يـــتــم نـــقل جميع مــواضيـعى الــخـاصـة بالـفنـون القتالية أرجو من المشـرف الـدخول

[hero_xp10]

السلام عليكم ورحمة الله وبركاته

أولا : المواضيع اللى بكتبها هنا فى المنتدى معظمها مواضيع حصرية ولا يوجد موضوع مثلها بنفس المجهود
وبصراحة بتعب جامد عشان اخلى الموضوع متميز وبشكل جميل ومتكامل حتى وان كان هذا لا يحذب اهتمام الكثير من الاعضاء والردود تاكن تكون معدومة فى معظم المواضيع يعنى الواحد برضوا بيعمل الموضوع حتى لو مكنش حد بيرد عليه ويشجعه
وفى الاخر بعد المجهود ده الاقى اكثر من واحد هنا فى المنتدى ينقل المواضيع ويكتبها باسم سعادته وكأنه بالظبط هوا اللى كتبها والاقى كاتب كمان فى اول الموضوع اهداء للكابتن الفلانى

الاستاذ بيهدى الموضوع كمان .... خلاص الموضوع بقه ملكة وبيتصرف زى ما هو عايز فيه


فانا اطالب المشرف ان يقوم بالتدخل فى الموضوع ويجد حل له
وده اقل حق المفروض اطالب بيه
لان لو كل واحد هيبذل مجهود فى حاجة وفى الاخر يلاقيها باسامى ناس تانية
محدش يبذل مجهود ويعمل موضوع كويس


انا كنت متوقف حاليا فى الكتابة نظرا لضيق الوقت وحلول الامتحانات وكنت سوف استكمل المسيرة بنفس المجهود

لكن انا مش مستعد انى اكتب اى موضوع بعد كده واتعب وابذل مجهود فيه عشان الاقى حد ينقل الموضوع ويكتبة باسمه فى منتدى اخر

ومش انا لوحدى بس اللى مرضاش بكده
مظنش ان فى عضو هنا ممكن يكتب حاجة ويرضة انه يحصل معاه كده
لان بعد كده هنلاقى باقى المواضيع اللى الناس بتكتبها هنا هيتنقل ومحدش هيكتب حاجة خالص بعد كده
فـأرجوا من المشرف انه يتدخل فى الموضوع ويشوف حل سريعا

[hero_xp10]

اين مشرف القسم ؟

[OK2005]

اهلين يا خوي الغالي

اول سعد بلقاك و تشرفت بيك صحيح كلام لي قلته بانك متواجد من فتره قديمه في قسم الرياضه و كان لديك عدد مواضيع مميزه و لا اخفي عليك هذا

و كان بعضها مثبيته من قبلي او من قبل الاخ ميسي او بيبو

يا اخي الغالي انا الحد لان من عارفي سبب شكواك ارى بان الاخ ابراهيم يضع اخبار و انت تضع الاخبار و لاكن لا اعرف من اين المصدر

و كما اني في فتره من فترات كنت متغيب

ارجوى الايضاح اكثر اعلم با موضوع لاكن اعرف بان الشكواك عن العضو تاني بانه ينقل هل المقصد يسرق مواضيعك

ام ينقل من منتداه اخره

و تشكر منتظر ردك يالغالي .

....................

[hero_xp10]

اخى OK2005

انا عند كتابتى لاى موضوع بحاول اتجنب النقل الموجود فى جميع المنتديات ومصدر المعلومات بيكون كثير عن طريق خبرتى الشخصية وفى بعض الاحيان ببحث فى المواقع الاجنبية لو معلوماتى قليلة وبترجم بعض المعلومات لكى اضيفها فى الموضوع
ولو بحثت فى معضم مواضيعى هتلاقينى بحاول اعمل الموضوع شامل وكامل قدر المستطاع وده بسيط جدا لو لاقيت موضوع زيه فى اى منتدى متخصص فى الفنون القتالية يعنى بحالول اعمل حاجة جديدة ومتميزة

بس خلاصة الموضوع انى بتعب بجد عشان اخلى الموضوع كده والموضوع بياخد معايا وقت كبير عشان اخلصه

لكن فى الاخر الاقى ناس هنا بتسرق المواضيع اللى تعبت فيها ويكتبوها باسمهم
فده اكيد حاجة محبطة جدا
ولما رحت المنتدى التانى اللى فيه المواضيع المسروقة وقلت ان الاستاذ اللى كاتب الموضوع ده نقلة من المنتدى هنا
محدش عمل حاجة
ولاقيت الاستاذ بيرد عليا ويقول أنا اكبر من أن ارد عليك


وروابط المواضيع المسروقة هبعتهالك فى رسالة خاصة

[-=kimo=-]

يا باشا متزعلش نفسك
ما دام مواضيعك بتتسرق يبقى ممتازه وانت المفروض تتبسط من كده
وانا عاوزك تكمل المسيره عشان نعمل قسم للرياضات القتاليه

[Mohammed Lotfy]

عزيزى كما أوضحت لك مسبقا هذا شرف كبير لك و لنا جميعا أن يتم نقل مواضيعنا الحصرية فهذا أكبر دليل على أصالتنا و قوتنا
و أيضا يجب أن تعلم مدام تاريخ الموضوع هنا قبل أى مكان آخر فلا يستطيع أحد تحريف أصل الموضوع إطلاقا فلا تقلق من ذلك و حاول فى أى صور أو ملفات أن تضع عليها أسم المنتدى حفاظا من السرقة بقدر المستطاع
و الله الموفق

[™Dr Ibrahim]

طبعاً إنت ليك الشرف حتي تتم سرقة أعمالك

ولتأكيد كلامك عليك بنقل روابط المواضيع التي تم سرقتها إلي هنا أو إرسالها إلي أحد المشرفين

حتي يكون هناك رد علي من يسرق المواضيع ؟؟؟؟

صح ول الأ

[hero_xp10]

انا بعتها للمشرف فعلا ok2005 فى رسالة خاصة وقالى هيكلم الادارة
ولحد دلوقتى محدش عمل حاجة
والغريب ان كل يوم بلاقى منتديات جديدة سرقت المواضيع باسامى ناس جديدة
ولما بشوف المواضيع واقول انها منقوله الاقى الناس اتهمونى بالنقل وانا ناقل المواضيع زيهم وانى مش صاحب المواضيع بديل تكرارها فى المنتديات الاخرى
يعنى مش عارف الواحد يعمل ايه
والمشكلة ان تكرار المواضيع فى كثير من المنتديات هيبقى صعب اثبات صاحب الموضوع الأصلى

[ELKOPERO]

والمشكلة ان تكرار المواضيع فى كثير من المنتديات هيبقى صعب اثبات صاحب الموضوع الأصلى

يا باشا بص

انت دلوقتي موضوعك للديفيدي مثلا هيكون بتاريخ
18/5/2007 الساعه 5 مثلا
أي واحد تاني هينقل الموضوع أكيد التاريخ هيكون بعدها يعني لو حتى بعدها بساعه واحده هيكون بعدك
يعني أكيد هو ناقله منك و بعدين يا سيدي لما تحط فيديو أو صور اكتب عليها اسمك و اسم المنتدى عشان لو حد أخدها و نقلها يكون اسمك عليها و ساعتها الناس كلها هتعرف ان الفديو ده منقول و انه بتاعك انت

لكن لو معملتش كده
ممكن حد ينقل الموضوع و يكتب اسمه عليه و ساعتها هيقولك اسمي مكتوب على الفديو و انه مش واخده من موضوعك

فكر كده و ان شاء الله خير و يا سيدي ما دام مواضيعك بتتنقل يبقى أكيد انت متميز

وربنا يوفقك

[hero_xp10]

اخى ELKOPERO

كلامك صحيح فى موضوع التاريخ بس المشكلة فى بعض الناس معندهمش دم وممكن يعمل اى حاجة على حساب غيره
انا وجدت مؤخرا واحد صاحب منتدى لسه فاتح جديد ناقل المواضيع برده باسمه
ولما كتبت مشاركة فى الموضوع وبقول انه ناقل الموضوع حرفيا مشرف القسم حذف مشاركتى فى وقتها وكتب بدلها شكر لصاحب الموضوع على المجهود اللى عمله

ومادام هوا صاحب المنتدى فمتفرقش معاه لا تاريخ ولا غيره ممكن الاقى الموضوع اللى ناقلة بتاريخ السنة اللى فاتت وانا عامل الموضوع من كام شهر !!

[Mohammed Lotfy]

عزيزى فى جميع الأحوال يجب أن تعلم أنه ليس هناك طريقة لمنع أى شخص من نقل أى معلومة من خلال شبكة الأنترنت و إلا كان كل المواضقع لها سبقها فى عدة أشياء
فيجب أن تتعامل على هذا المنطلق و يجب أن تعلم أن المنتدى الذى يقوم صاحبه بالنقل فهذا منتدى فاشل و لا يستدعى منك كل هذا الإهتمام فإن وجدت الموضوع بعد عدة شهور ستجد مشاهداته لا تذكر و بالتالى لن يطلع عليه الكثير و أيضا يجب أن تعلم أن معظم أعضاء الأنترنت يدخلون على موقع الدى فى دى فكل شخص عاقل سيذهب إلى الأصل بدلا من أنتظار أى جديد من المواقع الآخرى التى تنقل

[™ LoVeR4arab]

اخى العزيز اعمل جيدا ان نقل الموضوعات شيء طبيعى على شبكة الانترنت
ولك كل الفخر ان يتم نقل موضوعات الى مواقع اخرى فهذا يدل على نجاح موضوعات وجمالها

ولك الشكر اخى الكريم على مجهودك الطيب بالمنتدى

[tiger76]

معلش بس لازم تعرف ان دة شئ طبيعى

و اقرب حاجة توضح الصورة

الشرايط و الأفلام اللى لسه بتكون نازلة و تلاقيها موجودة على النت بدون علم أو رضا أصحابها (منتج - مغنى - ممثل - ملحن - الخ...)

هو مش كل دة سرقة برضه ؟؟؟؟؟؟

[tiger76]

معلش بس لازم تعرف ان دة شئ طبيعى

و اقرب حاجة توضح الصورة

الشرايط و الأفلام اللى لسه بتكون نازلة و تلاقيها موجودة على النت بدون علم أو رضا أصحابها (منتج - مغنى - ممثل - ملحن - الخ...)

هو مش كل دة سرقة برضه ؟؟؟؟؟؟

[™Mr EtSh]

متزعلش ياباشا وياريت الحكايه دى ماتاثرش على مجهودك

[thecliff_3]

السلام عليكم ورحمة الله وبركاته
ارجوا من الاخ هيرو انه يكون مش زعلان اوووى لان انا الى قمت بنقل موضوع السكير اللى هو عامله على المنتدى اللى هو بيتكلم عليه وانا لم انقل سوى اربع روابط من الموضوع اتفرج عليهم وعاجبونى اه انت ممكن انت تكون صاحب الموضوع الاصلى بس انا عندى ملاحظتين فقط على كلامك وعلى الحلفة اللى انت عاملتها من الهواء وانما مشكلتك مع المشرف ده شى معاك انت وهو
خد ملحوظة ذكرها مشرف الالعاب (عزيزى فى جميع الأحوال يجب أن تعلم أنه ليس هناك طريقة لمنع أى شخص من نقل أى معلومة من خلال شبكة الأنترنت )
تانى حاجة انت بتقول اللى انا اللى سرقت الموضوع بس سرقة شى مسروق اساسا متزعلش حد غير صاحبها الاصلى والدليل انت انت اولا مش اللى رحت صورت الفديوهات ولا انت اللى رفعها على الانترنت انت كل اللى عاملته انت كمان مع العذرر انت دخلت على موقوع مشهور فى الرياضة القتالية شوفت روابط عجبتك فقمت مش هقول بسرفتها من الموقع الرسمى زيك علشان مش فارق السن ولا علشان انت عضو سوبر انما الاخلاق بقى اعمل ايه بل هقول انت نقلهتها نت المصدر انت كمان
انما لو عايز بجد تعمل موضوع متكامل ويكون ليك حقوق النسر نوعيا عليك بتحميل هذه المواضيع على جهازك الشخصى اولا ثم رفعها من جديد وعلى روابط جديدة باسمك او باسم منتدى الديفيدى منتدايا المفضل رغم ان ده ميدجش حقوق النشر كامله برضوا
وارجوا من الادراة فى منتدى الديفيدى عدم اللوم على ردى فهو رد طبيعى تقريبا وتقريبا المشرف لما شاف رابط الموضوع الاخر شاف اللى انا عاملت الاخ بكل ادب واحترام واعتذرته وانه هو اللى مردش عليا تانى وكتبتله منقول على الموضوع

[rekoking44]

يا سيدى موضوع اقتباس الاعمال دة امر طبيعى
وزى مقال الاخ العزيز انى دة امر طبيعى ودى حاجة
المفروض تبسطك انك متميز

[wujinhu]

السلام عليكم ورحمة الله وبركاته
اتمنى ان لايصاب اخى الكريم بالحنق من مثل هذا المر والا يعتبره امرا محبطا واكفى ان اذكر لك ان العديد من الناس لم يكتفوا فقط بسرقة معلومات كنت اشرحها فى شكل محاضرات حول فنون القتال فى بعض الاماكن ولكنهم فوق ذالك قاموا بسرقة اسمى ذاته وبدات اجد اشياء كثيره تحمل كعلومات خاطئه تحمل اسمى مصطفى وو سونج ناهيك عن سرقة العديد من الفنون التى خصنى معلمى بها ونسبتها الى انفسهم
ومن المواقف المضحكه فى هذا الصدد اننى عندما حاولت ان اسجل باسمى فى هذا المنتدى_wusong_وجدت شخصا اخر قام بالتسجيل فى هذا المنتدى بنفس الاسم رغم ان الله يعلم ان هذا اسمى الذى حصلت عليه من معلمى فى يوم تسميتى. ولكن ماذا نفعل؟لا نستطيع ان نفعل اى شئ فقط نقول حسبنا الله ونعم الوكيل.
تعليق:ارجوكم استروا عليا لانى استعمل ايميل خاص باحد تلامذتى فى المشاركه فى هذا النتدى (بعد استأذاته طبعا)

[hero_xp10]

اخى wujinhu
الموضوع قديم جدا وتم التوصل فيه للحلول المناسبة
وشكرا على تفاعلك
وستم غلق الموضوع