المساعد الشخصي الرقمي

مشاهدة النسخة كاملة : اين يتم الامتحان للحصول على icdl

hanny_moon25
08-03-2007, 07:03 AM
السلام عليكم
لو سمحتم يا شابا عايز اعرف ايه هي الاماكن المعتمدة للامتحان لشهادة icdl
وعهل يجب الدراسة في هذا المكان قبل الامتحان ام لا
وكم يتكلف هذا الامتحان ؟
اسف للاطالة وفي انتظار ردكم
t_bone
10-03-2007, 08:45 PM
بص انا معرفش حاجة عن الاماكن بس خد البرنامج دة للتعليم


الدورة التى يطلق عليها اسم الـــ ICDL وهى الرخصة الدولية لقيادة الكمبيوتر وهى لا تعطى إلا فى عدد من دول العالم منها فى الوطن العربى ثلاثة دول فقط ولهذه الدورة اختبارات تجريبية يمكن الاستفادة منها فى التدريب على أسلوب الاختبار وكانت الاختبارات باللغة الانجليزية ولكن والحمد لله موجود منها



http://www.4shared.com/file/11308182/5f12520d/ICDL.html
moh1979
11-03-2007, 01:03 PM
صديقي
في مركز تابع لشركة Ibm في السراج مول بمدينة نصر الدور الثالث ، يتم في هذا المركز عقد دورات وإمتحان لشهادة Icdl
سأحاول إن شاء الله إحضار أرقام التليفونات لك وإرسالها .
maged_har
12-03-2007, 10:54 AM
في برضه في معهد نظم المعلومات للقوات المسلحة برضه يتم عمل الامتحانات هناك بواقع 30 جنيه للمادة وعدد المواد سبعة ويتم ايضا عمل دورات للدراسة على هذه الشهادة العالمية
hanny_moon25
12-03-2007, 01:16 PM
شكرا لكل الاعضاء المحترمين اللي ردوا على سؤالي
وربنا يوفقكم جميعا
moka22
15-03-2007, 05:06 AM
طيب كويس اننى شوفت الموضوع بص ياسيدى
اولا عندك مركز الاهرام اللى فى وسط البلد محطه جمال عبد الناصر فى المترو 180 وكل امتحان 60 جنيه
وعندك جامعه اداب عين شمس مركز الخدمه العامه العباسيه 150 وكل امتحان 35 جنيه
وعندك الجهاز المركزى للتعبئه والاحصاء بجاب نقابه التجاريين اللى فى العباسيه مش اللى فى رمسيس 140 وكل امتحان 25
اتمنى ان كون افتدك فى الموضع
باسم ستار
16-03-2007, 02:39 PM
بص يابوب عندك شركة اى تى اى فى مساكن الشيراتون وعندك المركز العلمى للحاسبات العلمى فى جامعة عين شمس حاسبات ومعلومات
hamedy0000
19-03-2007, 09:42 PM
ibm company
MR . K A B O
11-04-2007, 01:01 AM
الف شكر يا باشا يا كبيرررر
محمد سعد6000
14-04-2008, 11:55 PM
طيب ممكن ياشباب تقوللى على اسعار المراكز ديه فى الاسكندريه
وجزاكم الله كل خير
rhgrhg
15-04-2008, 03:48 AM
السلام عليكم
لو سمحتم يا شابا عايز اعرف ايه هي الاماكن المعتمدة للامتحان لشهادة icdl
وعهل يجب الدراسة في هذا المكان قبل الامتحان ام لا
وكم يتكلف هذا الامتحان ؟
اسف للاطالة وفي انتظار ردكم



شوف يا سيدى انت لو من مصر تبقى المساله بسيطه جدا وهى عباره عن انك هتدخل على الموقع ده www.icdlegypt.gov.eg هتملى الاستماره وتكون معاك بطاقه الرقم القومى وعند الجزء الخاص بمكان الامتحان بتفتح الكومبوكس وبتلاقى فيه اسامى المناطق اللى ممكن تمتحن فيها هتختار اقرب منطقه لسكنك وهم هيتصلو بيك بعدها علشان تروح تدفع التامين ومعاد الاى كيو ولما تنجح فيه تستلم جدول الامتحانات وممكن تاخد الدورات فى نفس السنتر اللى هتمتحن فيه شوفت ازاى المساله سهله ربنا يوفقك ويهديك للخير سلام
rhgrhg
15-04-2008, 03:51 AM
صحيح الامتحان ببلاش انت بتدفع 120جنيه تامين يرجعولك تانى بعد ما تخلص امتحانات ومن حقك تمتحن الماده الواحد 3 مرات مجانا وثلاث مرات بفلوس الاولى 10 التانيه 20 التالته 30 والنجاح من 75% فى كل المواد الاit النجاح من 65% لانه اصعب واحد بس اى خدمه ياعم
rhgrhg
15-04-2008, 03:57 AM
طيب ممكن ياشباب تقوللى على اسعار المراكز ديه فى الاسكندريه
وجزاكم الله كل خير


انت قدم مع منحه وزاره الاتصالات اضمن واحسن على الموقع زى ما قلته قبل كده www.icdlegypt.gov.eg وتختار مكان الامتحان اقرب منطقه لسكنك ومش هتدفع غير 120 جنيه تامين بيرجعولك بعد ما تخلص وانت بتستلم الشهاده اللى بتطلع بعد من 40 الى 60 يوم من انتهاء الامتحانات انا عن نفسى عملت كده دى نصيحه من مجرب
محمد سعد6000
15-04-2008, 06:16 PM
انت قدم مع منحه وزاره الاتصالات اضمن واحسن على الموقع زى ما قلته قبل كده www.icdlegypt.gov.eg وتختار مكان الامتحان اقرب منطقه لسكنك ومش هتدفع غير 120 جنيه تامين بيرجعولك بعد ما تخلص وانت بتستلم الشهاده اللى بتطلع بعد من 40 الى 60 يوم من انتهاء الامتحانات انا عن نفسى عملت كده دى نصيحه من مجرب

والله ياباشا انا مسجل على الموقع ده من سنه ونصف بالظبط ولسه
ومش عارف ايه الحل فى ناس سجلت بعدى بكثير واتقبلو
النسر الكاسح
22-04-2008, 01:18 PM
والله ياباشا انا مسجل على الموقع ده من سنه ونصف بالظبط ولسه
ومش عارف ايه الحل فى ناس سجلت بعدى بكثير واتقبلو




انا عملو معايا كده يا باشا برده وبعتلهم رساله على الايميل ده icdlcomplain@mcit.gov.eg

وردو عليه تاني يوم برساله غريبه

بيقلولي هل انت موظف بالتربيه والتعليم ..!!!

بعتلهم تاني وقولتلهم لا انا مش موظف بالتربيه والتعليم مع اني كاتب في الاستماره الشهاده متوسط

المهم عشان ما اطولش عليك بعتولي رساله بعديها على طول قالولي تم الترشيح وبسس