مميزات خط اتصالات فى مصر [الأرشيف] - موقع الدي في دي العربي

eng_mahmoud_aly

30-05-2007, 11:59 PM

ساطرح فى هذا الموضوع مميزات خط اتصالات مصر ( الشبكة الثالثة ) التى استطعت معرفتها واللى يعرف حاجة زيادة ياريت يقول لنا عليها

(1) معرفة رصيدك مجانا بدلا من 20 قرش فى الشركتين الاخرتين وذلك بالكود *555#
(2) معرفة الارقام التى اتصلت بك وتليفونك مغلق او خارج نطاق الخدمة وذلك مجانا عن طريق رسالة تصلك مجانا بدلا من اشتراك 10 جنيه فى موبينيل و 50 قرش للرسالة فى فودافون
(3) قيمة كارت الشحن بدون ضريبة المبيعات اى ان سعر الدقيقة يقف عليك ب 34 قرش مقارنة ب موبينيل وفودافون وذلك اذا كنت مثلا تشترى كارت ال 10 جنيه بالسعر الرسمى وهو 11.5 جنيه اما اذا كنت تشتريه اغلى من الموزعين ب 12.5 جنيه فسعر الدقيقة يكافىء فى هذه الحالة فى خط اتصالات 29.5 قرش
(4) لك 5 دقائق مجانا مدى الحياة كل شهر بمجرد اجراء مكالمة مدفوعة واحدة فقط لمدة دقيقة واحدة فقط فى الشهر وذلك العرض مفيد لمن يتكلم قليلا اى لن يحتاج لشحن كارت الا كل فترة طويلة جدا وفى نفس الوقت التحدث مجانا لمدة 5 دقائق مجانا كل شهر
(5) تستطيع الدخول على موقع اتصالات على الانترنت مجانا تماما ومعرفة الاخبار ومواقيت الصلاة وخلافه عدد لانهائى من المرات سواء بالجيل الثالث او الجيل الثانى ونصف (الجى بر ار اس ) للتليفونات التى لا تدعم الجيل الثالث مثل نوكيا 6600 بدلا من 1 جنيه فى اليوم فى فودافون كما ان سعر تحميل الاغانى من عاى الموقع موحد ب 4 جنيه بدلا من اسعار متغيره على موقع فودافون وطبعا موبينيل خارج المنافسة فى هذا المجال
(6) لك 3 ميجا بايت انترنت فى الشهر لاى موقع مجانا تماما ولم يعلن عن نهاية العرض حتى الان بعكس فودافون التى اعطت 5 ميجا بايت كل يوم ولكن يتم خصم 1 جنيه كل يوم تدخل فيه على الانترنت للاستفاده من العرض وطبعا موبينيل خارج المنافسه ايضا العيب فقط ان سعر الميجا فى اتصالات 7.5 جنيه بعد ما تخلص ال 3 ميجا المجانيه وفى فودافون 5 جنيه فقط ولكن اتصالات نزلت بالعرض اولا فقامت فودافون بعمل سعر اقل .
(7) تستطيع الدخول على موقع اتصالات او على اى موقع انترنت حتى لو رصيدك اقل من 5 جنيه بعكس فودافون التى لاتسمح بالخول على الانترنت الا اذا كان رصيدك اكثر من 5 جنيه
(8) سعر الرسائل الملتي ميديا (mms ب 75 قرش بدلا من 95 قرش فى موبينيل وفودافون
(9) خدمة رنتك اغنيتك صوت الاغنيه فيها اقوى واوضح وهى بسعر 4 جنيه للاغنيه فى الشهر + 19 قرش سعر الدقيقة فى المكالمة لاختيار الاغنيه
(10 ) سعر مكالمة خدمة العملاء 333 ب 39 قرش مهما طالت مدتها بعكس فودافون فيها سعر المكالمة ب 50 قرش وموبينيل 150 قرش
(11) خدمة ارسال رسالة فيها كلمة كلمنى مجان لاى موبايل فى اى شبكة فى مصر ا حتى 3 مرات فى اليوم عن طريق الكود *111 *رقم الموبايل # مثل فودافون ولا اعرف فى موبينيل

وجميع الخدمات والاسعار السايقة انا مجربها بنفسى اما الذى لم اجربه فهو
(1) خدمة المحادثة الجماعية حتى 6 اشخاص مجانا
(2) خدمة البريد الصوتى مجانا مثل فودافون و 50 قرش للدقيقة فى موبينيل
(3) اول 3 دقائق من كل مكالمة فيديو مجانا يعنى اكلم 3 دقائق واقفل واكلم تانى بعكس فودافون التى تعطى 20 دقيقة فقط ولم يعلن عن نهاية هذا العرض حتى الان وطبعا موبينيل خارج المنافسة فى هذا المجال

هذ وقد وصل عدد المشتركين فى اتصالات حتى الان 400 الف مشترك طبقا لهذا المقال
http://www.masrawy.com/News/2007/Egy.../etisalat.aspx
اتصالات تجتذب 400 الف مشترك في أول شهر لها بمصر

وكنت قد سمعت انها عامله عرض الخط + نوكيا n70 ب 950 جنيه او n73 ب 1250 جنيه ولكن لا اعرف مدى صحة الخبر او معلومات كافيه عنه لذلك من يعرف اى معلومات يا ريت يقول لنا

memad122

31-05-2007, 06:30 AM

واضح ان الكلام ده جميل وياريت موضوع العرض ده يكون حقيقي

zizo_deco

31-05-2007, 06:54 AM

طب ياباشااا يا ريت تقول على عيوب الشركة يعنى الشبكة وكل حاجة ولو عيز اتفرج على اى قناة اتفرج بكام الدقيقة ومنين وشكرا ليك

zizo_deco

31-05-2007, 06:59 AM

واى هى القنوات المعروضة على موقع الشركة وهلى فى عروض زى فودافون (انك تدفع 15 جنية وتحصل على اشتراك art اسبورت1234 - وافلام1-وحكيات وليك 5 سعات )هلى فى عروض فى الشركة دى زى كدة مثلا

bayoumisoft

31-05-2007, 01:45 PM

بس الخدمة زى الزففففففففففففففففففففففتتتتتتتتتتتتتتتتتت

رومـــــيو

31-05-2007, 02:42 PM

احب احيك اخى العزيز على المعلومات الجميله ده

بس فى حاجه انت بتقول انك تدخل موقع اتصالات ببلاش طيب لو دخلت موقع تانى اتحاسب ازاى مع العلم انى مش هحمل من الموقع التانى ده ؟

ولو دخلت على موقع اتصالات وحملت اغنيه من الموقع او فيديو يبقى ببلاش وله حسابو ازاى ؟

وفى سؤال تانى

هو ينفع اشترك فى موقع لينك الى بيبعت رسايل ببلاش وخطى اتصالات ؟

والف شكر ليك يا باشا على الموضوع الشدبد ده

وان شاء الله الخدمه تتعدل وتبقى اشد شركه فى مصر

I-IEMA012

31-05-2007, 03:59 PM

شكرا يا باشا على المعلومات

eng_mahmoud_aly

31-05-2007, 06:33 PM

الى الاخ zizo_deco سعر دقيقة الموبايل تى فى 1 جنيه فى اتصالات ولازم يكون الموبايل يشغل الجيل الثالث والقنوات المتاحة مثل روتانا وميلودى والجزيرة وقناة الناس ومعلش مش قادر احصرهم كلهم لان الجهاز اللى معايا الان 6600 الذى لا يدعم الجيل الثالث عشان ادخل على الموقع واشوف القنوات والايه ار تى لم يعلن عنها فى اتصالات ولكن موجوده فى فودافون وعلى فكره سعر دقيقة الموبايل تى فى فى فودافون ب 50 قرش حيث ان اتصالات نزلت الاول بالعرض فقامت فودافون بعمل عرض اقوى منه فى هذه النقطة ولكن عامة هى خدمه كماليه المهم الخدمات الاخرى مثل معرفة الرصيد ببلاش وكده كده يعنى مش حتتفرج على ماتش 90 دقيقة يكلفك 45 جنيه ده انا اتفرج عليه فى احسن كافيتريا ارخص كتير

وللاخ روميو اى موقع اخر بتتحاسب بالميجا ب 7.5 جنيه بعد ما تخلص ال 3 ميجا الفرى حتى لو ماعملتش داونلود لان الموقع ما هو الا بايت ولكن تكون مساحتها صغيره وتستطيع معرفة البايت المستخدمه بالدخول على سجل فى الموبايل ثم العداد الخاص بحزم البيانات وممكن توقف تحميل الصور من اى موقع من الاعدادات لتقلل من حجم البايت المنزله وعلى موقع اتصالات من خلال الموبايل بالضغط على 0 متصل لمدة 5 ثوان حتلاقى كل اغنيه مكتوب سعرها بجانبها وهو غالبا 4 جنيه وممكن تستفيد بخدمات مجانيه من على الموقع غير الاغانى مثل مواقيت الصلاة واخر الاخبار
ومن المفروض انك ينفع تسجل على موقع لينك من نمرة اتصالات زى اى نمره ولكنى لم اجربها حتى الان

رومـــــيو

31-05-2007, 08:20 PM

الف شكر ليك يا eng_mahmoud_aly

وانا هقولك على القنوات المتاحة

آولا فى الاخبار :

1: الجزيره

2: الجزيره الدوليه

تانيآ فى الترفيه :

1: ميلودى أفلام

2: قناة دريم 1

3: قناة دريم 2

4: قناة المحور

ثالثآ الموسيقى :

1: ميلودى هيتس

2: ميلودى أريبيا

3: قناة زووم

4: مزيكا

والقنوات الدينيه

قــناة النـــــاس

وبس كده[/

dr:3skr

03-06-2007, 04:06 AM

thanxxxxxxxxxxxxxxxxxxxxxxxxxxxxxxxxxxx

forever153

03-06-2007, 04:30 AM

Thaaaanx......

hany fouad

03-06-2007, 10:16 AM

ألف شكر على المعلومات المميزه بخصوص مزايا أتصالات

khamis20044

03-06-2007, 11:13 PM

أنا اشتريت خط اتصالات بس مش بستعمله عشان الشبكة لسة في الضيااااااااااااااااااع

khamis20044

03-06-2007, 11:15 PM

أنا اشتريت خط اتصالات بس مش بستعمله عشان الشبكة لسه في الضياااااااااع

eng_mahmoud_aly

04-06-2007, 07:26 AM

ياريت توضح لنا الشبكة فى الضياع فى أى مدينة لكى تفيد الاعضاء فى المنتدى ولك الشكر مسبقا

khaled007

05-06-2007, 04:14 PM

الف شكر علي المعلومات

ba9lsh one

05-06-2007, 04:30 PM

اة الشبكة وحشة اوى عندنا فى حلوان

eng_mahmoud_aly

05-06-2007, 10:14 PM

http://www.masrawy.com/News/2007/Technology/General/june/5/local-mobile-conection-.aspx

بدء خدمات التجوال المحلى بين شركات المحمول فى مصر الخميس القادم

القاهرة - أ ش أ - صرح الدكتور عمرو بدوى رئيس الجهاز القومى لتنظيم الاتصالات بأن شركات المحمول الثلاث فى مصر ستوقع غدا الأربعاء اتفاقية حول تقديم خدمات التجوال المحلى للسوق المصرى اعتبارا من الخميس القادم.

وأضاف أنه سيكون بمقدور مشتركى الشركة الثالثة للمحمول إجراء واستقبال أى مكالمات على المحمول فى أى مكان فى مصر يكون مغطى من الشركتين الأولى والثانية بالإضافة إلى المناطق التى تغطيها الشركة الثالثة بنفسها.

جاء ذلك فى تصريحات للدكتور عمرو بدوى خلال اللقاء الذى يعقده الدكتور طارق كامل فى أول أسبوع من كل شهر مع صحفيى قطاع الاتصالات وتكنولوجيا المعلومات وعدد من قيادات الوزارة لتناول آخر مستجدات القطاع.

وأشار الدكتور بدوى إلى أن هذه الخطوة تأتى بناء على تعديل رخصتى الشركتين الأولى والثانية للمحمول فى يوليو الماضى لتشمل تقديم خدمات التجوال المحلى لأى
مشغل جديد يظهر على الساحة.

وأوضح أن التجوال المحلى يعنى حصول مشترك الشركة الجديدة للمحمول على الخدمات فى المناطق التى لم تتم تغطيتها من هذا الشركة ولمدة محدودة قدرها ثلاث سنوات.

وأضاف أنه تم الاتفاق على أن تقوم شركة موبينيل بتقديم خدمة التجوال المحلى فى منطقة الدلتا حتى مرسى مطروح على أن تقدم شركة فودافون بتقديم الخدمة فى مناطق الصعيد والقناة وسيناء.

ونوه بأن مناطق القاهرة والإسكندرية وشرم الشيخ والغردقة والأقصر وأسوان تقع ضمن نطاق التغطية الذى كان لابد أن تبدأ به الشركة الثالثة للمحمول.
ومن جانبه أكد الدكتور طارق كامل أن سعر المكالمة لن يتغير بالنسبة للمشترك عند حصولة على خدمات التجوال المحلى بين الشركات أيا كانت الشركة المقدمة للخدمة سواء الشركة المصرية للاتصالات أو أي من شركات المحمول.

وبالنسبة لنقل أرقام المشتركين بين شركات المحمول الثلاثة، فقال الدكتور عمرو بدوى إن الجهاز اشترى الأجهزة الخاصة بذلك وهى جاهزة للتجارب، مشيرا على أن
الشركات ليست جاهزة بعد لهذه الخطوة.

ومن جانبه قال الدكتور طارق كامل إنه لابد من استقرار خدمات التجوال المحلى قبل أن يتم السماح بنقل أرقام المشتركين بنفس الكود بين شركات المحمول حتى يضمن المشترك الحصول على المستوى المناسب من الخدمة، مشيرا إلى أن نقل الأرقام حق ثابت من حقوق المشتركين.

وقال الدكتور عمرو بدوى إن خريطة مصر مقسمة إلى مناطق تعرف بـ "لاكس" وهى مجموعة من المحطات المرتبطة ببعضها لتغطية منطقة معينة، وكلما قامت الشركة الجديدة بتغطية هذه المناطق يتم أخراج هذه المناطق من خدمات التجوال التى سوف تتم على ثلاث مراحل تبدأ الأولى منها مع بدء تقديم خدمات التجوال حسب اتفاق الشركات الثلاث.

وأضاف أن المرحلة الثانية هى إخراج المناطق التى تغطيها الشركة الثالثة من نطاق خدمات التجوال إلى أن ينتهى التجوال المحلى خلال ثلاث سنوات.

وأوضح أن الجهاز القومى لتنظيم الاتصالات ترك الفرصة للشركات الثلاث لتمديد خدمات التجوال المحلى فى بعض المناطق بموافقة الجهاز مثل الطرق النائية حتى يمكن إعطاء الأولوية لتغطية طرق أخرى بالتعاون بين الشركات الثلاث لتعظيم الاستفادة من البنية الأساسية الخاصة باتصالات المحمول فى مصر لتقديم الخدمة فى أكبر عدد من المناطق مع تقليل التكلفة فى نفس الوقت على هذه الشركات، مما سينعكس على مصلحة المستهلك فى ظل مناخ المنافسة.

yasser274

06-06-2007, 02:44 AM

انا قريت في الاخبار .. انهم عاملين حسابهم يغطوا اربع مدن .... لكن الخطوط ... اتاخدت من ال 28 محافظة ...... بس عدد العملاء اللي بقه 400 الف ده ..... رقم يخوف ... اه اعرف ناس حاجزين خطوط .. بس ليه انه الرقم ده دليل انه الوقت على مدار سنوات من احتكار شركتين ليه ده كان غلط

wahwah

06-06-2007, 04:05 AM

شبكة اتصالات تعبانه جدا فالقاهره والشبكه بتقطع كتييييييييييير

eng_mahmoud_aly

06-06-2007, 07:33 AM

كل مشاكل التغطيه سوف يتم حلها يوم الخميس القادم طبقا لهذا الخبر
http://www.masrawy.com/News/2007/Technology/General/june/5/local-mobile-conection-.aspx
بدء خدمات التجوال المحلى بين شركات المحمول فى مصر الخميس القادم

القاهرة - أ ش أ - صرح الدكتور عمرو بدوى رئيس الجهاز القومى لتنظيم الاتصالات بأن شركات المحمول الثلاث فى مصر ستوقع غدا الأربعاء اتفاقية حول تقديم خدمات التجوال المحلى للسوق المصرى اعتبارا من الخميس القادم.

وأضاف أنه سيكون بمقدور مشتركى الشركة الثالثة للمحمول إجراء واستقبال أى مكالمات على المحمول فى أى مكان فى مصر يكون مغطى من الشركتين الأولى والثانية بالإضافة إلى المناطق التى تغطيها الشركة الثالثة بنفسها.

جاء ذلك فى تصريحات للدكتور عمرو بدوى خلال اللقاء الذى يعقده الدكتور طارق كامل فى أول أسبوع من كل شهر مع صحفيى قطاع الاتصالات وتكنولوجيا المعلومات وعدد من قيادات الوزارة لتناول آخر مستجدات القطاع.

وأشار الدكتور بدوى إلى أن هذه الخطوة تأتى بناء على تعديل رخصتى الشركتين الأولى والثانية للمحمول فى يوليو الماضى لتشمل تقديم خدمات التجوال المحلى لأى
مشغل جديد يظهر على الساحة.

وأوضح أن التجوال المحلى يعنى حصول مشترك الشركة الجديدة للمحمول على الخدمات فى المناطق التى لم تتم تغطيتها من هذا الشركة ولمدة محدودة قدرها ثلاث سنوات.

وأضاف أنه تم الاتفاق على أن تقوم شركة موبينيل بتقديم خدمة التجوال المحلى فى منطقة الدلتا حتى مرسى مطروح على أن تقدم شركة فودافون بتقديم الخدمة فى مناطق الصعيد والقناة وسيناء.

ونوه بأن مناطق القاهرة والإسكندرية وشرم الشيخ والغردقة والأقصر وأسوان تقع ضمن نطاق التغطية الذى كان لابد أن تبدأ به الشركة الثالثة للمحمول.
ومن جانبه أكد الدكتور طارق كامل أن سعر المكالمة لن يتغير بالنسبة للمشترك عند حصولة على خدمات التجوال المحلى بين الشركات أيا كانت الشركة المقدمة للخدمة سواء الشركة المصرية للاتصالات أو أي من شركات المحمول.

وبالنسبة لنقل أرقام المشتركين بين شركات المحمول الثلاثة، فقال الدكتور عمرو بدوى إن الجهاز اشترى الأجهزة الخاصة بذلك وهى جاهزة للتجارب، مشيرا على أن
الشركات ليست جاهزة بعد لهذه الخطوة.

ومن جانبه قال الدكتور طارق كامل إنه لابد من استقرار خدمات التجوال المحلى قبل أن يتم السماح بنقل أرقام المشتركين بنفس الكود بين شركات المحمول حتى يضمن المشترك الحصول على المستوى المناسب من الخدمة، مشيرا إلى أن نقل الأرقام حق ثابت من حقوق المشتركين.

وقال الدكتور عمرو بدوى إن خريطة مصر مقسمة إلى مناطق تعرف بـ "لاكس" وهى مجموعة من المحطات المرتبطة ببعضها لتغطية منطقة معينة، وكلما قامت الشركة الجديدة بتغطية هذه المناطق يتم أخراج هذه المناطق من خدمات التجوال التى سوف تتم على ثلاث مراحل تبدأ الأولى منها مع بدء تقديم خدمات التجوال حسب اتفاق الشركات الثلاث.

وأضاف أن المرحلة الثانية هى إخراج المناطق التى تغطيها الشركة الثالثة من نطاق خدمات التجوال إلى أن ينتهى التجوال المحلى خلال ثلاث سنوات.

وأوضح أن الجهاز القومى لتنظيم الاتصالات ترك الفرصة للشركات الثلاث لتمديد خدمات التجوال المحلى فى بعض المناطق بموافقة الجهاز مثل الطرق النائية حتى يمكن إعطاء الأولوية لتغطية طرق أخرى بالتعاون بين الشركات الثلاث لتعظيم الاستفادة من البنية الأساسية الخاصة باتصالات المحمول فى مصر لتقديم الخدمة فى أكبر عدد من المناطق مع تقليل التكلفة فى نفس الوقت على هذه الشركات، مما سينعكس على مصلحة المستهلك فى ظل مناخ المنافسة.
__________________

aymon2222

06-06-2007, 11:50 AM

شكرا يا باشا

bebo_emam1014

07-06-2007, 11:56 AM

http://www2.0zz0.com/2007/06/06/14/57363433.jpg

eng_mahmoud_aly

08-06-2007, 10:02 PM

مشكورين جميعا على ردودكم

pioneer_87_7

08-06-2007, 11:51 PM

كلامك حلو جدا من غير نقاش بس عيبها الوحيد الشبكه عشان هي لسه مش منتشره في كل انحاء الجمهوريه فهي ضعيفها جدا وعلي فكره انا عندي خط اتصالات يعني مجرب موضوع الشبكه ده

B A V L Y 99

09-06-2007, 05:59 PM

شكرا يا باشا على المعلومات

بس المشكلة ان شبكتها لسه مش كويسة

WaleedIsmael

09-06-2007, 06:15 PM

ألف شكر يا جميل على المعلومات الجامدة

amkhaial

09-06-2007, 08:35 PM

الف شكر يا باشا على مواضيعك الجامدة ,, و فعلا أنا كان عندي فودافون و جبت اتصالات و الحقيقة محصلش معايا أي تقطيع و الشبكة تمام معايا على طول ...
بس فيه ملاحظة ياريت الناس اللي بتشتكي تاخد بالها منها و هي أن نطاق تغطية الـ 3g مختلف عن نطاق تغطية الـ 2g يعني أنا أول ماجبت الخط كانت الشبكة معايا عاملة شرطتين "موبيل سامسونج" لأني كنت على مود الشبكة اللي هو gsm2100 أو umts و ده اللي بيشتغل عليع الـ3g بس لما غيرت المود لـ gsm900/1800 اللي هو العادي معادش عندي 3g و بقت g يعني نت و كل حاجة من غير فيديو كول بس الشبكة بقت فل و ما قطعتش أبدا ...

eng_mahmoud_aly

10-06-2007, 01:22 AM

الف شكر للاخ amkhaial فعلا كلامك صح وفى موبايلات نوكيا فى اختيار المود ثنائى يعنى لما ما يكونش فى تغطيه 3g ينقل اتوماتيك على ال 2 g

hamada_7200

10-06-2007, 02:09 AM

السلام عليكم
في البداية انا بهنئ صاحب الموضوع ده لانه بجد موضوع جامد جدا
تاني حاجة بخصوص موضوع خدمة التجوال المحلي قرينا انها هتشتغل الخميس اللي فات يوم 7/6/2007 بس لحد النهارده الاحد 10/6/2007 مفيش برده عندي شبكة اتصالات بالرغم من ان موجود برجين لموبينيل وفودافون في بلدي
مش عارف بقي هما بيشتغلونا ولا ايه ياريت حد يفدني لاني اتخنقت من موضوع الشبكة دي
ولكم جزيل الشكر
م / محمد أحمد

bebobalo88

10-06-2007, 10:25 PM

انت شكلك بتعمل دعاية

wardaya128

11-06-2007, 11:53 AM

مش مهم دعايا ولا مش دعايا المهم اننا كده كده المستفيدين لما الناس تقعد تتناقش ونشوف الحقيقي من اللي مش حقيقي...عادي ماهي الدعايا موجوده في كل حته مافيش مشاكل
المهم
في حاجه استغربتها جامد جدااااااااااااااااااااااااااا
ايه العرض العجيب اللي حطيته في اخر الموضوع ده؟؟؟؟؟؟؟؟؟؟؟؟؟؟؟؟؟؟؟
ان 70 مع الخط 950 جنييييييييييييييييه!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!
ان 73 ب 1000 ومش عارفه كاااام...لييييييييييييييييييه دددددددددددددده؟؟؟؟؟؟؟؟؟؟؟
لالالالالالالالالالالالالالا بجد بجد انا عاوزه اعرف عشان الكلام ده خطير جدا ياريت حد يتأكد من الكلام ده

hamada_7200

11-06-2007, 03:25 PM

ايه يا رجاله محدش قلنا اخبار خدمة التجوال ايه اشتغلت ولا هما اللي بيشتغلونا

eng_mahmoud_aly

12-06-2007, 12:17 AM

بالنسبه لخدمة التجوال مشاركات الاعضاء فى الرابط التالى تدل على انه اشتغل فعليا
http://www.dvd4arab.com/showthread.php?t=510540&page=4

hamada_7200

12-06-2007, 09:25 AM

انا متشكر يا بشمهندس eng_mahmoud_aly
فعلا انا قريت الموضوع اللي في اللينك اللي فوق وفعلا خدمة التجوال اشتغلت والشرط كاملة وميه ميه
الف الف شكر وجزاك الله خيرا
EnG-MeTTo

abdonegm

12-06-2007, 08:01 PM

مشكوووووووووووووووووووور

wardaya128

13-06-2007, 01:09 PM

على فكره انا سألت في موضوع العروض والناس قالوا انها مش صحيحه...!!!!
ماحدش قالي بردو ايه نظامها...!!

Mr.tayeh

15-06-2007, 07:27 AM

لما بتصل بأصحابى اللى عندهم اتصالات بيقولى الرقم اللذى اتصلت بيه غير موجود بالخدمة

لسة مش قوية الشبكة

3sran87

15-06-2007, 11:22 AM

الشركه دى فى القلب

eng_mahmoud_aly

18-06-2007, 08:08 PM

و الان مكالمات الفيديو شغاله مجانا من اتصالات لفودافون

اخيرا تم فتح مكالمات الفيديو من اتصالات لفودافون والعكس مع احتفاظ اتصالات بنفس العرض وهو اول 3 دقائق من كل مكالمة فيديو مجانا يعنى اتكلم 2 دقيقة و 59 ثانيه مجانا واقفل واكلم تانى مجانا وهكذا سواء من اتصالات لاتصالات او من اتصالات لفودافون ولكن خللى بالك انك فى عرض فودافون للى بيكلم من فودافون لاتصالات لا يسرى عليه عرض ال 20 دقيقة الفيديو المجانا كل شهرحيث ان العرض فى فودافون سارى من فودافون لفودافون فقط ولا يسرى العرض على الكالمات من فودافون لاتصالات يعنى عرض اتصالات احسن 100 مرة وانا جربت الخدمة بنفسى وشغاله 100 %%%%%%%%%%% ولم يخصم شىء من رصيدى
وفيه حاجه غريبه حصلت معايا كمان اخذت ال 5 دقائق المجانا اللى المفروض كل شهر اخذتهم مرتين وليس مره واحده يعنى اخذت 10 دقائق مجانا لاى محمول يا ترى حد حصل معاه كده غيرى ؟؟؟؟

كورونا

18-06-2007, 08:17 PM

همااااااااااااااااااااااامهاى

H0SSAM

19-06-2007, 04:49 AM

msaber9146

19-06-2007, 10:34 AM

أنا اشتريت خط اتصالات بس مش بستعمله عشان الشبكة لسة فى الأوت

وبيقولوا الجيل الثالث واحنا لسه مش عرفين نشغل الجيل الأول

ياريت تهتموا باشبكة اولا ثم الجيل الثالث

nerocode

23-06-2007, 01:53 PM

الف شكر على المعلومات الجامده ده

frodo150

25-06-2007, 06:54 PM

kemodolcy

25-06-2007, 07:52 PM

الصراحه يا جماعه انا كونت فودافون وغيرت لاتصالات
ومستريح جدا
فى اى مكان روحتو فى القاهره التغطيه تمام
على عكس فودافون قرفتنى جدا ايام الامتحانات اما كونت فى حلوان
بس يا خساره مش عارف استفيد من 3g تليفونى قديم شويه
الصراحه جامده اوى حكاية ال2.59 ث واقفل واتصل تانى
انشاء الله اغير التليفون

eng_mahmoud_aly

27-06-2007, 12:10 AM

بالنسبه للشبكه كويسه جدا هنا فى الاسكندرية والقاهرة كمان والمناطق اللى مفيهاش شبكه فى الوجه البحرى تقدر تشغل الخط على شبكة موبينيل والوجه القبلى على فودافون بنفس اسعار الشبكة الثالثة مستفيدا باتفاقية التجوال المحلى بين ال 3 شركات وانا جربت التجوال المحلى بنفسى وشغال تمام فى قويسنا وبركة السبع وايتاى البارود

mohalexeg

27-06-2007, 07:14 AM

اسكندرية التغطيه زي الزفت

mostafa22

27-06-2007, 09:46 PM

هنا فى الاقصر التغطية علية جدا احسن من اى شبكة تانية وشكرا ليكم

eng_mahmoud_aly

28-06-2007, 12:32 AM

يا ريت توضح التغطيع زى الزفت فين فى اسكندرية بالضبط لان انا مفيش مكان رحته فى اسكندريه الا وفيه تغطيه كويسه جدا

m.angel

28-06-2007, 11:13 AM

thankssssssssss

Mohamed-ghz

30-06-2007, 03:38 AM

يا ترى 6300 يدعم الجيل التالت؟

ashlyking

30-06-2007, 10:20 PM

السلام عليكم
انا استخدمت شبكة الاتصالات و وجدت انها لا تعمل فى المترو وهذا العيب اللى وجدتوا فيها حتى الان
الشبكة جيدة فى القاهرة والحيزة لان هذه هى الاماكن التى تم التجربة فيهم

eng_mahmoud_aly

05-07-2007, 02:37 PM

فعلا للاسف هى مش شغاله فى المترو ولكن لو تفتكر موبينيل وفودافون اول ما اشتغلوا برده كا مفيش تغطيه فى المترو وان شاء الله يتم تغطيته فريبا

eng_mahmoud_aly

05-07-2007, 07:04 PM

http://www.masrawy.com/News/2007/Egypt/Economy/July/5/etisalat.aspx

اتصالات تقدم أسعارا موحدة لخدمات التليفون المحمول والأرضى 7/5/2007 2:30:00 PM

القاهرة - فى أول خطوة على طريق المنافسة القوية بين شركات المحمول الثلاث فى السوق المصرية، أعلنت شركة "اتصالات مصر"، عن تقديمها لأسعار موحدة لخدمات التليفون المحمول والأرضى من خلال نظام جديد لمشتركيها يتيح جميع مزايا الاشتراك الشهري والكارت لأول مرة في مصر.

أعلن ذلك المهندس صالح العبدولى الرئيس التنفيذي والعضو المنتدب لشركة اتصالات في مؤتمر صحفي الاربعاء بالقرية الذكية بمناسبة الإعلان عن إطلاق عرض جديد باسم (اتصالات أوبشنز) الذى يتيح للمشترك ثلاث باقات تجمع بين أقل سعر للدقيقة وبين مكالمات مجانية ورسائل قصيرة ومكالمات فيديو مجانية.

ومن جانبه أوضح المهندس حازم متولي الرئيس التنفيذي للقطاع التجاري أن النظام الجديد يقدم أفضل قيمة لجميع أنظمة الشركة سواء الكارت أو الخط دون اشتراك شهري أو سنوي.

وأضاف أن نظام "اتصالات أوبشنز" يتيح ميزة أخري للمشتركين وهي شمول الأسعار لضريبة المبيعات سواء من محمول لمحمول أو من محمول لأرضي، مع ثبات سعر الدقيقة في أي موعد على مدار أيام الأسبوع دون التقيد بأوقات محددة خلال الخميس.

و أوضح أن الباقة الأولي وهى "اتصالات أوبشنز 35" بقيمة 35 جنيها تعطى الحق للمشترك فى الحصول على 100 دقيقة اتصال صوتى و 5 دقائق مكالمات فيديو، على أن يكون سعر دقيقة الاتصال خارج الباقة 33 قرشا شاملا الضريبة و 30 قرشا بدون ضريبة.

وأضاف أن الباقة الثانية وهي "اتصالات أوبشنز 100" بسعر 100 جنيه تتيح للمشترك الحصول على320 دقيقة اتصال صوتى و 10 رسائل قصيرة و 10 مكالمات فيديو، على أن يكون سعر الدقيقة خارج الباقة 32 قرشا شاملا الضريبة.

وأشار إلى أن الباقة الثالثة وهي "اتصالات أوبشنز 200" بسعر 200 جنيه فتعطى المشترك الحق فى الحصول على 700 دقيقة اتصال صوتى و 30 رسالة قصيرة و 30 دقيقة فيديو كول، على أن يكون سعر الدقيقة خارج الباقة 31 قرشا شاملا الضريبة

HOSAM181

07-07-2007, 08:43 AM

thankssssssssssssssss

™ The Rock

07-07-2007, 09:54 PM

شركه جميله
انا رميت خط فودافون

eng_mahmoud_aly

08-07-2007, 05:43 PM

فعلا معاك حق بس انا اضطريت اعمل خاصية تحويل المكالمات من فودافون لاتصالات احتياطى عشان لو حد لسه ما يعرفش نمرتى الجديده وقولت ارمى الخط ليه هو بياكل ولا بيشرب دى صلاحيه مدى الحياه

m_star

11-07-2007, 02:32 AM

انا معايه خط اتصالات ومن يوم ماجبته وهوه فيه حجات غريبه جدا
اولها ان الموبايل جايب شعار موبينيل وتانى حاجه ان لو حد اتصل عليا وانا مافيش معايه شبكه
بيقوله ان الهاتف غير موجود بالخدمه واتصلت على خدمة العملاء عشان اسئلهم
ونفضولى اول ماقولتلهم الكلام ده المندوب قالى ثوانى وفضل سايبنى اكتر من نص ساعه لحد مازهقت وقفلت
وغير كده كمان لو انا قافله او مشغول او مافهوش شبكه وحد رن عليا مابيجيش ليا رساله تعرفنى مين اللى رن عليا
فاياريت الافاده فى كل هذه المشاكل
وعاوز اعرف الاكواد الخاصه زى *555# & *111# ؟؟؟؟؟؟؟؟؟
ولك جزيل الشكر

hamadagado

11-07-2007, 08:28 PM

يا جماعه محدش اتكلم ليه عن نظام اتطالات الجديد اوبشنز ؟؟
عايزين نعرف مين اوفر ؟؟
ده الأنا عرفت اجيبه بصراحه عن النظام الجديد

http://etisalat.com.eg/arabic/images/priceplan3.gifخدماتأوبشنز 35
أوبشنز 100
أوبشنز 200
سعر الباقة 35جنية
100جنية
200جنية
الدقائق المجانية *100
320
700
الرسائل القصيرة المجانية ** -
10
30
دقائق المكالمات المصورة المجانية **5
10
30
أسعار خارج الباقة المكالمات الصوتية (لكل دقيقة)
33 قرش
32 قرش
31 قرش
الرسائل القصيرة (http://etisalat.com.eg/arabic/personal/services/sms.html) ** (لكل sms)
29 قرش
29 قرش
29 قرش
الرسائل القصيرة *** (لكل sms)
49 قرش
49 قرش
49 قرش
المكالمات المصورة (http://etisalat.com.eg/arabic/personal/services/videocalling.html) (لكل دقيقة)
75 قرش
75 قرش
75 قرش
التلفزيون المحمول (http://etisalat.com.eg/arabic/personal/services/mobiletv.html) (لكل دقيقة)
1.00 جنية
1.00 جنية
1.00 جنية
حلول المعلومات (http://etisalat.com.eg/arabic/personal/services/data.html) (لكل ميجابايت)
7.50جنية
7.50جنية
7.50جنية
رسالة الملتيميديا (http://etisalat.com.eg/arabic/personal/services/mms.html) (لكل mms)
75 قرش
75 قرش
75 قرش

* من اتصالات إلى أي محمول أو من اتصالات إلى ارضي
** من اتصالات إلى أي محمول محلي
*** من اتصالات إلى أي محمول دولي

امير القلوب2

12-07-2007, 03:43 AM

ماله موبينيل اليومين دول زاى الفل وخدمة الجى بى ار اس شغالة ببلاش وتحميل ببلاش انا محمل لحد دلوقتى من اول شهر 6 يجى 80 ميجا على الموبيل من مواقع مختلفة مع انى معيش رصيد بس هى الخدمة بتبقى فل بعد ال 2 صباحا لحد 8 الصبح ودلوقتى معظم اليوم والشبكة اتحسنت وبقت اقوى من زمان هى بس نقصها الجيل التالت وتبقى فل مع انى مع انى دلوقتى بحمل ببلاش من اى موقع وبتصفح مجانا فيريت تفضل كدة على طول فى موبينيل قبل ما يطورو الشبكة وانا شغال فى الموبيل ومجربها على كذة نوع عدة موترولا فى 3 وسونى اريكسون كذة موديل ونوكيا كذة موديل
وشكرا

eng_mahmoud_aly

12-07-2007, 01:00 PM

طاب خلى بالك لان لك 180 ميجا بايت فقط فرى وبعد كده الميجا ب 5 جنيه والسرعه للاسف بطيئه جدا وخدمة العملاء زباله فى موبينيل لانى مش عارف استفيد بالعرض لغاية دلوفتى لانى كل ما ادخل على النت تظهر الرسالة التاليه Gprs not available check network services وكلمت خدمة العملاء ومش عارفين حاجه وكمان عشان احصل على رسائل ضبط الخدمه اضطريت اكلم خدمة العملاء ب 150 قرش وفى الاخر النت مش شغال رغم انى شارى خط موبينيل مخصوص عشان استفيد بالعرض رحت رامى الخط وراجع لاتصالات التى لا يعلى عليها

drsmsm87

14-07-2007, 08:33 PM

ya basha enta kol elly 2olto mazboot bas ana awl mara a3rf en awl 3 d2ay2 mn el video call free ya3ny t2fl we ttklm tany zay manta 2olt ana fakr 3 d2ay2 mgann kol shahr zay el 5 d2ay2 kda we ya reet tet2kd mn el m3loma de bdl ma tko3 floos ana kda kda m3ndesh video call
ama 7kayt n70 we 73 wel kalam el fady da ana s2lt be nafsy we 2aly mfesh 7aga mn de ya3ny kolo fel kltsh
we ya reet law tet2akdly mn 7kayt 3 mega bardo kol shahr wla hya 3 mega fel awl we bas

eng_mahmoud_aly

15-07-2007, 02:35 PM

يا عزيزى الكلام اللى انا قايله انا متاكد منه 100 % لانى مجربه بنفسى من خط اتصالات اللى معايا اكلمت اقل من 3 دقائق فيديو وقفلت واكلمت تانى ولم يخصم شىء من رصيدى والحكايه دى عملتها كتير وبالنسبه لل 3 ميجا فهم مجانا كل شهر ولم يعلن عن انتهاء هذا العرض حتى الان

eng_mahmoud_aly

25-07-2007, 10:37 PM

والان بعد عرض ان الدقيقة = 90 ثانيه وليس 60 ثانيه بعد نهاية كل مكالمة تاتى رسالة مجانيه فيها ثمن اخر مكالمة والرصيد الحالى

فى احلى من كده خدمه وشفافيه فى متابعة الرصيد والتاكد من عدم خصم قرش زياده من رصيدك ؟؟؟؟؟؟؟؟

H0SSAM

26-07-2007, 12:50 PM

واوى

26-07-2007, 01:53 PM

بصراحة اتصالات نزله بعروض جامدة وشفافية ممتازة

eng_mahmoud_aly

26-07-2007, 02:12 PM

الى الاخ حسام الكلام ده فى اتصالات اهلا لو انت اوبشنز ما فيهاش العرض ده انما لو انت اهلا كلم خدمة العملاء وقولهم على المشكلة

elgamalhosam

27-07-2007, 04:43 AM

ممكن حد يقولي أتصالات أهلا مميزاتها أيه؟
وهل مازال موضوع أختيار الرقم حتي الآن؟

newdawn

27-07-2007, 06:23 AM

انا من الاسماعيلية و المدينة كلها متغطية بشبكة اتصالات ماعدا المنطقة اللي انا ساكن فيها و لكن الحمد لله بعد خاصية التجوال مشغل الخط علاطول على شبكة فودافون لكن اللي انا مش عارفه هل موضوع الدقايق المجانية بتاعت كل شهر خلصت و لا لسا سارية لأنها مش شغالة معايا الشهر ده مع اني اتكلمت الشهور اللي فاتت و استفدت منها؟؟

mazagnet

27-07-2007, 02:24 PM

أنا كنت موبينيل و حولت لإتصالات و بجد أنامعجب جداً باداء الشركة و بعروضها التي سبقت بها موبينيل و فودافون من أول عرض خدمة حجز رقمك على النت قبل ما تبدأ إتصالات بخدمتها لغاية موضوع أن الدقيقة 90 ثانية.
كنت مضطر في موبينيل لأن أكون بريمو بإشتراك سنوي حتى أستطيع الدخول على الإنترنت باستخدام جي بي أر اس
بسعر 15 جنية للميجابايت أما إتصالات 7 جنية لميجابايت ده غير 3 ميجابايت هدية كل شهر. حقيقي إتصالات شركة رائعة

eng_mahmoud_aly

27-07-2007, 06:41 PM

الى اللاخ elgamal hossam مميزات الخط موجوده فى اول صفحة من هذا الموضوع بالضافه للميزه الجديده وهى ان الدقيقة تساوى 90 ثانيه ولسه مستنين العرض الثانى والثالث من اتصالات لهذا الصيف وللاخ newdawn الدقائق المجانيهة موجوده وبتاخدها كل شهر فى اليوم اللى انت شغلت فيه الخط وليس اول كل شهر وتستطيع معرفتها بالكود التالى *558#

sen18

28-07-2007, 11:53 PM

السلام عليكم و رحمة الله وبركاته ...

الاخ المهندس محمد علي ... تسمحلي اقولك ان شركة اتصالات دي حرامية و نصابة و ان انا اشتريت خط اتصالات من 8 ايام و كنت لما اشتريت الخط شاحن ب 20 جنيه و الخط عليه 1 جنيه يعني رصيدي 21 جنيه ... ال 21 جنيه دول بقي اتسرقوا في 3 ايام ... هتقولي انت اتكلمت بيعم هقولك لا و الدليل ان خط اتصالات بعد ما تخلص مكالمة بيديك رسالة تقولك تكلفة المكالمة كذا والباقي من رصيدك كذا .... حلو ... اجي اعمل اتصال تاني او رسالة الاقي تمن المكالمة او الرسالة اتخصم بس الرصيد نزل قوي يعني لو كان اخر رسالة جاتني بتقوللي رصيدك 5.5 و اتكلمت مكالمة دقيقة مثلا تروح تظهرلك رسالة بتقول ان تكلفة المكالمة 0.39 قرش و رصيدك 2.5 !!!! يبقي ده مش سرقة ولا ايه يا ريت تفسرلي اللي بيحصل ده !!! لا و الاغرب من كده النهارده اتكلمت مكالمة اتبعتلي رسالة تقوللي رصيدك باقي منه 3.31 ماشي ؟ بعد كده قفلت الموبايل ( قافله بكود يعني مش هيتفتح صدفه و هو في جيبي ) اطلع الموبايل من جيبي الاقي فيه رسالة تقوللي رصيدك 1.5 !!!! طاب ازاي يا عالم يا حرامية وانا تليفوني كان مقفول في جيبي و ما اتصلتش بيه !!!!
تبقي دي سرقة ولا لا ؟ يا ريت ترد عليا و تفسر !!!

تاني حاجة اتصالات دي شركة مش محترمة لانها لو شركة محترمة يبقي فيه رقم لخدمة العملاء ... يعني تتصل و بني ادم يرد عليك مش رسايل مسجلة .... فاهمني ... انا دلوقت عايز اعرف سجل مكالماتي و الفلوس دي راحت فين اعرف ازاي ؟!!! يا ريت تقوللي ...
بص عشان تعرف المصيبةو الاستهبال اللي بيحصلو انا شاحن لغاية دلوقت ب 36 جنيه ما اتكلمتش منهم و بعت رسايل غير ب 10 جنيه يعني تقدر تقوللي الرصيد راح فين ؟!!!

انا اشتريت خط اتصالات عشان دي شركة انا سمعت عنها انها جديدة و شديدة و محترمة لانها ليها سمعة في الامارات ... و خدماتها ممتازة و شبكتها عندي كويسة لكن انا عايز اعرف رصيدي راح فين ... فلوسي راحت فين و الا الواحد يروح يشتري خط فودافون و يستعوض ربنا في فلوسه اللي ضاعت ...
لو تقدر تديني رقم خدمة العملاء بحيث ان بني ادم يرد عليا مش رسايل مسجلة ابقي متشكر ليك جدا و انا ممكن اديلك رقم الخط لو تقدر تشوفلي تفاصيل الرصيد راح فين ؟ وهابقي متشكر ليك جدا ....

eng_mahmoud_aly

29-07-2007, 10:03 AM

طبعا فى رقم لخدمة العملاء وبنى ادم محترم يرد عليك ويقولك كل اللى نفسك فيه ويقولك الفلوس دى راحت فى مكالمات ايه ولو فيه غلطه يرجعوا الفلوس لان الشكوى اللى انت بتقولها دى غريبه وربما يكون هناك مشكله فى الخط على العموم رقم خدمة العملاء 333 وبعد الرسالة الصوتيه تستطيع ان تضغط على صفر يحولك مباشرة على بنى ادم يرد عليك والمكالمه كلها ب 39 قرش مهما طالت مدتها ياريت تتصل وتقول لنا اللى حصل

sen18

29-07-2007, 01:27 PM

انا كتبت رد طويل بس ما اتبعتش
هبقي اقولك علي اللي حصل

eng_mahmoud_aly

29-07-2007, 10:23 PM

اوكيه فى انتظار التفاصيل ويفضل فعلا عند كتابة موضوع طويل عمل كوبى وبسيت فى مكان اخر لان المنتدى عليه ضغط جامد وفعلا احيانا بيقع وتضيع الكتابه

sen18

30-07-2007, 01:34 AM

السلام عليكم و رحمة الله و بركاته ...
اولا انا متشكر جدا علي المعلومة اللي قولتهالي بتاعة الصفر دي
ثانيا انا اتصلت وردت علية واحدة و حكيتلها علي المشكلة و بالذات الحركة بتاعة امبارح دي ... و ان لما ابعت رسالة بتتبعت مرتين مع اني دوست علي ارسال مرة واحدة ( العدة N73 ما كملتش 10 ايام ) قالتلي انت عندك فيرس و العيب من العدة مش من الخط قولتلها ماشي انا الغلطان رحت حكيتلها علي حاجة حصلت برضك من 8 ايام كان رصيدي فيها 19.5 بعت رسالة ( اتبعتت مرتين برضك ) فجاة الرصيد بقي 10.5 !!! المهم قالتلي انها هتبعت للقسم التقني ولا مش عارف ايه ...
اما بالنسبة ليا نا فعملت الاتي
1- فرمت كارت الميموري
2- فرمت الجهاز نفسه
3- فرمت كارت الميموري مرتين
4- نزلت F - Secure Antivirus اللي هو اصلا نازل مع العدة و كان نازل في الاول

كل ده كويس عشان ما يبقاش فيه فيروسات ؟ لو فيه حاجة ممكن اعملها قوللي ...

دلوقت بقي ايه اللي حصل رصيد فيه كام .61 قرش يعني ينفع ابعت رسالة دولية قلت يا واد ابعت وبكرة روح اشحن ... ماشي؟
كتبت الرسالة 3 سطور بس و جيت ابعت ماشي
و صلتني رسالة بتقول تكلفة المكالمة .49 قرش حلو ما فيش مشاكل
ظهرت بقي بعدها رسالة بتقول ان الرسالة ما اتبعتتش بس تمنها اتخصم من الرصيد !!!! يبقي ده سرقة ولا لا ؟
انا بكرة هاشحن اخر مرة في الخط الزبالة بتاع الشركة الحرامية دي و هبستف ابوهم في خدمة العملاء ....

hitler100

30-07-2007, 03:32 AM

التغطية الشبكية هى فعلا كانت المشكلة عندى بس ده كان فى الماضى دلوقت الشبكة بخير
بس لو حد عنده تفسير لإتصالات اوبشن يا ريت يوضح ليا
وبالنسبة لفودافون وموبينيل الله يخرب بيتكم كذا سنه استغلال وسرقة من يوم الدقيقة بجنية ونصف يعنى على كل دقيقة كنت بتاخدكم اكتر من جنيه مكسب دا غير موضوع فترة الصلاحية دا كان نصب عينى عينك
الحسنة الوحيدة لاتصالات انها ماظهرتش فى العهد المشبوه ده وفعلا لولا وجودها كان زمانا عايشين فى فترة الصلاحية

medori

30-07-2007, 03:35 AM

Thanks for the great information
It helped me a lot

m_star

06-08-2007, 05:51 AM

eng_mahmoud_aly

07-08-2007, 09:53 AM

بالنسبة لشعار موبينيل ده عشان انت اكيد فى محافظة فى الوجه البحرى اتصالات لم تغطيها بعد لذلك اتوماتيك تشتغل من شركة موبينيل بنفس اسعار اتصالات وبنفس نمرتك يعنى لو طلبت حد النمره اللى تظهر عنده 011 رغم ان انت عندك شعار موبينيل وذلك حتى لا تشعر بان هناك اماكن لا تغطيها اتصالات حتى الان ولو فى الوجه القبلى تشتغل من فودافون وباانسبه للاكواد اهم 2 هم
*555# تعرف رصيك ببلاش
*558# تعرف الدقائق المجانيه اللى عندك حيث انك تاخذ 5 دقائق مجانا كل شهر من تاريخ تشغيل الخط بشرط انك تتكلم دقيقة واحدة مدفوعة على الاقل

sen18

18-08-2007, 11:44 PM

الشركة رجعت ليا 10 جنيه من الرصيد اللي كان اتسرق ...

mmialn

19-08-2007, 05:00 AM

لو سمحتم يا جماعة فيه حاجة مش فاهمها

حكاية ال 3 ميجا المجانى دول !!

انا فهمت انى ادخل على موقع اتصالات مجانا و لكن التحميل من موقع اتصالات مش مجانى بخصوص النغمات و خلافه

طيب لو دخلت على اى موقع تانى نفرض على موقع الياهو هل بيتخصم من الرصيد مقابل دقولى للموقع؟

انا فتحت الياهو مسنجر من على الموبايل بخط اتصالات وكل مرة ادخل بيتخصم من الرصيد
رغم ان الكلام عن طريق الياهو مسنجر مش مفروض عبارة عن ارسال و استقبال داتا صغيرة مش كبيرة زى الدونلود

يا ربت افهم الحكاية
وشكرا مقدما

tamer tootoo

19-08-2007, 05:45 AM

انا كنت موبينيل للأسف"الشبكة الزبالة" - بعد المعاناة الرهيبة- و حولت اتصالات -طبعا احسن 10000000000000مرة- احسن ناس هما اتصالات و فودافون

Hany.Daim

20-08-2007, 03:26 AM

انا ماشفتش حد ضاف ميزة اتصالات الجديدة وهي "النت" اه النت بقى بـ 99 قرش/اليوم يديلك 5 ميجا كل يوم !!! اه بعد ما كانت الميجا بـ 7.50 ج يعني الـ 5 ميجا بـ 37.50 دلوقتي بقت بـ 99 قرش/اليوم بس. و آي ميجا اضافية بـ 5 ج بس.

meroalex

21-08-2007, 01:41 AM

شكرا ع الموضوع فعلا شركه اتصالات لها مميزات كتير بس الشبكه بتاعتها لسه مش قويه وانا سمعت ان الكارت هيغلى

Hany.Daim

21-08-2007, 01:53 AM

شكرا ع الموضوع فعلا شركه اتصالات لها مميزات كتير بس الشبكه بتاعتها لسه مش قويه وانا سمعت ان الكارت هيغلى

هما لحد دلوقتي افضل تغطية 3G وذلك في 23 مدينة حتى الان بالاضافة الي طريق مصر الاسكندرية الصحراوي. هذا من ناحية الشبكة اما من ناحية الكروت فمن غير الطبيعي انها تغلي علشان شركة منافسة زي فودافون خلت الكروت تعطي فوق الرصيد ب 15 % يعني بتحاول تقلد اتصالات ولكن تظل اتصالات الافضل لان ما زال البائعين يرفعون فوق سعر الكرت في الشركات الاخري بـ 20 % يعني في زيادة 5 %. واحنا في مصر يا عزيزي الشائعات هي اللي خربه البلد سمعت! و سمعت! و سمعت! واقول كفى بالمرء ان يحدث كذبا

Dr_B2

04-09-2007, 08:43 PM

أنا ظهرت عندي حاجات غريبة

أولها إن خدمة الرسايل اللي تقولك مين اللي إتصل بيك لو إنتا كنت قافل الموبايل ، الخدمة دي مش شغالة خالص معايا دلوقتي !!

الحاجة االغريبة التانية إني من حوالي تلات أسابيع لاقيت رصيدي زاد خمسة جنيه لوحده ، بدون حتى أي رسالة تقولي إن الرصيد زاد واستهلكتهم كلهم بدون مشاكل !!

يا ترى حد حصل معاه كده ؟؟

وإيه حكاية الخدمة اللي وقفت اللي أنا قلتها في أول الكلام ؟؟

eng_mahmoud_aly

04-09-2007, 11:16 PM

خدمة الرسائل المجانية اللى بتقول اللى اتصل خلال اخر 24 ساعة والموبايل مغلق شغاله معايا تمام وحكاية ال 5 جنيه انا بقى اضاف لى مرة 3 جنيه ومرة 7 جنيه واتكلمت بيهم برده عادى وكلمت خدمة العملاء اسالهم قالولى ممكن نبعت لك شكوى للقسم المختص لو انت مش عايز الرصيد اللى جالك زيادة بدون سبب قلت لهم لأ شكرا شكوى ليه هو حد يكره الرصيد الزيادة

hamdi hasbo

05-09-2007, 02:44 PM

بالنسبة للخمس الدقائق المجانية انا معايا خط اتصالات من اول ما الشركة فتحت ومش بخدهم باستمرار مع انى عامل الشر دة مكالمة 3 دقاتق فى اول يوم فى الشهر ومخدتش حاجة
للمعرفة فقط
حمدى حسبوا

eng_mahmoud_aly

05-09-2007, 07:09 PM

جرب اتصل بخدمة العملاء على 333 ب 39 قرش للمكالمة مهما طالت مدتها واستفسر منهم عن موضوع ال 5 دقائق بتوع الخط بتاعك

loooodlooood

06-09-2007, 08:08 AM

thank you very much
it's realy good topic

congratulations

momo100010

26-10-2007, 03:50 AM

السلام عليكم يا eng_mahmoud_alyمهندس
انا شفت ال(اشبه بالخناقه اللى كانت مابينك وبين اتنين بيتكلموا ب(صوت)موبينيل وفودافون
ال كل الكلام دا هما مستخدمين بس
اوك
انا دلوقتى والله العظيم اللى مفيش بعده رقيب بقى
انا مش شغال ف اى حاجه من التلاته
بس انا واحد بيتنرفز من الى المهازل اللى بيشوفها
انا زي ما قلت مش شغال ف شركه من التلاته
انا معايا للعلم بالشئ التلت خطوط
والله(اانا مش هعد احلف كده كل شويه لان ربنا هو اللى رقيب على كلامى)
ان شغال بيسراحه من مده مش كبيرة
باتصالات وراكن موبينيل وفودافون
العيب الوحيد اللى ف اتصالات(وميعتبرش عيب)هو ان هى مش مغطيه(اوى)وخد بالك من كلمه اوى دى يس هى مغطية وانا شغال بيها هنا ف القاههره وف الشغل(الحمام)
المهم ان مش دا موضوعنا
ممكن لو اتكلمنا على فودافون شويه هنقول ان
موبينيل واتصالات الى حد ما بيريحوا عملاءهم (عروض كتيييييييير اوى انا بشوفها يعنى عادى يعنى لمجرد مستخدم وعايز ارخص حاجه وتناسبني
انما نتكلم عن العروض اللى (فودافون)منزلاها )للناس العاديين
مش اصحاب الشركات
يبقى هنقول احسن خمسه
واللى انا فرحت لما اتعملت لمجرد ان فودافون عملت عرض اخيرا (بخلاف كروت الشحن اللى رخصت)لان دا كان لازم والا كانت هتلم ورقها م ن مصر وتمشي وادا طبعا عيب على شركه كبيرةزى دي
المهم يعنى ان انا اشتركت فيها يوم 9 رمضان
والت هياخدوا يوم
اتنين
تلاته ويشغلوها عامه هم لسه مشغلوهاش ليا لغايه دلوقتى بادعاء (فى تعديل ليها)
طب فى تعديل
يبقى اعلانتها شغاله ليه؟
علشان نشترك ونكلمهم فىخدمه العملاء يردوا عليا بكل احترام جدااااااااااااا
سوري يا فندم خلال اقل من 48 ساعه هتشتغل
لغايه لما انا زهقت ماكانتش 10 ج
انا كنت متاكد ان انا مش هيرجع لى الكردت اللى اتاخد منى
بس دا عماه يعنى
طب انا لو اعدت اتكلم عن فودافون كده يبقى هتفتكرونى انى عدو ليها
وانا هستفاد ايه لما اقول الكلام دا غلط او اقوله علشان اى اغراض تانية
موبينيل واتصالات هما دلوقتى اللى فى المنافسه
طب انى واحده اللى احسن
ا ش ا انا مسافر بكره الصبح لما ارجع اول حاجه هعملها هفتح الموقع دا
ووعد منى لو لاقيت (مش اقبال)واحد بس من الاخوة اللى هنا مهتم بالموضوع (وعلشان ماطولش ف الكلام)ومتزهقزش انا هكمل عن موبينيل وبعد كده ربنا يسهل واى حاجه تحصل معايا هقولها لكم لانى مش عايزكم تقعوا فيها
اخر حاجهلازم كلنا نبقى متاكدين ان التلت شركات لازم يبقوا كسبانين يعنى اى شركه تعمل عرض لو حد ادع مع نفسه لامزم يلاقيها كسبانه من طرفهم
بس اهم حاجه تكون مناسبه لنا احنا كمان
وشكرااااااااااااااااااا