المساعد الشخصي الرقمي

مشاهدة النسخة كاملة : اللى عمل مقابلة شخصية قبل كده فى موبينيل ... ياريت ألقى عنده إجابة لسؤالى ...

antka2005
16-03-2007, 02:40 AM
مساء الفل على أحلى و أجدع منتدى على النت
بداية أنا روحت قدمت فى موبينيل من حوالى 4 شهور و إتصلوا بيا أخيراً .. كنت مقدم فى الـ Call Center .. و حددوا ميعاد الـ Interview .. و الإمتحانات ... ياريت يا جماعة اللى عنده فكرة عن نظام إمتحاناتهم او أسئلتهم بشكل عام أو كان عمل إنترفيو هناك قبل كده ينصحنى لأن الشوغلانة دى مهمة جداً بالنسبة لى ...
و أشكركم جداً لكل من سيشارك بالرأى أو بمعلومة ...
ahmed_ali688
16-03-2007, 03:09 PM
بعد ازبك يا حج ممكن طلب ممكن تقولينا انت قدمت لموبنيل ازاى علشان نقدم احنا كمان وجزاك الله خير
John_adels
16-03-2007, 04:02 PM
قدمت عن طريق الـ Apply Online على السايت بتاعهم على النت . اتفضل يا باشا رابط التقديم اهوه للى عاوز يقدم
http://www.mobinil.com/careers/apply.aspx?JobID=28&DivisionID=150&DeptID=3

ياريت حد يفيدنا بمعلومات بقا عن المقابلة
ahmed_ali688
17-03-2007, 02:48 AM
جزاك الله خير يا باشا
antka2005
17-03-2007, 02:54 PM
اية يا جماعة محدش عمل إنترفيو قبل كده هناك خالص ولا اية
mohamedgalal
18-03-2007, 07:28 AM
جزاك الله خيرا
gatmom2002
18-03-2007, 10:28 AM
thanksssssssssssssssssss
102
18-03-2007, 10:42 AM
الف شكر يا اخى على هذا اللنك
للاسف معرفش حد عمل انتر فيو فى موبينيل
new live 1984
18-03-2007, 09:36 PM
شوف انا اعرف واحد بس للاسف معدش بدخل على النت ومعرفلوش رقم تليفون

بس انا بعتلوه على الايميل و حعرفلك منوه ايه اللى حصل واوصلك ببعض بس يارب يدخل ويشوف رسالتى

سلام عليكم
fahdof
19-03-2007, 07:29 AM
السلام عليكم يا اخي .... سؤال بس يعني انت قدمت على الانترنت وهما كلموك بعديها باربع شهور ؟؟؟ ولا ايه اللي حصل بالضبط

وجزاك الله خيرا
antka2005
19-03-2007, 02:34 PM
اللى حصل يا باشا انك بتقدم على السايت عادى بعد ما تشوف الـوظائف الخالية ... غالباً الكوول سنتر بيبقا طالب ناس بإستمرار ... و بعد كده هما بيردوا عليك ... انا كلمونى بعديها بأربع شهور و عمل معايا الراجل اللى إتصل من الشركة إنترفيو بسيط فى التليفون .. اللى هو عرف لى نفسك بالإنجليش .. تحب تشتغل فى الكوول سنتر ... و هكذا ... و حدد معايا ميعاد الانترفيو يوم الخميس الجاى
midomcse2003
19-03-2007, 05:46 PM
مشكوووووووووووووووووووور
وبالتوفيق يارجالة
اعتقد ان شركة اتصالات اخدت ناس كتير من فودافون و موبينيل وهما هيطلبوا ناس
fahdof
20-03-2007, 09:36 AM
اللى حصل يا باشا انك بتقدم على السايت عادى بعد ما تشوف الـوظائف الخالية ... غالباً الكوول سنتر بيبقا طالب ناس بإستمرار ... و بعد كده هما بيردوا عليك ... انا كلمونى بعديها بأربع شهور و عمل معايا الراجل اللى إتصل من الشركة إنترفيو بسيط فى التليفون .. اللى هو عرف لى نفسك بالإنجليش .. تحب تشتغل فى الكوول سنتر ... و هكذا ... و حدد معايا ميعاد الانترفيو يوم الخميس الجاى


ربنا معاك يا اخي الكريم وتكون فاتحة خير عليك واهم حاجه تكون واثق من اجاباتك حتى لو كانت غلط

وجزاك الله خيرا على ردك
ahmedgaber
24-12-2008, 03:45 PM
السلام عليكم يا رجال بوصوا يا جدعان انتا بتروح تودي ال س في بتاعك في النيل تورز البرج الشمالي الدور ال 32 و هما هيكلموك خلال اسبوعين ان شاء الله تمام كده يا رجلتنااااااا
الامتحان بقي 9 ورقات انجلش و 7 ورقات اي كيوا تمام كده بتحلهم في ساعه و نصف بس هوا امتحان مش سهل بس الفكره في ايه بقي انتوا بتبقوا حوالي 20 واحد بتمتحنوا مع بعض و بتبقوا في غرفه الا جتماعات لوحدكم فا طبعا الحل بيبقي جماعي تمااااااام كده و بعد م تخلص الامتحان بتروح و يكلموك خلال اسبوع انا مستني بقي اهوا ادعولي بقي انهم يكلموني و اعدي الانتر فيوا يا راب ان شاء الله بس لما بتروح تودي ال س في بتاعك و لما يكلموك بيعملوا انتر فيوا كده سريع علي الموبيل بيكون عباره عن عرف نفسك و بابا شغال ايه طيب و لحاجه طيب متخرجين من كليه ايه كده يعني و علي فكره هما عايزين نااااااااااااااااااااااااااااااااااس فا كلوا يروح يقدم ال س في في العنوان الي فوق و ربنا يكرمنا كلنا يا رب ان شاء الله و السلام عليكم و رحمه الله و بركاته
mahammmed
25-12-2008, 10:30 PM
أنا واحد صاحبي اشتغل هناك ....أول مرة بيعملولك امتحان انجليش قاللي انه عادي ....وامتحان أي كيو قاللي انه صعب ....بس رغم انه حل حاجات غلط فيه بس عدي ....غير كده هيعملوا انترفيو عادي جدا أول مرة .....عبارة عن عايز تشتغل كول سينتر أجينت ليه ....وايه المؤهلات اللي تأهلك للحصول علي الوظيفة....ولو كلمك كستومر وكان أنجري هتتعامل معاه ازاي ...وايه أصعب تحدي قابلته....أسئلة عادية جدا......والمرة التانية بتكون أصعب شوية ....بس هي بتكون عبارة عن دردشة لفهم شخصيتك وطريقة تفكيرك....الموضوع كله عايز ثقة بالنفس أكتر من أي حاجة
ahmosad
26-12-2008, 03:54 PM
انا اللى اعرفه ان موبينيل بتشغل مسيحين فقط انا خريجة السن قسم المانى وقدمت فيها كتير ولم يتصلوا
هاني سيفالاسلام
26-12-2008, 05:20 PM
ممكن تدينا العنوان كامل يعني فين النيل تورز ده عشان اعرف اروح ربنا يباركلك
dodor9
24-09-2009, 05:36 PM
حكايه بيشغلو مسيحين دى مش صح لان فى مسلمين كتير شغالين هناك