المساعد الشخصي الرقمي

مشاهدة النسخة كاملة : ممكن ياجماعه رأيكو بصراحه في N80

soomaa
16-04-2007, 12:05 AM
السلام عليكم و رحمة اللله و بركاته
لو سمحتو ياجماعه اي حد يعرف اي عيب او سلبيات او مشاكل ظهرت في تلفون Nokia N80
لو سمحتو يقولها عشان ناوية اشتريه و خايفه اكون اتسرعت في الأختيار والتلفون يطلع بيهنج زي 70 او اي مشاكل اخرى ايا كانت بليييز قولو اصحاب الخبرة و التجربه
و جزاكم الله خيرا
السلام عليكم
Dr.Ahmed Sameh
16-04-2007, 12:49 AM
السلام عليكم ..

انظر يا اخ ..

من الأخر .. من الأخر كده و من غير جدال ...

هذا الموبايل هو أسوأ موبايل انتجته شركة نوكيا على الاطبلق

فعلا زباااااااااالة

لعدة أسباب :

أولا الكاميرا بتاعته رديئة جدا .. و صورها معفنة مقارنة بال 70 و ليس بال 73 .. يعني مفيش ..

ثانيا .. شبكته بتسقط بسرعة ...

هذا الموبايل مائ بالعيوب ..

حتقلي عرفت ازاي

اقولك انا شفت حوالي 5 موبايلات .. مع صحابي .. كلهم لعنو اليوم الي اشترو فيه الموبايل ده

ده غير المنتديات الي ع النت


..... نصيحة هات ال 73 احسن ..


اي خدمة
mm_kotb
16-04-2007, 04:58 AM
والله الراجل ده معاه حق بس الفرق انه شاف الجهاز مع اصحابه اما انا ف للاسف الشديد اشتريته و بيعته بعدها بثلاثة ايام وكنت في قمة السعاده بعد مابعته بالرغم من اني خسرت فيه 450 جنيه والحمد لله

وبالمناسبه يا جميل لو قارنت الn70 بالn80 يبقي الn70 ناقص يطلعلوا جناحين علشان يبقى ملاك

وعموما لو فيه اي استفسارات تانيه كلمني على 0122441156 بس ياريت تبعتلي رساله الاول علشان مابردش على النمر الغريبه
واحشني
19-04-2007, 05:59 AM
مع كامل احترامي لآراء من سبقوني

أنا أستخدم N80 من 10/2006 و كان به بعض المشاكل انتهت تماما بعد أن قمت بتحديث السوفتوير عن طريق برنامج nokia software updater من موقع nokia مجاناً

كذلك قمت بتحويل الموبايل (بعد اتباع خطوات معينة http://www.seventy4.co.uk/weblog ) إلى N80 Internet Edition .. و هو ما يمكنك من إجراء مكالمات دولية بأسعار مخفضة جداً.. مع وجود عرض حتى نهاية يونيو من شركة تروفون truphone.com بمكالمات مجانية لأمريكا و كندا و أوروبا .. و أنا أستخدمه من شهر ديسمبر الماضي

و كذاك توجد خدمات أخرى بخاصية VOIP مثل Gizmo Project و موقعها
http://www.gizmoproject.com

أو TiVi Phone
http://www.tivi.com
و يتضمن خدمات الجيل الثالث (Video Chat)

و الميزة الكبرى في N80 هي الواي فاي WiFi فإذا كان لا يعنيك الاتصال بالانترنت بصورة مكثفة سواء لاستقبال بريد الكتروني أو التصفح فأعتقد أنه سيكون باهظ الثمن بلا فائدة مرجوة

بقي أن أشير أني صورت به أكثر من مرة و طبعت صور منه و هي في غاية الروعة..
و سأعرض صورة لابنتي صورتها مؤخراً بكاميرا النوكيا.. مع الأخد في الاعتبار أنه تم تصغيرها
http://photos.sensegraphics.tv/n80ie.jpg

و أرجو أن أكون قد أفدتك في هذا الموضوع
Dr.Ahmed Sameh
19-04-2007, 05:56 PM
سيدي .... أنا اقدر و احترم رأيك تماما .... بالنسبة للتصوير الصور الثابتة لا يوجد فرروق

لكن أولا ... أنا اطلب منك مقارنة التصوير بالفيديو بتاع ال 80 مقارنة مع ال 70 او 73 ... و يقضل ان يكون التصوير داخل المنزل ....

مع العلم انا قمت بهذا كثيرا مع اكثر من شخص ... و للأسف .. النتيجة سيئة ...........
mm_kotb
19-04-2007, 08:32 PM
سيدي .... أنا اقدر و احترم رأيك تماما .... بالنسبة للتصوير الصور الثابتة لا يوجد فرروق

لكن أولا ... أنا اطلب منك مقارنة التصوير بالفيديو بتاع ال 80 مقارنة مع ال 70 او 73 ... و يقضل ان يكون التصوير داخل المنزل ....

مع العلم انا قمت بهذا كثيرا مع اكثر من شخص ... و للأسف .. النتيجة سيئة ...........

انت فعلا معاك حق
ahmedez03
19-04-2007, 08:50 PM
ص من الاخر انا معاية ان 73 مش هقلك كلمة واحدة بس انة موبيل تحفة في كل حاجة معادا حجتين الاولة الجوستيك بتاعة التانية حجمة الكبير عن الان 70 و الان 80
واحشني
20-04-2007, 05:15 AM
سيدي .... أنا اقدر و احترم رأيك تماما .... بالنسبة للتصوير الصور الثابتة لا يوجد فرروق

لكن أولا ... أنا اطلب منك مقارنة التصوير بالفيديو بتاع ال 80 مقارنة مع ال 70 او 73 ... و يقضل ان يكون التصوير داخل المنزل ....

مع العلم انا قمت بهذا كثيرا مع اكثر من شخص ... و للأسف .. النتيجة سيئة ...........

لم أشاهد صور الN70 أو N73 الثابتة أو الفيديو.. لذلك وضعت الصورة السابقة كي يتسنى للسائل الكريم مقارنتها بالأخريات

و كي تكتمل الفائدة هذا تصوير فيديو منزلي ببرنامج الكاميرا الخاص بنوكيا مع حركة بسيطة و استخدام الزوم (و هو رقمي يقلل من جودة الصورة) فقط لبيان كافة الحالات

ملف فيديو تم تصويره بواسطة Nokia N80 (http://photos.sensegraphics.tv/home.zip)

مع خالص مودتي و احترامي
Dr.Ahmed Sameh
20-04-2007, 06:33 AM
جميل منك يا سيدي انك قمت بوضع هذا الفيديو .. اللذي يزيد من تأكيدي على نفس العيب الموجود في هذا الموديل

النغمشة بالفيديو ملحوظة بشكل كبير ..... نفس العيب في كل ال 80 ... وتزداد اكثر في حالات التصوير خارج المنزل نهارا

قارنها بال 70 من هنا

http://mihd.net/mylcdt

و انا ادعو جميع الاعضاء بالمقارنه و كتابة ردودهم ....

شكرا جزيلا يا باشا
Dr.Ahmed Sameh
22-04-2007, 05:16 PM
يا ريت يا جماعة حد يقارن و يكتب رايه

شكرا
soomaa
22-04-2007, 09:05 PM
السلام عليكم
انا متشكرة جدا لكل اللي حط رأيو بصراحه و انا و اللهي احترت و مش قادرة اخد قرار ايه موبيل يكون في حجم و خاصية الأنزلاق دي و يكون بيدخل عنت زي N80 و اجيبو و انا مطمنه حاجه تحير بصراحه!! لكن انا هتفرج على الفيديو ده عشان اقدر احسم نقطة التصوير بالذات أنها برضو تهمني و بجد انا متشكرة مووووت على الأهتمام و كمان الأدله و البراهين:icon30:
السلام عليكم
soomaa
22-04-2007, 09:19 PM
السلام عليكم نسيت
اسألكو معلش يعني ايه جوستيك؟ و كمان سؤال مهم ايه الفروق بين 70 و 73 و هل واحد فيهم ممكن يتحول بسوفت وير مثلا انو يبقه فيه خاصية الدخول عنت او الواي فاي؟ و جزاكم الله خيرا
واحشني
22-04-2007, 09:53 PM
أنا شفت الفيديو الحقيقة الفرق بين الاتنين بسيط جداً خصوصاً إن التصوير في الN70 تحت النور مباشرة فا مش باين أي تشويش noise.. و على العموم التصوير الفيديو في الاتنين سيء (حتى مع اعتبار الN70 أفضل)
و على فكرة التصوير في ضوء النهار بيبقى أفضل (مش العكس) !

أهم شيء في الN80 للي عايز يجيبه الواي فاي.. و لو مش محتاجه ما يجيبهوش لإنه هيبقى تكلفة زيادة على الفاضي

و شكراً جزيلاً يا د. أحمد على المجهود
scatman0000
22-04-2007, 10:07 PM
الخلاصه فى الحوار انت عايزه ايه ...ايه المميزات اللى لزماكى ..انا نعايا N80 ,ومع أختى N73 ..الاتنين واحد ماعدا
N80 : wi fi فى منتهى الروعه وجربته بنفسى فى الكافيهات والمطار ..خدمة انترنت على أعلى مستوى ..ليست فى N73 .
N73 :stereo speakers ..جوز سماعات خساره فى عدة موبايل ..مصيبه فى العلو والنقاء والنغمات المجسمه بجد مش زى الهبل اللى بيتقال اليومين دول ..انتى ممكن ترقصى النغمه بين السماعتين بطرق رهيبه .
الكاميرا : واحد MP3.15, 2048x1536 pixels
الفرق الوحيد ان ال73 فيه autofocus ,وده هيكون السبب الوحيد ان الصوره فى الفيديو بتطلع فيه أحسن من ال 80 وان العدسه اللى فيه من صنع carl zeiss ..
أى حاجه تانيه واحده فى الاتنين ..نسيت فى مشكله معايا فى ال80 ومش دايما بتحصل الا لما باملا الكارت ال1 جيجا ان الgallery بيبطأ جدا فى عرض الصور وبيهبل فى طريقة العرض شويه وانا الحقيقه من ساعت ما جبته برضه زى الاستاذ اللى بيقول معاه من سبتمبر اللى فات ما طو رتش حاجه فى السوفت وير ...والحق يقال هو هنج معايا تلات مرات بالعدد ...شاوريلى على عده نوكيا ما بتهنجش وانا أقوللك بتحلمى ...
انت شوفى اختيارك ال80 business and fun but more of a business
ال73 mostly about fun .
mido_zmalkawy
23-04-2007, 12:50 AM
ألجهاز مع صحبى بيشتكى منة جدا وبيقولى انة فى العيوب دى
سوفت وير زبالة
الشبكة منيلة بستين نيلة
ارسال بلوتوث ضعيف
soomaa
25-04-2007, 03:24 PM
السلام عليكم
بصراحه ياجماعه انا نفسيتي قفلت من ال 80 ده و تقريبا قررت اجيب 72 لأن 73 شكلو رخم و معجبنيش بس بجد متشكرة موووت على كل اراءكو و جزاكم الله الف خير
السلام عليكم
mido_zmalkawy
25-04-2007, 04:03 PM
السلام عليكم
بصراحه ياجماعه انا نفسيتي قفلت من ال 80 ده و تقريبا قررت اجيب 72 لأن 73 شكلو رخم و معجبنيش بس بجد متشكرة موووت على كل اراءكو و جزاكم الله الف خير
السلام عليكم

لو مش عاجبك ال73 هاتى ال70 او 3250 احسن لان ال72 كاميرة واحدة والصوت مش عالى
تقبل تحياتى
soomaa
28-04-2007, 11:20 PM
السلام عليكم
الأخ اللي قاللي ان صوت 72 واطي متأكد من معلومتك دي؟ لأن الصوت مهم جدا جدا و شكرا جزيلا
mido_zmalkawy
29-04-2007, 01:58 AM
السلام عليكم
الأخ اللي قاللي ان صوت 72 واطي متأكد من معلومتك دي؟ لأن الصوت مهم جدا جدا و شكرا جزيلا

ايوة طبعا معروفة
تقبلى تحياتى
soomaa
30-04-2007, 07:58 AM
اشكرك جدا و اشكر كل اللي ساهم ب اراءو و انا بعد رأيك الأخير قررت اجيب 73 ان شاء الله
شكرا
HOHO3000
30-04-2007, 08:13 AM
شكرا علي المعلومات يا شباب لإني كنت محتاجها علشان كان معروض عليا أشتري N80
SASAA@F
03-05-2007, 09:13 AM
مناقشات رائعة بس المشكلات المطروحة عادية وموجودة في كل الاجهزة مع تفاوت الدرجات ولكن ليا سؤال ياتري تكلفة ال wi fi في مصر كام ...................... تحياتي
memology
03-05-2007, 07:48 PM
مناقشات رائعة بس المشكلات المطروحة عادية وموجودة في كل الاجهزة مع تفاوت الدرجات ولكن ليا سؤال ياتري تكلفة ال wi fi في مصر كام ...................... تحياتي

ببلاش
لانها بتعتمد على المكان اللى انت موجود فيه - هل فيه انترنت لاسلكى ام لا
medoo2010
11-05-2007, 05:52 PM
مشكووووووووووووووووورين على الافادة