المساعد الشخصي الرقمي

مشاهدة النسخة كاملة : سؤال الى عباقرة الكرباء والإلكترونيات

vipcdrom
23-06-2007, 01:01 AM
مبدأيا ارجوا من لايعلم الاجابة الايعلق بتعليق سخيف

كلنا عارفين جهاز الاتارى واعتقد بردو اننا فاكرين لعبة Duck Hunt وفى هذه اللعبة بنوجه مسدس الاتارى على شاشة التلفزيون على موقع البطة لاصطيادها

يا ريت لو حد عندة فكرة عن عمل مسدس الاتارى ده وازاى بيحدد موقع الهدف على الشاشة مع العلم بأنة لايوجد اى Sensors على شاشة التلفزيون او فيد باك سيجنال من الشاشة للاتارى بحثت عنى تحليل لهذا الموضوع فلم اجد مايفيد


السؤال التانى لو فى حد عنده فكرة ازاى ماوس الليزر بيحدد الاجاهات على الرغم من انه شعاع ضوء فقط هو المنعكس فكيف يتم التمييز ؟
shimaasmir
23-06-2007, 04:55 PM
هو انا عمري مافكرت ازاى المسدس بيموت البطة بس سوال حلو بجد
اما بالنسبة للماوس الليزر فلو قبتها هتلاقي فتحة طالع منها شعاع الضوء اللي انت بتتكلم عليه لو حركت ايدك عالفتحة دى الماوس برضو هاتحدد اتجاهات يعنى الضوء والفتحة بيمثلو دور البليه فالماوس العادية
انا عارفه ان انت مستفدتش بحاجة من اللي انا قلته بس السؤالين عجبونى
mo7amed_15
24-06-2007, 02:47 AM
بصراحة السوالين اجمد من بعض
وانا علي حد علمي اني ممكن يكون سنسور المسدس بيحث شكل البطة فقط دة بالنسبة للسوال الاول
elkingkhaled200
25-06-2007, 02:46 PM
يا عم لا عبقرية و لا حاجة طبعا انت عارف ان الشاشة دي من جوة فيها اشعة كاثود اكيد المسدس فيه سينسور يتفاعل مع الاشعة دي بس خلاص اما بالنسبة لمكان البطة بالضبط فالسنسور مصمم على اساس ان المسدس يكون عمودي على الشاشة(تتأثر الشاشة بالاشعة العمودية من المسدس
ahmadtalaat
26-06-2007, 08:13 PM
ممكن يكون الحل هنا
http://computer.howstuffworks.com/mouse4.htm
esak
27-06-2007, 02:47 AM
يا عم لا عبقرية و لا حاجة طبعا انت عارف ان الشاشة دي من جوة فيها اشعة كاثود اكيد المسدس فيه سينسور يتفاعل مع الاشعة دي بس خلاص اما بالنسبة لمكان البطة بالضبط فالسنسور مصمم على اساس ان المسدس يكون عمودي على الشاشة(تتأثر الشاشة بالاشعة العمودية من المسدس

انا شايف ان كلامك كوايس بس اكيد سينسور بيتفاعل مع لون واحد بس و علي ما اتذكر ان البطة كان لونة احمر و مفيش اي حاجة تانية في لعبة بنفس لون
Ahmed_m_arafa
05-07-2007, 10:20 PM
السلام عليكم
الرد علي سؤال المسدس والبطه موجود هنا:
http://electronics.howstuffworks.com/question273.htm
vipcdrom
14-10-2008, 11:33 PM
السلام عليكم
الرد علي سؤال المسدس والبطه موجود هنا:
http://electronics.howstuffworks.com/question273.htm

شكرا جزيلا بالفعل الاجابة فى هذا الموقع
m0o1d0y
16-10-2008, 01:13 AM
ازيك يابشمهندس والله سوالك جامد جدا وانا تقريبا فكرت في حل.......

ان المسدس اللي في الاتاري ليه عدسه مجمعه من قدام بتوصل علي لدات الوان او دايودات وغالبا
N number of photo sencitive daiodes =no of duck color or the most clear color of the duck may be one color or two
اول مابتركز اللون علي الدايودات بتشتغل وبتدي سجنال للاتاري علي شان يدي امر ان البطه ماتت...........:oh:
والله اعلم

اما عن عمل ماوسات الليزر

يحتوي الماوس الضوئي على كاميرا صغيرة
قادرة على التقاط ما يقارب من 1500 صورة في الثانية. هذا بالإضافة إلى وجود دايود
باعث للضوء light emitting diode (LED) يرسل الضوء على السطح وهذا
الضوء المرتد ينعكس على شريحة الكترونية (مجس) تعرف باسم CMOS أي
complimentary l-oxide semiconductor. وهذا المجس
COMS يرسل الصورة إلى معالج الإشارات الرقمي DSP أي
digital signal processor الذي يعمل 18 مليون عملية في الثانية الواحدة لتحليل
الإشارة المرتدة عن الضوء الساقط على السطح الذي يتحرك عليه الماوس. وهذه
الإشارة ما هي إلا الصورة الملتقطة بواسطة المجس وبمقارنة الصور الملتقطة يحدد الـ
DSP المسافة التي تحركها الماوس بين كل صورتين متتاليتين. وبالاعتماد على التغير
في الصور المتعاقبة يستطيع الـ DSP تحديد المسافة الكلية التي تحركها الماوس ويقوم
بدوره بإرسال الإحداثيات إلى الكمبيوتر.

يقوم الكمبيوتر بناء على المعلومات الواردة إليه من DSP بتحريك مؤشر الماوس على
الشاشة. وهذا يحدث مئات المرات في الثانية لتجعل من حركة الماوس مريحة للمستخدم.



م/أحمد
shalata123
21-10-2008, 12:49 PM
so2l gamed 2we
laith ahmad
10-11-2008, 11:53 AM
the important thing the duck dead or not ?????
miss.sh.a
14-03-2009, 09:20 PM
بسم الله الرحمن الرحيم
انا اعتقد ان فكره الماوس هي نفس فكره الاتاري من حيث التقاط الصوره والمقارنه مع راي المهندس احمد بس في الاتاري هي مقارنه صوره او ماشابه اما في الماوس في اشارFeed back عشان تقارن الاشاره دي باخر صوره حققها ومن خلال عمليه منطقيه بواسطهDSP يحدد اتجاه حركه الماوس

طيب كان ليا سؤال يا جماعه ايه فكره الماوس اللي بيركب في الصباع ومن خلال حركه صباعك يحدد اتجاهه علي الشاشه و هنا مافيش لا ليزر ولا حاجه ؟ فكرو يا بشمهندسين !!!!!!!
AhmedAndre
15-03-2009, 01:59 AM
Dsp ايه !! هو علي ايامها كان فيه Dsp !!!
AhmedAndre
15-03-2009, 02:10 AM
بلاش فتي يا جماعة ، زي ما فيه how stuff works بيقول
و انا هشرحها ليكم علشان هو مش موضح اوي :) لاني عملت شبيه للgame console ..
الفكرة ان الاتاري نفسه هو اللي بيرسم و بيتحكم في مسدس التليفزيون اللي بيرسم شعاع الالكترون اللي بيرسم النقطه علش الشاشة يعني انت عارف position ال gun نفسه ، و المسدس فيه فوتوترانزيستور بيحس بالضوء و بشدته و الاتاري بيرسم الشاشة بيضاء في مرحلة الblanking يعني الاطفاء و هو الشعاع راجع من تحت لفوق و بيرسم الكائن اللي عايز تنشل عليه ابيض و باقي الشاشة سوداء لو حصل تحويل transition من عتمه لبياض بعد frame يبقي الobject is hitted .
بس كده !
sakkot
25-04-2009, 08:55 PM
السؤالين جامدين بالنسبة للتاني كنت قريت مرة عنها واللي فهمته ان الشعاع اللي بيخرج من الماوس بكون من البؤرة بتاعة العدسة ولما بيحصلة ارتداد بيكون علي نقطة غير البؤرة هو دة السبب وبردة اتاكد لان دة اللي فهمتة
ALIX82
22-05-2009, 04:11 PM
thank uuuuuuuuuuuuuuuuuuuuuuuuuuuuu
titosaad
03-09-2009, 04:01 AM
سؤالين جادين يا مان و هوافيك بلاجابه
nakhlawy2005
07-09-2009, 08:40 AM
والله انتو تاعبين نفسكو وبتفكروا في حاجات معقدة اعتقد انت في الاول لازم تبحثوا عن السهل وتفهموه وبعدين تتجهواا للصعب
زي ما بيقولو خطوة خطوة
m_hussein333
10-09-2009, 05:12 AM
ازيك يابشمهندس والله سوالك جامد جدا وانا تقريبا فكرت في حل.......

ان المسدس اللي في الاتاري ليه عدسه مجمعه من قدام بتوصل علي لدات الوان او دايودات وغالبا
n number of photo sencitive daiodes =no of duck color or the most clear color of the duck may be one color or two
اول مابتركز اللون علي الدايودات بتشتغل وبتدي سجنال للاتاري علي شان يدي امر ان البطه ماتت...........:oh:
والله اعلم

اما عن عمل ماوسات الليزر

يحتوي الماوس الضوئي على كاميرا صغيرة
قادرة على التقاط ما يقارب من 1500 صورة في الثانية. هذا بالإضافة إلى وجود دايود
باعث للضوء light emitting diode (led) يرسل الضوء على السطح وهذا
الضوء المرتد ينعكس على شريحة الكترونية (مجس) تعرف باسم cmos أي
complimentary l-oxide semiconductor. وهذا المجس
coms يرسل الصورة إلى معالج الإشارات الرقمي dsp أي
digital signal processor الذي يعمل 18 مليون عملية في الثانية الواحدة لتحليل
الإشارة المرتدة عن الضوء الساقط على السطح الذي يتحرك عليه الماوس. وهذه
الإشارة ما هي إلا الصورة الملتقطة بواسطة المجس وبمقارنة الصور الملتقطة يحدد الـ
dsp المسافة التي تحركها الماوس بين كل صورتين متتاليتين. وبالاعتماد على التغير
في الصور المتعاقبة يستطيع الـ dsp تحديد المسافة الكلية التي تحركها الماوس ويقوم
بدوره بإرسال الإحداثيات إلى الكمبيوتر.

يقوم الكمبيوتر بناء على المعلومات الواردة إليه من dsp بتحريك مؤشر الماوس على
الشاشة. وهذا يحدث مئات المرات في الثانية لتجعل من حركة الماوس مريحة للمستخدم.



م/أحمد
انا شايف ان كلام م/احمد منتقى جدا ان الشاشة بتوفر اللون المناسب والمسدس هو لى فيه سنسور بيحدد اللون ده
m_hussein333
10-09-2009, 05:17 AM
والله انتو تاعبين نفسكو وبتفكروا في حاجات معقدة اعتقد انت في الاول لازم تبحثوا عن السهل وتفهموه وبعدين تتجهواا للصعب
زي ما بيقولو خطوة خطوة

اسهل من كدة ايه دى لعبة موجودة من 20 سنة
وانت تئول ندور على السهل المفرود تشجعو
هو عاوز الفكرة بس وكل واحد يحاول يفيدو
هو شاف حاجة وحب يفهمها ويفدنا معاه
eng.shetos
11-09-2009, 11:38 AM
hhhhhhhh wala momken tekon ant7reet


the important thing the duck dead or not ?????