ايهما افضل N70 أم N70 music [الأرشيف] - موقع الدي في دي العربي

مشاهدة النسخة كاملة : ايهما افضل N70 أم N70 music

tigerwithlove

03-06-2007, 03:39 PM

يا شباب انا كنت عايز اشترى موبيل n70 بس البعض خوفنى منه وقالى ان عيوبه كتير ونصحونى اشترى الميوزك بتاعه لانه عالج عيوبه ، والبعض الاخر نصحنى انى اشترى ان 70 العادى وقالى ان الميوزك اسوأ

ياريت من اصحاب الخبرة في الاتنين يقولى ايهما افضل وايه عيوب كل منهما

zizo_deco

03-06-2007, 03:49 PM

بص ياباشاااا انا معايا الان 70 الميوزيك وانا اسمع فعلا انا العادى فى عيوب كتير منها النغمة و التهنيج
ولكن المويزيك فعلا مفهوش ولا عيب بجد موبيل راهيب وجميل جدا فى كل حاجة واحسن من العادى بكتير اولا صوتة اعلى وبيجى معاه ميمورى واحد جيجا و لونة اسود و بيجى معته سماعة بجد راهيبة جدا جدا جدا وربيا يوفقك

bayoumisoft

03-06-2007, 04:20 PM

اعتقد الصوت واحد فى الاتين مافيش فرق

المويوزك هو زى العادى بس زايد علية الميمورى وكمان لونة اسود

نصحية خد العادى احسن واستفيد بفرق السعر

adel50

03-06-2007, 07:52 PM

انا الحمد لله معاىn70 الميوزيك وجهاز تمام الجهاز معاى من 6شهور والحمد لله مفيش ولا عيب فى الجهاز..

mido_zmalkawy

03-06-2007, 10:35 PM

زود شوية وهات ال73 افضل

محمد المحله

04-06-2007, 11:14 AM

انا معايا n70
بس بصراحه زي الزفت ومش عاجبني خالص جايز ال6600
احسن منه

zizo_deco

04-06-2007, 07:52 PM

ياراجل حرام عليك انت بجد مش عارف حاجة باقى 6600 احسن من الان 70 الان 70 اللى فى كامير 2ميجا بيكسل وفلاش وصوت اكتر من رائع بجدد الموبيل رهيب جدا جدا جدا واسال كل اللى جربة وانا مش هقول حاجةاسال انت

dr:3skr

06-06-2007, 07:48 AM

انا معايا n70
بس بصراحه زي الزفت ومش عاجبني خالص جايز ال6600
احسن منه

ياراجل حرام عليك انت بجد مش عارف حاجة باقى 6600 احسن من الان 70 الان 70 اللى فى كامير 2ميجا بيكسل وفلاش وصوت اكتر من رائع

tigerwithlove

07-06-2007, 03:00 AM

انا دلوقتى ماوصلتش لحاجة طب ممكن حد يقارنلى بين الجهازين من حيث العيوب والمميزات وبعدين ينصحنى اشترى ايه عشان انا فعلا احترت مابينهم عشان كتير قالى اوفر فرق السعر واجيب العادى والاثنين واحد

roma2100

07-06-2007, 03:25 AM

انا معايا دلوقتي n70 music edition بجد روعه والفرق بينه وبين n70 العادي هو اللون الاسود والسماعه اللي بتيجي مع n70 music edition سماعه روعه بجد وان n70 music edition بيستحمل كارت ميموري عالي عكس n70 العادي لما تيجي تحد فيه كارت 1 جيجا بجيب جازززززززززززززززززززززززززز انصحك بشراء n70 music edition

mohamad mf

07-06-2007, 04:43 PM

يا أخي مفيش اي فرق من ناحية اداء الموبايل بي n70 و n70 m

انا عندي n70 وصاحبي معاه n70 m والاتنين زي بعض تمام من ناحية الصوت ومن كل شيء

الفرق بيكون في الاكسسوارات الي جاية مع الموبايل زي السماعة والميموري

وبصراحة اشتري العادي احسن ووفر فرق السعر

العـنـتـيـل

07-06-2007, 05:48 PM

هات الميوزك أحسن و أنضف

أسطورة الحب

07-06-2007, 07:33 PM

الميوزيك فى مشاكل وأسال مجرب ومتشتريش n70 خالص

zizo_deco

07-06-2007, 08:30 PM

طب ياريت ياباشااا تقولنا على عيوب الان 70 الميوزيك ؟
بص انا هقولك على حاجة بجد والله من الاخر الان 70 العادى فى عيوب منها التهنيج الكتير ولما تحط كارت 1 جيجا بيهنك اكتر واكتر وبيبقى غبى جدا والان 70 المويزيك بجد والله مفهوش ولا عيب ودة عن تجربة ولا تهنيج ولا اى حاجة كفاية السماعة بس اللى بتيجى معاه وانا قولتلك على راى وانت حر

tigerwithlove

08-06-2007, 04:29 PM

طب يا شباب انا سمعت ان الميوزك بيهنج وان في مشاكل في البلوتوث وانها بتهنج وساعات مابتتعرفش على الاجهزة اللى جمبها ومشاكل في السوفت وير كله

Maged Helal

09-06-2007, 06:18 AM

يعنى محدش إدى للراجل المفيد الصراحة..

واحد يقول ال N70 العادى كويس..بس بيهنج لما يركبله كارت ميمورى كبير

وواحد يقول ال N70 Music Edition رائع...لكن الأفضل نوفر فرق السعر بينه وبين العادى ..

بإختصار كده..

ال N70 Music Edtition يفرق عن العادى فى :

* كارت الميمورى
* السماعة
* الشكل

دى كلنا عرفناها خلاص...

لكن أنا مش هنزل أشترى موبايل بالشىء الفلانى عشان ال 3 حاجات دول وبس..مانا ممكن أشتريهم لوحدهم..

السؤال بقى هنا...إيه اللى ف N70 Music Edtition زيـــــــــادة ومش موجود فى العادى يخلينى أنزل وأجيبه ؟

بمعنى إن ال N70 Music Edtition عالج مشاكل ايه كانت فى العادى (بالتفصيل) ؟

ياريت الناس تجاوبنا بالراحة كده عشان اللخبطة اللى فوق دى مش موضحة أى حاجة..

عشان أنا عايز أجيب N70 برضه :bye10000:

سلاااام :msn-wink:

roma2100

11-06-2007, 04:26 AM

n70 العادي لما تحط فيه كارت جيحا يجيب جاززززززز اما n70 music عادي يقدر يستحمل ودي من تجربه عملتها مع واحد صحبي هو معاه n70 العادي وانا معايا n70 music ولما حطيت الكارت جيجا كان بيهنج جامد جدااااااااااااااااا

mkhairy76

11-06-2007, 09:35 AM

انا معايا n70
بس بصراحه زي الزفت ومش عاجبني خالص جايز ال6600
احسن منه

يا راجل حرام عليك بأه ال 6600 أحسن من ال n70 يا راجل متخليش الناس تضحك عليك انا شايف أنه أجمل موبايل من حيس الحجم والصوت النقى القوى والشكل والامكانيات بجد من اجمل الهواتف لنوكيا وال music edition فيه عيب كبير وهو ان مفيش منه غير لون أسود فقط ولكن من ميزاته ان البطارية بتعته أحسن من ال n70 ولكن فى الصوت واحد وفى الهاند فرى واحد

wardaya128

11-06-2007, 11:23 AM

يا جماعه انا جيبت ال n70 العادي من 3 اسابيع وجيبت معاه كارت 1جيجا..وماشاء الله شغال زي الفل ومش عارفه ايه موضوع بيجيب جاز ده؟؟؟؟؟؟؟؟؟؟؟؟؟
بصوا من الاخر من الاخر
الميوزيك اتديشن دلوقتي نفس السعر تقريبا فرق 100 او 200 جنيه مش هاتفرق كتير اوي يعني معاك ...مش للدرجه الفظيعه يعني
المهم
كل المشاكل اللي عمالين تقولوا عليها دي اتحلت بالسوفت ويير الجديد
لو جيبت الموبايل جربه وانت في التوكيل
لو لاقيت فيه حاجه قوله ياريت تحدثلي السوفتوير بتاعه لو السوفت ويير قديم
السوفت وير لما بيتحدث بيبقى متلافي جميع مشاكل التهنيج اللي قالوا عليها

صدقني مافيش اي فرق بين الميوزيك والعادي من ناحية الصوت
يعني خليك عملي في التفكير في الكلام ده...هل في مشاكل حقيقيه في الجهاز نفسه؟...لو في خلاص هات اللي ماتفيهوش مشاكل وريح نفسك...لو مافيهوش خلاص اكيد اللي ارخص هايبقى احسن
لا سماعه هاتفرق ولا لون هايفرق ولا اي حاجه من الكلام ده
الواحد بيشتري عده يكون راضي من امكانياتها ويبقى عارف انها هاتبقى راضياه لغاية وقت كويس
وانا شايفه ان مش لازم تبقى معايا عده سوبرررررررر قد ماهي فيها كل حاجه كويسه وخلاص وابقى مبسوطه بيها اطول مده

يعني مش عشان الان 70 اقل من الان 73 يبقى استحقره واقول بلاش اجيبه
وافضل مليون سنه مستنيه على ما الان 73 يرخص ولما اجي اجيبه الاقي اجهزه احسن منه نزلت وحرقتلي دمي
طاب وعلى ايه؟..

الحااااااااجه الوحيييييييده اللي مدايقاني هي البطاريه مابتقعدش اكتر من يوم ..يوم ونص...مش عارفه يمكن عشان بستخدمه كتير اوي..يعني راديو وجيمز وبقرا كتب عليه وكلام كده كتير
بس اللي سمعته ان اغلب الموبايلات الجديده كده وخصوصا الانات..وسمعتا ن ليها حلول ..مكتوب في منتدى تاني ..بحاول ادخل عليه المنتدى مقفول..
ربنا معاك يوقدملك اللي فيه الخير..سلام

Klaod88

11-06-2007, 05:34 PM

ممكن تقولي إذاي أعرف السوفت وير متحدث ولا قديم

Maged Helal

11-06-2007, 07:38 PM

يعني خليك عملي في التفكير في الكلام ده...هل في مشاكل حقيقيه في الجهاز نفسه؟...لو في خلاص هات اللي ماتفيهوش مشاكل وريح نفسك...لو مافيهوش خلاص اكيد اللي ارخص هايبقى احسن
لا سماعه هاتفرق ولا لون هايفرق ولا اي حاجه من الكلام ده
الواحد بيشتري عده يكون راضي من امكانياتها ويبقى عارف انها هاتبقى راضياه لغاية وقت كويس
وانا شايفه ان مش لازم تبقى معايا عده سوبرررررررر قد ماهي فيها كل حاجه كويسه وخلاص وابقى مبسوطه بيها اطول مده

يعني مش عشان الان 70 اقل من الان 73 يبقى استحقره واقول بلاش اجيبه
وافضل مليون سنه مستنيه على ما الان 73 يرخص ولما اجي اجيبه الاقي اجهزه احسن منه نزلت وحرقتلي دمي
طاب وعلى ايه؟..

الحااااااااجه الوحيييييييده اللي مدايقاني هي البطاريه مابتقعدش اكتر من يوم ..يوم ونص...مش عارفه يمكن عشان بستخدمه كتير اوي..يعني راديو وجيمز وبقرا كتب عليه وكلام كده كتير
بس اللي سمعته ان اغلب الموبايلات الجديده كده وخصوصا الانات..وسمعتا ن ليها حلول ..مكتوب في منتدى تاني ..بحاول ادخل عليه المنتدى مقفول..
ربنا معاك يوقدملك اللي فيه الخير..سلام

ده كلام مظبوط يا ورداية فعلاً...بس لو حسبنا إن ال N70 العادى بيجيى من غير السماعة + كارت الميمورى 1 جيجا + الكافر الأسود المميز..هنلاقى إن ال 3 حاجات دول هما فرق ال 100 جنيه لو اشتريناهم من بره..فهى فهى:msn-wink:.....

وأنا بصراحة متفق معاكى فى مبدأ إنى ماقعدش استنى اجيب موبايل ميت سنة وفى الوقت اللى أنوى أشتري فيه الآقى موبايل أحسن وأغلى فى التمن من اللى قعدت أحوشه كله...

مش منطقى يعنى...

بالنسبة للبطارية...فدى أمرها سهل يعنى..مش مآساة:msn-wink:...

وبالنسبة للسوفتوير..أعتقد والله أعلم إنه بيبقى فيه كود معين بيتعرف منه آخر تاريخ تحديث السوفتوير ورقمه..

وعموما أنا من رايى يا جماعة إن ال N70 Music Edition موبايل مناسب وكويس..واللى عايز يجيبه يتكل على الله ويخش على راية أو i2 ويهد المحل علي اللى فيه ويطلع بالعدة المتينة :smoke100::msn-wink:

mido_zmalkawy

12-06-2007, 02:35 AM

من الاخر ياجماعة والكلام دة من ناس اصحابى شغالين فى التوكيل ان الميويزك دة الشركة نزلتة ضحك على الدقون لزيادة مبيعات الشركة
الصوت هو صوت العادى ونفس الاستيل ونفس السوفت والهارد وييير
وعلى فكرة نصيحة اشترى فى اى جهاز النسخة العادية وووفر فلوس الميوزيك واشترى موميرى وخلاص لان انا لما جربت العادى والميوزيك فى الان 73 لقيت ان العادى اقل مشاكل وافضل من الميوزيك وبردة التجريب دى فى الان 70 مع واحد صحبى

اما عن عيوب الان 70
اولا بقا منتشر بغباء وكل الناس شايلها الان
ثانيا سوفت وير تقيل جدا ورخم يعنى تيجى تفتح الاستوديو تقعد سنة
ثالثا بيهنج كتير جدا
رابعا البلوتوث بيعلق
خامسالوحة المفاتيح صغيرة وخنيقة
انصحك بالان 73
صوت عالى
كاميرة رائعة
جهاز لسة حديث (صيف 2006)
عكس الان 70 الى بقا قديم من 2004
وفى الاول والاخر لك القرار بس صدقنى ابعد عن الان 70

mido_zmalkawy

12-06-2007, 02:36 AM

نسيت اقول حاجة كمان
الان سبعين بطاريتة زبالة بالكتير يوم ونص يومين
بطارية الان 73 بتقعد معايا 4 ايام ولو بتكلم كتير وشغال علية نت وارسال وغيرة بتقعد اقل حاجة يومين

wardaya128

13-06-2007, 01:03 PM

صح يا ماجد على فكره
دول هايطلعوا اكتر كمان
لأني اشتريت كارت ميموري جيجا والراجل اخد مني 135 جنيه
المهم يعني
اللي هايتشري ان 70 وهايحتاج كارت ميموري جيجا يجيب الميوزك وخلاص...كويس والله

ميدو زملكاوي..
ليه نقفلها في وش واحد ونقوله الان70 وحش عشان الان 73 احلى؟
عارف؟والله العظيم الان 73 حلو جداااااااااااااااا وانا نفسي فيه والله
لأن كل حاجه حلوه فيه اللي احلى منها...صح؟
طيب اللي مش هايقدر يشتري ان 73 يروح ينتحر؟...لأ...لو هايقدر على ان 70 ...خلاص يجيبه لو هو راضي عنه..وباعدين يبقى يحوش ويجيبه...عادي يعني..بمنتهى البساطه
كمان لازم الواحد لما يقول رأيه في حاجه يكون موضوعي وماعندوش تحيز...مش معني ان معايا موبايل كويس يبقى كل اللي اقل منه وحشين...ممكن يكونوا حلوين جدا بالنسبه لأي حد تاني...عادي جدا بردو

وكمان الان 70 ...2005 مش 2004
وعمره ماهننج معايا غير مرتين في الشهر اللي استعملته
ولامره البلوتووث علقت
والاستوديو مابياخدش سنه
(الله اكبر عشان القرر P:)
ومش منتشر بالطريقه دي...حتى لو منتشر وايه يعني..مادام هو كويس حتى لو في احسن منه
افرض يعني اللي بيسأل مامعهوش يجيب-او مش عاوز يدفع اكتر من كده ف موبايل- دلوقتي الان73؟..
عادي...انا استحاله افكر اني ادفع في موبايل اكتر من 3000 او 2300 جنيه...!!!..انا معايا اللي يجيب ان 95...بس ليه يعني ادفع كل ده ف موبايل؟؟؟؟؟؟؟؟؟؟؟؟؟؟

المهم يعني

من الاخر
اللي مش مشكله يزود 100 ولا 200 جنيه وهاتفرق معاه السماعه واللون..خلاص يجيب الميوزك...اللي ممكن يزود اكتر ومش فارق معاه...يجيب الان 73 عشان هو اجمد

Maged Helal

13-06-2007, 08:29 PM

محمود فارس

14-06-2007, 03:23 AM

انا من رئيى انك تجيب الميوزك احسن يعنى فرق 150 او 200 جنيه مش مشكلة يا جماعة دى كفاية ان الهاند فرى بتاع الميوزك ب 175 جنية وغير كارت الميمورى 1 جيجا يعنى لو حسبتها حتلاقى الميوزك افضل

mm_kotb

14-06-2007, 01:40 PM

Super Abdo

15-06-2007, 09:01 PM

الحااااااااجه الوحيييييييده اللي مدايقاني هي البطاريه مابتقعدش اكتر من يوم ..يوم ونص...مش عارفه يمكن عشان بستخدمه كتير اوي..يعني راديو وجيمز وبقرا كتب عليه وكلام كده كتير
بس اللي سمعته ان اغلب الموبايلات الجديده كده وخصوصا الانات..وسمعتا ن ليها حلول ..مكتوب في منتدى تاني ..بحاول ادخل عليه المنتدى مقفول..
ربنا معاك يوقدملك اللي فيه الخير..سلام

انا معاي N70
وعايزاطلب طلب صغير بالنسبة للكتب صيغتها بتكون ايه pdf or doc
وايه البرنامج المسخدم
تحياتي

wardaya128

15-06-2007, 11:48 PM

انا دورت على برنامج قارئ ال pdf ولاقيت فعلا...دور عليه في السايت بتاع ادوبي لأني مش فاكره انا جيبته منين...بس احتمل كبير تلاقيه هناك
وبعد مايتسطب هتلاقيه موجود في الفولدر الللي اسمه office عشان انا ماعرفتش انه نزل فيه
حاجه كمان
موضوع قارئ ال doc موجود بس مش بيدعم العربي للاسف...
دور كده ولو مالقيتش انا هادورلك...بس دور انت الاول

khalood599

26-07-2007, 04:27 PM

انا عايز اقلك حاجه اشتى ال5700 بتانسبه لى احسن من الn

abusamra80

31-07-2007, 01:34 PM

بص يا باشا أدخل على نوكيا و أعمل مقارنة بين الجهازين...و لو مش عارف أزاى أبعتلى على الخاص و أنا هسعدك إنشاء لله

dr:3skr

31-07-2007, 06:33 PM

اشتري الn73
واتوكل علي الله

triplex_le

31-07-2007, 11:41 PM

ياجماعة الراجل زهئ من الكلام الكتير الحل الوحيد ياعمنا على اد الفلوس اللى معاك انزل اشترى الموبايل واكيد كل مايكون اغلى يبقى احسن انما من حيث N70 ميوزيك ولا عادى الاتنين واحد متفرقس غير فى اللون والهاند فرى ...بس خلاص

m7md7star

01-08-2007, 01:07 AM

يا جماعه انا كمان محتار ياريت لو حد يجبلنا الاسعار بتاعه العادى والميوزك ومزايا وعيوب كل واحد منهم ياريت كمان مزايا وعيوب الان 73 العادى والميوزك عاوز اعرف ايه نظامهم وكده ياريت حد يرد عليه

mohamed_g23

20-08-2007, 03:28 PM

الان 70 عادي هو الافضل واستفيد بفرق السعر

sherifahmed_89

20-08-2007, 04:52 PM

انا هاديك المفيد
بص يا برنس انا معايا عده ان 70 عاديه وهي جميله بس عيوبها ايه؟.....اولا بتهنج ودي في اي موبايل حديث بس هي زايده عن اللزوم فيه فعلا والمشكله التانيه انه آخره ميموري جيجا وبيكون تقيل ولازم علشان تتجنب مشاكل الصوت تحطله باتش لكن العده من حيث الاكسسوارات انا جايبلها كافر هاي كوبي ميوزك والسماعات الميوزك بتتباع ب 35 جنيه يعني الاكسسوارات مش هاتغلب فيها ليها حل لكن مشاكل الجهاز نفسه هتقرفك وبالتالي انصحك متبخلش علي نفسك علشان متندمش وريح دماغك وهات الميوزك لأنهم راعوا فيه تلافي العيوب وبالتالي انا شخصيا باقولك الان 70 الميوزك افضل من الان 73 نفسه وتوكل علي الله

sharkezo

25-09-2007, 09:29 PM

بصوا انا شفت الموضوع كده وشفت حكايه السوفتوير انا عندى music edition لو عايز تعرف تاريخ السوفتوير #0000#*

عاشق القمرر

27-09-2007, 10:09 PM

اممممممممممممممم

والله انا احترت فيكم

ممكن حد يقول السوفت وير الجديد تاريخ كام والقديم كام

وn70 ميوزك واضح انه احسن من العادي ولا هو فيه عيوب هو كمان ؟

desprado2005

30-09-2007, 10:19 PM

على فكرة يا شباب الزمالك دة مش بيعرف يلعب كرة ههههههههههههههههههههههههههههههههههههههههههههه

yasserf16

06-10-2007, 08:19 PM

اشترى الان 70 العادى ووفر التمن انا معايا الفرنسى منة مفيش فية مشاكل خالص

m.z.a.e

07-10-2007, 12:28 AM

بص ياعم الميوزك من n70 هو الاحسن ولافضل واكيد معدل عن العادى لا ن مستحيل الشركة هتنزل جهاز تانى هو نفس الاول والفرق كماليات فاكيد معدل غير انة يستحمل ميمورى لحد واحد جيجا من غير ما يهنج غير ان السوفت وير بتاعة شديد

maxmanmaxman

07-10-2007, 12:37 AM

شكراااااااااااااااااااااااااااااااااااااا