عيادة د. نور للعلاج عبر الانترنت

[DrNour]

سعيد جدا بهذا المنتدى .......


اقدم بين ايديكم خبرتى المتواضعة .....


و لنفتتح سويا عيادة د. نور ....


لحل جميع مشاكل مرضى الفم والاسنان .....

اسأل وستجد الحل ان شاء الله

[solidguy]

حيث كدة بقى انا هطرح عليك مشكلة اختي وهي عندها جميع الاسنان مستقيمة ما عدا السن اللي جنب الناب وهو نازل

لتحت شوية وهو بصراحة بيخلي منظر ابتسامتها مش حلو خالص هي عندها عشرين سنة فهل يلزمها تقويم دائم ولا

متحرك ولا ممكن من غير تقويم؟؟؟


شكرا

[DrNour]

حيث كدة بقى انا هطرح عليك مشكلة اختي وهي عندها جميع الاسنان مستقيمة ما عدا السن اللي جنب الناب وهو نازل

لتحت شوية وهو بصراحة بيخلي منظر ابتسامتها مش حلو خالص هي عندها عشرين سنة فهل يلزمها تقويم دائم ولا

متحرك ولا ممكن من غير تقويم؟؟؟


شكرا


السلام عليكم
بالنسبة لهذه الحالة ان كان هناك فراغ يسمح بتحريك السنة ممكن استعمال تقويم متحرك ام لو لم يكن هناك فراغ فيجب تركيب ت

استعمال تقويم ثابت وهناك حل ثالث وهو برد السنة وتركيب طربوش لتاخذ الشكل الطبيعى
و طبعا فى كل الاحوال يجب عرضها على طبيب

شكرا

[solidguy]

ممكن شرح بسيط عن الحل التالت لو سمحت لاني مافهمتش منه حاجة خالص

وبالنسبة للتقويم سواء كان متحرك او ثابت هل هناك مدة معينة لوضعه؟؟؟؟؟؟؟؟


شكرا جزيلا

[DrNour]

بالنسبة للطريقة الثالثة كل اللى بنعمله اننا بنبرد الاسنان لغاية مانقدر نركب تركيبة متساوية مع بقية الاسنان

[solidguy]

شكرا بس بالنسبة للتقويم الثابت مدته قد ايه؟

[maadi2]

عندي مشكله اني روحت لدكتور وانا ضرسي بيوجعني جدا وقالي فيه تحت ضرسك خراج وحاجه اسمها حويصله ولازم يتخلع اداني مضاد حيوي وبعد اسبوع خلع الضرس

المشكله ان الالم هو هو ويمكن اسوء والحويصله اللي بيقول عليها لسه موجوده واداني مضاد تاني وبرضه مفيش فايده
ياتري ايه الحل لاني خلاااااااص هاموت من الالم

[DrNour]

شكرا بس بالنسبة للتقويم الثابت مدته قد ايه؟

المدة بتحتلف حسب الحالة من 6 شهور الى سنتين

[DrNour]

عندي مشكله اني روحت لدكتور وانا ضرسي بيوجعني جدا وقالي فيه تحت ضرسك خراج وحاجه اسمها حويصله ولازم يتخلع اداني مضاد حيوي وبعد اسبوع خلع الضرس

المشكله ان الالم هو هو ويمكن اسوء والحويصله اللي بيقول عليها لسه موجوده واداني مضاد تاني وبرضه مفيش فايده
ياتري ايه الحل لاني خلاااااااص هاموت من الالم

الحل الوحيد هو ازالة هذه الحويصلة لانها من الواضح ملوثة و قد تكون بجوار عصب و وتسبب له التهاب

[maadi2]

الحل الوحيد هو ازالة هذه الحويصلة لانها من الواضح ملوثة و قد تكون بجوار عصب و وتسبب له التهاب



انا روحت لدكتور قالي مقدرش افتح الجرج دلوقتي والمضاد الحيوي مش جايب نتيجه وفيه التهابات ياتري ايه الحل

[ahmadzowail]

عندي ضرس كان محشي و وقع الحشو دون ان ادري مما ادى الى تسوسه وهشاشته و فجأه اثناء الاكل انكسر الضرس و اصبح نصفه فقط الموجود والسؤال
هل من الممكن ان يكون هناك حل بدلا من خلع الضرس
ان لم يكن هناك حل غير الخلع ما هي التركيبة المناسبة لتوضع مكانه (علما بأنه يقع بين ضرسين في الاعلى) ؟ وما هي التكلفة تقريبا لهذه التركيبه؟؟

[walied.elsaher]

السلام عليكم ورحمة الله وبركاتة

اولا احب اشكرك علي العيادة الجميلة دى وكان لية عند حضرتك استفسار
انا سناني كلها مش مظبوطة وطويلة وبتسببلي حرج كبير جدا انا عندي 28 سنة ومش عارف اعمل اية تقويم ولا اية معا العلم اني عايز حل سريع جدا وفي نفس الوقت ميكنش مضر فيية ناس قالتلي اخلعهم كلهم وركب غيرهم ومش عارف التركيب دة هيكون كويس ولا هيبقي باين اني مركبهم ياريت الاقي عند حضرتك حل وياريت ميكنش مكلف اوي

ولكم مني جزيل الشكر ودة اميلي mmhh125@yahoo.com

[ts981974]

موضوع جميل اوى
وانا لية استفسار انى بستعمل المعجون بأستمرا ولكن فى عندى مشكلة انى كل ما باقوم من النوم بيكون
طعم بقى متغير

[norhanamr]

مشكووووووووور على العيادة على فكرة اعمل بالمجال الفنى والفنى يعنى لابد الظهر عمرى 27 وانا فى العاشرة من عمرى فقدت افضل سنتين عندى السنتين الاساسيتين فى الفك العلوى واضطريت اننى اعمل تلبيثة ثم تلبيسة ثم تركيبة وبقالها معايا 10 سنين وزهقت من شكلها هل بامكانى اغيرا بحاجة شيك

[ahmadzowail]

يا جماعه محدش يبعت اسئلة تاني لحد ما د/نور يرد لإنه بطل يرد على الناس

[fadyooo]

1 00 100 باشاااااااا

[abuanas2]

السلام عليكم
اليوم اول زيارة لي للمنتدى بشكل عام وشاهدت القسم اللذي افتتحه الدكتور نور مشكورا ، ويبدو لاسباب نتمنى انها تكون مؤقته الدكتور نور غاب عن القسم ده .......معاكم الدكتور حسام : أخصاني تقويم الفكين والاسنان
وراح اجاوب على كل الاسئلة لحين عودة الدكتور نور سالما ان شاء الله

[abuanas2]

أولا الاخ : ahmadzowai
عندي ضرس كان محشي و وقع الحشو دون ان ادري مما ادى الى تسوسه وهشاشته و فجأه اثناء الاكل انكسر الضرس و اصبح نصفه فقط الموجود والسؤال
هل من الممكن ان يكون هناك حل بدلا من خلع الضرس
ان لم يكن هناك حل غير الخلع ما هي التركيبة المناسبة لتوضع مكانه (علما بأنه يقع بين ضرسين في الاعلى) ؟ وما هي التكلفة تقريبا لهذه التركيبه؟؟

بالنسبة للسن المكسور أفضل حاجة انك تعمل صورة اشعة ويشوفها دكتور الاسنان وعلى اثرها يعرض عليك الحلول المتوفره :
1- اذا كان وضع الجذر وما تحت السن سليم فيمكن تنظيف العصب ووضع برغي في جذر السن ومن ثم تلبيسه بطربوش خزفي او اكريلي
2- ممكن الابقاء على الجذر السليم(بعد تنظيفه) واستعماله كدعامة وبرد السن الذي قبل او بعد السن المكسورة وتلبس سنين بدل واحد لزيادة قوة التلبيسة
3- اذا كان هناك مشاكل تحت السن ولا يمكن علاجها فالافضل خلع السن المكسور وعندها يمكن التعويض عنها بجسر يشمل ما قبلها وما بعدها من الاسنان (يعني جسر ثلاثي) وذلك لزيادة قوة الجسر.
4- اخر الحلول واحدثها واغلاها هو زراعة برغي في العظم بعد خلع السن وتلبيس البرغي بسن خزفي.

بالنسبة للاسعار ما اقدرش اعطيك سعر محدد لأن بيختلف من عيادة لعيادة.........وشكرا

[abuanas2]

الاخ السائل walied.elsaher

انا سناني كلها مش مظبوطة وطويلة وبتسببلي حرج كبير جدا انا عندي 28 سنة ومش عارف اعمل اية تقويم ولا اية معا العلم اني عايز حل سريع جدا وفي نفس الوقت ميكنش مضر فيية ناس قالتلي اخلعهم كلهم وركب غيرهم ومش عارف التركيب دة هيكون كويس ولا هيبقي باين اني مركبهم ياريت الاقي عند حضرتك حل وياريت ميكنش مكلف اوي

ولكم مني جزيل الشكر

الحلول المتوفره كثيرة منها:
1- عمل تقويم للاسنان لأنه عادة يصاحب طول الاسنان بروز ملحوظ فيها ......وهنا المدة تتراوح ما بين السنة والسنتين حسب مدى صعوبة الحالة
2- برد الاسنان الامامية الطويلة وتلبيسها بطرابيش تكون مناسبة من حيث اللون والحجم والشكل وهذا الحل يمكن عمله خلال اسبوع او عشر ايام على اكثر تعديل.
3- هناك حل يقوم به الاطباء في امريكا وهو برد قشرة رقيقة من السطح الخارجي للاسنان الامامية الطويلة وعمل قشرة خزفيه (بورسلان) وتثبيتها على السطح الخارجي للاسنان وهو ما يسمى بال(venier) وهي طبقة خارجية (onlay) ......حل جميل جدا ولكن لا يمكن استعمال الاسنان لأكل الاشياء الصلبة اطلاقا.

افضل الحلول بنظري هو التقويم لسبب بسيط انه لا يتم ادخال اسنان اصطناعية على اسنانك الطبيعية......بس لازم تتحمل المدة الطويلة

[abuanas2]

ts981974

انى كل ما باقوم من النوم بيكون
طعم بقى متغير


اسباب الشعور بطعم في الفم كثيرة منها:
1- وجود حفر كبيرة في الاسنان ناتجة عن تسوس الاسنان والتهاب العصب وما تحت السن
2- وجود التهابات وخراجات سنية مختلفة تحت جذور الاسنان مع وجود افرازات وتقيحات من اكياس قلحية وعادة يكون طعمها مائل الى الحموضة ومصحوبة برائحة قوية جدا.
3- التهابات قوية قي اللثة ناتجة عن ترسبات كلسية ومشاكل رعوية في اللثة
4- قد تكون هناك مشاكل في الجهاز الهضمي (ارتداد الاكل من المعدة ) بسبب صعف في صمام فتحة الفؤاد اللذي يفصل المعده عن المريء وهو ما يسمي بال(reflux) ......
5- اخيرا قد يكون السبب ناتج عن سوء وقلة تنظيف الاسنان او عدم المواضبة على التنظيف بشكل مستمر

الحل :
1- مراجعة طبيب اسنان لفحص وتنظيف الاسنان
2- المحافظة على تنظيف الاسنان بشكل منتظم وخصوصا قبل النوم
3- استعمال مواد منعشة لرائحة الفم ومعقمة للثة.
4- تجنب الاكل قبل النوم مباشرة ...على الاقل قبل النوم بساعتين.

[abuanas2]

norhanamr

بامكانك تغير التلبسة في وقت تروح طبيب اسنان شاطر يعملك تلبسة جديدة بلون وحجم وشكل مناسب ويمكن يستعمل التلبيسة القديمة بشكل مؤقت لحين ما يصنع الجديدة

[ahmadzowail]

ألف شكر يا دكتور على الاهتمام والرد

[welou]

انا عندى بروز فى السنتين اللى قدام فى الفك العلوى
السنتين مستقيمتين وكويسين بس طالعين لبرة شوية ومغيرين طبعا شكل ابتسامتى
مع العلم ان فيه فراغ من ناحية الشمال واليمين بين السنتين وباقى الاسنان ولا يوجد فراغ بين السنتين نفسهم
انا سمعت عن التقويم بس انا ليه استفسار
اولا التقويم هيبوظ حاجة فى قوة اسنانى لما يحركها ولا لا؟
ثانيا مدة التقويم قد ايه؟
ثالثا هل انا لازم اعمل تقويم على اسنانى كلها علشان اعدل السنتين دول بس ام ماذا؟
رابعا التكلفة المطلوبة تقريبا ودى اهم شىء لانى هاعمل التقويم ده على حسابى مع العلم انا من مصر؟
والف الف شكر

[welou]

انا عندى بروز فى السنتين اللى قدام فى الفك العلوى
السنتين مستقيمتين وكويسين بس طالعين لبرة شوية ومغيرين طبعا شكل ابتسامتى
مع العلم ان فيه فراغ من ناحية الشمال واليمين بين السنتين وباقى الاسنان ولا يوجد فراغ بين السنتين نفسهم
انا سمعت عن التقويم بس انا ليه استفسار
اولا التقويم هيبوظ حاجة فى قوة اسنانى لما يحركها ولا لا؟
ثانيا مدة التقويم قد ايه؟
ثالثا هل انا لازم اعمل تقويم على اسنانى كلها علشان اعدل السنتين دول بس ام ماذا؟
رابعا التكلفة المطلوبة تقريبا ودى اهم شىء لانى هاعمل التقويم ده على حسابى مع العلم انا من مصر؟
والف الف شكر

:busted_r: :busted_r: :busted_r:

[drmegy]

السلام عليكم ..انا عندى سؤال وارجو الرد مشكورين جدا طبعا
انا عندى 25 سنه واسنانى الاماميه متباعده جدا عن بعض وبالاخص السنتين اللى فوق حجمهم كبير وفى فرق كبير بينهم..كنت عايز اعرف ايه كل الحلول الممكنه عشان اخلى سنانى متلاصقين ومتناسقين وايه افضلهم وبياخدوا وقت قد ايه وهل هايبقى فى مضاعفات مثلا واروح مستشفى مثلا ولا عياده دكتور؟
انا فى انتظار الرد ولكم جزيل الشكر

[sico_pico]

السلام عليكم
اليوم اول زيارة لي للمنتدى بشكل عام وشاهدت القسم اللذي افتتحه الدكتور نور مشكورا ، ويبدو لاسباب نتمنى انها تكون مؤقته الدكتور نور غاب عن القسم ده .......معاكم الدكتور حسام : أخصاني تقويم الفكين والاسنان
وراح اجاوب على كل الاسئلة لحين عودة الدكتور نور سالما ان شاء الله

ممكن اعمل عند حضرتك تقويم