اللعب العربية ما مصيرها ؟

[monyman]

السلام عليكم

انا عارف إن دا مش مكان لنقاش لموضوع

لكن انا فضلت انى احطه هنا

وارجو من مشرفى المنتدى السماح لى بوضع الموضوع فى المنتدى..

الالعاب العربية متى ؟

انا عارف انه فى العاب عربية ومصرية طلعت

لكن انا قصدى بمستوى وكفاءات اللعب الاجنبية

وبتعدد وكثرة الالعاب اللعب العربية تقريباُ على ما اعتقد ما تتعداش ال20 لعبة

لكن الالعاب الاجنبية ما تتعدش اصلاً

انا مشارك فى لعبة عربية مجانية اصحابها بيعملوها وبيحطوا

التصميمات والشغل بتاعها كله على النت

دا مثال للعبة عربية

وهناك لعب عربية غير مجانية ودى معروفة طبعاً

لكن انا خطرت فى بالى فكرة ليه ما نعملش فريق خاص بمنتدى الدى فى دى

يعمل العاب ؟

ويقوم الفريق الخاص بالدى فى دى للرفع يرفعها على مواقع والكل

يحمل منها

ليه ما نجمعش الموهوبين فى الphotoshop و ال3ds max او الmaya

والموهوبين فى البرمجة ليه ما نجمعهمش ونعمل فريق لصنع الالعاب

والالعاب تبقى فى مستوى كويس يعنى ولا رديئة ولا رائعة(عشان الامكانيات طبعاً )

وفى نفس الوقت تبقى مجانية

والعاب متعددة الانواع

والفريق كل ما يعمل لعبة ياخد خبرة اكتر تخلية يعمل العاب احسن فى المستقبل

وبعد كدة يبقى حريف صنع العاب

وبكدة يبقى لينا اسمنا على مستوى العالم ( بعد فترة كبيرة طبعاً )

وان اللعب العربية لعب على مستوى كويس مش ردىء

انا عارف انه الكلام صعب تنفيذه بس لو نبدأ خطوة خطوة

هنفذ اللى مكتوب دا

ما رأيكم فى الموضوع ؟

منتظر ردود الكل...

وانا آسف على الاطالة دى

وشكراً

والسلام عليكم

[matrixsasa]

انا موافق على هذا الموضوع ونفسى اشارك فيه لانع كويس جدا وتسلم ايدك يا معلم

[monyman]

matrixsasa

شكراً على مشاركتك فى الموضوع

وبالنسبة للفريق

جاتلى فكرة انى اجمع الاسماء واحطهم كل فترة فى الموضوع

وطبعاً الاسم حسب تاريخ المشاركة

وطبعاً انت كدة اول واحد

وشكراً على مشاركتك فى الموضوع مرة تانية

ومنتظر الاعضاء

[aymon2222]

فكرة طبعا حلوة
بس عندي سوال واخد
انا وانت وكل من بيشوف الموضوع ومتأكد99.9 من أعضاء الدفد
بنجيب الالعاب ازاي؟؟؟
اكيد من التورنت او الدونلود المباشر او من اصحابة
يعني مش حيشتري
ولهذا ديما الالعاب العربية الى الوراء على العكس من الالعاب الاجنبية اللتي تحقق ارباحا خيالية رغم ان كل الشرق الاوسط بيكركها ويا خدها على الجاهز

اما بخصوص فريق الدفد
فهو طبعا فكرة ممتازة
لية منعملش لعبة للدفد
تكون خاصة بالدفد لوحدة؟؟؟
طبعا فكرة ممتازة
وشكرا عزيزي

[moro_marwan]

عندك حق بصراحة
كل اللعب اجنبية و مفيش لعب عربية عليها القيمة(مع الاعتذار لبعض المحولات الت اتمنى ان تتطور مستقبلا)
طبيعى جدا تكون المحاولات الاولى غير ناجحة بالكامل
المهم نحاول فعلا
انا مستعد اشارك لو هقدر
جمع الناس و ربنا يسهل
و يا ريت تقول عايز ناس فاهمه فى ايه بالضبط
يعنى المبرمجين .....انهى لغة برمجة بالضبط
و بتوع ال graphics

[ALEX_DEVIL]

متضحكش على نفسك

اي حاجة عربي بتكون اقل(مهما كانت الحاجة دي )

فمجتش عاللعب يعني

euro&usa&japan&china

RULES!

[super_yugi]

أنا ليس لدى خبرة فى هذا المجال بي قلت أشجعكم
وللأسف طول ما العرب فكرها مثل أخى Alex_devil
العرب مش هينفعوا فى أى حاجة
يا عم نبدأ بالألعاب بعد كده ندخل فى حاجات كتيرة
و على فكرة فى ألعاب كتيرة بتخدم مصالح سياسية
أو بتهين العرب و الدين
ليه احنا منحاولش نعمل كده برضه
يعنى مثلاً نعمل لعبة رد اللعب ده أو نعمل لعبة إسلامية
يستفيد منها كل اللى يلعبها

[thesuperspyman]

والله يا مان موضوع كويس وفكره كويسه وتنفع بس انا حاقولك حاجه دى بتعتبر عائق بالنسبه للى بيعملوا العاب فى مصر الناس فى مصر بيبصوا لنفسهم الاول هما حيكسبوا ايه ايه العائد من ورا دا انا مش بتكلم عن نفسى لانى مش بعرف غير فى الفوتو شوب لكن ان باتكلم على اللى بيعرفوا فى ال3دىماكس ممكن يكون فيه منهم هنا فى المنتدى بس قليلين عموما انا موافق وفى انتظار مكتبه او قسم زى ما انته بتقول ويا ريت فعلا الدى فى دى يقوم بعمل بحث عن الشباب الجاهزه لموضوع زى دا وعلى فكره فيه لعبه اون لاين اسمها بوحه حتبقى فى السوق قريب جدا بس حتبقى برضه بفلوس وهيا زى سيلك روود وتانترا لكن نظام عربى لغتها كلها عربى حتى الكويستات بتتقال بالعربى وفيها شخصيات كتيير لكن لسه كانوا بيقولوا حتنزل فى شهر 9 وشهر 9 جه ولسه ما نزلتش عموما معلش طولت عليكم لكن انا باشجع موضوعك ويا ريت المنتدى يقوم بكدا قريب جدا........

[رضوان 2]

اخي الكريم انا ايضا تمنيت لو توجد العاب عربية ذات جرافيك عالي لاكن الدول العربي لاتهتم بصنع الالعاب لعدة اسباب ومن بينهم عدم توفر على الاحتياجات الازمة وايضا لن تنشر اللعبة في بقااع العالم كما تنشر الاعاب الاجنبية !!

واشكرك اخي لطرحك لهذا الموضوع النقاشي

[Thunderboy7000]

ممكن نعمل حاجه زى كده
مش عارف
بس نفسى اشوف فعلا لعبه تم تصميمها على يد محترفين عرب

[TheGhostFish]

السلام عليكم و رحمة الله و بركاته

بحمد الله تم افتتاح اليوم في قسم البرمجة
قسم برمجة الألعاب ..
http://www.dvd4arab.com/forumdisplay.php?f=572

و بإذن الله يكون بداية للي تتمناه أخي الكريم
و مستنيين مشاركتك معانا فيه

[إنًسَانِ]

الالعاب العربيه عندها مستقبل المهم لاتوضع في مقارنه مع الالعاب

الغربيه لان المقارنة ستكون ظالمة جدا

خصوصا من ناحية الخبره