يا مسلمين لعبة جديد ضد الاسلام والمسلمين تحذير لكل مسلم

[محمد مرسى]

يا مسلمين لعبة جديد ضد الاسلام والمسلمين تحذير لكل مسلم

السلام عليكم ورحمه الله تعالى وبركاته ,,

بتكلم عن موضوع خطير والله وانا اسف على ازعاجكم لاكني احاول ان اختصر لكم .

لعبه نزلت من كم يوم ازدحام في محلات الالعاب الالكترونية بسببه وانا اعرف ناس شروه نسخه اصلي لعيون هاللعبه


نعم انها

http://www.mwadah.com/imgcache/9699.imgcache
والله والله والله انا ماني متفلسف وانتم لا تستغبون

واحد يحارب الله وينزل عليه الله على هيئه طير ويحارب بطل القصه هذي ويرميه بجهنم ويطلع منها

ويركب حصان بأجنحه وبيسريبه لله يمين بالله وانا اشوف هالشريط مع الشباب خفت ان الارض تنشق وتبلعني


يا بشر يا هوه يا مسلمين فتحو شوي أمانه لا تستغبون على انفسكم انا معاكم ان تصوير اللعبه جنان بس ايهم بالله

أيهم سألتكم بالله لو خيرتكم بين شيئين : المتعه للنظر في هذا التصوير والقصه ام المتعه للنظر إلى وجه الله تعالى في جنان النعيم جمعنا الله وإياكم في جنات النعيم


والله إني اوجه رساله ونداء عاااااااااااااااااااااااجل إلى كل صاحب محل العاب الكترونيه والى كل ولي امر لم يتابع ابنائه حول هذه الالعاب المنتشره بالبيوت

واقول لهم كلمه واحده اتقوا اللللللللله واتقوا النار اللتي وقودها الناس والحجاره وتاكدوا من الالعاب الي بين اياديكم

وربي شي تدمع له العيون إلى هذه الدرجه نوصل؟

لا حول ولا قوه الا بالله



يا قارئ الموضوع امل نشره على اكبر عدد

من الايميلات والقروبات للتذكير والتحذير منه باسرع وقت ممكن

[nicromancer]

حسبنا الله ونعم الوكيل

[hido]

لاحول ولاقوة الا بالله
استغفر الله العظيم

[Mohammed_Msn]

:smoke100:توضيح بسيط
المقصود بللعبة الحروب الالهية وهى مقتبسة من معظم الافلام التى تحتوى على السيطره والتى اقتبست منها وهم مثل اله البحر اله الريح اله الماء اله النار وهى تخاريف وهمية فكل منهم لديهم قوى اللعبة هدفت ان يكون هناك حرب بينهم
مااود قولة ان الصوره وهمية مثل الافلام وهذا توضيح بسيط
ولكن لديك حق ياخى الكريم فمثل تلك الالعاب تسبب فى تشويش صور العقل لدينا وارجو من الجميع عدم للعب تلك الالعاب او التفكير فى قراءه محتوى قصتها :busted_r:

[Mr Kennedy]

اللعبة اصلا متستهلش انها تتلعب لانها مش الدرجة العالية من الجمال زى crysis مثلا

[dark_fear2003]

استغفر الله العظيم طيب ما هما شبوه الله فى فيلم جيم كارى bruce almighty
هو اكتر من كده كفر

[sasa87]

أخي الكريم أنت تتحدث عن أفضل لعبة في البلاستيشن 2 god of war 2
بحق إنها لعبة فتاكه أنا معك فأن القصة لوكانت غير ذالك لكانت أفظل بقليل

[zohdy]

المقصود بللعبة الحروب الالهية (من هم الاله هم الاله لد الرومان او اليونان) وبعد ان اعتنقت اوروبا بالمسحيه صارت هذه الاله مسار سخريه للاوروبين لم يقصد ابداء "بالله"سبحانه وتعاله
ما الخطاء في ذالك...........

[Mohammed_Msn]

فعلا ياعزيزى

[MHF]

طب ودية ضد المسلمين ازى هو اى حاجة بقت ضد المسلمين والاسلام انا عن نفسى عمرى مالعبتها بس انا مش
شايف من كلامك انها مستهدفا المسلمين يعنى دية ضد كل الاديان فاملهاش لزمة نقول لعبة جديدة ضد الاسلام

[superher0]

حسبي الله و نعم الوكيل

[zendawy]

انا مفتهمتش من كلامك اي حاجه تدل ان اللعبه ضد الاسلام والمسلمين اولا واخيرا دي لعبه بالاضافه انهم آله اسطوريه ومفيش اشاره لاي حاجه من اللي انت قولت عليها دي ارحمونا بقه وبلاش فرقعه فاضيه

[MOHAMED YUSEF]

اللعبه لا يوجد بها اى شيئ ضد ديننا الحنيف ..

اللعبه تستمد قصتها من الاساطير اليونانيه و القصد بها الحروب بين الالهه الرومانيه و اليونانيه و بطل اللعبه و اسمه كريتوس الاله الحرب لطن طمعه و جشعه جعله يفكر فى ان يكون كبير الالهه و طوال اللعبه يسعى لذلك و اللى لعب اللعبه فى اخر مشهد فى اللعبه هتلاقيه فى طريقه لمواجهة زيوس كبير الالهه و هذا فى الجزء الثالث القادم ...

للعلم فقط اللعبه ديه من اعظم اللعاب فى التاريخ و هى اللى خلت الـ ps2 لسه على قيد الحياه حتى الان بعض نزول اجهزة الكونسول الجديده .

فى النهايه اللعبه مقتبسه من الاساطير فقط .

[s_a_m_o]

انا بجد مش عارف اقول ايه بعد الكلام ده

كل اللى هقوله لولا اختلاف الاراااء لبااااارت السلع

[tagwar]

شكرا يا غالي

انا لسه بنزل اللعبه دي
بس شكلك كده هتخليني اكنسلها

شكرا ليك كتير

[™VaMpiRe™]

انا لعبت الجزء الاول وكان اكثر من رائع

وانا كنت مستني الجزء الثاني


اما بخصوص الدين فدي بتتكلم عن الاساطير اليونانية بمعني كأنك بتتفرج علي هركليز او زينا

وملهاش علاقة ولا بالاسلام ولا المسيحية

لكن لو هتربط كونها بتصور الاله (استغفر الله) لا محل للتشابه هنا

وللعلم اللعبه كانت ممنوعه في السعودية الا انها متمنعتش في مصر لعدم تعرضعها للدين ولانها تجسد اسطورة وهمية

[moolan]

نظرية المؤامرة تانى

[chalata2010]

تمام ازي كلاممك

[ahmeddiab2025]

شكرا على المعلومه ياغالى

[medo7070]

شكرا على المعلومة

[ibnghaly]

مشكور وجزاك الله خيرا

[haitham_titanic]

جهنم وبئس المصير انشاء الله

[bazoo_13]

انا فعلا سمعت عن اللعبه دى بس اول مره اعرف انها كده ..............

[ZeeZooo]

لا اله الا الله محمد رسول الله

[gamespro]

انا بصراحة لسه ماشفتش اللعبة بس الواضح من كلام المشاركين انها عن الهة اسطورية .... يبقي اية المشكلة ؟؟؟
دة معناة انها هتكون زي العاب كتير اتكلمت عن الموضوع دة ... زي titan quest وغيرها ...
ثم اشمعنا المسلمين بالتحديد الي بتوجهلهم النداء ؟؟؟ اينعم انا مسلم والحمد لله .... بس الموضوع دة مش حكر علي المسلمين بس ... ولا اية ؟؟!!

[mark_over_mars]

لا حول ولا قوة الا بااله طبعا أنصح الكل أنه يقاطع و حسبنا الله و نعم الوكيل في الناس ديه

[gamespro]

بلاش كلام عام ومبهم .... لو عندك رد موضوعي قوله .... وحسبنا الله ونعم الوكيل في امثالك

[madaeisa]

بغض النظر عن القصة باللعبة او بفيلم او ... او ...

طول عمر الشباب و كبار السن بيلعبوا و بيشاهدوا ما تنتجه هوليوود ايضا

افلام كتير بتجعلننا ننظر للبطل على انه قدوة ( تشوف البطل بيزني - بيشرب مخدرات - بيسرق - بيقتل - بيلعن بيسب ... ألخ ) و في الاخر بتلاقي للبطل معجبين بتمثيله .. و أكاد اجزم ان ليس هناك ممثل في هوليوود لم يلعن الله في كلامه في التمثيل .. هو ده الحرام

ألعاب كتير بتاخد وقت الكثيرين مننا عن تأدية الفروض و اكثر من 90% من شباب المسلمين الذين من هواة الالعاب تاخذهم الالعاب بعيدا عن تأدية الفروض .. فالألعاب وجدت لاجل الترفيه السفيه ..

انا مش من هواة الالعاب و لست من المشاهدين للافلام بكثرة .. بس عايز اقول كلمة بناء على اللي فهمته من كلامكم بخصوص نقطة الآلهة ..
ياريت اللي يقاطع اللعبة يكون اساسا كان مقاطع مسلسلات هرقليز و زينا من زمااان / او يكون مقاطع قراءة اي شئ عن تاريخ اليونان و اساطيرهم / او يكون مقاطع افلام تاريخية ذكر سواء من قرب او من بعد فيها شيئا عن آلهة أخرى
لان لو هو غير كده يبقى اعتقد انه تايه في الدنيا و مش عارف الصح من الغلط و بيمشي مع الهوجة .. ناس تقول العبوا فيلعب .. ناس تقول اتفرجوا فيتفرج .. ناس تقول قاطعوا فيقاطع

حاولوا انتم توزنوا الكلام و تضعوا لنفسكم منهاج تمشوا عليه سواء في اختيار الافلام او الالعاب .. و لو رجع كل واحد لدينه هيعرف فين الصح و فين الغلط

ربنا مش هيغير حاجة فيننا لغاية لما احنا نغير اللي في نفوسننا و عقولنا و قلوبنا

[el prince]

شكرا ليك والعبة باينة من اسمها اصلا ونتمنى مقاطعة اللعبة فهناك الكثير من الالعاب المحترمة

[moonevil]

السلام عليكم

ايه اللى فيها ضد الدين والمسلمين يا أخى العزيز هما ناس بيتكلموا عن الاساطير الاغريقيه والرومانية وده ماله ومال الاسلام هما قالوا ان اللى نزل وحارب هو رب المسلمين والعياذ بالله .. لأ هما بيصوروا التخارييف بتاعتهم وأحنا مالنا (لكم دينكم و لى دين)
كان الاولى منك التحذير منها على انها فيها اشياء تخالف العقيدة بتاعتنا مش انها ضد الاسلام و المسلمين وشكرا لرحابة و سعة صدركم فى سماعنا و جيزتم خيرا ..

[washwashne]

لاحول ولا قوة الا بالله
استغر الله العظيم يا رب
هنقول ايه كلاب

[brokenarrow_vip]

لعبة وحشه اسـتـغــفـر الـلـــه الــعـــظــيــم

[mooz32]

[b][b]
هو كل واحد هيكلم وخلاص اللعبة دى اسمها اله الحرب ودى عن واحد بحارب اله الحرب عند الاغريق وهى زى هرقل ولا ملعبتش دى كمان وبلاش بقى تخلف وبقت عادة عند ان كل حاجه نقول عليها ضد الاسلام
من محمد القاهرة:31::31::31::31::31:

[emad012]

انا مش عارف انت بتتكلم على انه لعبه

[أسطورة الحب]

هو احنا ليه عندنا احساس اننا مستهدفين على الرغم من ان الناس دى وانا على قناعة تامة فى الى بقوله ولا نهمهم فى شىء ولا بيفكروا فينا من الاساس يعنى بلاش كل حاجة كده نخدها على اعصابنا ونتأكد من المواضيع قبل مانكتبها علشان محدش يضحك علينا عايزين نتعلم اذاى نسيطر على اعصابنا ونرد بهدوء ومن غير انفعالات لاتجدى علشان حقنا ميضعش كالعادة وربنا يهدى الجميع

[tiger jet]

هو كل واحد هيكلم وخلاص اللعبة دى اسمها اله الحرب ودى عن واحد بحارب اله الحرب عند الاغريق وهى زى هرقل ولا ملعبتش دى كمان وبلاش بقى تخلف وبقت عادة عند ان كل حاجه نقول عليها ضد الاسلام
من محمد القاهرة:31::31::31::31::31:

[B]واضح ان التخلف الكبييير اللي بيعيشوا فيه بعض المسلمين وفجأة تلقيه عمل فيها شيخ ومسلم وقالك ده ضد الاسلام وده بيشتم الاسلام ياريت ياللي كاتب الموضوع تحاول تتعلم اللغة العربية وتفهمها قبل متطلع زي المدفع وتعمل فيها عم العريف وانت شكلك حتي مقرتش قرأن لما تبقي تعرف تتكلم عربي وتفهم ابقي راجع موضوعك وبالمناسبة:
[B]كلمة God = رب
رب = سيد او صاحب او اله
وذكرت في سورة يوسف اقراها وبعدين ابقي اسخن وولع
وبالمناسبة ذكرت في كثير من الاحاديث كلمة رب بمعني صاحب الشيء او سيده ياريت تبقي وصلت
واللعب اللي انت بتتكلم عنها معناهاسيد الحرب او اسياد الحرب وتتكلم عن مقاتل يحاول مضاهاةسيد الحرب ليصبح هو احد اسياد الحرب بمعني احد قادة الجيوش العظام
ياريت تبقوا تتعلموا عربي وبعدين تعرفوا دينكم وبعد كدة تتكلم عن الاسلام يا عم ابو العريف

[harmhanz]

شكرا على المعلومة

[GENNI]

إممممممم ... أنا قريت الموضوع كله ... و أحب في البداية أشكر صاحب الموضوع على حرصه على أخوانه بالمنتدى و خوفه على إنهم يقعوا في حاجة (من وجهة نظره) غلط ...

أنا هاقول رأيي ... و ده مش معارضة لرأي حد تاني ...
ده مجرد رأيي الشخصي ... و أنا باحترم جميع الآراء اللي اتذكرت في الموضوع ... و لكني لا أتفق مع معظمها ... و لا أتفق مع أسلوب الكثيرين في الحوار ...

أنا بصراحة مالعبتش اللعبة لكني كنت مهتم بقصتها و صورها و أخبارها ...
و حتى لو كانت بتتكلم عن إله ... يا جماعة دي أساطير ... ده أدب ... ده خيال ... ده فكر ... ده إبداع ...
أنا بس مش عارف إحنا ليه بنتعصب و نتشنج جدا كده ...
إنت عارف بمنطقك ... تبقى النكت حرام ... لأنها أحداث لم تقع ... فهي كذب ...
و التمثيل حرام ... لأنه أيضا كذب ...
و الفن حرام ... و الأدب حرام ... و الإبداع حرام ... و الموسيقى حرام ...
أنا مش مفتي ... لكني أعتقد إننا بكده هانقتل كل حاجة جميلة في حياتنا ...

أنا شايف إن الحاجات دي يا أخي الفاضل مافيهاش مشكلة لأن المفروض اللي بيلعب اللعبة دي عارف مسبقا إن أحداثها خيالية ...
على رأي الكاتب العبقري أحمد خالد توفيق "الرواية هي اتفاق بين الكاتب و القارئ على غرار : دعني أخدعك - دعني أنخدع" !!
هم بيقدموا حاجات خيالية ... و احنا عارفين كده كويس ...

أنا عن نفسي عاشق للحضارة الإغريقية و أساطيرها ... بس أكيد استحالة في يوم من الأيام هاطلع فوق سطح بيتنا و ابص للشمس و أقول "المجد لك يا أبوللو العظيم ... يا صاحب المركبة النارية" و إلا يكون مكاني الوحيد هو مستشفى المجانين !! http://smilies.sofrayt.com/%5E/aiw/crazy.gif

الموضوع و ما فيه أنه قصة خيالية ... إذا أردت أنت أن تعيش أحداثها في صورة لعبة أو فيلم فلا مانع ... و إذا لم ترد فلا مانع ... طالما أن إيمانك لم يهتز لحظة ...

و لكن الخطأ هو .............
أن نسب بعضنا بعض بالألفاظ ... واصفين بعضنا بعضا بالتخلف و الغباء !! ألا تعلمون أن لفظ غبي أو متخلف هو أقوى إهانة توجهها لشخص؟!
أن نسب الآخرين الذين نتمتع بعملهم و علمهم واصفين إياهم بالكلاب ... بينما بدون هؤلاء "الكلاب" لما كان هناك هذا المنتدى الذي نتحاور عليه (أقصد الـ Software الخاص بـ vBulletin) ... و لما كان هناك كمبيوتر ... و لا موبايل ... و لا سيارات ... إلخ
و أعتقد أنه لا أحد يعترض على هذا ...

أرجو أن نراجع أنفسنا ...
فليس هناك منا العالم و لا الفقيه ...
قل رأيك و احترم آراء أخوانك ... هذا ما ينقصنا لنتحضر ...
و لكن يبدو أن أمامنا الكثير لنتعلمه ...

أكرر شكري لصاحب الموضوع و لكل المشاركين به ...
سلام يا أخواني الأعزاء ...

[MOHAMED201055]

طب ودية ضد المسلمين ازى هو اى حاجة بقت ضد المسلمين والاسلام انا عن نفسى عمرى مالعبتها بس انا مش
شايف من كلامك انها مستهدفا المسلمين يعنى دية ضد كل الاديان فاملهاش لزمة نقول لعبة جديدة ضد الاسلام

انا مع الاخ مش كل حاجة طالعة جديدة تبقى ضد الاسلام دة مجرد لعبة زى كتير من الافلام والمسلسلات الى بنشوفها اقل شىء مثل مسلسل هرقل و زينا كلنا شوفنا هذة المسلسلات و مفيش حد اتكلم وقتها انها كانت ضد الاسلام ولا غيرة فياريت نبطل الكلام الى مالهوش لازمة ونتكلم فى حاجة مفيدة كتر الكلام دة هو الى جايبنه ورا

[الشبح المنتقم]

علي فكرة يا جماعة

انا عمري ما لعبت اللعبة دي قبل كدة

بس بصراحة مش عارف الموضوع دة اتعمل لية اصلا

دي بتتكلم عن الاساطير القديمة والاحصنة اللي بتطير

زي هرقل بالظبط

كلنا عارفين ان هرقل كان ابن من ابناء الاله الاغريقية القديمة

ودة كلة كلام طبعا كلام تخاريف واساطير

وكلنا عارفين كدة

يعني احنا بنلعب الالعاب دي للتسالي لكن طبعا عارفين انها اساطير X اساطير

خيال X خيال

وشكراااااااااااااااااااا

[as_lg]

أنا شايف إنه لا صله باللعبة بالدين من أساسة وليه دين الاسلام بالذات أرجو من الأخ الكريم البعد عن هذه المهاترات وأنا أعتذر عن هذا لان هذا الكلام ممكن يئذى الاسلام أكتر بس أنا معاك فى إننا لازم نبعد عن هذه الالعاب وألف شكر على اللفتة الكريمة

[sub_zero2100]

اللعبة نازلة من سنة بجزئيها
لسة افتركت نفسك اليوم
بعدين اللعبة لاتمس الدين الاسلامى الحنيف بأى شىء
لأنها من معتقداتهم اليونانية وتخريفاتهم واساطيرهم (واحنا نقدر نعمل ايه) يغوروا بستين داهية بس اللعبة رائعة وانا اقترح فقط
اصحاب القلوب الضعيفة وماتحت 16 سنة مايلعبهااش

اخى لقد تكلمنا كثيراا عن هذا الموضوع
وكلنا نشهد (ان لااله الا الله ومحمد رسول الله) وسنبقى الى ابد الابدين رغم انف الحقدين....لكن القصة لاتستاهل انك تكبرها وتعمل فيها انها اسائت للدين
لا بالعكس بالنسبة لى تثبت لى يوم بعد يوم تفاهة معتقداتهم الدينية وتحريفها ومسخرتها كمان
اللهم اعزنا بالاسلام

[kokoeffect]

علي فكره دي المره ال 333 ... اللي اشوف فيها موضوع بالعنوان .. ده ..انا والله معرفش الموضوع ده طلع منين . واتحط فيه صفحتين اذاي ..بس ذي مهو واضح انه كان قديم وحد رجعه ...

المهم .. انا هقولكم الكلام اللي قولته في 333 موضوع اللي فاتوا .. بس عايزكم تركزوا معايا فيه ربنا يكرمكم ..ولما تيجي تقروا محدش يحط في دماغه اني غلط من الاول .. لا يقره ويستوعب ويقيم وبعدين يتكلم .. لان لو كل واحد حط في دماغه ان كلام التاني غلط قبل ما يقره كده هتكون مجادله مش مناقشه ....:42:

بالنسبه يا جماعه لموضوع اللعبه دي ..انا اول ما شوفتها افتكرت ذيكم بالظبط .. ووالله كنت عايز العبها فعلا وبعدين امتنعت عنها ذي ما بظبط امتنعت عن رؤية الافلام اللي فيها استخفاف بالدين ذي فيلم جيمي كيري اللي انتوا عارفينه ..

لكن لما عرفت القصه صح .. فعلا اللعبه مفهاش مشكله خالص .. ولا فيها علاقه بالدين ولا بربنا سبحانه وتعالي.. والكلام ده طبعا اتعاد في41 مشركه اللي قبلي ..

لكن الجديد الي انا عايز اقوله .. هو ان اللعبه بتجسد فتره من الفترات بشكل خيالي .. وفعلا الفتره دي كانت موجوده .. وفعلا اليونان كانوا بيعبدوا الالهه..

ذي بالظبط ما احنا كعرب في الجاهليه كنا بنعبد الاصنام ..قبل عبادتنا لربنا سبحانه وتعالي.. وكذلك الفرعني اللي كانوا بيعبدوا الشمس والمايه وخلافه .معني كده ان اي حد يجسدلنا الفتره دي حصل فيها ايه.. يبقي هو كده بيزعزع دينا .. طبعا لا.. دي فتره جاهليه .. وكلنا عارفين الثوابت خلاص .. وما هي الا تاريخ لينا .. احنا وصفنا في القصص والافلام وهما وصفوا في القصص والافلام والالعاب .. بس كده .. فعلا الموضوع بسيط جدا لو فكرنا فيه صح .. من غير انفعال ..

انا قولت اللي عندي .خلاص .. اتمني ان اللي يخش يتكلم بعد كده يكون كلامه في صلب الموضوع .. وانا يحترم اراء غيره ذي ما غيره بيحترم ارائه ..

[seamove]

حول ولا قوة الا بالله
استغر الله العظيم يا رب
هنقول ايه كلاب
__________________

[kokoeffect]

لا حول ولا قوه الا بالله .. ولا كاني كنت كاتب حاجه من دقيقتين بالظبط ..

يا جماعه اقروه الموضوع كويس واقروا الردود وبعدين ردوا .. كده مينفعش ...

[حسام محمد]

في يوم من الأيام هاطلع فوق سطح بيتنا و ابص للشمس و أقول "المجد لك يا أبوللو العظيم ... يا صاحب المركبة النارية" و إلا يكون مكاني الوحيد هو مستشفى المجانين !!

هههههههههههههههههههههه
سيبك انته والله انته يا رامي زي العسل
ههههههههههههههههههههه
انا اللي من الضحك هيقولي عليا مجنون هنا في البيت

[romantic devil]

على كده فيلم هرقليز الكارتون اللى العيال الصغيره بتشوفه حرام
طيب لما العيال الصغيره تشوف واحد استغفر الله العظيم ابن الاله فلان
وبئا بطل وبيعمل حاجات اسطوريه
حد عنده فكره ممكن خيال الطفل بعد مايشوف الفيلم ده يوصل لايه

[haytham1212]

حسبى الله ونعم الوكيل

[RedHawk]

هو إيه إسم اللعبة ؟؟؟

[GENNI]

تنبيه عام للجميع ...

تود إدارة المنتدى ان تؤكد لكافة الاخوة الاعضاء بانه يمنع نشر أي مادة إعلامية تسيء للاديان أو تدعو للفرقة المذهبية او للتطرف ........ حيث ان ذلك يعتبر خروج صريح عن سياسة المنتدى ، كما قد يعرض المشارك الى المساءلة النظامية من الجهات الرسمية ذات العلاقة، شاكرين ومقدرين للجميع حسن التزامهم باهداف ومبادىء المنتدى.

ممنوع الكلام في أي شيء يمس السياسة أو الدين ... فهذا منتدى لألعاب الكمبيوتر ... توجد منتديات مستقلة (جزء من منتديات dvd4arab) للحديث عن الجوانب الأخرى ...

و أخيرا مسألة إعطاء الرأي و قبول الرأي الآخر هذه لا يؤمن بها إلا البلهاء ... يجب أن نعلم أن الحق لا يتجزأ و أن الرأي إذا كان تضادا فواحد منهما خاطئ
نرجو احترام الرأي و الرأي الآخر ... و نرجو كذلك عدم إهانة الآخرين حتى لو كانوا على خطأ ...

تم غلق الموضوع حتى لا يتطور لأكثر من هذا ...
و ممنوع فتح هذا الموضوع أو أي مواضيع مماثلة إطلاقا ... أي موضوع سيطرح بنفس أسلوب الردود الأخيرة سيحذف و عند التكرار ستوقف العضوية و لن يكون هناك استثناءات ...

و من له اعتراض ، منتدى الشكاوى مفتوح للجميع ...

- إدارة المنتدى -