يا ترى اللى درسناه كفايه عشان نشتغل؟

[sopkystar]

انا خريج تجارة انجليزي دفعة 2006 وخدت كورسات محاسبه عند محاسبين قانونيين دا غير كورسات الكمبيوتر و لما جيت انزل سوق العمل لقيت ان ولا حاجه خالص نهائي من الى انا خدته بنستخدمه دا بالعكس فيه مصانع وشركات بيعملو فيها حسابات عاديه جدا من غير لا دفتر استاذ ولا الكلام الفاضي ده ومع ذلك كانت ناجحه جدا ودا كان سبب انى سيبت الشغل علشان مش حستفيد حاجه من شغلى خبرة فى المحاسبة يعني حد يعرف يا جماعه سيت يكون فيه معلومات عن المحاسبه . اصل الصراحه الواحد اتخرج ومش فاكر حاجه خالص من اللى انا درسته يا ترى دا طبيعي ولا لازم اذاكر تاني المحاسبة اللى انا درستها فى الكليه علما بانه لما خدت كورس محاسبه بالعربي لقيت فيه حاجات كتير ما خدنهاش او ما كناش فاهمنا صح يعني مثلا حد خريج تجارة انجليزي خد حاجه فى الكليه اسمها حساب المتاجرة سبحان الله اكتشفتها بعد 4 سنين كليه اظاهر انهم مش بيعلمونا حاجه ارجو مشاركة ارئكم شكرا

[الكميائى]

بص ياباشا انا هتكلم عن خريجى علوم
الحمد لله العلم اللى خدناه فى الكليه ( الجامعات الكبرى )
كويس بس العيب الرهيب انه يفتقد الى متطلبات السوق

يعنى ايه ؟
اقولك ......

خريج بيولجى اللى عايز يشتغل فى التحاليل مخدش ماده تحاليل طبيه
كل اللى خده لو كان نبات ماده اسمها ميكرو او لو كان حيوان ماده اسمها انسجه وماده تانيه اسمها دم وغيره
المهم انه مخدش كورسات شامله وغير كده لايوجد تدريب عملى

خريج كمياء اللى راح يشتغل فى مصنع يفأجا بحجه اسمها هندسه كميائيه وجوده وخلافه
وطبعا التدريب العملى انت وحظك:no000000:

وغير كل ده انا من وجهه نظرى ان خريج علوم افضل وظيفه فى البلد لان له مجالات كتير جدا ويقدر يتعامل على انه متخصص فى حاجات كتير جدا :icon30:
بس الغريب تسأل اى حد قريبك وتقوله عايز اشتغل معاك يقولك انت مش علوم هتشتغل ايه؟:crazy000:

وفوق كل ده وضع البلد والمطاردات الامنيه لاى حد بيفكر فاكرين ان لو الواحد شرب حجر معسل هيعمل فيلم الكيف
ولو الواحد شاف فيلم اجنبى هيقلد فلم الصخره the rock :flex0000:

على العموم
لكل خريج علوم لو عايز تصلح من نفسك بسرعه اختار المجال اللى انت عايزه اتدرب فيه ومش ضرورى الفلوس فى الاول وحاول تاخد دورات كمبيوتر وانجليزى
ولو فى فرصه قدم على ماجستير واستحمل كام سنه وبعد كده سافر وسيبك من البلد دى

[love&peace]

انا خريج تجارة انجليزي دفعة 2006 وخدت كورسات محاسبه عند محاسبين قانونيين دا غير كورسات الكمبيوتر و لما جيت انزل سوق العمل لقيت ان ولا حاجه خالص نهائي من الى انا خدته بنستخدمه دا بالعكس فيه مصانع وشركات بيعملو فيها حسابات عاديه جدا من غير لا دفتر استاذ ولا الكلام الفاضي ده ومع ذلك كانت ناجحه جدا ودا كان سبب انى سيبت الشغل علشان مش حستفيد حاجه من شغلى خبرة فى المحاسبة يعني حد يعرف يا جماعه سيت يكون فيه معلومات عن المحاسبه . اصل الصراحه الواحد اتخرج ومش فاكر حاجه خالص من اللى انا درسته يا ترى دا طبيعي ولا لازم اذاكر تاني المحاسبة اللى انا درستها فى الكليه علما بانه لما خدت كورس محاسبه بالعربي لقيت فيه حاجات كتير ما خدنهاش او ما كناش فاهمنا صح يعني مثلا حد خريج تجارة انجليزي خد حاجه فى الكليه اسمها حساب المتاجرة سبحان الله اكتشفتها بعد 4 سنين كليه اظاهر انهم مش بيعلمونا حاجه ارجو مشاركة ارئكم شكرا

السلام عليكم ورحمة الله وبركاته

مع انى مبحبش الكلام بالعامية لكن انا مضطر فى الرد ده ليس لفصاحة العامية ولكن لأنى لست فصيح اللسان باللغه العربية ( للأسف :no000000: )

انا خريج تجارة انجليزى المنصورة 2003

احب اقولك ان اللى انت درسته فى تجارة انجليزى هو من أفضل ما يمكن ان يدرسه طالب للمحاسبة على الأقل فى الدول العربية , ودى مش مبالغة :showoff0:

كون الشركات المتخلفة الى هنا فى مصر مش بتطبق اللى انت درسته فى الكلية بتاعتك ده مش عيب فى دراستك لكن هو التخلف الادارى والتقنى الى احنا عايشين فيه :shutup00:
( دفتر الأستاذ واليومية اللى عاملة زى المرتبة بتاعة السرير وحاجة تكسف ماتلاقيهاش فى اى بلد عربى فضلا عن باقى العالم :crazy000: )

الدليل على صحة كلامى : لو انت طلعت على دبى او ابوظبى وشوفت الشركات المحترمة هناك هتلاقى كل شغلهم حرفيا بالى انت اتعلمته فى تجارة انجليزى :flex0000:

الحل : ان ربنا كرمك وسافرت برة على بلد بتقدر يبقى تمام وهتعرف ان شاء الله تشتغل باللى انت اتعلمته

أو حل آخر بانك تتعلم شغل المحاسبة بتاعنا هنا فى مصر وتحاول تاخد تدريب كويس فى مكاتب المحاسبة علشان يبقى لك وضعك ان شاء الله

وبالنسبة للحل الأول , اذا خدت شهادة مهنية محترمة زى الـ CMA يبقى كويس جدا

أسأل الله أن يوسع أرزاقنا ويرزقنا العمل الصالح

[fahdof]

السلام عليكم .... انا اريد ان اضيف رد في هذا الموضوع :

وهو ان لا العلم ولا الكورسات ولا اي حاجه تانيه هي سبب الشغل .... الشغل ما هو الا رزق من عند الله تبارك وتعالى وحده فقط .... بس ده اكيد لا يمنع اننا نجتهد في كل حاجه والله الموفق بعد ذلك
ولكن انا شايف الموضوع ده مش لازم ينطرح يالشكل ده ... لأننا لما بنشتغل في اي حته ده مش علشان العلم اللي احنا واخدينه ولكن علشان ده رزقك وحيجيلك حتى لو مكنتش متعلم ولا واخد كورسات .... بدليل شخصي وحصل معايا ان ربنا سبحانه وتعالى كرمني واشتغلت في فودافون ولا كان عندي كورسات جامده ولا حتى خبره .....

لو سمحتوا يا جماعه لازم نعرف ان الرزق بيد الله وحده ومنعدش نقول الكورسات والعلم حيشغلونا ولا لأ

جزانا واياكم الله الخير

[العـنـتـيـل]

يا أخي الفاضل:
اللي بتدرسه مش كل اللي هتشتغل بيه .. و مش كله غير مفيد أيضا
طبعا في حاجات من اللي بتدرسه مهمه .. و هتفيدك في الشغل ..
لكن ...
لازم تضيف ليها خبرات من الحياه العمليه و التجريبيه
و السلام عليكم