وزاره العدل مصلحه الخبراء [الأرشيف] - موقع الدي في دي العربي

awad434

01-03-2007, 01:03 AM

السلام عليكم
ياجماعه حد مقدم فى مسابقه الخبراء ياترى الامتحان امتى؟ وحد عارف هم عايزين كام واحد ياريت اى حد عارف اى معلومه يئولهالنا وشكرا ليكم

awad434

02-03-2007, 12:05 AM

ايه ياجماعه ماحدش قدم فيها؟

حسن مختار

02-03-2007, 02:19 AM

انا معرفش ممكن حد يدلنا او يقول ايه الموضوع ده بالضبط

حسن داود

02-03-2007, 02:44 AM

ريحو بالكم رحت وسئلت التقديم لأبناء العامليين وابقي سلملي علي العدل

peter_n1983

02-03-2007, 02:54 AM

السلام عليكم
ياجماعه حد مقدم فى مسابقه الخبراء ياترى الامتحان امتى؟ وحد عارف هم عايزين كام واحد ياريت اى حد عارف اى معلومه يئولهالنا وشكرا ليكم

معلش بقى بس احب ابلغك ان التعيين لابناء العاملين فقط سواء فى مصلحة الخبراء او فى مصلحة الشهر العقارى اللى كانت طلبة من قريب اوى والاعلانات اللى بيعملوها دى مجرد اجرائات روتينية لان اى وظيفة حكومية لازم يتعمل اعلان عنها وانا كنت هقدم فى الشهر العقارى بس كلمت ناس شغالين هناك وقالولى اللى هيتعينوا متحددين مين هم قبل اصلا الاعلان ما ينزل فى الجرايد
وفى الاخر اقولك ربنا معاك ومعانا كلنا وان شاء اللة ربنا يوفق الجميع ...لكن ما باليد حيلة هى دى بلدنا :busted_r: :busted_r: :busted_r: :busted_r: :busted_r: :busted_r: :busted_r: :busted_r:

awad434

02-03-2007, 11:07 AM

ياجماعه لا انا روحت امبارح ولائيت اسامى الناس اللى اتقدمت بصوره صحيحه يعنى الناس اللى بعتت فى الميعاد وورقهم صح ومترتب صح وتم تحديد معاد للاختبار وهو يوم 3/4 بس الميعاد حيتعدل فامش عارف امتى لكن مافيش حاجه اسمها ابناء عاملين اللى حينجح فى الاختبار حيتقبل بس ده مش معناه ان مافيش وسايط لا فيه وكتير كمان بس هى مش لابناء العاملين بدليل ان اسمى نزل فى الاسامى اللى اتقبل ورقهم

awad434

02-03-2007, 11:21 AM

اه وبالنسبه للاخ حسن داوود اللى راح سئل للتقدم وقالوله التقديم لابناء العاملين بس احب اقوله ان التقديم كان فى شهر 12 ولمده 15 يوم كان داخل فهم العيد والتقديم مش بالسؤال ده عن طريق البريد الاعلان كاتب ان مش حيستقبلو الورق المسلم باليد يعنى ياجماعه ماتفقدوش الامل وبالنسبه للشهر العقارى والله العظيم الوزير اصدر قرار بمنع تعيين ابناء العاملين يعنى زيهم زى ااى حد متقدم للوظايف ياجماعه بلاش احباط قدموا الورق واعملوا اللى عليكم والامر فى اد ربنا ماتفقدوووووووووووش الامل

حسن مختار

02-03-2007, 04:14 PM

ياتري هو لسه فيه تقديم ولو فيه ممكن حد يقول ازاي والعنوان وجزاكم الله خيراااااااا

awad434

02-03-2007, 06:09 PM

للاسف التقديم كان 15 يوم بس من 24/12 لغايه 7/1 بس وان شاء الله لو فى اى حاجه تانيه حئولكم عليها وربنا يسهل لينا بشغل كويس كلنا

last_dream

02-03-2007, 07:45 PM

طيب ونتيجة الشهر العقارى امتى؟؟؟؟؟؟؟؟؟؟؟؟

awad434

03-03-2007, 01:50 AM

مش عارف بس لو حنقيس زى الخبراء يبئى بعد شهرين يعنى على شهر 4 كده وربنا يسهل ولو حد عرف اى حاجه يبلغنا

عبدالله بكر

09-03-2007, 10:29 PM

الى الاخ الىعرف اسماء المتقدمين فى مصلحه الخبراء مكن يا اخى تقولى ازاى عرفت الاسماء انا من اسكندريه ومقدم من زمان جزاك الله خيرا افيدنى مكن...................

عبدالله بكر

10-03-2007, 09:28 PM

يااخوانى جزاكم الله خيرا بخصوص موضوع مصلحه الخبراء
ممكن حد يفيدنى انا من اسكندريه
وعايز اعرف ازاى اعرف اسمى نزل هناك ولا لسه افيدونى افادكم الله وادخلكم جناته

awad434

19-03-2007, 06:02 PM

معلش اتاخرت عليك فى الرد بص ياسيدى انت لازم تروح القاهره زى مانا عملت او لو ليك حد هناك ماشى وتشوف اسمك نزل هى متوزعه سنين تخرج وجامعات وميعاد الاختبار يتحدد اخر الشهر وربنا يسهل

awad434

29-03-2007, 06:05 PM

ايه ياجماعه مافيش اخبار انا بتصل بيهم من يومين وتليفونهم مشغول على طول مافيش حد من القاهره يئولنا امتى الاختبار؟؟؟؟؟؟؟؟؟ حد يساعدنا

last_dream

29-03-2007, 10:37 PM

طيب يأخ awad
هو الاختبار لناس معينة ولا لكل المتقدمين؟؟؟؟

awad434

03-04-2007, 11:48 AM

لا ياباشا لكل المتقدمين وورقهم اتبعت فى الميعاد ومترتب صح ومافيهوش حاجه ناقصه كل دول حيعملوا الاختبار

awad434

03-04-2007, 11:49 AM

انا اتصلت بيهم اول الشهر وقالولى المعاد بتاع الاختبار لسه ماتحددش اتصل يوم 15\4 حنئولك على معاد الاختبار وربنا يوفئنا كلنا

Tamer1981

03-04-2007, 08:24 PM

كويس اننا لقيت حد بيتكلم في موضوع الشهر العقاري

عشان انا قدمت اوراقي في الفترة اللي كانو محددينها بس اكتشفت ان ورقي ناقص الفيش والصور الشخصية

علي العموم عرفت انهم فتحو 15 يوم تانية لحد 14 او 15مارس فارسلت اوراقي مرة تانية كاملة

انا دلوقتي عندي مشكلتين او استفسارين ياريت حد يفيدني لاني عندي اعاقة ومبقدرش اتحرك كتير فكل معلوماتي عن طريق النت

1- هل ورقي اتقبل ولا لا واية رأيكو .انا مضايق قوي اني بعت الورق ناقص في البداية

2- النتيجة هتظهر امتي وهل فية موقع لظهور النتائج.

ياريت حد يفيدني

awad434

16-04-2007, 01:10 AM

ياجماعه انا اتصلت بيهم عشان اعرف معاد الاختبار قالولى تابع الاهرام كل يوم من يوم الحد 15/4 حينزل فيه معاد الاختبار فانا حبيت اقولكم عشان تعرفو ولو حد عرف حاجه او شاف المعاد يئولنا وربنا يوفئنا كلنا

z_shadad

16-04-2007, 01:53 PM

يا جماعه بالنسبه لموضوع الخبراء انا كنت مقدم واسمي نزل بس سمعت ان الوزير لغي المسابقه ومفيش امتحانات ولا يحزنون وسلملي علي الخبراء

last_dream

16-04-2007, 11:29 PM

حسبنا الله ونعم الوكيل......

snowwhite2020

17-04-2007, 03:59 AM

ياريت ياجماعة لو حد عرف ميعاد الامتحان يقولنا ولو عرفت اى حاجه ان شاء الله هبلغكم

awad434

17-04-2007, 03:23 PM

ياجماعه مافيش حاجه اسمها اتلغت هو لعب عيال هو احنا مقدمين عند عم عبدو البقال الاختبار حيتحدد فى الاهرام كل يوم حنجيبه لحد اخر الشهر اقصى معاد حيتحدد فيه المعاد وربنا يوفئنا واللى يعرف حاجه يبلغنا بيها بس تكون صح مش اتلغت وحاجات غريبه كده

sameh.kamal

17-04-2007, 04:32 PM

يا جماعة بلاش يأس انت مش هتخسر لو قدمت ولو لك نصيب هتخده بس أكيد هتخسر لو مقدمتش لانة مش هيبقى فية اى فرصة

awad434

20-04-2007, 01:03 AM

صح كده الله ينور عليك مش حنخسر حاجه لو قدمنا

awad434

23-04-2007, 03:50 PM

ياجماعه ممكن لو حد من القاهره يتصل بيهم ويعرفلنا ايه الاخبار لانى فى اسكندريه وصعب شويه انى افضل اتصل بيهم ياترى ممكن؟

snowwhite2020

24-04-2007, 03:48 AM

انا متابعه الاهرام كل يوم ولسه مفيش حاجه

عبدالله بكر

24-04-2007, 06:17 PM

ياريت والله يا اخونى فعلا نتابع مع بعض الاهرام ولو حد منا عرف شئ لا يبخل علينا ويفيدنا
وربنا يارب يوفقنا كلنا والله

awad434

25-04-2007, 05:03 PM

ياجماعه فى خبر حلو
الاعلان نزل فى الاهرام النهارده 25/4 الصفه 32 لتحديد ميعاد الاختبار واهو نص الاعلان
مصلحه الخبراء
وزاره العدل
2ب منشأه 23 يوليو
العباسيه - القاهره
اعلان رقم 1 لسنه 2007
الحاقا لاعلان المصلحه رقم 1 لسنه 2006 بشأن حاجتها لشغل وظيفتى معاون خبيرحسابى وهندسى من الدرجه الثالثه بمجموعه وظائف الخبره
فقد تقرر اجراء الاختبارات الشخصيه بمقر المصلحه بالعنوان عاليه اعتبارا من 6/5/2007
وسوف تعلن المواعيد بمكاتب الخبراء التابعه للمصلحه بالمحافظات

المؤمنة بالله

27-04-2007, 01:47 PM

جزاك الله خيرا awad434
ارجو من يعرف اى معلومات عن الاختبارات الشخصية افادتنا بها

awad434

27-04-2007, 03:41 PM

الله يخليك اللى عرفته لحد دلوئتى من احد الاعضاء ان الاختبار 5 حيدخلو وكل واحد حيتسئل فى المحاسبه وفى الاسئله العامه وفى طبيعه الوظيفه بس ولو حد عرف حاجه حبلغهالكم وربنا يوفقنا كلنا

habiba love

29-04-2007, 09:37 PM

ياجماعة انا مقدمة فى الشهــــــــــــــر العقــــــــــارى
فى المدة اللى كانت متحددة فى جريدة الاهرام فى شهر فبراير وكانت مددتها 15 يوم بس
والحمد لله بعت كل الاوراق المطلوبة منى ومستوفية كل شروط الالتحاق بالوظيفة
ولحد دلوقتى لوقتنا هذا 29/4/2007 لا حــــــــس ولا خبر
لا جرنال لقينا فية حاجة ولا حتى الموظفين اللى شغالين فى الافرع اللى تابع المصلحة يعرفوا حاجة

ياريت لو حد عرف اى خبر او اى اعلان نزل ياريت مايبخلش بدقايقة الغالية ويقولنا
وربنا يوفقنا كلنا

awad434

29-04-2007, 10:34 PM

باذن الله لو عرفت حاجه عن الشهر العقارى حبلغكم بيها زى الخبراء كده وربنا يسهل ونعرف اى حاجه عن الموضوع ده لانه طول اوى وربنا يوفئنا ياررررررررررررررررررب

habiba love

03-05-2007, 04:55 PM

اخر الاخبــــــــــــار ......

انا سمعت طراطيش كلام ان رئيسه مصلحة الشهر العقارى قالت ان

مافيش اختبـــــــــــــــار

يعنى هيتم التعين حسب درجات التخرج وبالاولوية .... يعنى اللى تقديراتة اى كلام يريح نفسة ومايروحش يسال عن تعينات
مع ان كان ممكن جدا اللى تقديراتة كويسة ميعرفش ينجح فى الاختبار واللى تقديراتة متوسطة كان ممكن ينجح وبتفوق كمان

لكن على العموم كل واحد بقة وبياخد نصيبة وعللة اتقبل سواء اختبار او اولوية وربنا يسترها على كل خريجى تجارة

واللى عندة اى جديد ياريت يبلغ

سلام

awad434

03-05-2007, 05:33 PM

ماعتقدش ده لان لو كان الموضوع كده ماكانوش هملوا مسابقه ومايشترطوش فيها التقدير كانوا على الاقل قالو عايزين تقدير امتياز وجيد جدا لو الموضوع كده وربنا يوفقك ويوفقنا

crush

03-05-2007, 07:31 PM

المهم اخى عوض عاوز اعرف الاعضاء اللى قالوا حاجة عن الامتحان 5 اسئلة و عضو قال انه فى منتدى اخر عرف اساله ياريت كل واحد عرف سوال بقوله هنا و اللى هيمتحن الاول يقول الاسلة بتاعتة هنا فى الموضوع و انا انشاء الله هعمل كدة
و بالنسبة للاخت بتاعتة الشهر العقارى الكلام اللى انت بتقولية صح بخصوص الاختبارت مفيش اختبارات و كمان دة كان نازل فى الاعلان بيقول التعيين بالتقدير و الدرجات و سنة التخرج و علافكرة لسه معايا الاعلان لحد الان و قريت فيه الكلام دة وكنت بقول لازم مسابقة بصراحة محتار جدا فى الكلام دة و برضة دة نصيب يا جماعة و الله يوفق الناس جميعاً

Tamer1981

31-05-2007, 09:10 PM

اية ياجماعة مفيش جديد في مسابقة الشهر العقاري

katoo

18-09-2007, 02:06 PM

مساء الخير ياجماعه اخوكم فى الله حازم محسن نتيجه مصلحهى الخبراء ظهرت اللى يحب يشوفها فى المصلحه واى حدعنده استفسار يتصل على رقم 0101854318 وشكرا

katoo

18-09-2007, 02:10 PM

السلام عليكم اخوكم فى الله حازم نتيجه مصلحه الخبراء ظهرت اللى يحب يشوفها فى المصلحه واى حد عنده استفسار يتصل على رقم 0101854318وشكرا

المؤمنة بالله

18-09-2007, 04:59 PM

السلام عليكم ورحمة الله وبركاته
كل عام وانتم بخير والى الله اقرب بمناسبة شهر رمضان الكريم
اليوم قمت بالاتصال بمصلحة الخبراء وعلمت ان نتيجة الخبراء ظهرت متعلقة وموجودة على مدخل المصلحة
ارجو من المقيمين فى محافظة القاهرة الذهاب ومعرفة النتيجة
وان امكن كتابتها ونشرها هنا فى المنتدى لبقية الاعضاء المقيمين خارج القاهرة
ارقام تليفونات مصلحة الخبراء :
24854779-02
24836873-02
ادعواالله ان يوفقنا جميعا الى ما يحبه ويرضى والى ما هو خير

عبدالله بكر

19-09-2007, 04:03 AM

كيف حالكم وكل عام وانتم بخير

انا مش بحب اكون متشائم ولا اخلى الناس متشائمين
بس والله بجد سمعت من مصدر اثق فيه بجد
ان كل الى اتعينوا فى الخبراء وسايط بجد ووسايط جامدة
للاسف والله دى البلد
وبقولها تانى مرة انا مش بحب التشائم واتمنى يكون الكلام الى سمعته غلط
بس حبيت اكتب لكم عشان ما تخلوا فى امل فيها كبير الامل فى الله اكبر.

وحسبنا الله ونعم الوكيل :detective2:

aserooo

19-09-2007, 05:29 PM

محدش يعرف ياجماعةهوفى تقديم تانى الايام دى للدفعة الجديدة

alazraa

30-09-2007, 03:28 AM

هااااااااا
مين نجح واتقبل ياشباب في مصلحه الخبراء

bdrbdr

27-10-2007, 11:25 PM

ياجماعة لو حد يعرف ميعاد مسابقة الخبرا زراعيين ياريت الاتصال 0108177157 د/صبرى واكون شاكر لية وعاجز عن الشكر وجميل لة لن انساة

profmmk

27-11-2007, 02:21 AM

يا جماعه انا عاوز اعرفكم حاجه مهمه قوي وهي ان الخبير في وزاره العدل بيعمل كل الشغل الفني الذي يستند عليه القاضي في حكمه وفي الاخر مالهوش اي حصانه او حمايه ممن يتعامل معهم
بدل انتقاله 5 جنيه فقط سواء بقي ذهب للاسوان او جمب بيته
مالهوش مكتب محترم بالعكس معظم مصالح الخبراء عامله زي البيوت المهجوره
مالهوش اي حصانه ومن حق اي مخبر مالهوش لزمه يسحبه علي القسم علي الرغم انه بيبقي شايل قضايا بملاين
يعامل من حيث التامين الصحي والبدلات كالمحضرين والسعاه فلا تتكفل الدوله سوي ب15% فقط من العلاج
يعتبر محل شك من الساده القضاه الي هما ممكن يكونوا اقل منه في التقدير فهو ينظر اليه نظره المتواطئ دائما
وفي النهايه احب اقولكم ان المرتب سئ جدا لا يقارن بجزء الجزء من مرتب القاضي الي ممكن يكون.....
وياريت تنظروا مكان اقدامكم قبل وضعها في مكان وتفضلوا تندموا طول حياتكواعلي انكم راجال في الظل

memo_toty

27-11-2007, 08:48 PM

مفيش حد عرف شئ عن مسابقة الشهر العقارى اللى كانت فى الشتا الماضى لو حد يعرف شئ يقول

shabana1979

28-11-2007, 04:58 AM

اللى اتعينوا وسطة متتعبش نفسك

saal_ahmed

05-01-2008, 06:14 PM

السلام عليكم انا سمعت اننتيجة الشهر العقارى الاسبوع الجاى ان شاء الله وهم خلصوا الفرز بتاع المرحلة التانية والاسماء عند الوزير الا معاه واسطة عليا ممكن يجبها والا معندوش يستنى النتيجة وربنا يكرمنا ان شاء الله

ahmedsabry_84

16-01-2008, 12:01 AM

يعنى النتيجه هتبان امته فى مسابقه الشهر العقارى

hamadazz2

20-05-2008, 08:03 PM

يعنى النتيجه هتبان الشهر الجاى اكييييييييد:31:

mohamed ic2

14-10-2009, 10:49 PM

يا جمااااااااااا عه هى مصلحه الخبرا فتحت ولا لأ وهل هى عاوزه خبراء زراعيين ولا لأ ؟؟؟؟
وهل ممكن تطلب خريجى 2004 ؟؟؟؟ بتقدير عام جيد

mohamed ic2

15-10-2009, 04:29 PM

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,

mohamed ic2

15-10-2009, 11:44 PM

ولا حياه لمن تنادى ,,,,,,,,,,,,,,,,,,,,,,,,,,,,,,,,

mohamed ic2

23-10-2009, 01:10 AM

nourhamad

23-10-2009, 09:31 PM

شكرااااااااااااااااااااااااا

mohamed ic2

24-10-2009, 10:59 PM

ممكن يا جماعه حد يجيب لى اخر اعلان كانوا طالبين دفعه كام؟

mohamed ic2

25-10-2009, 09:36 PM

حد يعرف هى مصلحه الخبرا فتحت ولا لأ وهى بتاخد دفعه 2004 ولأ ؟

هو مفيش حد يعرف اى معلومات عن مصلحه الخبراء من حيث الراتب و نظام الشغل؟
هو مفيش حد هنا شغال فى مصلحه الخبراء

awad434

25-10-2009, 10:01 PM

ييييييييييييييييييياه الموضوع ده انا كنت كاتبه من حوالى سنتين ونص وكانو طالبين دفعات من 2003 تقريبا لحد 2006 وبعد كده مافيش مسابقات تانيه فكرتنى باللذى مضى من الكوسه والوسايط والقرف بعد ماروحت اختبرت واتبهدلنا ورجعنا

mohamed ic2

25-10-2009, 10:11 PM

السلام عليكم
ممكن ياباشا أشوف الاعلان انا كنت عاوز اعرف هم كانوا طالبين بكالوريوس زراعه دفعه كام؟
أنا خريج زراعه دفعه 2004 بتقدير عام جيد هل ممكن يطلبوا ولا لأ؟ علشان 2004

mohamed ic2

25-10-2009, 10:24 PM

mohamed ic2

27-10-2009, 02:15 PM