بخصوص نوكيا 6120

[hamo210]

انا توكلت علي الله عشان اشتر موبايل نوكيا 6120 و عندي شوية استفسارات
هل الكاميرا بتاعتو حلوة ولا نوكيا 6233 كامويرته احلي ؟
هل صوته عالي ولا واطي ؟؟
و عاوز اعرف برضه سعره بالظبط عند الشناوي

[hamo210]

انا سألت النهاردة في الشناوي علي نوكيا 6120 وقالولي 1550 من غير ضمان و 1725 بالضمان
ده معناه ان الضمان ب 175 جنيه و دي حاجة تخوف لأن ده معناه ان الموبايل ممكن يبوظ بسهولة و بسرعة
هل ده صحيح ؟؟

[hamo210]

خلاص يا جدعان انا جبتو انهاردة من الشناوي ب1550

[meedo_84]

على فكرة غلط انك جبته بغير ضمان انا هشترى ان شاء الله بكره لانه كاميرته 2 ميجا بيكسل وكمان 3 g والصوت بتاعه حلو مش وحش

[hamo210]

حنعمل ايه بقي انا حسيت ان الججهاز حلو و حيعيش فجبته من غير ضمان
و انا لسه مجربه البطارية بتاعته فضيت علي طول و الكاميرا حلوة و الصوت حلو اوي و واضح اوي و ممكن تحط عليه برامج و لعب جامدة اوي
زائد انه شيك و شكله حلو

[meedo_84]

هو لو الكاميرا فتحت معاك لون اخضر ترجع ازاى للوضع الطبيعى بتاعها يعنى انا فتحت الكاميرا لقيتها جايبة عندى الدنيا خضرا معرفش ليه

[hamo210]

ما هي دي مشكلة الكاميرا ان الصور بتبان خضرة شوية و لكن فيه اختيارات تانية ممكن تعمل الصور ابيض و اسود مثلا
adjust ----> color tone ------> white and black
و ممكن لو عاوزها بالوان تشغل الوضع الليلي مع الفلاش ,اللون الاخضر حيقل شوية

[kingemad]

بليز انصحونى اشترى 6120 ولا لا بلــــــــــــــــــــــــــــــــــــــــــــــــ ـــــــــــــــــيز

[hamo210]

اشتريه يا مان الجهاز ده شكله حلو و سعره مناسب
و من ناحية الامكانيات فهو جهاز سمبيان و سريع جدا و ممكن تحط له ميموري كيرد لغاية 2 جيجا و صوته حلو لما تيجي تشغل اغاني
و بييجي معاه برامج بتاعت الاوفيس و الاكروبات ريدر
وممكن تزود له برامج جامدة زي الماسنجر و خرايط الجووجل ( زي ال GPS تقريبا ) و الانترنت بتاعه HSPDA يعني 3.5 G والكاميرا بتاعته معقولة مش وحشة اوي (2 ميجا بكسل ) و فيها فيلاش + نظام البانوراما و الوضع الليلي و فيه كاميرا من الامام عشان الفيديو كول و الصور العادية و جودة الفيديو حلوة برضه
و لوحة الفاتيح حلوة اوي و لغاية دلوقتي معملتش و لا غلطة املائية :)
هو جهاز حلو و شكله بسيط من بره انما من جوة فيه امكانيات رهيبة و لو عاوز معلومات اكتر شوف رأي gsmarena
http://www.gsmarena.com/nokia_6120_classic-review-161.php

[kingemad]

سؤال تانى بالنسبة لعيوب الصوت والكاميرا
1-عيوب الصوت اسمع انة واطى اوىى وكمان مشكلة جديدة قرات عنها فى منتدى اجنبى انة لما تيجى تشيل السماعة الاذن يبقى كل التليفون سيلنت بمعنى نغمات الرنين والمنبة تصبح صامتة
2-الكاميرا ذى ما بتقول بتجيب اخضر

[kingemad]

سؤال تانى هو فية فى القاهرة منة لون فضى ولا كلة اسود؟

[hamo210]

لأ علي فكرة الصوت مش واطي ,, الصوت حلو لما مثلا تيجي تشغل اغنية او كده و في الرنين لما حد يتصل بيك بيبقي واضح و حلو
و من ناحية سماعة الاذن انا جربتها كذا مرة و معملتش حاجة من اللي انت بتقول عليها خالص
و من ناحية الكاميرا لما باجي اصور فيديو اللون الاخضر بيروح و لو عاوز تصور صور ثابتة من غير اللون الاخضر ممكن تشغل الوضع الليلي مع الفلاش .. و لو عاوز تشوف جودة الصور بتاعتو افتح اللينك ده :
http://www.gsmarena.com/nokia_6120_classic-review-161p3.php

[hamo210]

لأ انا جبته من اسكندرية صناعة مجرية ( من عند الشناوي ) و ملقيتش غير الاسود

[kingemad]

باين عليك مقتنع بالموبايل وهتقنعنى معاك.
بالنسبة لموضوع السيلنت
http://discussions.europe.nokia.com/discussions/board/message?board.id=smartphones&message.id=51622
هو هنا

[hamo210]

انا الحقيقة جربت الصوت فيه و ملقتش لغاية دلوقتي اي مشكلة الحمد لله

[hamo210]

بس اعتقد المشكلة دي موجودة في المنبه بس و المنبه مش مستخدم اوي يعني الا اذا انت كنت محتاجة

[BeCkHaMy]

طيب لما بتشتغل علي الجهاز كتير بيسخن من تحت ولا لا

[kingemad]

انت سمعت انة بيسخن ولا اية؟
ياريت تقولى علشان انا محتار اوى ويمكن اشترية بكرة لو كان كويس

[hamo210]

هو بيسخن شوية من ناحية الزراير و كده ,, بس انا استعملت موبايلات تانية و لقيتها كلها بتسخن زي ال6233 و ال 2600

[BeCkHaMy]

في فرق بين 6120 و 6121 ولا مفيش فرق بينهم

[hamo210]

الفرق ما بين 6121 و 6120 اختلاف في درجات الجيل الثالث يعني ال6121 مصمم عشان الجيل التالت بتاع امريكا و هو حينزل امريكا
و ال 6120 الجيل الثثالث بتاعو مصمم عشان الدول بتاعتنا يعني كلو 3g هو اختلاف في الدرجات بس انما غير كده مفيش فرق خالص

[BeCkHaMy]

اولا شكرا ليك علي اهتمامك بس معلش اخر سؤال
الكاميرا بتاعت 6233 احسن ولا 6120 لان 6233 مافيهوش حتة الكاميرا صورتها خضرا وكمان فديو 6233 فيجا يعني 640 في 480 يعتبر احسن من 6120 اللي الفديو بتاعها علي ما اعتقد كيو فيجا 320 في 240
وحاجة تانية عاوز اسأل عليها الصوت بتاع 6120 مقارب ل 6233 ولا واطي عنها بكتير
وشكرا ليك مرة تانية

[hamo210]

انا معايا النوكيا 6120 و ابويا معاه النوكيا 6233 فقارنت ما بين الاتنين لقيت ان النوكيا 6233 صورته انقي شوية انما النوكيا 6120 فيه تصوير بانوراما و فلاش و التصوير التتابعي و الفيديو بتاع 6120 احلي من 6233 علي فكرة
و من ناحية الصوت الموبايل نوكيا 6233 صوته طبعا عالي جدا وممكن تسمعه من الغرفة التانية بوضوح و برضه النوكيا 6120 صوته حلو انا لما باجي اشغل عليه اغاني صوتها بيبقي جامد و لما حد بيرنلي برضه لما اكون في الشارع او كده بسمعه كويس يعني صوته برضه حلو

[BeCkHaMy]

يعني رأيك اجيب 6233 ولا 6120

[hamo210]

اختيار صعب علي فكرة ,, بس 6120 امكانياته حلوة و ال6233 برضه بس الاختيار يرجعلك بقي انا عن نفسي بحب ال6120 بتاعي

[kingemad]

دة فيديو لل 6120
http://chi-v227.chi.youtube.com/get_video?video_id=wdr8zdK3AcQ

[hamo210]

و فيه فيديوهات علي اليوتيوب برضه

[elassi_571]

السلام عليكم ورحمه الله وبركاته

انا جبت الموبايل دا من 3 ايام بالضبط ب 1500 جنيه من غير الضمان
هو رائع جدا ومافيهوش اى عيب خالص
وبالنسبه لسخونه البطاريه دا عادى جدا فى اى موبايل اثناء الشحن حتى n73
وفى رائئ هو افضل موبايل متكامل طرحته نوكيا للاسواق
وبالنسه للاخ اللى بيقول على موضوع الصامت بعد ماتزيل السماعه احب اوضحلوا
ان هذا الامر غير صحيح وبالنسبه للينك اللى اعطاهولنا اريد منه ان يفتحوا هو بنفسوا مره تانيه
لان بعد الموضوع المكتوب فيه موضوع تحته بيقولوله ان هذا الامر غير صحيح ولو استمر معاك غيرله السوفت وير فى الضمان صح- ولا انا غلطان ؟؟؟؟

يااخواننا لو حد عاوز يشترى الموبايل دا يدوس بقلب جامد ومايخافش
دا موبايل فوق الفظيع ,,, خفيف - شيك - سريع - كاميرا فوق المتوسط - 3g سريع جدا -
انترنت سريع جدا مع امكانيه التصفح ووضع الشاشه عرضيا( عن تجربه شخصيه مع شبكه فودافون) -
عرض الفيديو رائع - شاشه ذات الوان واضحه ورائعه - مشغل موسيقى يحتوى على بعض الانظمه الصوتيه الرائعه .

[kingemad]

ياريت تقولى جبتها من فين بالظبط بالسعر دة؟

[hamo210]

هو عندنا في اسكندرية عند الشناوي من غير ضمان ب1550 انما في القاهرة ممكن تجيبه من شارع عبد العزيز

[elassi_571]

انا جبتوا ياسيدى من مركز فى المنصوره
اسمه مركز المهندس
عنوانه . شارع الجمهوريه امام مستشفى الجامعه
ودى تليفوناته ... / 0502379190
0106007883
بس انا جبته من الفرع اللى فى ميت غمرو
بس اكيد هتلاقيه فى الفرع الرئيسى

ولو فيه اى استفسار عندك انا موجود
ولو عاوز تعرف عنوان وتليفون الفرع فى ميت غمرو انا موجود برضوا

[kingemad]

شكرا يا باشا على الافادة بس انا حيران مش عارف اشترية من وين فى القاهرة؟

[thedizershow]

اشكركم اخوانى الاعزاء على المعلومات عن التليفون ..بس انا عايز اخد رايكم فى حاجه ...انا عايز اجيب 6300 العده ده شكلها محترم جدا وامكانياتها ممتازه ...فهى افضل ولا 6120 فى الامكانيات ...
ولكم جزيل الشكر ..

[hamo210]

نوكيا 6120 افضل بكتير من ناحية الامكانيات و السرعة و العدة بتاعت 6120 شكلها شيك اوي و حلوة
وده لينك مقارنة ما بينهم
http://www.gsmarena.com/compare.php3?idPhone2=1800&idPhone1=1958

[elassi_571]

6120 طبعا بدون نقاش راجع امكانيات دا ودا
وقرر انت بنفسك

[meedo_84]

فهى افضل ولا 6120 فى الامكانيات ...

ههههههههههه لا طبعا 6120 خررررررررررافة جامدة اوى

[r0o0sh]

انا جبت 6120 من 3 ايام تقريبا

فعلا تليفون حلو بصراحة وشكله شيك

والكاميرا بتاعتة الوانها رهيبة

ان الموبايل الوحيد الي فيه اكتر من 16 مليون لون

وممكن تتاكدوا من موقع نوكيا

[r0o0sh]

بس ياريت لو حد يقدر يحط ليه برامج

لان لسه منزلوش برامج هنا

انا كمان جبته ب 1500

[ahlawy_82]

مع احترامي لكل الاخوة انا كنت ناوي اشتري العدة دي لكن للاسف صوته واطي مش عالي لانه mono مش ستريو وسماعة واحدة بس
للاسف برضه الكاميرا مش حلوة خالص بالنسبة لتليفون في الامكانيات الرهيبة دي لاني شفت صور متصورة بالتليفون دة وللاسف الصور واخدة اللون الاخضر مش عارف ليه؟؟؟؟ حتي لو ظبطت الاعدادات وانا اظن انه عيب علي نوكيا ان الكاميرا تكون شيئة بالشكل ده
للاسف برضه الفلاش مينفعش يكون كشاف زي فلاش السوني اريكسون مثلا
الجهاز بيسخن فعلا خصوصا اثناء المكالمة او بعدها زي ال 6300 بالظبط فانا فعلا مش عارف اي مميزاته اللي مخليها جهاز جبار الا شيء واحد انه حجمه صغير بالنسبة للاجهزة السيمبيان و انه بيقرا ال pdf وال excel و ال Word وافتكر ان ده مش مهم ل 90 % من اللي معاهم الجهاز .
انا فعلا كنت ناوي اجيبه لكن قررت اني اشتري 6233 افضل من ناحية الصوت (ستريو وفعلا صوت رهيب) والتصوير خاصة تصوير الفيديو (رااااااائع) وشاشتة ممتازة وانا بالنسبة ليا حتة انه جافا مش سيمبيان دي ميزة علي الاقل مفيش فيروسات ولا تهنيج وبرضه لان معظم برامج السيمبيان لا تستخدم في شيء مفيد بمعني الكلمة وياريت اللي بيفكر يشتري يرجع ل gsmarena ويقرا ال review واراء المستخدمين لكل جهاز. (عارف اني ممكن انضرب من بعض الاخوة الاعضاء هههههههههه)
الف شكر للجميع

[hamo210]

لا يا مان نوكيا 6120 موبايل جامد طحن

[yahaa64]

بس ياريت لو حد يقدر يحط ليه برامج

لان لسه منزلوش برامج هنا

انا كمان جبته ب 1500

ممكن تقول لنا اشتريته من فين؟

[hamo210]

عند الشناوي في اسكندرية ب1500

[spider0net0]

انا اشتريت العدة بس عاوز ثيمات ليها والعاب وبرامج

[SEERA THE BEST]

شكرا جدا يا جماعة علي الاهتمام انا لما اريت الموضوع فعلا اخدت كمية معلومات رهيبة عن الجهاز
بس في حاجة هي إللي قلاقتني اوي
حكاية اللون الأخضر انا عايز حد يقوللي فعلا ايه مدي وجود المشكلة دي و هل فعلا تستحق ان الواحد يقلق بسببها؟؟؟؟
حاجة اخيرة:
هوه سؤال غريب شوية بس عايز اعرف ايه اللي بيميز n73 عن 6120 او العكس بغض النظر عن الفرق في الحجم
وليه الn73 اغلي (علي حد علمي)
وشكرا

[hamo210]

الفرق الوجيد بين ال ان 73 و ال 6120 الكاميرا
الكاميرا بتاعت ان 73 احسن بكتير طبعا عشان 3.2 ميجا بكسل
و اللون الاخضر بيبقي موجود في الاضاءة الوحشة لو في اضاءة حلوة الكاميرا بتبقي جامدة اويي

[SEERA THE BEST]

شكرا علي السرعة الرهيبة في الرد
عندي سؤال تاني
هل فعلا بطاريته بتخلص بسرعة
حاجة كمان هل لو في فرصة ان الواحد يجيبه من برة (السعودية مثلا) حيبقي السعر اقل وللا مش حيفرق السعر؟؟؟؟

[hamo210]

السعر بره اقل طبعا في البلاد العربية
و من ناحية البطارية هي مش بتقعد كتير اوي لما تستخدمه كتير
يعني لو استخدمته في الكلام بس ممكن يقعد 3 ايام و لو استخدمته كلام + استعمال عادي يقعد يومين او يوم و نص زي اي موبايل تاني
و مش بيقعد في الشحن كتير

[meedo_84]

بس ياريت لو حد يقدر يحط ليه برامج

لان لسه منزلوش برامج هنا

بالنسبة للبرامج المتاحة اى تلفون جيل ثالث وكمان سمبيان 60 تلفووووووووووون خررررررافة الكاميرا اللون الاخضر طول ما فى اضاءة عالية الاخضر ده مش موجود

[meedo_84]

هل فعلا بطاريته بتخلص بسرعة

مش بسرعة اوى يعنى على حسب استخدامك

[AhmedElbehery]

اهنئك على اختيارك الموفق لــ 6120

[kily2010]

يا جماعه هو كافاراته موجوده ولا قليل

[meedo_84]

لسه الكوبى بتاع منزلش

[hamo210]

انا سألت في اسكندرية كلها و مش لاقيله كفر :(

[mm_kotb]

الجهاز ممتاز بالفعل ولكن البطاريه سيئه

ولو الموضوع ضايقك اوي ممكن تشتري بطارية احتياطية وشاحن ديسك توب

[BeCkHaMy]

هيا 6120 بتصور فيديو بصيغة ام بي فور ولا الصيغة العادية

[hamo210]

اعتقد ام بي فور ,, بس انا عندي بيصور و ملاحظتش قبل كده الصيغة و من ناحية البطارية فهي مش ضعيفة للدرجة يعني معقولة ,, يعني مثلا لو وطيت اضاءة الشاشة و قفلت البلوتوث و صوت لوحة الفاتيح و الحاجات اللي ملهاش لازمة دي ممكن البطارية تقعد كتير

[ahmed_meto_1985]

السلام عليكم ورحمة الله وبركاتة
لو سمحت يا شباب انا كنت عاوز themes ل nokia 6120 ضروري بعد اذنكم ولو كمان قولتولي ازاي احطهم علي الموبيل ولغيرهم وكدة يعني...

[hamo210]

sumbian 9.2 OS 3rd edition themes we momken mini usb aw bluetooth

[araaish]

يا جماعه انا جبت موبايل 6120 من شهر و نص و شغال تمام جدا و اللون الاخضر اللى بتقولو عليه ده يروح لو طفيتو الفلاش و بطاريته مش وحشه ولا حاجه دى احسن من N70 وصوته عالى و جميل وله جرابات فى اسكندريه فى شارع السلطان حسين ادام شارع الموبايلات وبيتوصل بأى كابل Usb ومن غير تعريف و دلوقتى نزل منه اللون الابيض و سمعت انه بئه ب1475 جنيه و ثيماته هى ثيمات N73 وموجودين هنا فى المنتدى واى خدمه انا موجوده.

[hamo210]

ممكن لو سمحت تقولي اقدر اجيب كفرات من اسكندرية فين تاني و اللزقة بتاعت الشاشة كمان

[shahtafa2]

اولا السلام عليكم ورحمه الله على احلى ناس
اولا انا عندى 6120 كلاسيك كنت عايزاضيف حاجه واستفسر عن حاجه
اولا اما تيجى تصور والفلاش شغال لازم تشيل الكفر علشان ما يجيبلكش الضوء الاخضر ده وجرب وقولى لأن الكفر بيعكس الضوء وكده
تانى حاجه صوت العده عالى جدا جدا
بس عندى مش عارف مش عالى ليه
وكمان ماشاء الله عده كامله جدا وفيها كل حاجه الواحد ممكن يحتاجه فى اى موبيل وكمان كفايه موضوع الاذان فيها وخاصيه الهاتف الاسلامى
ياريت يا شباب حد يدلنى على موضوع الصوت وارجو منكم الثيمات جدا جدا
والله ولى التوفيق

[MEDOMAN2006]

ياشباب أنا عندي نوكيا 6120 بقاولوا معاياه حوالي 3 شهور
بصراحة تليفون جامد جامد جامد
ده حته أحلى من N73 لأن أخويه جابه
تعرفوا لقيت 6120 أشيك وأقوي من حيث إن جسمه كروم
وبعدين صغير وحجمه عملي جداً بصراحة متقطعلكش
جيب البطلون لو في جيبك
مش زي N73 إللي عامل زي الطوبة

[hamo210]

يا جدعان حد يقولنا الكفر منين في اسكندرية او اللزقة بتاعت الشاشة

[parymoon]

السلام عليكم يا جماعه الخير
يا ريت حد يدلني علي الاحسن 6233 او 6300 او6120 وايه عيوب كل منهم واسعارهم
معلش انا هتعبكم معايا شويه

[hamo210]

6120 احلي موبايل فيهم انا شوفت التلاتة و اقدر اقولك ان 6120 احلي واحد

[araaish]

اى ثيم للموبايل N73 او ادخل اى موقع من المكتوبين www10.ownskin.com , www.zedge.net , www.mobile9.com , www.mobile300.com و اختار نوع الموبايل 6120 او N73

[H0SSAM]

السلام عليكم يا جماعه الخير
يا ريت حد يدلني علي الاحسن 6233 او 6300 او6120 وايه عيوب كل منهم واسعارهم
معلش انا هتعبكم معايا شويه

6120 طبعا!
6300 و 6233 مش سيمبيان ودى مشكلى فى البرامج والامكانيات
6120 اسرع جهاز نوكيا "مش كلام, فيه اسرع معالج واكبر رام" اسرع من الn95
تنزل عليه برامج n95 بما فيها برنامج الخرائط
شيك جدا وصغير جدا بس شاشته واضحة لانها 16 مليون لون وابعادها عالية
6120 صوته مش عالى قوى "معقول" ومنصحكش تنزل نغمات عالية لانها حتأثر على جودة وعمر السماعات

[H0SSAM]

يا جدعان حد يقولنا الكفر منين في اسكندرية او اللزقة بتاعت الشاشة

انا كنت محتاس بالكفر من ساعة مجبته
بس بلقيت كفر من عند الشناوى فى سموحة ب10 جنيه لسا نازله امبارح!
اللزقة بتاعة الشاشة بتتياع؟!

[samo7]

يا جماعة انا قارت كل اللى انتة كتبتة ومتشكر اوى والعدة شكلها جامد وانا هشتريها بس عايز اعرف هو صوت الهاند فرى عالى ولا مش عالى

[hishamst]

انا كنت عايز اشتري العده دي بس اتقال لي انها بتهنج وصوتها مش عالي
هل الكلام ده صحيح؟

[hamo210]

من ناحية الهاندفري صوته معقول يعني مسموع ... اما من ناحية التهنيج فهو اسرع موبايل نوكيا عملته و اسرع من ال ان 95 و صوته معقول و علي حسب الاغنية اللي انت مشغلها

[shatou]

انا جبت 6120 من 3 ايام تقريبا

فعلا تليفون حلو بصراحة وشكله شيك

والكاميرا بتاعتة الوانها رهيبة

ان الموبايل الوحيد الي فيه اكتر من 16 مليون لون

وممكن تتاكدوا من موقع نوكيا

وده فين باه على موقع نوكيا الكلام ده؟؟؟؟؟؟؟؟؟
اكتب اللينك ياريت

[shatou]

زود 200 او 300 جنيه بالكتير وهات موبايل N73 music edition
انضف بكتير بكتير بكتير

[shatou]

6120 طبعا!
6300 و 6233 مش سيمبيان ودى مشكلى فى البرامج والامكانيات
6120 اسرع جهاز نوكيا "مش كلام, فيه اسرع معالج واكبر رام" اسرع من الn95
تنزل عليه برامج n95 بما فيها برنامج الخرائط
شيك جدا وصغير جدا بس شاشته واضحة لانها 16 مليون لون وابعادها عالية
6120 صوته مش عالى قوى "معقول" ومنصحكش تنزل نغمات عالية لانها حتأثر على جودة وعمر السماعات

N95 8GB فيه اعلى رامات النوكيا صنعته )128 MB)
وال 6120 مش بيشغل GPS دى بس خرايط ... والحقيقه معرفش استعمالها بس الاكيد ان اللى بيشغل gps هو N95 وكمان E90

[meedo_84]

تلفون معجزة تخيلوا يا جماعة جهاز زى ده فى امكانيات اى لابتوب وفى جى بى اس اللى ممكن تبقى سايق العربية وهيا بتوجهك اتوماتيك ايه يا جماعة موبايل فاجر بجد

[H0SSAM]

N95 8GB فيه اعلى رامات النوكيا صنعته )128 MB)
وال 6120 مش بيشغل GPS دى بس خرايط ... والحقيقه معرفش استعمالها بس الاكيد ان اللى بيشغل gps هو N95 وكمان E90

6120 ممكن يشغل جى بى اس عن طريق البلوتوث طبعا لو فيه Bluetooth GPS متوصله والحرائط جاهزة
وممكن من غير جى بى اس تديله مكان او احداثيات وتقوله يوصلك منها لمكان تانى وتستخدم الvoice guide وتعمل search nearby الفرق انه مش حيقولك مكانك اوتوماتيك
وممكن يحدد مكانك عن طريق النتوورك "الشبكة" بس الخدمة دى جيه مصر ان شاء الله فى الربع التانى من 2008
ودى بالمناسبة فاشلة جدا فى ال N95 لانهم استخدمو GPS chip قديمة جدا

الىN95 8GB فيه ضعف الرامات "128" وقت ما قلت الكلام ده مكنش نزل ال N95 8GB ومكنش فيه كونفيرم فى موضوع الرامات
6120 البروسيسور اللى فيع اسره شوية 369MHz لكن اللى فى الN95 8BG 330MHz وطبعا سوفتوير ال N95 8GB اتقل بكتير لانه N Series

[shatou]

6120 ممكن يشغل جى بى اس عن طريق البلوتوث طبعا لو فيه Bluetooth GPS متوصله والحرائط جاهزة
وممكن من غير جى بى اس تديله مكان او احداثيات وتقوله يوصلك منها لمكان تانى وتستخدم الvoice guide وتعمل search nearby الفرق انه مش حيقولك مكانك اوتوماتيك
وممكن يحدد مكانك عن طريق النتوورك "الشبكة" بس الخدمة دى جيه مصر ان شاء الله فى الربع التانى من 2008
ودى بالمناسبة فاشلة جدا فى ال N95 لانهم استخدمو GPS chip قديمة جدا

الىN95 8GB فيه ضعف الرامات "128" وقت ما قلت الكلام ده مكنش نزل ال N95 8GB ومكنش فيه كونفيرم فى موضوع الرامات
6120 البروسيسور اللى فيع اسره شوية 369MHz لكن اللى فى الN95 8BG 330MHz وطبعا سوفتوير ال N95 8GB اتقل بكتير لانه N Series

lاعتقد انه مش منطقى انه اشترى bluetooth gps عشان استخدم ال gps
وهامشى بالاتنين ده غير انه مش متواجد فى مصر اما موضوع الاحداثيات وال voice guide و ال search والاتصال بالشبكه فطبعا طبعا موجود فى ال
N95 وموضوع النتورك ده صحيح فعلا والخبر اللى قولته ده لو صح يبقى ممتاااز.... ومش فاشلة فى ال N95 8GB بالعكس مش موجود لها مثيل تقريبا فى كل الموبايلات ماعدا المتخصصين فى ال gps ....

ادخل على اللينك ده وقولى رايك فى gps القديمه اللى N95 !!!
http://www.youtube.com/watch?v=HHqeyp_OXxg

السوفتوير مش تقيل بالمره لان السوفتير مش بيتحكم فيه البروسيسور قد ما بيتحكم فيه الرامات ويا عزيزى موقع نوكيا بياكد ان الموبايل ده بيشغل عدد كبير من البرامج اكتر من اى موبايل تانى مع الحفاظ على السرعه...

ال 6120 ميزته الوحيده هو سعره الخرافى ...نوكيا من سياستها طرح موبايلات من الوقت للتانى فيها خواص كتيره حلوه وبسعر منخفض بس بتحافظ على سعر وقيمة افضل موبايلاتها ...:glasses:

[nasr pen]

والليلي من الزمان حبالى.....مثقلات ، يلدن كل عجيب

[tali005]

السلام عيليكم
انا الحقيقة عندى موبيل كلاسيك 6120 هدية من عمى فى الخارج بس الحقيقة مشكلة فى الجهاز انه لا يقبل اى خط داخل مصر
اعتقد انه الجهاز كان معمول له بروتكشن على الخط فى الخارج
ارجوكم انا فى ورطة ومحتاج حل لو سمحتم
شكرا
طارق

[مروةحامد]

يا جماعة انا من دمنهور وجبت 6120 من 3 شهور تقريبا هو جهاز أكتر من رائع بس فيه حاجة واحده بس مش عارفة هى مشكلة ولا لأ ولو مشكلة حلها إيه وهى ان أغلب الصور المتحركة عند عرضها كخلفية للشاشة تعرض ثابتة ولا تتحرك إلا عندما تكون موفر طاقة ارجوكم جاوبونى:whistle:

[AhmedElbehery]

lاعتقد انه مش منطقى انه اشترى bluetooth gps عشان استخدم ال gps
وهامشى بالاتنين ده غير انه مش متواجد فى مصر اما موضوع الاحداثيات وال voice guide و ال search والاتصال بالشبكه فطبعا طبعا موجود فى ال
N95 وموضوع النتورك ده صحيح فعلا والخبر اللى قولته ده لو صح يبقى ممتاااز.... ومش فاشلة فى ال N95 8GB بالعكس مش موجود لها مثيل تقريبا فى كل الموبايلات ماعدا المتخصصين فى ال gps ....

ادخل على اللينك ده وقولى رايك فى gps القديمه اللى N95 !!!
http://www.youtube.com/watch?v=HHqeyp_OXxg

السوفتوير مش تقيل بالمره لان السوفتير مش بيتحكم فيه البروسيسور قد ما بيتحكم فيه الرامات ويا عزيزى موقع نوكيا بياكد ان الموبايل ده بيشغل عدد كبير من البرامج اكتر من اى موبايل تانى مع الحفاظ على السرعه...

ال 6120 ميزته الوحيده هو سعره الخرافى ...نوكيا من سياستها طرح موبايلات من الوقت للتانى فيها خواص كتيره حلوه وبسعر منخفض بس بتحافظ على سعر وقيمة افضل موبايلاتها ...:glasses:



thanksssss

[BOB2010]

اريد برمج ل 6120

[BOB2010]

هل يوجد اى برمج ل 6120

[محتاره]

صباح الفل انا كان عندى استفسار صغنون اوى انا اول مره اتعامل مع الموبايلات الحديثه دي عشان كده لسه ملخبطه انا نزلت من الموقع هنا ثيمزات وكنت عازة انزلها ع الكارت بتاعى حطيته فالريدر طبعا فتحته ع الكمبيوتر بتاعى بس معرفتش احط الثيمز في انى ملف وحاولت اجرب بس نزلته في الصور برضه ها انزله في انى ملف؟

[wafa313]

يا جماعه العه حلوه ولا تعبانه عشان انا ناوى اشتيريها ؟

ولو حد يعرف تمنها كام دلوقتى

وشكرا

[م.عمرو]

السلام عليكم ورحمة الله وبركاته

انا لسة شاري ال 6120 امبارح

التليفون والله يا جماعة رائع بكل المقاييس ولا لاحظت عليه اي عيوب من الي اتقالت عليه دي نهائيا بالمرة

التليفون سريييييع جدا في الدخول على القوايم الي فيه ده بفضل البروسيسور السريع الي فيه

شكله شيييييك جدا وستايل، صوته باه عالي جدا ولما اقول عالي جدا فأنا فعلا بقصد كده، بدون أي مبالغة صوته يقدر من صوت الـ N73 بل بيتفوق عليه ان صوته نقي يعني نغماته صوتها صافي ونقي جدا هتسمع كل الايقاعات والآلات الموسيقية واضحة وجميلة

شاشة باه والوان روعة بفضل ال 16 مليون لون، كفاية انه بيقبل البرامج الخاصة بالـ N95

بكل أمانة انا قعدت افعص التليفون من امبارح للنهارده مش لاقيله اي عيب بجد تليفون جميل جدا نوكيا ابدعت فيه بصراحة

انا قبل ما اشتريه قولت للراجل على اهم العيوب المنتشرة عن الموبايل ده والي الناس بتقوله عليه ولاقيته عنده فكرة عن الكلام ده، وقالي تعالا وجرب الموبايل بنفسك وطلع القطط الفاطسة الي فيه، طلع الموبايل واخدت اجرب فيه كل حاجة وبدأت بالصوت واندهشت بيني وبين نفسي عن الكلام الكتير بخصوص ان صوته ضعيف والكلام ده!!

المهم اني في النهاية مالقيتش ولا قطة من القطط دي :yes: والتليفون فعلا عاجبني جدا وممتاز من كل النواحي

بس انصح الي يشتريه يكلف نفسه شوية ويشتريه من مكان محترم او من التوكيل نفسه وابعته عن محلات وسط البلد وشارع عبد العزيز والنصب والبلاوي الي فيه

[wafa313]

ياريت يا اخ م .عمرو تقولي جبته منين وبكام عشان انا ناوى اشتريه .

جزاك الله خيرا

[م.عمرو]

أنا اشتريته من 4 أيام من mobile shop في شارع مصدق في الدقي

[wafa313]

شكرا يا اخى على الرد بس ياريت تقولى سعره كام بالضمان .

[م.عمرو]

اشتريته بـ 1400 جنيه واحتمال بس مش اكيد ان سعره يكون نزل حاجة بسيطة ضمان راية

[wafa313]

الف شكر يا اخى

[yasmein]

السلام عليكم
انا كنت عايزة حد يقولى من اللى اشتروا الجهاز دة
هو معاه جهاز الارسال والاستقبال اللى بيدخل فيه الممورى
ولا لا عشان انا جبته ومكنش موجود ولا كمان ال usb
ياريت حد يفدنى

[محتاره]

لا يقمر مش معاه واغلب اللى جابوه مكنش موجود برضه معاهم مش في قلق