لخبراء شبكه فودافون بس ... اللايف مجننى

[madman2002]

اللايف مكنش راضى يشتغل ويقوللى (packet data not avialble) ودى كان فى موبيل القديم مع أنى مسيف الرساله اللى بتتبعت لما نطلب *444# ... المهم أنا غيرت الموبيل برده بعت وعملت رساله جديده وسيفتها وبرده نفس المشكله ... كلمتهم فى مركز العملاء قعد يقوللى كلام غريب اننا لازم نوقف الخدمه وبعدين نشغلها ولازم ادخل كود*88841# وبعد كده أسيف الرسايل وأعما ريستارت وأعمل الكود تانى ... بس برده مشتغلتش ... أعمل ايه يارجاله فودافون

[ironman87]

bibasata shedeeda



sheel 2il sim card min 2il mobile

we ba3deen 7otha tany

we isa tishta3'al ma3ak

[mnblkj]

علي حد علمي هذه الرساله معناها ان رصيدك اقل من المطلوب لتفعيل الخدمه و هو علي ما اعتقد 6 جنيه جرب اشحن رصيدك و ادخل تاني و شوف هيحصل و ان شاء الله يشتغل

[madman2002]

الرصيد كبير ... وشلت الشريحه وحطتها وبرده مفيش

[mnblkj]

للاسف مش هاقدر افيدك اكتر من كدا
لان الرساله دي مش بطلعلي غير لما رصيدي يقل عن الحد اللي يسمحلي اني استخدم الخدمه

[mostafa88888]

بص يا باشا انا هجيبلك من الآخر
عشان انا عانيت من الموضوع مع بتوع خدمة العملاء لحد ما اتحل

اول حاجة اتأكد ان الرسالة حفظتها و ادخل على services او الويب و اتأكد ان نقطه الوصول(access point) معمولة فودافون واب
و طبعا رصيدك يكون اكتر من 5 جنيه

تانى حاجة حاول تخش على اى موقع تانى غير الفودافون لايف لأنه ممكن يكون الموقع نتاعهم بس اللى واقع نتيجة لتحديث البيانات مثلا

تالت حاجة ادخل على الضبط فى تليفونك ثم الشبكة و خلى اختيار الشبكة يدوى
هيبحث الموبايل عن الشبكات الموجودة اختار اى شبكة تانية غير فودافون و بعدين ارجع و اختار فودافون تانى و اقفل الموبايل و افتحه و جرب تدخل على اللايف

لو مدخلش برده يبقى اتصل بخدمة العملاء و اسألهم السؤال ده مباشرة عاوز اعرف اذا كان فى حجب للخدمة عندى و لا لأ

لو قالولك مفيش حجب للخدمة قولهم طب انا عاوز اقدم طلب للقسم المختص بالمشكلة بتاعتى هيقوم واخد بياناتك و يقدم الطلب و المشكلة هيحلوها فى خلال 48 ساعة

امشى فى الخطوات دى بالترتيب زى ما انا عملت و دى خلاصة تجربتى مع المشكلة
و ان شاء الله كله يبقى تمام

[madman2002]

مشكورين يا جماعه وأنا هجرب وأأقولكم

[M G M G]

مشكور جداعلى المجهود الرائع