ashrafohm
20-09-2007, 08:28 PM
السلام عليكم ورحمة الله
فكرة الموضوع يا جماعة باختصار علشان ما أطولش عليكم هي كالآتي :
لو انت اشتغلت في شغل قبل كده ، أو لسه شغال حالياً ، أنت هتقوللنا اشتغلت إزاي ، بكام ، مميزات الشغل ، عيوب الشغل ، يعني كل حاجة تفيد باقي الأعضاء بحيث إن إحنا ناخد فكرة أوسع عن أنواع الشغل المتوافر في البلد ، وعن كيفية الوصول إليها
أتمنى تكون الفكرة وصلتكم ، وأتمنى أكثر تكون عجبتكم ، وطبعاً لازم أبدأ بنفسي
أنا أولاً اسمي أشرف ، أنا طالب بكلية العلوم الفرقة الثالثة قسم رياضيات وعلوم حاسب
وأنا من القاهرة ، وحالياً شغال في مدينة نصر في مكتب للخدمات الهندسية ، مهنتي هي الكتابة على الكمبيوتر وما يتعلق بها
طبعاً الموضوع كله مش محتاج غير إنك تتعلم إزاي تكتب تتش ، ومفيش أسهل منها لو حاولت تتعلم باستخدام أي برنامج من برامج تعليم التايبينج زي :
COPY MASTER , TYPING MASTER ....ETC
هو أخويا إداني خلفية عن الموضوع الأول ، وأنا قعدت أسبوعين أتدرب لوحدي في البيت على الكيبورد ، كل اللي كنت بعمله إني بحاول أكتب قرآن من اللي أنا حافظه .
بعد اسبوعين بالظبط نزلت بين السرايات واشتغلت في مكتب لكتابة الرسائل والأبحاث ، وكنت بآخد نص جنيه على الورقة - معقولين - كنت في الأسبوع بعمل 50 - 60 جنيه ، الشغل جنب البيت وسهل , ونص الأسبوع أجازة ، فما كانش فارق كثير المرتب يعني
بعدين اشتغلت في مكاتب تانية كثير ما بين شغل بالنسبة أو بمرتب بس المتوسط دائماً 250 جنيه في الفترة الواحدة 500 - 600 جنيه في الفترتين
الشغل مرهق جداً في حالة الضغط ، وتحمله وتحمل القعدة أدام الجهاز والتركيز صعب جداً على أي بني آدم بصراحة
بس وقت ما بيكون الشغل خفيف بيبقى عادي ، وكلنا لازم نستحمل علشان أكل العيش طبعاً
من مميزات الشغل إني اكتسبت خبرة والحمد لله ممتازة في برامج الوورد والفوتوشوب والباور بوينت والتعامل مع أنواع مختلفة من الشغل ، ومن البني آدمين برضه ، وطبعاً معاملتك في الشغل مع الناس بتكون بمنتهى الاحترام وبتتعرف على ناس محترمة كثير ، وبتتوقف على المكان أو المنطقة اللي أنت بتشتغل فيها
يا ريت أكون وصلتلكم خلفية مناسبة عن شغلي وعن فكرة الموضوع ، وأتمنى ما حدش يبخل علينا بخبراته ، وأتمنى ألاقي مشاركة جيدة من الأعضاء
وفي النهاية أتمنى من الادارة تثبيت الموضوع للإفادة
وكل سنة وأنتم طيبين ، ورمضان كريم
فكرة الموضوع يا جماعة باختصار علشان ما أطولش عليكم هي كالآتي :
لو انت اشتغلت في شغل قبل كده ، أو لسه شغال حالياً ، أنت هتقوللنا اشتغلت إزاي ، بكام ، مميزات الشغل ، عيوب الشغل ، يعني كل حاجة تفيد باقي الأعضاء بحيث إن إحنا ناخد فكرة أوسع عن أنواع الشغل المتوافر في البلد ، وعن كيفية الوصول إليها
أتمنى تكون الفكرة وصلتكم ، وأتمنى أكثر تكون عجبتكم ، وطبعاً لازم أبدأ بنفسي
أنا أولاً اسمي أشرف ، أنا طالب بكلية العلوم الفرقة الثالثة قسم رياضيات وعلوم حاسب
وأنا من القاهرة ، وحالياً شغال في مدينة نصر في مكتب للخدمات الهندسية ، مهنتي هي الكتابة على الكمبيوتر وما يتعلق بها
طبعاً الموضوع كله مش محتاج غير إنك تتعلم إزاي تكتب تتش ، ومفيش أسهل منها لو حاولت تتعلم باستخدام أي برنامج من برامج تعليم التايبينج زي :
COPY MASTER , TYPING MASTER ....ETC
هو أخويا إداني خلفية عن الموضوع الأول ، وأنا قعدت أسبوعين أتدرب لوحدي في البيت على الكيبورد ، كل اللي كنت بعمله إني بحاول أكتب قرآن من اللي أنا حافظه .
بعد اسبوعين بالظبط نزلت بين السرايات واشتغلت في مكتب لكتابة الرسائل والأبحاث ، وكنت بآخد نص جنيه على الورقة - معقولين - كنت في الأسبوع بعمل 50 - 60 جنيه ، الشغل جنب البيت وسهل , ونص الأسبوع أجازة ، فما كانش فارق كثير المرتب يعني
بعدين اشتغلت في مكاتب تانية كثير ما بين شغل بالنسبة أو بمرتب بس المتوسط دائماً 250 جنيه في الفترة الواحدة 500 - 600 جنيه في الفترتين
الشغل مرهق جداً في حالة الضغط ، وتحمله وتحمل القعدة أدام الجهاز والتركيز صعب جداً على أي بني آدم بصراحة
بس وقت ما بيكون الشغل خفيف بيبقى عادي ، وكلنا لازم نستحمل علشان أكل العيش طبعاً
من مميزات الشغل إني اكتسبت خبرة والحمد لله ممتازة في برامج الوورد والفوتوشوب والباور بوينت والتعامل مع أنواع مختلفة من الشغل ، ومن البني آدمين برضه ، وطبعاً معاملتك في الشغل مع الناس بتكون بمنتهى الاحترام وبتتعرف على ناس محترمة كثير ، وبتتوقف على المكان أو المنطقة اللي أنت بتشتغل فيها
يا ريت أكون وصلتلكم خلفية مناسبة عن شغلي وعن فكرة الموضوع ، وأتمنى ما حدش يبخل علينا بخبراته ، وأتمنى ألاقي مشاركة جيدة من الأعضاء
وفي النهاية أتمنى من الادارة تثبيت الموضوع للإفادة
وكل سنة وأنتم طيبين ، ورمضان كريم