هام لكل إمرأه ( متى ينظر الرجل (الزوج ) خارج منزله ) ؟؟

[عبود المصرى]

http://img237.imageshack.us/img237/1862/329020041115bismellayhnu4.gif
اولا http://img237.imageshack.us/img237/859/084mj5cajj3.gif

قبل ما اجاوب على السؤال ده احب اقول إن الاجابه دى من وجهة نظرى انا وليسة العامه السائده

انا فى وجهة نظرى الزوج ينظر بره بيته ممكن يكون لسبب او لعدة اسباب
1 - انه يرى خارج منزله الذى لايراه فى منزله مثل الاهتمام به والعنايه به
2 - انه يسمع من اصدقاءه مايحدث فى بيوتهم فيحاول ان يعمل مقارنه بين مايسمعه وما يراه فى منزله لايجد وجه تشابه
3 - ان تكون عينه فارغه ومش بيعجبه العجب
4- ان يشعر بان زوجته لاتحبه مثل الاول
5 - والاهم المدام مش بتعرف تطبخ الاكله اللى بيحبها
6 - العكس بقى المدام مش وراها غير الطبيخ والغسيل ولايوجد وقت للزوج المطحون فى العمل نهارا والذى يريد حتى ولو كلمه حمدالله على السلامه يا حبيبى
7 - المصاريف هات فلوس اللحمه هات فلوس الدروس هات فلوس اللبس هات فلوس فلوس الايجار هات فلوس الموبايل
8 - طلبات الزوجه الغير منتهيه مره هدية عيد ملادى ومره عيد جوزنا ومره عيد الحب
9 - ودى اهم نقطه (الحمه) الزوجه تقول ايه عندى ليك مفاجأه فى ضيف جاى يقعد معانا الراجل يفرح يفتكر مراته حامل اتارى حماته جايه تقعد عنده

ودى كانت أرأى فى ترك الرجل لمنزله او النظر خارج منزله

[عبود المصرى]

يا جماعه طيب سمعونا ارأكم

[HiL@Ry]

الســــــــ عليكم ــــــــلام

اخى العزيز انا اتفق معاك فى بعض النقاط..ولكن ليس دائما الزوجه هى المخطئه

وفعلا موضوع رائع لطرحه للمناقشه فيه ولى عوده باذن الله للتعقيب عليه

جزاك الله خيرا اخى العزيز .....فى رعايه الله

[محمد$صدي الروح$]

السلام عليكم يا عبود بدايه الكلام خير سلام وبحييك تحيه من القلب علي موضوعك الجميل ويشرفني اني اشترك معاك في موضوعك

في البدايه يا عبود خلينا نتكلم عن سبب المشكله وانا هنا بقول سبب مش اسباب وهقول ليه :

طبعا اي نعم مشاكل الطبيخ والفلوس وكلام المعارف والناس وهموم الحياه ده كله شئ عادي ومشترك بمعني انه ممكن ده برضه يحصل مع الزوجه يعني برضه هي ممكن مثلا كلام صديقاتها ده زوجي الفلان بيخرجني وبيقولي كلام كزا وكزا وتقعد بقي تعمل مقارنه بالظبط زي ما انت قولت علي ان الراجل يعمل مقارنه وتبدا هي تحس بزهق برضه
هنا يا عبود اعتقد من رايي الشخصي ان سبب خروج الرجل وبعده عن البيت هو حدوث فجوه بين الشخصين والفجوه دي بتتسع مع مرور الايام ازاي ؟

واحد يقول فجوه يعني ايه؟؟؟

فجوه في الثقه يعني حصل مثلا موقف خلي الزوجين بقو شكاكين في تصرف التاني
فجوه في المشاعر بمعني مع ظروف الحياه وكزا وكزا مبقاش فيه رومانسيه زي الاول وبمرور الايام بيحصل برود في المشاعر وهنا بقي الغلط لو اي زوجين لقو نفسهم بقي فيه تغيير في مشاعرهم ليوم او اتنين يغيرو نظام الحياه هقولك مثل بسيط :

انت لو جيبت اغنيه او موسيقي وعجبتك اوي هتقعد تسمعها يوم يومين اسبوع كامل وانت يا سلام مبتشغلش غيرها هتيجي بعد الاسبوع ده قلبك هيحن للاغاني الكلاسيك بتاعت زمان ام كلثوم او عبد الحليم وبعد شويه هتحب تسمع اغنيه لجيل جديد

هنا لو حصل فجوه في المشاعر لو مخرجوش او غيرو نظام حياتهم والزوج بيسكت والزوجه بتسكت يعني بيسكتو عن حالهم ده وبيسلمو الامر ده اللي بيزود الفجوه اكتر والزوج بيبدا بعد اما بييجي من شغله تعبان يحاول يخرج من اللي هو فيه مع اي حد تاني

والفجوه هنا ليها امثله كتير انا قولت مثالين لكن سبب خروج الزوج وانه بقي يلاقي راحته بره البيت هو حدوث فجوه انما اي حاجه تانيه فلوس_ ولاد _دروس _ (الحما ) والده الزوجه اي شئ تاني ده عادي لانه بيحصل في كل بيت في العالم ولو اي واحد هيخرج عشان الحاجات دي يبقي هتلاقي البيوت كلها فاضيه مفيهاش حد

في النهايه اسف لو طولت في المشاركه وتقبل مني يا عبود خالص التقدير والاحترام >>>>

اخوك محمد

[7abeeb]

موضوع جميل جدا تسلم ايديك يا عم
بصراحه انا عجبتني اول نقطه جدا
تسلم ايديك
هذا لايعني اني راضي على النقط التانيه اصل في بعضها مش صحيح برايي انا

[SALLY_MO]

الراجل بيبص بره البيت من قله الايمان والاحساس بالرضا ويا ما بيوت الست فيها وهم وهو اصلا مش حاسس بالرضا ولا كانها موجوده عاوزه اقولك ان محدش يقدر يحكم على علاقه بين اتنين غيرهم هما وعموما احنا بنبص للموضوع من فوق لو دخلنا وكنا نحن الاعضاء هتلاقي كلامنا اتغير خالص

وعموما من وجهه النظر العامه كل النقاط اللى انت نقشتها موجوده بالفعل ولكن يوجد نقاط للطرف الاخر تماثلها تماما فى قوتها

لعل الله يرحمنا

شكرررررررررررا وتسلم ايدك

بس يا ريت قبل ما يفوتك الاون اذهب واسمع من زوجتك؟؟؟؟ ناقش بقي من وجهه نظر البنت