احذروا شركات النصب امثال فيجن تليكوم وامثالها والحاضر يعلم الغايب

[ahmed ghost]

السلام عليكم ورحمة الله
بعد ان وقعت فريسة عملية نصب من شركة تدعي فيجن تليكوم vision telecom
احسست ان من واجبي تحذير الشباب من الوقوع في شراك مثل هؤلاء النصابين
بينما انا اتصفح اهرام الجمعة بحثا عن وظائف خالية مثل ملايين الشباب وجدت اعلان هذه الشركة (شركة اتصالات تريد شباب بدون خبرة )
قلت في عقل بالي شركات الاتصالات هي الا ماشية اليومين دول
رحت اقدم لقيت كلام مختلف مفاده اذا كنت عندي خبرة هشتغل ولو معنديش خبرة ممكن اتدرب عندهم الاول في العلاقات العامة او الكمبيوتر والصيانة
التدريب 50% مظهر ولباقة وسلوك وانضباط في مواعيد الكورس و50% استيعاب المادة العلمية وامتحان, وقالولي مش مطلوب منك اكتر من 50% عشان تشتغلي اما في شركتنا او في احد الشركات الا احنا وكلاء عنها بندرب لها موظفين
الادهى اني لازم ادفع 225 جنيه ترد لي اذا عديت ال 50% مع اول مرتب
قلت امري لله مفيش شغل بالساهل اليومين دول رغم اني عندي لغة وبعرف كمبيوتر لكن مش لاقية شغل خالص
خلصنا التدريب خلال شهر بعدين ادونا كلنا جوابات ترشيح نروح بيها فرع الموارد البشرية للشركة بعد اسبوعين من تاريخ انتهاء الكورس ورفضوا يقولولنا عن درجاتنا او اذا كنا هنشتغل او لا وكأنها اسرار حربية وسابونا اسبوعين في حالة قلق
عن نفسي كنت مظهري حلو والحمد لله و ملتزمة جدا في الكورس بالحضور والمواعيد والانضبط والسلوك ومذاكرة المادة العلمية والتفاعل مع المدربة وكنت بعمل presentation احسن من الغالبية
بصراحة كنت رايحة فرع الموارد البشرية وانا شبه متأكدة من قدراتي واني اكيد باذن الله هشتغل
اتفاجأت اني حتى محصلتش ال50% !!!!!!!!!!!!!!!!!!!!!
انا وواحدة تانية معايا البنت استغربت جدا ولقيتها بتدافع عني قدام الا بيعمل معانا انترفيو ,ربنا يكرمها, البجاحة بقى ان بعد ما سقطت وكمان راحت عليا ال225 جنيه الا دفعتها في الاول (حار ونار فيهم مش مسامحه)مطلوب مني ادفع 25 جنية رسوم شهادة اني اخدت كورس علاقات عامة عندهم
لما قريت الشهادة بتاعة بنت زميلتنا اشترتها لقيت الصيغة انها مش شهادة تدريب دي شهادة خبرة تفيد اني اشتغلت عندهم مدة شهر في العلاقات العامة
قلتله انا مش عيزة منكم شهادة ومش هدفع مليم زيادة دي حتى يا ريتها شهادة تدريب انا اصلا ماشتغلتش عندكو شهر يا كدابين
لا ومطلوب اذا اشتغلت ادفع 30 جنيه رسوم جواب ترشيح!!!!!!!!




الشركة دي بيتقدملها شباب كتير جداااااااااااا على امل انهم يتدربوا ويلاقوا شغل
وفي الحقيقة هما شوية نصابين وحرامية ومش بيشغلوا حد
فبل الانترفيو المعجزة ده قابلنا بنت زي القمر جية تاخد شهادتها وطلبت من السكرتيرة تدخل للمدير عشان تهزئه بقالها من شهر 4 بيوعدوها بشغل ولا حياة لمن تنادي
واخدت عندهم كورس علاقات عامة وبعتوها لشركة تشتغل في المبيعات ازاي معرفش!!!!!!!!!


اظرف حاجة ان الشركة اسمها vision telecom وملهاش اي دعوة بالاتصالات مرة يقولوا شركة تدريب ومرة صيانة ومرة اتصالات


ارجو من كل الشباب ان يحذروا من الشركة النصابة دي ومن امثالها
وارجو لكل من يقرأ موضوعي ان يخبر من لا يعلم حتى نتفادى جميعا النصب
انشروه في الايميلات والمنتديات للتحذير مع اخذ نية
انشره
انشره
انشره
ملحوظة...للامانة في حق النشر تم إقتباس هذا الموضوع من العضوة التي تم النصب عليها في هذه الشركة من علي هذا اللينك
http://forum.amrkhaled.net/showthread.php?t=122851

[ahmed ghost]

السلام عليكم ورحمة الله وبركاته

جزي الله كل خير إلي العضو Miss Hanan للتنبيه عن هذه الشركة النصاية...لاني والله النهاردة كنت اروح علشان ادفع الفلوس وهما 305 جنيه لاني بالامس ذهبت اليهم وفعلا نفس الكلام اللي قالوه الاعضاء حصل معايا والحمد لله باني لم يكن معي فلوس فقال لي هذا النصاب (منه لله) باني ممكن احجز بالبطاقة وفعلا تركت له البطاقة واخذت العقد علي اني اذهب اليهم اليوم 17 / 9 /2007 لكي ادفع اليهم الفلوس واتم التعاقد وسبحان الله بعد ما نزلت من عندهم شئ إلهي حسيت باني ممكن يتنصب عليا وشكيت في الموضوع وكنت عايز ارجع تاني اخد البطاقة ولكني قلت ممكن اتحري عن الشركة دي وسألت ناس اصحابي قالوا لي لم نسمع عن هذه الشركة وعملت بحث علي النت والحمد لله توصلت إلي موضوعك الذي بصرني إلي هذه الشركة النصابة .....جزاكي الله كل خير وياريت كل الناس زيك ينبهوا الناس والشباب بالاخص عن مثل هذه الشركات...والادهي من ذلك باننا الان في رمضان والشخص او المندوب هذا وهو بيكلمني وبيشرحلي كان ماسك في إيده مصحف قرأن بيقرأ فيه.....شفتوا النفاق وصل لغاية فين.....وشكر لكم....والسلام عليكم ورحمة الله

[fzrx23]

الكلام ده صحيح يا جماعه فعلا
والشركه دي مقرها ف ارض اللواء

بس الحمد لله انا هرشت الليله من اولها ومدفعتش

[romyo-elmasry]

نصابين ولاد حرام
والله قلبي كان حاسس ومشيت ومدفعتش مليم

[Amr elmasry]

لا حول ولا قوة الا بالله

هما مش سيبنا فى حالنا لية

حسبى الله ونعم الوكيل

[banaga_banaga]

انا كمان كنت هروح و ادفع برضة فى صياحنة الشبكات و التامين 300 جنية و الشركة دى فى شارع فوزى رماح من شارع السودان المهندسين

[TrueLelo]

جزاكم الله خير جميعا و انشاء الله ربنا يرزق الجميع

[ahmed ghost]

السلام عليكم ورحمة الله
شكرا ليكم يا شباب علي ردودكم والله انا فرحان لان تحذيري جاء بفايدة لتحذير الشباب من الوقوع في هذه الشركات .....يعني كفانا احنا الشباب اللي احنا فيه....ويا ريتهم يرحمونا شوية...العمليو مش ناقصة.....وياريت ارجو من كل شخص شاف هذا الموضوع ان ينشر هذا الكلام علي المنتديات الاخري لعمل اكبر قاعدة لتحذير الشباب...واعلموا بان من يقوم بهذا النشر فله الاجر الكبير من الله وان شاء الله ربنا ايكرمه ويسهله الطريق لانه كان في عون اخيه المسلم.....والسلام عليكم ورحمة الله

[snowwhite1982]

على فكره كلامكم ده صح لانه بالفعل حصل معايا من سنه فى شركه كان اسمها العربيه جروب كان ليها فرع فى وسط البللد بعد صيدليه الاسعاف كده والفرع التانى فى الهرم ونفس الكلام حصل بالظبط بس التامين كان 105 لسه وبعد مشاكل كتير عرفت انهم فتحوا فرع تانى فى المهندسين بس اسمه بالظبط مش عارفاه كان فى كلمه vision بس الباقى ايه مش عارفه وهو بالظبط نفس الطريقه كنا بنتدرب على صيانه مازر بورد للكمبيوتر او للمحمول وامتحان بعد الشهر ماخلص
وبعد كده جواب الترشيح يطلع وتفضل رايح جاى كل يوم من الهرم 100 انترفيو من ناس اصلا تحس انها مش متعلمه اساسا ولا منظر شركه وناس جريت كير لحد شهر 1 وبعدين شغلوا كام بنت سيكرتاريه لمده شهر وكمان ماخدوش اى مرتب وفضلوا انهم يمشوا لانهم سمعوا كلام يخوف عنها خدعوا شباب كتير اوى انا منهم وواحده صاحبتى الى رحت عن طريقها واختى كان نفسى اشوفهم كلهم فى السجن بصراحه

[Eng_Network]

الشركه دي يا جماعه ليها فروع كتييييييييير و كل مره بيغيرو فروعهم عشان كده أي حد يروح شركه في أي مكان و يطلبو منه أي فلوس أو مبالغ ماليه يرفض