamadapop3]

الشركه دى تمام اوى ياجماعه وانا جربتها

[المايسترٍوٍ]

حاجة جميلة جدا ..
شكرا ليك يا سلامونتى

[the_one77]

السلام عليكم

ياريت بجد اتمنى حد يساعدنى فى المشكلة دي

انا طلبت شحن من القاهرة ل دمياط
والشحن وصل

لكن محدش اتصل بيا لحد الوفتى ولا اعرف اي حاجة عن الشحن
وجربت ارقام التليفونات
وكلها مش شغالة الخاصة بدمياط

وكمان مش عارف عنوانهم
ياريت بجد تساعدونى

[amoor89]

اشكر الاخ الكريم صاحب الموضوع على مجهوده الرائع ونا بالفعل طلبت أوردر من الشركة دى ولما نشوف هتبقى المعاملة ازاى معاهم بس بصراحة اللى عاجبنى انى مصاريف التوصيل لغاية البيت 13.5 جنيه بس

[ayman_862010]

جزاك اللة خيرا

[wesamany]

مشهورة اوي وفكرة تستاهل الاحترام

[M_HAFIZ]

فرصة لأول متصل (خصم 50%)

يوجد عدد (2) تذكرة دريم بارك
بدلاً من 100 بــ 50 جنية وبس

ت/ 0128778636 0194822305

[mahmodeen]

شكرا يا حبى