اقتراح لاطباء الاسنان

[radwannnfox]

ياجماعة انا نفسي في حاجة فعالة.نفسي نكون زي جمعية فعلية او حاجة كبيرة يلتقي فيها كل اطباء مصر من كل مكان.ونعمل فيها هوايات تانية لاطباء الاسنان.بجانب طبعا الشغل الاساسي بتاعنا.ولما يكبر المووع نعمل نتوورك في كل الجمهورية.الموضوع دا بيهدف انو يجمع كل اطباء اسنان مصر تحت سقف واحد وحل جميع مشاكلهم وايجاد فرص عمل وكمان عمل مساعدات في كل المواضيع للطلبة وللي بيحضرو وكل حاجة تتعلق بمجالنا.هوا حلم ضخم بس ايه رايكم لو عملنا حملة وكل الدكاترة يساهمو فيها.بجد هتكوون جامدة اويييييي.شاركوني اراءكم. دكتورة رانوووووووون امتياز جامعة عين شمس

[Generous Hany]

اقتراح جميل بدايه كده موفقه

و يا ريت كل واحد يحط تصور مفصل عن كيفيه التعامل فى مثل هذه الجمعيه و نناقش القوانين و نعمل شغل جامد

شكرا شكرا

مع تحيات جمعيه السفاحين العرب

[mohamed100100]

و أنا موافق شوفوا ايه النظام و إتركوا لي القرارات الجمهورية و الدساتير , إصلي دي لعبيتي
من أيام الرأس السوداء

[mohamed100100]

فكرة مبشرة يا كرابنتس
و كمان لو حد عايز مراجع ولا حاجة علشان الزماله و المعادلة ممكن يفيد الباقي
و لو عنده خبره عايزين نعمل مواضيع تفصيلية لمشاريع ما بعد التخرج

[radwannnfox]

انا مبسوطة انكم بداتم تتفاعلو مع الموضوع ياجماعة:icon30: :icon30: .هيا الفكرة عايزة رايكم نبدا منين بس ونعمل ايه؟الموضوع محتاج اراء ومجهود.بس بصراحة انا نفسي اكون من مؤسسي حاجة زي كدة في مصرdumbbells dumbbells dumbbells .ولا ايه رايكم.عايزة ردووود اكتر وافكار.يمكن ياجماعة الحلم دة يتحقق.ولا انتو شايفين اني متفائلة زيادة عن اللزوم؟؟:in_love0: :in_love0:

[karabantas4444]

ممكن نخلى فى نظام فى المنتدى فى حتة الكشف
يعنى لو فى حد بيسأل و طبعا بيبقى عايز كشف فممكن اللى فى القاهرة يروح يكشف ببلاش عند الدكاترة اللى فى القاهرة و اللى فى الأسكندرية يروح عند الدكتور اللى فى الأسكندرية
و الحالات الصعبة ممكن نسأل فيها بعض و لو عرفنا نصورها نصورها و نحطها على المنتدى عشان الكل يستفيد من الحالة
دة فى البداية
مع تحيات رئيس مجلس أدارة جمعية السفاحين العرب

[البيا]

شكرا على الموضوع وعلى الفكره الجميله

[drhogga]

بسم الله الرحمن الرحيم
انا حاسس أن روح الدعابة والظرافة بدأت تدخل فى الموضوع مع أنه هام جدا جدا
لقد نشبت فكرة مماثلة عندنا كطلبة للفرقة الرابعة فى كلية طب الأسنان جامعة المنصورة لعام 2005/2006
وبالفعل بدأنا بإنشاء مايسمى الجمعية العلمية لأطباء الأسنان وسعينا فى أوراق التسجيل لتكون جمعية مشهرة
رقم ولها حسابات وفعاليات وبالفعل قمنا بعمل ورشة عمل أولية تحت عنوان
simplify your endodontics using Hero shaper & Hero fill Systems
بالتعون مع شركة هيرو شيبر ولكن توقف الموضوع عند ذلك
أظن الجميع سيسأل لماذا حدث هذا؟؟ أنا أجيب عليكم
ما حدث أن الفكرة قام بتبنيها أحد رؤساء الأقسام والذى أظهر تعاونا ضخما جدا جدا حتى يتم
تنسيق ورشة العمل تلك وفى تسجيل الجمعية رسميا ولكننا توقفنا عندما لم نجد مكانا نقيم فيه الجمعية
لأن مصلحة مش عارف ايه كدا طلبت أنه لازم يكون فى مكان معين للجمعية زى شقة أو أوضة أو خلافة
وتوقفنا عند ذلك وبعدها وحبة حبة اكتشفنا أن عملية ورشة العمل كانت ما هى الا مصلحة شخصية
للدكاترة الكبار اللى المفروض اسمهم هما اللى واضح فى العملية وطبعا احنا الطلاب احنا اللى كنا شايلين العملية كلها
بس من ورا الستار عشان احنا لوعملنا حاجة زى كدا لوحدنا مافيش ولا واحد هيعبرنا
لأن مجتمعنا ليس لديه الثقة فى الشباب بل الثقة كلها فى الاسامى الكبيرة بس
أظن الجميع يفهم ذلك

المهم وبعد كل هذا الكلام اقترح أن نتلاقى جميعا كأطباء أسنان مشتركين فى هذا المنتدى
أو طلبة يعنى مش هتفرق ((الحمد لله أنا اتخرجت خلاص)) المهم أن نتفق على معاد أو ما شابه
نتقابل فيه لو حتى يكون كل مجموعة من بلد واحد ونتفق على مايمكن عمله
أو ممكن نتقابل فى مايشابه غرفة دردشة صوتية ومكتوبة على أحد برامج الدردشة مثلا
ومن خلالها نتفق على مايمكن عمله
ولقد فكرنا كثيرا ان وزملائى عمل هذه الجمعية مرة أخرى بحيث تكون مثلا تابعة للتقابة أو ماشابه
انا سأتابع معكم من خلال هذا الموضوع تطور أرائكم وشكرا جزيلا وآ سف جدا جدا على الاطالة

[drhogga]

لقد كان اقتراح عمل الجمعية مبنيا على تقليد الجمعية المصرية لعلاج الجذور
طبعا مافيش حد فى مجالنا مش عارفها

[mohamed100100]

كويس بس الجمعية دي مش حتبقى لتخصص معين
طيب أنا عندي إقتراح مش بطال: أقرب تجمع كبير لينا بعد مؤتمر الإسكندرية حيكون المؤتمر الي في القاهرة في نوفمبر, على بال ما نتجمع هنا يبقى نعرف الأول إحنا عايزين ايه و كمان أماكن إقامتنا فين علشان زاي ما أنتم عارفين كلنا مش من محافظة واحدة

[radwannnfox]

اوك ياجماعة نتقابل كلنا في المؤتمر دا ويارين نكون كلنا جادين ومافيش مشكلة لو نحاول تاني وتالت ورابع.لازم نعمل حاجة مش نتخرج ونكتفي بالشغل الحكومي.ولا انتو ايه رايكم؟واعتقد اننا اول مانتسجل في النقابة يكون لينا الحق في انشاء اي جمعية صح ولا انا غلطانة؟ياجماعة في ايه احلى من اننا نجمع كل اطباء اسنان مصر مع بعض؟مش بعيدة على ربنا.وانا صاحبة الاقتراح موافقة على اي قرارات تحبوها وتكون تساهم في الموضوع.السؤال هنبدا من المؤتمر يوم مانلتقي فيه؟بس نوفمبر بعييييييد اوي عايزين معاد قريب مع تحياتي دكتورة رانووووون امتياز جامعة عين شمس

[mohamed100100]

أنا مع د كريم
عايزين نعرف لما نتقابل حانعمل ايه؟ ايه هي خطتنا؟

[Generous Hany]

الميعاد مش بعيد يا دكتوره ولا حاجه
لانه حايكون بعد تخرجنا من الامتياز و ده ميعاد استيراتيجى

المهم

احنا عاوزين نتجمع ليه

التجمع ده حايفيدنا ازاى

يعنى حانستفيد ايه من اننا نكون اعضاء فى جمعيه مشهره ؟؟؟؟

اعتقد ان الاجابه مش عندى ...... و بجد عاوز اعرفها

رئيس جمعيه السفاحين العرب الاسبق

[karabantas4444]

مؤتمر القاهرة فى نوفمبر القادم 2007
و الأسكندرية فى نوفمبر 2008

[drhogga]

بسم الله الرحمن الرحيم
انا مبسوط جدا جدا بالروح القوية اللى بدأت تخش فى قلوبنا دى
وانا عايز أقولكم بعض الأهداف اللى كانت بتدور فى دماغنا لما فكرنا فى عمل الجمعية دى
أولا فى حاجات كتير احنا مش بنتعلمها فى الكلية وأكيد كلنا عارفين ده يعنى مثلا عمليات مافيش للطالب
شغل الكومبوزيت للطالب محدود أوى جدا جدا (((أنا باتكلم على اللى كان بيحصل معانا ))) وغيرها كتير
ثانيا رفع الكفاءة ودا عن طريق التواصل مع اللى نشوف كلنا أنه مناسب زى جمعيات أجنبية
وده بيحصل مثلا بين الجمعية العلمية بتاعة طب عندنا وجمعيات تانية من بره بتوصل أن فى بعثات بتروح بره وفى بعثات بتيجى من بره هنا
ثالثا الجانب الانسانى الاجتماعى ودا مهم جدا جدا ودا طبعا واضح جدا
طبعا ممكن يبقى فى هدف رابع وهو عقد مؤتمرات تضم الجديد والجديد أوى للارتقاء بالمهنة واللى شغال فيها

اللى عايز يكلمنى مباشر ممكن يضيف ميلى عنده
drhogga@yahoo.com
ممكن حد يقول لى ميعاد مؤتمر القاهرة والتانى بتاع اسكندرية ده هيبقى امتى بالظبط
وانا عندى فكرة عشاتن لو حبينا نتقابل بجد ممكن انا اعمل تصميم حاجة صغير زى كارت شخصى صغير
وكل واحد ياخده يكتب عليه اسمه ويطبع منه نسخة ويبقى يعلقه فى المؤتمر اللى نتفق نتقابل فيه
وفقنا الله الى مافيه الخير والصلاح

[doctor_hosny]

فكرة جامدة جدا جدا وبجد هتعمل حاجات جامدة اوى اوى وهتخلينا فعلا كلنا نستفيد يالا بجد كمان ولازم كلنا نحاول ننشر الموضوع ده بينا وبين كل زمايلنا

[drhogga]

سلام عليكم فين الردود والأفكار
خدوا عندوا اللنك ده
http://health.groups.yahoo.com/group/D_SA/
ومنتظر الحاجات الفظيعة والمشاركات الجامدة منكم
وعايز تفاعل ياجماعة

[radwannnfox]

انا مع دكتور هوجا عايزين افكار وتفاعل ونركز على الي احنا عايزينه عموما يا جماعة ايميلي اه للي عايز يؤلي اي افكار جديدة rghs_1981@hotmail.com وياريت جدية وتفاعل بجد ياجماعة عايزين اطباء الاسنان نكون ايد واسرة واحدة ولا ايه رايكم؟

[drhogga]

عفوا اسمى ليس هوجا بينما حجه
hogga not hooga
عالعموم الزميلة الدكتورة radwannnfox عندها حق
لابد من تفاعل حقيقى وبناء (بتشديد النون)
انا نسيت اقول لكم ان كان برده من الأهداف الأساسية للجمعية بتاعتنا
ان احنا نعمل مكتبة ضخمة من الكتب الورقية
وكمان الكتب الالكترونية وبكده بنقى بنوفر على نفسنا
وقت ومجهود كبير
والله المستعان

[wael785]

اقتراح جميل وعلي فكره فيه مؤتمر في شهر ابريل 9_12 بالماريوت وياريت لو نقدر نتقابل بس نكون كونا فكره لبدء العمل ونفسي تكون غير تقليديه

[karabantas4444]

اقتراح جميل وعلي فكره فيه مؤتمر في شهر ابريل 9_12 بالماريوت وياريت لو نقدر نتقابل بس نكون كونا فكره لبدء العمل ونفسي تكون غير تقليديه

هوا دة مؤتمر الغرس اللى فى الغردقة ؟

[wael785]

:msn-wink: ده مؤتمر غرس فعلا لكن في ماريوت الزمالك ... مكان مؤتمر نوفمبر

ده كله طبعا من غير دماغ بايظه

[karabantas4444]

:msn-wink: ده مؤتمر غرس فعلا لكن في ماريوت الزمالك ... مكان مؤتمر نوفمبر

ده كله طبعا من غير دماغ بايظه

هوا مؤتمر غرس تبع مين
يعنى تبع جمعية ولا مع نفسه و شكرا

[wael785]

هوا مؤتمر غرس تبع مين
يعنى تبع جمعية ولا مع نفسه و شكرا

يا سيدي الفاضل ده مؤتمر الجمعيه المصريه العلميه لغارسى الاسنان ا.د حاتم الجبلى
طبعا مؤتمر مهم جدا وبيتعمل كل سنتين بس في ابريل وبرضه الماريوت

[karabantas4444]

شكرا يا أستاذى

[radwannnfox]

شكر وتقدير لكل الردود التي وردت في المنتدى بس المهم وقت اجتماعنا في المؤتمر نكون محضرين النقاط الاساسية الي هنمشي عليها وكمان اي اقتراحات او افكار جديدة مش تقليدية وربنا المستعان يادكاترة:clap0000: :clap0000: :clap0000:

[karabantas4444]

طيب ياريت معلومات عن المؤتمر يعنى الفترة و الرسوم

[drhogga]

سلام عليكم
ازيك يادكاترة والله وحشنى الدخول هنا فى الموضوع ده
أحب أعرفكم ان احنا بنعمل جمعية جديدة اليومين دول
وأول خطواتنا فيها بنعمل موقع للجمعيه على النت عشان التواصل
وان شاء الله بنجهز لمؤتمر كويس وجايز ربنا يسهل ونستضيف حد من بره مصر خالص
والمؤتمر ده بالتأكيد هيكون عندنا هنا فى المنصورة مقر الجمعية
وبالتالى أنا بادعوكم لحضور المؤتمر
وإن شاء الله أول ما الموقع يكون جاهز هاجيب لكم اللنك و المعاد النهائى للمؤتمر
عشان تشرفونا بزيارتكم للمنصورة
طبيب/أحمد حجازى .....طبيب امتياز حاليا فى كلية طب الأسنان جامعة المنصورة
ياللا سلام عليكم

[radwannnfox]

انا زعلاااانة جدا ان الناس نسيت الموضوع وما اتفقناش على شيء جدي خااالص هل في اخبار جديدة عن اي مؤتمرات او اقتراحات؟؟؟؟

[karabantas4444]

انا زعلاااانة جدا ان الناس نسيت الموضوع وما اتفقناش على شيء جدي خااالص هل في اخبار جديدة عن اي مؤتمرات او اقتراحات؟؟؟؟



بالنسبة للمؤتمرات او الندوات فى موضوع بنحط فيه اى مؤتمر او ندوة فى مصر
و لو عندك معلومات عن اى حاجة من دول يا ريت تبلغينا فى الموضوع
شكرا

[radwannnfox]

سؤال بس يعني هوة ايه اخبار جمعية السفاحين عشان من فترة ماحدش اتكلم عنها في جديد ولا حاجة؟انا عايزة ادخل عضوة معاكو ايه الاجراءات الي اعملها

[radwannnfox]

ياجماعة هوة ايه اخبار جمعية السفاحين صحيح ماسمعتش عنها حاجة من مدة ولو بالنسبة لو عايزة اشترك فيها ايه الاجراءات؟

[karabantas4444]

والله مسيرة الجمعية شغالة مدمنا بنسفح فى الناس
اى دكتور بياخد اللقب لو بيسفح فى الناس سواء فى الكلية او فى البرافيت
اما السفاح الدكتور كريم بقاله مدة مش بيخش المنتدى