المساعد الشخصي الرقمي

مشاهدة النسخة كاملة : ازاي تنسي امراه احببتها ؟؟؟

fire_of_win
14-01-2007, 11:44 PM
سوال يطرح نفسه
كيف تنسي حب امراه بعد ما احببتها
المهم ياريت اجابات سريعه من الشباب
sameh_diab
15-01-2007, 02:52 PM
انا شايف حاجتين ممكن تاخد الحكايه على كرامتك على اساس انها نسيتك وازاى انت مش ناسيها او تحب واحده غيرها
hanyfirst1
15-01-2007, 04:03 PM
السلام عليكم ورحمه الله وبركاته
اخى العزيز اولا احب اهنيك على الموضوع الشيق و المفيد لنا جميعا
ثانيا بالنسبه للاجابه على سؤالك
انا اعتقد ان اهم الطرق التى يستطيع بها الانسان

اولا صلتك مع الله والتقرب اليه والدعاء له والمداومه على الدعاء
وانت تعلم جيدا ان الزواج من صنع الاقدار التى هى بيد الله تعالى
فلابد ان تقتنع تمام الاقتناع ان الله اراد ذلك ولا راد لحكمه
وان من الايمان ان ترضى بقضاء الله عز وجل
هذا من ناحيه عقائديه

وساتحدث اليك من ناحيه اخرى
يجب على من يقع فى هذه المشكله ان يندمج
اما فى عمله اما فى هواياته اما فى دراسته
فلابد ان يركز تمام التركيز فى عمله اذا كان يعمل وفى دراسته اذا كان طالبا
ولابد ان يضع هذا الشخص فى اعتباره انه شخص اهين على يد تلك الفتاه
ولا يملك الرجل غير كرامته التى يعيش بها
فهل يرضى ان يعيش ذليلا فى قفص العذاب على يد من اهانته؟
هل يرضى ان يهدر كرامته بدافع انه يحب
لا يا اخى
ولقد ذكرتنى بقول لشاعر احبه جدا عندما قال

كعصفورة فى يد طفل يهينها تذوق شراب الموت والطفل يلعب

فهذا هو وضعك الطبيعى هى تلعب وتلهو وانت تذوق العذاب بكل اشكاله
والايام ستاتى باذن الله كثيره وستجد من تحبك وتخلص لك
فما الحب الا اخلاص ووفاء وهذا الوصف لم يكن موجودا فيمن احببت
راجع نفسك وستجد الف سبب يدفعك الى نسيانها


هذا الراى ما هو الا راى على اساس ان الطرف الاخر هو الذى هجر
اما اذا درست الاسباب فربما يكون لى راى اخر
شكرا لك اخى الكريم وارجو ان اكون وفقت فى الرد على سؤالك
shady_akl
15-01-2007, 06:55 PM
لو عايز اسرع طريقه اقنع نفسك انها نسيتك وانت تنساها
fire_of_win
15-01-2007, 10:03 PM
يا شباب انتو ليه بتحطوني انا في اصل الموضوع الي بكتبه حرام عليكم
انا بس بفتح عنوان موضوع


بس اولا احب ارد علي ردودكم
اولا الاخ الفاضل sameh_diab


انا شايف حاجتين ممكن تاخد الحكايه على كرامتك على اساس انها نسيتك وازاى انت مش ناسيها او تحب واحده غيرها


راي سليم
بس ده لو كان الموضوع موضوع كرامه
fire_of_win
15-01-2007, 10:12 PM
الاخ الفاضل shady_akl


لو عايز اسرع طريقه اقنع نفسك انها نسيتك وانت تنساها


شكرا للطريقه الجميله دي وشكرا لردك يا مان
fire_of_win
16-01-2007, 04:08 AM
ثانيا : الاخ الفاضل hanyfirst1

احب اهنيك على الموضوع الشيق و المفيد لنا جميعا


شكرا لردك الجميل ده وده تشجيع ليا في المزيد من المواضيع الشيقه والهدافه

احب اقول رايي علي بيت الشعر
كعصفورة فى يد طفل يهينها تذوق شراب الموت والطفل يلعب


بجد هوا ده اصعب اهانات الكرامه
هدىالعربى
27-01-2007, 08:29 PM
موضوعك حلو وممكن اى شخص ينسى اذا هى متستحقش

التفكير فيها
الى باعك بيعه على راى المثل
م/غادة
01-02-2007, 05:09 PM
اولا احب اهنيك على الموضوع الجميل
ثانيا انت طلبت رأي الشباب والبنات لأ ليييييييه ؟؟؟
أنا شايفه ان كل اللى أبدوا رأيهم كان على اساس إنها هى اللى سابتك او جرحتك أو ...... (طبعا مش قصدى انت )
بس ليه مايكونش قصدك انكم سبتم بعض من غير اى ذنب من حد فيكم يعنى أقصد الظروف أو النصيب أو الدنيا أضطرتكم لكده يبقى في الحالة دى صعب تنساها لانك كل ما هتفكر في الموضوع هتسأل نفسك سؤال انساها ليه وهى ذنبها ايه , ماهى اكيد في نفس الحاله اللى انا فيها . بس هتنسى بعد وقت طوييييل لانك انسان يعنى اسمك مشتق من صفة النسيان ودى نعمة من ربنا علينا
اما بقى لو هى السبب فعلا يبقى كفايه اوى انك تفتكر هى عملت فيك ايه عشان تنساها ولانها ما تستحقش مجرد انك تفكر فيها