سؤال للنقاش : هل حقا تكره المشرفين ؟؟

[dr-korn]

كثير من الاعضاء تكل للمشرف بالكراهية بمجرد وصوله للاشراف

حتى ولو كان صديق فى يوما ما ثم اصبح مشرف

كذلك هناك اعضاء تهاب المشرف جدا

ويتحول كلامها بعد ان كلام بايخ من عضو الى عضو

يتحول الى ( معاليك - باشا - يا كبير ......الخ من الالقاب )

وهنا نطرح سؤالا

ورغم انى مشرف الا اننى يستفزنى مثل هذا الموضوع

فلماذا لا تكون المعاملة عادى ايزى زى ما بيقولوا

وان تكون كل المعاملات باحترام

سواء من عضو لعضو او من عضو لمشرف او من مشرف لعضو

هل يا ترى ستكون الحياة افضل ام ستكون بايخة

اما هناك من لا يستطيع ان يعيش بدون وجاها ونفخة كدابة

وايضا من لا يستطيع ان يعيش بدون علاقات مع المشرفين وتظبيط ونفوذ

موضوع خاص بالاعضاء للاجابة على هذا السؤال

واهلا وسهلا ايضا بكل المشرفين الذين يريدون الاجابة



انتظر الردود والمناقشة الجادة

[أيمـن]

السلام عليكم :msn-wink:
أولا انا معترض على اسم الموضوع من اساسه، المفروض يكون: لماذا تكره المشرفين؟
لآن كره المشرفين اصبح حقيقة واقعة للاسف :no000000:
ودة بيتسمى في العلوم السلوكية: تكوين الآراء المقولية يعني بما ان حضرتك كعضو تعرضت لموقف من مشرف انت شايف انه بدون وجه حق يبقى كل المشرفين ظلمة ومتعسفين ومستقصدين الاعضاء
تخيل بقى يا اسلام موقفك وانت عضو في الوقت دة لما يكون ليك صاحب مشرف يناقش الموضوع بهدوء مع المشرف زميله ويقرب بين وجهات نظركو وان كنت انت على حق يوصلك حقك وان كنت غلطان تفهم الوضع الصحيح
تخيل بقى لو انت بتكره كل المشرفين اكيد ما كانش حد هيقف جنبك ويوصل وجهة نظرك الصح اللي ما بتوصلش بسبب اسلوبك اللي بتستخدمه وانت عندك خلفية كره المشرفين متأصلة في دماغك
الخلفية اللي لازم تكون متأصلة في دماغ كل واحد فينا ان المشرفين والاعضاء على حد سواء فيهم الكويس وفيهم الوحش، وكلهم بيغلطوا، بس اللي بيغلط بيتعاقب مهما كان وضعه أو لونه، والمشرف دة اخ ليا اكيد ليه خبرة في مجال اشرافه يعني هيفيدني ويفيد غيري، ممكن نختلف لكن الاختلاف يجب الا يفسد للود قضية.
ملحوظتين اخيرتين
الاولى بالنسبة للكلام بتاع معاليك وباشا وكبير والالقاب انا نفسي باقوله للمشرفين على المسنجر احيانا
التانية: اول سطر من الموضوع المفروض يكون مكتوب كالتالي:
كثير من الاعضاء تكن للمشرف الكراهية بمجرد وصوله للاشراف
واسف على الرغي
ولي عودة ان لزم الامر

[™Amrmafia]

انا عن نفسى يا اسلام عمرى ما كرهت اى مشرف
وممكن تسال اى واحد صحبى بقا مشرف ان المعالمه معاه زى ما هيا عمرها ما تتغير
انا ممكن اكره مشرف فعلا فى حاله واحد
لو المشرف ده بقا متغير بعد الاشراف لان فى ناس كده فعلا
اول ما يبقو مشرفين يطلعو فيها بقا

[FaReSALandloS]

موضوع جامد جدا للمناقشة

انا بحجز مكان وليا رد 0

[™RemoKing]

الفكره روعه بجد يااسلام

وانا اكتر حاجه بتضايقني لاما الاقي عضو بيدي للمشرف قبل مايكلمه كميه القاب عجيبه الاحترام مش عيب ده شئ ضروري جدا كمان ولكن يكفي اخي او حضرتك لو كان كبير سنا وبدون القاب لو كان شاب او صديقك

لكن الاقي واحد بيكلم مشرف وحضرت البش مهندس الدكتور رئيس مراجيح مولد الهرم تشريف سيادتك بالرد علي موضوعي انهارده عيد الفلاح عندنا في البيت :crazy000:

بالنسبه لموضوع الكره دي بيبقي غلط للمشرف انه مبيعرفش يتعامل مع شكوي العضو بالاسلوب السليم

حتي لو علي حق ممكن يكره العضو فيه بااسلوبه او يخلي العضو يقتنع براايه ويعتذرله بااسلوبه برضه

وبالنسبه للغل والكراهيه لاما حد يمسك الاشراف من اصدقائه اعتقد دي صعبه بس موجوده وبيبقي شخصيه مريضه نفسيا

لان الاشراف ده سلطه وهميه ومفيش فرق بين عضو ومشرف غير ان المشرف مكلف ببعض المهام من تنظيم ومراقبه مخالفات القسم التابع ليه وجعله نشيط دائما فقط لا غير

وشكرا يااسلام للموضوع الجميل فعلا البيفتح مشكله خطيره وسوري للاطاله بس حسيت ان فيه كلام في قلبي عايز اقوله

[@R@sh]

كأعتقاد شخصى فقط

ان المشرف والمشرف وحدو مسؤل مسئولية كاملة عن انو يجعل الاعضاء تحام تكرهو

الكرة ممكن ييجى من تصرفات كتير قد يغفل عنها المشرف

لكن برضو نلتمس العزر فالمشرف فى النهاية بشر وليس ملاك

[@R@sh]

كأعتقاد شخصى فقط

ان المشرف والمشرف وحدو مسؤل مسئولية كاملة عن انو يجعل الاعضاء تحام تكرهو

الكرة ممكن ييجى من تصرفات كتير قد يغفل عنها المشرف

لكن برضو نلتمس العزر فالمشرف فى النهاية بشر وليس ملاك

[™Dr Ibrahim]

أنا علي حد علمي
هناك العديد من الأعضاء يعتقدوا أن المشرف شخص فوق العاده
أي أنه لا يحق له التعامل معه بأي طريقه
وهناك أشخاص يتصرفون بكراهيه بسبب الغيره
مع إن أنا مثلاً معظم أصدقائي مشرفين إلا أنني أري أن المعامله معهم أفضل بكثير من التعامل مع الأشخاص العاديين
لأن المشرف يري أن التعامل مع الغير لا بد وأن يكون بإحترام
لذا يجبر الغير علي معاملته بإحترام
وهذا رأي شخصي

[medhat2008]

موضوع جميل جدا و منتظر اراء الاعضاء بكل حرية لمعرفة رايهم و لى تعقيب بعد اخذ الاراء

[a7med2005]

انا تاريخ تسجيلى اقدم من مشرفين كتير عشان كدة انا كله عارفنى ومفيش مشاكل

[a7med2005]

بس انا مشكلتى انى مجهودى فى المنتدى مش باين لانى مشترك بجميع الاقسام للاسف

[amryano]

موضوع جميل جداً اخى العزيز
وفعلاً المشرف فى منتدانا مكروة واعتقد ان السبب بعض المشرفين الذين يستخدمون الفاظ التهديد فى كلامهم ذى حوقفك وححذفلك مشاركة وتم اغلاق الموضوع لمجرد انة شايف ان الموضوع ملوش لازمة
بس حنعمل اية قدرنا كدة وكل واحد المفروض يبتدى بنفسة ويحاول يقرب من الاعضاء ويتصاحب عليهم عشان موضوع الالفة بين العضو والمشرف يرجع تانى

[ahmedaledkawy]

لا طبعا مافيش فعلا فرق ايزي بجد بس عايز أقوالك حاجه صغيره أنا بخترم ألي بكلمه من ردوده مش عشان مشرف ولا حاجه ممكن يكون مشرف مش كويس لو كلمته أكلمه عادي

[TareK366]

موضوع جميل يااسلام واعتقد ان الالقاب بين العضو والمشرف ملهاش لازمة اساسا

وقد لاحظتها كثيرا

فأنا منتظر اراء الاعضاء

واراء المشرفين ايضاا:shiny000:

تحياتي لكم...

[msism1988]

انا شايف ان المعاملة بين المشرفين والأعضاء عادية جدا انتم بس مكبرين الموضوع
انا اللى نفسى أعرفه بجد على أى أساس بيتم اختيار المشرف (أكيد طبعا مش عدد المشاركات)

[elhawwary]

اشكرك على فكرة الموضوع الجميلة
ومش شرط تطبق فى المنتدى بين المشرف والعضو بس بالعكس دى مكانها بره اكتر بالنسبه للخادم والمخدوم ورب العمل والعامل
يعنى موجوده فى كل مكان

[ahmed177]

عادى جداااااااااااااااااااا

مشرف او مش مشرف او حتى رئيس جمهورية

كلة عادى


المهم انى يشوف شغلة كويس وخلاص

نورمال

سلام

[AJDYC]

بص يا باشا
بالتأكيد في
مشرفين محترمين
بيتعاملو كويس
اكنهم عضو عادي
دول مننا وعلينا
انما اللي ماشي نافش ريشه
وعامل فيها عنتر شايل سيفه
ده الواحد اصلا
مش بيكلمه ولا ييجي نحيته
المشكله بقى مش في كده
المشكله في الاعضاء
اللي لهم مشرفين بيظبطوهم
لو في مشاكل وكوسه وحاجات
مش لـــطـــيــــفــه

[shrek33]

بصراحة انا شايفة ان اللى يغير معاملته بيكون منافق وغيرته دى لانه مايحبش الخير لغيره وانا لسه جديدة معرفتش المشرفين بس دا رأيي وارجو انه مش يزعل حد

[ronan_tin_tin]

بعد تفحيص وتمحيص..

بعد إرتياد البحار وصيد السمك!!

بعد إنتحار عدد لا بأس به من النباليظ((مش عارف ايه النباليظ دي فبلاش تسألوني))

بعد الأستعانة بالله عرفت الأسباب اللي منها الأعضاء بتكره المشرفين..

طبعا هي تجارب شخصية وإلا مكنتش هقولها..

أولا هي الأمتيازات اللي بياخدها المشرفين مش بتكون موجودة عند الأعضاء..

زي موضوع البحث مثلا اللي كان عند المشرفين بس في وقت من الأوقات..

وإتقالتلي بالنص((إشمعني إنتو تاخدو الخاصية دي وإحنا لأ..إيه الظلم دة))

ثانيا بقي ودة الأهم هو أن كتير من الأعضاء فاكرين المشرفين بياخدو فلوس من صاحب المنتدي((ياريت))

وبرضو اتقالتلي بالنص((أيوة ياعم مانتو واكلينها والعة!!!))

المشكلة إنك مهما حاولت تفهمهم مش هيصدقوك وهيحسبوك مش عاوز تقول عشان الحسد!!

أما ثالثا أن كتير من الأعضاء بيفهمو ان موضوع الأشراف دة واسطة!!!((ولا تعليق))


وشكرا ياريس إسلام عالموضوع المهم دة...بس إوعي تقلبها حرب((أحسن هم أكتر مننا...وشكلنا هنتطحن))

[dr-korn]

بعد تفحيص وتمحيص..

بعد إرتياد البحار وصيد السمك!!

بعد إنتحار عدد لا بأس به من النباليظ((مش عارف ايه النباليظ دي فبلاش تسألوني))

بعد الأستعانة بالله عرفت الأسباب اللي منها الأعضاء بتكره المشرفين..

طبعا هي تجارب شخصية وإلا مكنتش هقولها..

أولا هي الأمتيازات اللي بياخدها المشرفين مش بتكون موجودة عند الأعضاء..

زي موضوع البحث مثلا اللي كان عند المشرفين بس في وقت من الأوقات..

وإتقالتلي بالنص((إشمعني إنتو تاخدو الخاصية دي وإحنا لأ..إيه الظلم دة))

ثانيا بقي ودة الأهم هو أن كتير من الأعضاء فاكرين المشرفين بياخدو فلوس من صاحب المنتدي((ياريت))

وبرضو اتقالتلي بالنص((أيوة ياعم مانتو واكلينها والعة!!!))

المشكلة إنك مهما حاولت تفهمهم مش هيصدقوك وهيحسبوك مش عاوز تقول عشان الحسد!!

أما ثالثا أن كتير من الأعضاء بيفهمو ان موضوع الأشراف دة واسطة!!!((ولا تعليق))


وشكرا ياريس إسلام عالموضوع المهم دة...بس إوعي تقلبها حرب((أحسن هم أكتر مننا...وشكلنا هنتطحن))

والله يا زعيم انا الى خلانى اتكلم وافتح فى الموضوع ده هو نفس الشئ

لانى حسيت ان فى اعضاء مش بتقبل المشرفين

وبقسم الاعضاء لنوعين نوع يدلل ع الواحد ونوع بيتكلم معايا وهو الود ودى ياكلنى

وحذارى لو حذفت موضوع لحد تتقلب الدنيا

ويبقى احنا متسلطين ووحشين وكل العبر فينا

بس بصراحة عمر ما اتقالى الكلام الى اتقالك بالنص ده

اصله صعب اوى

ع العموم الاعضاء ليهم وجه نظر والمشرفين ليهم وجه نظر اخرى

لكن فى الاول والاخر اتمنى دائما ان الى يعم هو الود والحب والتعاون ما بيننا مشرفين واعضاء

ودمتم فى خير وصحة

[moro_basha]

و الله انا شايف ان الموضوه ابسط من كدا ....

ان موضوع الاشراف دا حاجه مش سهله ... ومش حلوة متهيئلي ....! اقصد متعبه ومسئوليه ... :no000000:

انما طبعا فكرة التطوير والمجهود المبذول من المشرف للوصول بالقسم للشكل الافضل شيء لا يقدر بثمن ... :in_love0:

وبالطبع مساعدة الاعضاء .... في كل شيء ...

وانا عمري ما اتمنى اني اكون مشرف في منتدى كبير جدا زي دي في دي ... :crazy000: ربنا يكون في عون مشرفيه ...

لاني اعلم تمام تعب المشرفين ... :no000000:

واخش في الموضوع بقى ... :fruits_c:

انا مبعرفش اشوف المشرفين غير اخواتي ... ولو في طلب بتكلم عادي ... زي ما بتكلم مع اخواتي ...

ومتهيئلي لو في كلام او حتى عتاب من المشرف فطريقتي واسلوبي غالبا هي ما تفرض رد فعله معي ...

انما حتة ان انا اكرة المشرفين ... مش وارده .... لان هو في الاول وفي الاخر عضو زي اي عضو ...

فرد فعلي معاه اذا كنت احبه او لا ... يتوقف عليه هو ... مش على انه مشرف ولا لا !

ودا طبعا غير موضوع عيد الفلاح :msn-wink: وفرح العمده في الكلام اللي الناس بتعمله عشان ترضي المشرفين ... وبصراحه انا مبحترمش حد بيعمل كدا ... طالما ان نيته التقرب وكدا ...

ومش معنى كدا برده ان انا ابقى قليل الذوق في الرد .. او اني مشكروش عالمجهود بالعكس ...

من لم يشكر الناس لم يشكر الله ... انما الاصل اني احسسه بقيمة الحاجه الحلوة اللي هو عملها ...

وانا بصراحه في شكري لاي حد مبلاقيش احلى من اني احط دعاء جميل ... عشان ربنا يبارلكله وان شاء الله ربنا يتقبل دعائي ... ومتهيئلي دا احلى شكر ودي احلى هديه ...

اتكلمت كتير انا ... بس يارب تكون وجهه نظري وضحت ... :fruits_c:

و انا مبكرهش المشرفين .... :bye10000:

[™ ΛHM€D NΘUH]

انا بحس ان موضوع الكره للمشرفين من الاعضاء بييجى اصلا من الحياه اليوميه فكلنا بنكره رئيس العمل
فالكره اصلا متواجد من الناس لاى شخص يتولى امر اى حاجه انت بتشتغل فيها وليه نفوذ عنك لمجرد تصرفه فى مجهودك

فصدقونى الاعضاء بتحس ان مواضيعهم تحت رحمه المشرفين وان المشرفين مفيش عليهم متابعه وبيتصرفو على هواهم

وفى حاجه تانيه ان الاعضاء بيخافو يحتكو بالمشرفين حتى لو العضو على حق لشعوره ان مفيش حد يشتكيله من الاداره وشعوره ايضا ان الاداره هتنصف المشرف اللى هو زميلهم على العضو الغلبان

دى وجهه نظرى فى وجود طبقات بين المشرفين والاعضاء وفعلا والله انا عايز بس اثبت لاخوانى الاعضاء واكيد الكلام ده يعرفو كل مشرف
انى كنت مشرف فى منتديات تانيه وجربت الموضوع ده ان المشرف بيبذل مجهود كبير اوى علشان ينظم القسم للاعضاء ويستفادو وبيبقى عليه ضغوط كتير اوى جوا المنتدى لانه طبعا محط انظار الاعضاء فلازم يبان بشكل معين وشغله يكون دائما متميز

وربنا يوفق الجميع للخير

[cnnil_5]

موضوع جامد اخي العزيز وانا ارى الاحترام ببين الاعضااء اكثر

من الاحتراام بين المشرفين وهذا ما اراه على الوااقع واكثر من مرة اخي العزبز وهذا لازم يتغير !!!

ولي تعليق اخر ...

[Donia]

موضوع الحب والكره بين الاعضاء والمشرفين علاقة من طرفين ، طرف فيها العضو والطرف التانى المشرف ومن الظلم تحميل طرف واحد المسئولية كلها لان مش ممكن حتلاقى مشرف بيتعامل بكل ذوق وشايف طلبات قسمه كويس ومتعاون مع الاعضاء وبعد كده تلاقى حد بيكرهه والعكس صحيح
انما الاستثناء بيحصل امتى ؟ لما تكون نفسية العضو مش تمام وبيكره الخير للاخرين وشايف نفسه احق واحد بالاشراف فى المنتدى ساعتها لو قدر حيولع فى المشرفين كلهم :15:
أوالمشرف لما يترقى لمشرف بيشوف نفسه شوية ويتخيل نفسه احسن من الاعضاء العاديين وان قوانين المنتدى دى تطبق عليهم هم وهو لأ ، دى الاستثناءات وهى تعتبر قليلة جدا بالمقارنة بعدد اعضاء الديفيدى ولا يجوز تعميمها

وشكرا يا اسلام على طرح الموضوع المهم ده للمناقشة وتوضيح وجهات النظر :glasses:

[™Sala7 Skedo]

يا عم ولا فى فرق ولا
حاجه انا الحمد لله عمرى
مابعت رساله لمشرف الا ورد
باحترام وبجد كل اغلب
مشرفى الـ dvd محترمين جدا

[wesam_www77]

فعلا فيه مشرفين بتتغر فى نفسها
واديك مثال المشرف مصرى مكبر دماغه
مشرف قسم تحميل الافلام العربيه بروابط مباشره
قام بختراق قوانين المنتدى اكثر من مره
فقام بتثبيت افلام تصوير سينما مخالفا لقوانين النمنتدى التى تصر على عدم تثبيت اى تصوير لفيلم سينما مهما كانت جودته
بيرفع على الرابيد شير بروابط مش اقل من 8 روابط وكلنا عارفين مشاكل الموقع ده
اى موضوع لفيلم يكون جايبه يثبته رغم روابطه الكثيره واى فموضوع لاى عضو يكون جايب نفس الفيلم وروابط قليله ومباشر وبتدعم الاستكمال يشوف الاعضاء راحه على الموضوع ده وسايبه موضوعه يقوم حاذف الموضوع تيجى تراسله يتحجج ان دى دعايه لمنتدى اخر وبالرغم ان الاعضاء مش شايفه اى دعايه
اسلوبه فى الكلام مع الاعضاء سيئ جدا
كثؤت منه الشكاوى كتيره جدا لدرجه انها وصلت كام مره لاداره المنتدى وصاحب المنتدى نفسه
اوقف الكثير من الاعضاء وانا منهم تم ايقافى اكثر من مره
شكونا الى الاداره تثبيت افلامه الى هيا تصوير سينما فقاموا برفع التثبيت الفورى عنها
بعد كدا قام عامل موضوع لتنحيه عن الاشراف وقام بتثبيته وسمع احلى كلام من الاعضاء وصلت ل 90% من الاعضاء كارهينه وكتبوله كلام زى السم
فقام بحذف الموضوع
ورجع تانى للاشراف بعد ماتنحى يعنى كان بيعمل زوبعه فى فنجان
مفهم الاعضاء انه بيرفع لهم الافلام ولكن الى اكتشفته ان فيه موقع اسمه
ولا بلاش الاسم علشان الدعايه الموقع ده لتحميل الافلام بالتورنت
وفيه كل الافلام والمسلسلات لحظه نزولها اول باول لكنه اشتراك بفلوس طبعا كلنا عرفنا اسم الموقع ده ويقوم بربط رابط التنزيل برابط التحميل على الرابيد شير
واشتراك الموقع ده عشرين دولار على هيئه تبرع
والموقع مشترط على الاعضاء عدم نقل ملفات التورنت من المنتدى لاى منتدى تانى ولا هيتم ايقاف العضو
فعرفت قمت بالقول لهذا المنتدى فقاموا برفته فورا من المنتدى وهو دلوقتى لايص مش عارف يجيب مسلسلات ولا افلام
احسن يستاهل لا شخصيه زى دى عندا انانيه وحب الذات
متستحقش انه تكون فى الاشراف

[xerox2010]

انا بصراحه محتكتش بحكايه المشرف والعضو دى كتير لانى شايف الردود دى مش الحاجه الى هتعيشنا ولا المنتدى ولا الالقاب كل دة محصلش حتى حبر على ورق ولاكن الاحترام انا مبطلعش من قسم التورنت والالعاب الاونلاين لان دول الحجتين الى بعملهم على النت ولاكن وجدت فى قسم التورنت ناس فعلا محترمين ويجبروك انك تحترمهم غصب عنك وانا مش هقول اسامى النهردة بس راح من منتدى التورنت مشرف من اعز المشرفين (والله العظيم ما محلسه وكلام فارغ)الراجل دة عمل موضوع خلانى من زيرو فى التورنت لبرنس فيه بشرحه وخطواته وكل المجهود الى عمله وكل التنسيق والموضوع الى مفيش زيه وساب المنتدى ليتقرب لربه اعتز بيك مشرف واعتزر لعدم قدومى من وقت مبكر حتى اعرفك اكثر بجد يجماعه بتقابل كل انماط الناس اطلع بالكويس وتجنب الوحش ونصيحه شوف ايه الى بيفيدك واعمل عليه موضوع يبقى الاستفادة وحدة ومخسرتش حاجه
(المنتديات مجرد كلمات طيبه كانت ام خبيثه فهى مجرد كلمات ستتلاشى ولن يكون بعدها كدمات فدعونا نحيا ونرى ما ورائنا من ازمات(من اخوكم فى الله وارجو ان تتقبلو كلماتى
اتمنلكم كل الخير
واسف على الاطاله

[STAR_THENET]

انا مش حاسس باشراف عليا انا حاسس انى حر ومتشكر على موضوعك

[medo mohsen]

هههههههههههه المشرفين ساعات بيكونوا شايفين نفسهم بس

[mooneye2]

السلام عليكم
انا عن نفسى بكره المشرفين جدا بصراحة وخاصة مشرفى القسم الطبى والقسم ده كله ..ده فى مرة بالصدفة والفضول قولت ادخل اشوف هيبقى القسم ده فيه ايه فقولت اتفرج عادى يعنى ومش فى نيتى اشترك اصلا بس رديت على موضوع ما ..لقيت أطباء مصر والعالم العربى كله واقفين ضدى واتهمونى بالجهل والحمد لله ..حاسة انهم متقوقعين على نفسهم كده وان منتداهم مش لاى حد حق انه يدخله غير الصفوة من الاطباء ..واتعملى باند من المنتدى طبعا فترة والاطباء طبعا لاء ...المهم المشكلة فى المشرفين بصفة عامة بيعتبروا عقليتهم أكبر من عقلية الأعضاء وانهم بس اللى من حقهم يقيموا المواضيع او يحذفوها ..مع ان الاشراف مش كده خالص ..مشرف المنتدى بيكون عليه عامل كبير جدا انه يحبب الناس تدخل المنتدى بتاعه سواء بالمواضيع بتاعته او الردود المتواضعة لكن مشقتش ده فى المشرفين هنا بصراحة مع انى لسه جديدة هنا :42:

[amryano]

السلام عليكم
انا عن نفسى بكره المشرفين جدا بصراحة وخاصة مشرفى القسم الطبى والقسم ده كله ..ده فى مرة بالصدفة والفضول قولت ادخل اشوف هيبقى القسم ده فيه ايه فقولت اتفرج عادى يعنى ومش فى نيتى اشترك اصلا بس رديت على موضوع ما ..لقيت أطباء مصر والعالم العربى كله واقفين ضدى واتهمونى بالجهل والحمد لله ..حاسة انهم متقوقعين على نفسهم كده وان منتداهم مش لاى حد حق انه يدخله غير الصفوة من الاطباء ..واتعملى باند من المنتدى طبعا فترة والاطباء طبعا لاء ...المهم المشكلة فى المشرفين بصفة عامة بيعتبروا عقليتهم أكبر من عقلية الأعضاء وانهم بس اللى من حقهم يقيموا المواضيع او يحذفوها ..مع ان الاشراف مش كده خالص ..مشرف المنتدى بيكون عليه عامل كبير جدا انه يحبب الناس تدخل المنتدى بتاعه سواء بالمواضيع بتاعته او الردود المتواضعة لكن مشقتش ده فى المشرفين هنا بصراحة مع انى لسه جديدة هنا :42:

أهنئك على شجاعتك

[إنًسَانِ]

المشرفين

بلاش نتكلم عشان الموضوع من البدايه شائك

[hamadayousry]

اعتقد ان موضوع الكره دة صعب اوي مش توصل للكره يعني لكن في الاول لازم نعرف هوة دور المشرف اية ؟؟ ينظم المنتدي ولا هوة متعين عشان يضايقك ! اكيد لا طبعا دة راجل بيدي من وقتة عشان يساعدنا , من هنا بقي لازم نعرف اية دورة ؟؟ هل يخش يحذف المواضيع وينقل المواضيع الي مش في مكانها وخلاًص! المشرف لابد وان يكون قدوة سواء في طريقة الرد او في طريقة طرح الموضوع , وربنا يوفق الجميع , واحنا هنا عشان نفيد بعض

[mondego]

السلام عليكم و رحمة الله و بركاته

الموضوع جميل جدا مثل باقى موضوعاتك . و أحب أقول ان أنا شخصيا مش بكره المشرفين و لا حاجه طالما المشرف مش عايش الدرو و عامل لنفسه وضع و مكانه أكبر من مكانته فاذا ظل محتفظ بالتواضع يبقى ليه هكرهه ؟؟ و أحب أعلق على موضوع الألقاب اللى بتظهر بعد لما شخص ما ياخد لقب مشرف ان أنا برضه عمرى ما لقبت حد بلقب علشان أصبح مشرف و بكلمه بطريقه عاديه جدا . و لما بحترم شخص بحترمه لشخصه مش علشان مشرف أو مش مشرف ..... تحياتى ليك ........ وآسف للاطاله

[Sad Song]

المشكله مش كده المشكله
هى انا المشرف بيبص للعضو على اساس
ان هو ايه
او العكس
العضو بيبص للمشرف على اساس
ايه بس فيه مثلا مشرفين بتحس بيهوم من طريقه الرد على موضوع

[inter.m]

نوعا ما مش إلى حد كبير

[hamadastar]

موضوع جميل جدا

بس اعتقد مش كلهم

انا شخصيا فى مشرفين بكرهها بصراحة

تحياتى

[▲МΞŦĀŁ ĦĄĐΞŞ▲]

أنا دايما ضد السلطه اللي أعلى مني ..... يعني محبش حد ييجي و يقفل الموضوع بتاعي ... زي ما حصل في بعض موضوعاتي ...... يمكن أنا انسان بتاع مشاكل مش عارف .... بس أنا مبكرهش كل المشرفين يعني المشرف المحترم أهلا و سهلا بيه لكن المشرف اللي بيكلمك من فوق فياريت ميحطش رد أحسن ..... و العضو اللي بيكتب للمشرف يا باشا فبلاش نفاق انتا متعرفوش منين هو باشا ؟ ..... و زياده على كده هتلاقي بعض المشرفين اللي مبيقوموش بواجبهم على أكمل وجه .... و ده كان أحد أسباب الخلافات بين قسم الميتال و قسم الراب ...... يا ريت مكنش صدعتكه بس النقاش لازم يكون صريح .

[brooa122]

يا سلام الموضوع دةجاى فى الصميم.....
بصراحة فى الاول كنت بحب الديفيدى جدا بجدا لكن شوية مواقف رخمة حصلت انقلب الى شعور بالعداء
خد عندك بسبب لغة التهديد وهاتلاقية فى منتديات الالعاب والافلام ومواضيع متثبتة يقوالك مش هاعارف ماتردش ردود غير مفهومة هههههههههه نكتة فعلا
تعالى بقى لحذف المواضيع واحد اتحذف موضوع قدام ولسبب تافه لان اسمة مشرف
بلاش دى موضوع ليا اتنقل من قسم لقسم واكتشفت بالصدفة
بلاش دى النهادة جاتنى رسالة مخالفة وتهديد من المشرف الخارق سامى تيمو بيهددفيها بالايقاف والغذاب والهوان
بسبب ردود غير مفهومة فى قسمة عشاق تامر حسنى ,بالرغم انى بكرة تامر وقسمة
وتقولى لية بتكرة المشرفين ولعلماك ناس كتير سابت المنتدى بسبب المشرفين

[drb0sy]

السلام عليكم ورحمة الله وبركاته

بصراحة موضوع هاااااااااايل للمناقشة الحرة
وأكيد هيستفيد منه المشرفين والاعضاء علشان كل مخطىء فى حق الاخر يراجع نفسه ويبدأ يصلح من نفسه

كلنا خطائين وقمة الديمقراطية ورقى الحوار ان المخطىء يعترف بخطئه ومن حرص الاعضاء على رقى المنتدى واالحفاظ على الاسبقية والتميز والقمة اننا نتعاون على الترفع عن المناوشات الداخلية والكل يتعاون من اجل الافادة للجميع... للضيف والعضو

بصراحة المشرفين انواع وبيعود ده للشخصية نفسها

انا عن نفسى قابلت مشرفين فى قمة الاخلاق والذوق ويستاهلوا كل تقدير وفى نفس الوقت لقيت بعض الاشخاص حاسين انهم ذوى سلطة وبيتكلموا ( من طرف انفهم ) لو صح التعبير العامى ولهجة امرة وطريقة مستفزة
حصل معى احد المواقف ورد فعلى انى بقيت مش طايقة ادخل المنتدى اللى هو فيه بالرغم من انه متميز فى مادته الادبية اللى هو مشرف عليها الا ان اسلوبه لايليق لانه بصراحة خنقنى ومكنش حصل اى جرم
وكتير ببقى عاوزة احط موضوع عجبنى الا انى مش برضى احطه اخاف مرة من الحذف ومرة من حرقة الدم اللى ممكن تحصللى ومعلش فى الكلمة
مش كل الللى بيدخل المنتدى طفل عاوز يتوجه
بالعكس ممكن واحد يكون سنه كبير وعلمه وفير ومن سوء التصرف لاحد المشرفين يضن على منتدانا الحبيب بهذه المعلومات او المواضيع

السادة المشرفين

احنا هنا فى منتدى يعنى بيت للحوار الكل يبدى رأيه مش فى موقع متخصص للاداب او العلوم البحتة او00 او..

من حق الجميع انه يبدى رأيه ومن حق الجميع المناقشة

ومن حق كل عضو تفضل ونزل موضوع او رأى يتنبه لحذفه وللخطأ اللى حصل فيه

برجاء من الادارة التنبيه على المشرفين زى مابيتعب نفسه ويقرا كل المواضيع او اغلبها فى قسمه فمن حق العضو انه يعرف على الاقل مثلا ان موضوعه اتحذف

والله لو وهو بيحذف داس على اسم العضو وقاله تم الحذف ل كذا بس والعضو لو عارف انه خطأ هيسكت لو لا يبقى احترمت ادميته وهو يستفسر براحته

وكمان لو الادارة بتقول ان المشرفين مش فاضيين يردوا على كل واحد اتحذفله موضوع
فالريادة مش سهلة والحفاظ على القمة اصعب من الوصول اليها

وبقترح يكون فى تقييم للمشرفين بكل قسم لترشيح اكثر مشرف متفاهم وتكريمه وكمان اكثر مشرف صدره رحب بشهادة الاعضاء يكون له ترقية انه يخاطب ببعض الحزم المشرفين الاخرين سواء بالتوجيه او التعنيف ( وهو المقصود بالحزم) مرة لين ومرة شدة

تانى بشكر صاحب الموضوع واتمنى تثبيته

[toky10]

بس لازم نعترف يا جماعه كمصرييين اصبحنا نحتاج لرقيب فكل كبيره وصغيره

[toky10]

بس الرقابه تبقي في محلهامش عالفاضي والمليان

[toky10]

بس لازم الرقابه تبقي فاهمه مش(((((((

[THE SCREAM_90]

انا فى رأى المشرف هو اللى بيخلق حب الناس ليه واحترامهم والهيبه كمان

مع اختلاف ان فيه اعضاء غيروه ان ده بقى مشرف وانا لا والحقد والغيره تبدأ !!!

[lyonaids]

موضوع رائع وحساس فعلا ..والاهم انه واقعي وبيحصل....!!

المشرف علي حسب الشخصية ...والقسم نفسه..!!

في اقسام مثلا زي الاغاني والالعاب والعرض والطلب..لازم يبقي فيها المشرف صارم ...بجد يا جماعة فعلا


عشان كدا ممكن يتكره....

وفي مثلا مشرفين بيبقو فعلا شخصيات معقده زيها مثلا زي اي عضو بردو معقد ..عادي اختلاف شخصيات

بيبان عقده بقي لما يمسك سلطه ...بيبان تعنته وتعسفه ..

وانانيته في محاباة المشرفين اصحابه ورده جوه مواضيعهم بس والاعضاء ما يعلقش عليهم ولا

يشجعهم ..فبيتكره...

اما عن نفاق الاعضاء فده فعلا بيحصل عشان يصاحبو المشرف....ويستفادو منه ...

وناسيين ان الصحوبية بتيجي لوحدها فعلا بين الناس الكويسة...!!

وعن نفسي ..لا أتعامل الا في قسم أدم وحواء...وكنت هربت ايه من القسم الأدبي ..هربا من تعنت المشرفين

اللي بجد كانو بيزهقو اي عضو جديد كاتب حاجة ..وفاكرينها مسفه او وحشه ..!!

وهما بقي اللي يوسف السباعي مثلا..لمجرد ان الواحد فيهم كتبلي مجموعة قصصية مثلا وعالنت

..وهنا في المنتدي !!

ياريت مثلا كتبها بجد واشاد بيها كتاب ونقاد ...!!

.بجد يا جماعة دي الحقيقة ؟؟؟

فهربت بجد للقسم العام ..أدم وحواء وفعلا عن نفسي لا انافق المشرفين .

.بس لازم الأحترام فقط عشان السن

يعني ماروحش للأستاذ خالد لاشين وأقوله شوف يابوب موضوعي ده كدا؟؟:mdr:


طبعا غلط ...وفي نفس الوقت بهرج معاه جامد جدا..وهو كما بيتقبل ده

ولا حرج عليه انه يبعت رسالة واتنين ويهرج بدم خفيف ...وده لازم يتعمل .

..ولا الشده والصرامة اوي...ولا الخفة الزياده عشان بردو الاعضاء تهاب المشرف!!

وشكرا ليكو


.....

[lyonaids]

موضوع رائع وحساس فعلا ..والاهم انه واقعي وبيحصل....!!

المشرف علي حسب الشخصية ...والقسم نفسه..!!

في اقسام مثلا زي الاغاني والالعاب والعرض والطلب..لازم يبقي فيها المشرف صارم ...بجد يا جماعة فعلا


عشان كدا ممكن يتكره....

وفي مثلا مشرفين بيبقو فعلا شخصيات معقده زيها مثلا زي اي عضو بردو معقد ..عادي اختلاف شخصيات

بيبان عقده بقي لما يمسك سلطه ...بيبان تعنته وتعسفه ..

وانانيته في محاباة المشرفين اصحابه ورده جوه مواضيعهم بس والاعضاء ما يعلقش عليهم ولا

يشجعهم ..فبيتكره...

اما عن نفاق الاعضاء فده فعلا بيحصل عشان يصاحبو المشرف....ويستفادو منه ...

وناسيين ان الصحوبية بتيجي لوحدها فعلا بين الناس الكويسة...!!

وعن نفسي ..لا أتعامل الا في قسم أدم وحواء...وكنت هربت ايه من القسم الأدبي ..هربا من تعنت المشرفين

اللي بجد كانو بيزهقو اي عضو جديد كاتب حاجة ..وفاكرينها مسفه او وحشه ..!!

وهما بقي اللي يوسف السباعي مثلا..لمجرد ان الواحد فيهم كتبلي مجموعة قصصية مثلا وعالنت

..وهنا في المنتدي !!

ياريت مثلا كتبها بجد واشاد بيها كتاب ونقاد ...!!

.بجد يا جماعة دي الحقيقة ؟؟؟

فهربت بجد للقسم العام ..أدم وحواء وفعلا عن نفسي لا انافق المشرفين .

.بس لازم الأحترام فقط عشان السن

يعني ماروحش للأستاذ خالد لاشين وأقوله شوف يابوب موضوعي ده كدا؟؟:mdr:


طبعا غلط ...وفي نفس الوقت بهرج معاه جامد جدا..وهو كما بيتقبل ده

ولا حرج عليه انه يبعت رسالة واتنين ويهرج بدم خفيف ...وده لازم يتعمل .

..ولا الشده والصرامة اوي...ولا الخفة الزياده عشان بردو الاعضاء تهاب المشرف!!

وشكرا ليكو


.....

[H@cK™]

يا جدعان انتوا ناس واخداها عادي لكن في مشرفين كتير اوي تحسهم طالعين فيها اوي معلش لكن في مشرفين انا بحبهم خالص و في مشرفين مش عايز اقول اساميهم شكرا يا جماعة و ياريت تتقبلوا موقفي ده معلش اتعصبت ههههههه سلام

[H@cK™]

أنا دايما ضد السلطه اللي أعلى مني ..... يعني محبش حد ييجي و يقفل الموضوع بتاعي ... زي ما حصل في بعض موضوعاتي ...... يمكن أنا انسان بتاع مشاكل مش عارف .... بس أنا مبكرهش كل المشرفين يعني المشرف المحترم أهلا و سهلا بيه لكن المشرف اللي بيكلمك من فوق فياريت ميحطش رد أحسن ..... و العضو اللي بيكتب للمشرف يا باشا فبلاش نفاق انتا متعرفوش منين هو باشا ؟ ..... و زياده على كده هتلاقي بعض المشرفين اللي مبيقوموش بواجبهم على أكمل وجه .... و ده كان أحد أسباب الخلافات بين قسم الميتال و قسم الراب ...... يا ريت مكنش صدعتكه بس النقاش لازم يكون صريح .

و اهو مثل يا شباب عضو اتوقف عشان قال كلمتين بصراحة

[اريج الزهور]

موضوع جميل يااسلام واعتقد ان الالقاب بين العضو والمشرف ملهاش لازمة اساسا

وقد لاحظتها كثيرا

[اريج الزهور]

لا مفيش كره هو ابدا هو المشرف رئيس الوزرا ؟؟

[mohamed_a_d]

اقولك انا علي حاجه بقي .. قبل ما ابقي مشرف من اصله .. كان في مشرفين بيخلوا روحي في مناخيري و خايف اعطس احسن تطلع و ابقي رحت بلاش .:2::diablo::46::46:
صح في ناس من متبعي نظريه المشرف مشرف و العضو عضو .. كان المشرف اشترك و هو مشرف:thumbdown::thumbdown: ..فبصراحه عشان الذكريات اللطيفه دي قلت يوم ما هبقي مشرف مش هغلس علي حد ابدا:boulay: .. بس بعد كده صراحة يعني ..في اعضاء طلعوا عيني بذكاءهم الناااااادر:33::6: .. يعني مثلا .. انا مشرف منتدي بولييود .. عايز اقولك اني مره حذفت البوم صور كامل لأميتاب باتشان في قسم مناقشه و في موضوع نقد فيلم مش من بطولته اساسا:31::slap: و خد عندك كده كتير قوي بقي .. فبصراحه دي اعضاء الواحد لازم يبقي ناشف عليها شويه و إلا انا اللي هييجي لي الضغط :boulay: و المراره :15:

طولت عليك في الرد .. بس موضوع ظريف :glasses::ange: