حاجه غريبه بتحصلى محتاج تفسير ليها ان امكن من فضلكم

[فيلسوف المحله]

المنتدى رائع ومحترم جدا وبحيى كل المشاركين فيه
ولكثره قراءاتى فى المنتدى دا شجعنى انى احكى على حاجه غريبه بتحصلى اثناءالنوم وبالتحديد فى فتره بدايه الدخول فى النوم
وهيا انى فجاه وبمنتهى القوه والقسوه بحس بضربه قويه جدا على راسى وحاجه زى صدمه كهربيه شديده جدا لدرجه انى بشوف شرر او ماس
كهربائى على الرغم من ان عيونى مغمضه لانى ساعتها بكون لسه بادىء ادخل فى النوم
واحيانا الحكايه دى بتكون من القوه لدرجه انى مبعرفش انام بعديها
وكشفت اكتر من مره ومش لاقى ليها تفسير
فرضيت بالامر الواقع والحمدلله مجتليش من فتره لكن بتصيبنى بالرعب لما بتحصلى ياريت حد يشاركنى بالراى او المشوره
وداايميلى للى يحب يساعدنى فى تفسير الموضوع ده او يكون بيعانيه
زيى مع خالص تقديرى واحترامى لكل اعضاء المنتدى
hanebalegypt@yahoo.com

[rwa3_alasrar]

بسم الله

عافاك الله اخى من كل سوء وابعد عنك كل مكروه

أخى ربما استطيع ان شاء الله ان اجد تفسيرا للامر وان اساعدك اذا قدر الله وشاء

ولكن اولا اخى يجب ان اعرف منك بعض الاشياء

اولا ما هو عمرك الان وما هى اول مرة حدث لك فيها هذا الامر وهل كان يقظة ام مناما ؟

ثانيا اخى حين حدوث هذا الامر معك هل ترى نورا ابيضا او تسمع صوتا مميزا

هل تحس بثقل فى جسدك حين حدوث ذلك الشئ

الحقيقة عندى الكثير من الاستفسارت ولكن ساكتفى بهذه الاسئله الان

والسلام عليكم

[ahmedalsid20]

ما تروح لدكتور يا عم الحاج

بدل متكون اعراض كهربة دماغية ولا حاجة لقدر الله " صرع يعنى "

ممكن يكون فى حاجة عندك او ده نقص فى فيتامين فى جسمك لما بتيجى تهبط و جسمك مش بيستحمل بيظهر

[فيلسوف المحله]

بالنسبه للاخ الكريم اللى بيسال عن بعض الاشياء اناتحت امرك ومتشكر
جدا لاهتمامك
سنى 34سنه الحكايه دى بتحصل ليا من حوالى 4سنين وبقالها حوالى اكتر من سنه محصلتش وفعلا بشوف زى نور ابيض وبسمع صوت فرقعه شديدجدا زى مايكون خبطه شديده على راسى ودابيحصل اثناء لحظه دخولى فى النوم فقط
امابالنسبه لرد الاخ العزيز التانى انا فعلا روحت لدكتور اكتر من مره وكان معظم الرد غير مقنع وبدون تفسير عضوى
عشان كدا طرحت الموضوع فى النتدى عليكم خاصه انى احترمت كل الموجودين وحاسس ان الجميع فعلا اسره واحده على درجه كبيره من الوعى والزوق والاحترام
وعلى فكره بالنسبه لسؤال الاخ التانى انى يكون عندى نقص فيتامين معين او اعراض صرع
صحتى بصفه عامه الحمدلله كويسه جدا حتى ان الاطباءاللى كونت روحتلهم حسيت منهم عدم اهتمام على سبيل انى مكبر الموضوع او مديلو اكبر من حجمو خاصه بعد الكشف الاكلنيكى بلاقى ابتسامه من الطبيب واخر كلامو انتا زى الفل ومعندكش حاجه
وفعلا الحمدلله مش بشتكى من حاجه اكتر من انى عايز اعرف تفسير للحكايه دى وشكرى واحترامى للجميع
اخوكم علاء

[mohmmed hamdy]

اللهم اشفى مرضانا ومرضى المسلمين
انا عندى مشكله برضه تشبه مشكلتك شويه
لو حد عنده حل وعايز يساعد ده ايميلى:m_hamdy984@yahoo.com

[moshiii]

شفاك الله
انا من رايى انك تروح لدكتور مرة تانية
لان الاعراض الى بتحكيها فيها شبه كبير جدا
من اعراض الصرع بعد الشر عليك
وممكن بردو تشوف ايه الى غيرته عادة معينة
اكل اى نوع من التغيير من سنة يمكن
كان فى حاجة هى السبب او كانت حالة نفسية

[edrakon]

زي ما قال موشي و احمد السيد ان فيه احتمال كبير تكون نوبه صرعية - نوبة صغري -
و الحل الافضل و الاسلم و الاوحد هو زيارة طبيب مخ و اعصاب جيد - اؤكد علي كلمة جيد و ليس مجرد طبيب -
و انصح بشدة بذلك و يفضل عمل اشعة و رنين مغناطيسي فقد تحدث هذه الاعراض نتيجة - لا قدر الله ورم او تجمع دموي

[kogy_diab]

بصراحه مقدرش اتكلم فى حاجه مش بفهم فيها
بس ربنا يشفيك

[rwa3_alasrar]

اللهم اشفى مرضانا ومرضى المسلمين
انا عندى مشكله برضه تشبه مشكلتك شويه
لو حد عنده حل وعايز يساعد ده ايميلى:m_hamdy984@yahoo.com


بسم الله

اخى الكريم اذا تحب اطرح مشكلتك وان شاء الله اساعدك واذا ما تحب تذكره هنا على العام فارسلها على الخاص

اسئل الله ان يعفو عن الجميع ويغشاهم برحمته

[rwa3_alasrar]

بسم الله

اخى فيلسوف المحلة لا داعى لذهابك للاطباء لانهم لن يفيدوك فهذا شئ ليس عضوى هذا اذا كان ما اظنه

[فيلسوف المحله]

الاخوه الاعزاء اعضاء المنتدى يكفينى امتنان وشكرللجميع على الاهتمام والمشاركه والزوق العالى من الجميع والردود الكتيرعلى العام والخاص عاجز عن شكر الجميع ويكفى شرف وفخر طبعا اننااسره واحده بنخاف علىبعض وبنحاول نساعد بعض شكرى لاحمد ولروعه الاسرار وموشى والخت الفاضله على الخاص وكل من ساهم فى الرد على العام والخاص وبالاخص الاخوه فى اداره المنتدى اغلى امنياتى وارق تحياتى ليكم جميعا
واحب اطمن الجميع انى الحمدلله بخير ومش بعانى من المشكله دى من اكتر من سنه بس كونت حابب اعرف تفسير مش اكتر ومتحرمش من اهتمامكم
اخوكم علاء فيلسوف المحله

[الأسد الثائر]

على فكرة الموضوع دا ميتسكتش عليه انا مش قصدي اسببلك قلق بس انت لازم تطمن على نفسك انصحك تشوف فعلا دكتور بس يكون دكتور مشهور و ليه اسمه وتستشيره في الموضوع دا
وربنا يحفظنا من كل شر و سوء