((ما رايكم فى الشاب الذى لا يفعل اى شئ للحصول على من يحب)) [الأرشيف] - موقع الدي في دي العربي

مشاهدة النسخة كاملة : ((ما رايكم فى الشاب الذى لا يفعل اى شئ للحصول على من يحب))

hanyfirst1

14-01-2007, 05:40 PM

السلام عليكم ورحمه الله وبركاته

اخوانى الاعزاء فى اول عمل لى فى هذا الركن الجميل
واول مشاركه لى فيه اضع بين ايديكم هذا السؤال المحير

صراحه وباختصار شديد كنت اتناقش مع احد
الاصدقاء المقربين لى وتناولنا اطراف هذا الموضوع
هو شاب يحب فتاه اصغر منه بثلاث او اربع سنوات
وهذه الفتاه تحبه جدا وعندها من الشجاعه ما يكفيها
لمواجهه العالم باكمله للحصول على من تحب
ولكن المشكله ليست بها المشكله كلها فى صديقى
فهو انسان خريج جامعه ولا يعمل وليست عنده
المقدره على ان يفعل اى شئ للحصول عليها
وحاولت مع حبيبته مرات ومرات لتشجيعه وحثه على العمل
ولكن يبقى الحال على ما هو عليه

اسئلتى عن الموضوع كالاتى

هل يجب ان تتمسك به هذه الفتاه لعل الله يحدث بعد ذلك امرا؟

هل تسلك طريقها وتشق حياتها مع غيره حتى لا تظلم نفسها؟

ماذا لو احثته وشجعته ولم تجد منه اى تقدم؟

حوار يجب ان نتناوله جميعا شباب وشابات لعل منا من يحتاج
الى حل لمثل هذه الاسئله
فى انتظار اراءكم ومناقشاتكم الساخنه

shady_akl

14-01-2007, 07:57 PM

احب بس اجاوبلك على سؤال موضوعك: يبقى شاب دماااااااااااغ

sameh_diab

14-01-2007, 10:37 PM

هل يجب ان تتمسك به هذه الفتاه لعل الله يحدث بعد ذلك امرا؟

المشكله هو عاوز ايه يعنى بيحبها فعلا و لو ايوه ليه مابيشتغلش عاوز يجوزها ولا لا
لازم تعرف منه فى الاول هو عاوز ايه و لازم يعرف هو اذا كان عاوز يتجوزها لازم يشتغل و يسعى لكده لازم يعرف كده اصل الحكايه مش كلام و ايوه بحبك و نفسك ابقى معاكى الكلام ده ماينفعش هو عاوز ايه لازم يجاوب على السؤال ده

هل تسلك طريقها وتشق حياتها مع غيره حتى لا تظلم نفسها؟

قبل ما تفكر التفكير ده لازم تستنى و تحاول معاه مره تانيه و تالته و رابعه لحد ما تتأكد انه خلاص بايع القضيه يبقى مش قدامها غير انها تستمر فى حياتها حتعمل ايه يعنى
ماذا لو احثته وشجعته ولم تجد منه اى تقدم؟
اجابه بسيطه جدا لازم تسيبه
فكرتنى القصه ديه بفيلم الخروج من الجنه ارجو ان ماتنتهيش اى قصه حب مثل نهايه الفيلم

fire_of_win

14-01-2007, 11:51 PM

اجاباتي علي اسئلك كالاتي وهذا من رايي الشخصي

هل يجب ان تتمسك به هذه الفتاه لعل الله يحدث بعد ذلك امرا؟

يجب ان تتركه لانه انسان لا يعرف التضحيه و الكفاح لمن احب واعلل ذلك بانه لم يحبها هذا رايي بالنسبه له

هل تسلك طريقها وتشق حياتها مع غيره حتى لا تظلم نفسها؟

بالظبط بالطريقه دي هيا هتكسب كتير احسن ما تخسر معاه

ماذا لو احثته وشجعته ولم تجد منه اى تقدم؟

لا سبيل لها بعد ذلك معه في شي اخر

وشكرا

fire_of_win

14-01-2007, 11:53 PM

تعليق صغير علي رد الاخ shady_akl

احب بس اجاوبلك على سؤال موضوعك: يبقى شاب دماااااااااااغ

الحب ليس لعبه يا اخي فقط مشاعر متبادله
وان كان هكذا فيجب ان يكون من الطرفان معا

بون بونى

15-01-2007, 01:28 AM

shady_akl

15-01-2007, 01:55 PM

تعليق صغير علي رد الاخ shady_akl

الحب ليس لعبه يا اخي فقط مشاعر متبادله
وان كان هكذا فيجب ان يكون من الطرفان معا
يا عم انا بهزر والله وانت عندك حق فى كلامك الحب طبعا ليس لعبه

semsembaby

16-01-2007, 12:39 AM

مرحبا بالبرنس هانى

اللى تلع كمان كاتب واحنا مانعرفش

ياعم واحدة واحدة علينا يعنى برنس فى كل الا قسام

نروح منك فين يعنى

موضوع قمة كالعادة ياهن

تسلم ح ادخل واتكلم معاك فى الموضوع تانى

™RemoKing

16-01-2007, 08:23 AM

brucelee

16-01-2007, 09:04 AM

انا شايف يا جماعه ان الشاب ده لو بجد اللى يمنعه عنها هو انو مبيشتغلش بس احنا نعذره والمفروض هيه تتمسك بيه متسبوش وتقف جنبه وهو كمان ميبعدش عنها ويساندوا بعض على كده علشان يطلعوا سوا مفيش حاجه فى الدنيا جاهزه على طوول مش هيبقا جواز وشغل وكل حاجه ربنا قال " أم للانسان ما تمنى "

لكن لو الاخ ده متحجج بعدم الشغل علشان يخلع ده كده ندل ولازم هيه تكون عارفه حاجه زى كده وهتفهم هيه وتشوف حالها ومتندمش على حاجه حصلت لان خلاص الموضوع انتهى وتحمد ربنا وتدعى انو يوفقها مع واحد افضل

وربنا يهيدنا جميعا ويوفقنا لما يحبه ويرضاه سبحانه وتعالى

اخوكم فى الله >>>>>>> محمد

hanyfirst1

16-01-2007, 08:00 PM

المشكله هو عاوز ايه يعنى بيحبها فعلا و لو ايوه ليه مابيشتغلش عاوز يجوزها ولا لا
لازم تعرف منه فى الاول هو عاوز ايه و لازم يعرف هو اذا كان عاوز يتجوزها لازم يشتغل و يسعى لكده لازم يعرف كده اصل الحكايه مش كلام و ايوه بحبك و نفسك ابقى معاكى الكلام ده ماينفعش هو عاوز ايه لازم يجاوب على السؤال ده

قبل ما تفكر التفكير ده لازم تستنى و تحاول معاه مره تانيه و تالته و رابعه لحد ما تتأكد انه خلاص بايع القضيه يبقى مش قدامها غير انها تستمر فى حياتها حتعمل ايه يعنى

اجابه بسيطه جدا لازم تسيبه
فكرتنى القصه ديه بفيلم الخروج من الجنه ارجو ان ماتنتهيش اى قصه حب مثل نهايه الفيلم

يعنى انت من رايك انها تصبر عليه شويه وتحاول
تشجعه ولو ما اتحركش يبقى خلاص تشوف حياتها

اما بالنسبه لسؤالك هو عايز ايه بالظبط؟
فهو نفسه مش عارف هو عايز ايه؟

تعرف مرحله اسمها الضياع ؟
اعتبره فيها ومش قادر يحدد هو عايز ايه بالظبط

hanyfirst1

16-01-2007, 08:08 PM

مرحبا بالبرنس هانى

اللى تلع كمان كاتب واحنا مانعرفش

ياعم واحدة واحدة علينا يعنى برنس فى كل الا قسام

نروح منك فين يعنى

موضوع قمة كالعادة ياهن

تسلم ح ادخل واتكلم معاك فى الموضوع تانى
اخجلتم تواضعنا يا سمسم يا جميل
كلك واجب وكلك ذوق ومش غريبه عليك
اما تروح منى فين فدى المفروض ان انا اللى اقولها لانى على قدى
وانت بسم الله ما شاء الله عليك
منتظرك يا جميل لما ترجع ويسعدنى انى اسمع رايك
نورت الموضوع يا باشا

hanyfirst1

16-01-2007, 08:14 PM

hanyfirst1

16-01-2007, 08:55 PM

احب بس اجاوبلك على سؤال موضوعك: يبقى شاب دماااااااااااغ
بصراحه انا مش فاهم يعنى ايه شاب دماغ
قصدك ايه بالظبط؟
يا ريت التوضيح

hanyfirst1

16-01-2007, 09:01 PM

اجاباتي علي اسئلك كالاتي وهذا من رايي الشخصي

يجب ان تتركه لانه انسان لا يعرف التضحيه و الكفاح لمن احب واعلل ذلك بانه لم يحبها هذا رايي بالنسبه له

بالظبط بالطريقه دي هيا هتكسب كتير احسن ما تخسر معاه

لا سبيل لها بعد ذلك معه في شي اخر

وشكرا

يعنى انت من رايك انها تشق طريقها
وما تحاولش معاه تانى لانه لا يستحق ذلك
شكرا لرايك اخى الفاضل

hanyfirst1

16-01-2007, 09:10 PM

مـــوضوع رائع ياهــاني وبحيــيك علي اول مــوضوع ليك

في قسم ادم وحـــواء

وانتظر ردي غدا ان شــاء الله انــا بس حبيت اثــبت حــضور :bye10000:

والموضوع جميل والفكره جميله وتعليقي غدا

انتظروا المفاجاه :crazy000:
الموضوع رائع بمروركم الكريم عليه يا ريمو يا جميل
ومنتظر رجوعك وسماع رايك الساخن
نورت الموضوع يا جميل
وفى انتظار المفاجاه

hanyfirst1

17-01-2007, 02:04 AM

فى البداية احب ارحب بيك اخى العزيزهانى معانا فى ركن ادم وحوا

واهنئك على هذا الموضوع الهايل الذى تقوم فية بطرح قضية هامة وتحتاج حقا للنقاش وتبادل الاراء

واتمنى ان تمتعنا دائما بمثل هذة المواضيع الهدافة
شكرا لكى يا بونى بونى على هذا الترحيب الحار
وان شاء الله انتظروا الجديد والجديد من القضايا الساخنه
نورتى الموضوع اختى الكريمه

هدايه

17-01-2007, 09:58 PM

fire_of_win

18-01-2007, 12:03 AM

العفو يا هنون يا صديقي

بون بونى

20-01-2007, 02:03 AM

السلام عليكم

بهنيك مرة اخرى ياهانى على موضوعك الرائع ......... وانا داخلة انهاردة لكى اشارك برايى فى الموضوع

اولا هل هذا الشاب يحبها فعلا ام لا ؟

من المحتمل ان يكون هذا الشاب يحبها فعلا ولكن اما ان يكون من الذين يستمتعون بعذاب غيرهم فيكون مثل الحيوان المفترس الذى يتمتع باصطياد فريستة حتى انة يفقد الشعور اوالاحساس بمن يحب

اويكون هذا من احد الشبان الذين يرفضون الارتباط بمن يحبوهم ويعرفوهم قبل الارتباط ....... ومثل ذلك النوع من الشباب اود ان اقول لهم هنيئا لكم بمما اختارتوا ........ علشان يرضى كبريائة لقد اختار انيعيش مخدوعا لان من الاستحالة ان تجد اليوم من قلبة ليس دق فى يوم من الايام وتركت حبيبتك التى كنت بالفعل اول شخص فى حياتها لمجرداوهام وبحثت عن الارتباط بالشكل االتقليدى لمجرد الكبرياء

اما بالنسبة لتلك الفتاة ........ فهذا يكفى لقدحاولتى كثيرا وتعذبتى كثيرا وقد حان الوقت لكى تخرجية من قلبك وتحريرة من حبك وتتركية وحيدا فى سماء الدنيا بدون قلب يخاف علية ونفس تتمناة

فاذا شعر بغيابك فسوف يبحث عن جميع الوسائل ليعوداليكى ... واذا لم يشعر وذهب بعيدا فهوليس لكى منذ البداية وتحمدى الله سبحانة وتعالى على هذا لانة لا يستحق حبك

فلقد كنتى متميزة عنة دائما ....... فى البداية تميزتى بامتلاكك الحب الحقيقى فى قلبك وشعرتى بة وجمالة
وبعدذلك تميزتى بشاجعتك ودفاعك عن حبك ........ ولذلك فيجب ان تتميزى فى النهاية بشجاعتك والحفاظ على كرامتك

وفى النهاية يجب ان ترتبطى بغيرة بمنهويستحقك ويقدرك.......... ولكن احذرى لايجب ان يكونهذا الارتباط لمجردالارتباط فقط اوللتلخص من تلك الازمة العاطفية

فيجب عليكى اولا ان تعودى الى حياتك الطبيعية بدونة وتعالجين جراحك وتنسية تماما حتى تقابلين الشخص الذى تشعرين معة بالامان حقا والحب والحنان وتشعرين بانة تغلب بحبة لكى على جرح الماضى الاليم ....... ولكن لايجب ابدا انت بحثين انتى عن الحب

واسفة جدا ياهانى انى طولت عليكم

HESHAM19882006

20-01-2007, 08:18 AM

انا شايف ان الشاب ده ميستهلهاش

ولو بيحبها صحيح كان يبزل اقصى مجهودلائرضائها

hanyfirst1

20-01-2007, 03:28 PM

السلام عليكم ورحمه الله وبركاته
يسعدنى ان اول مشاركه لى تكون فى موضوعك المتميز

وانا رايى
انها تصبر عليه شويه كمان وتحاول تشجعه
ولو ما لقيتش امل يبقى تشق طريقها من غيره
وتكون مش ندمانه بعد كده لانها عملت اللى عليها

مره اخرى يشرفنى ان اول مشاركه لى تكون فى موضوع متميز من انسان متميز
شكرا لك اخى الكريم
اولا انا سعيد جدا بان اول مشاركه لك كانت فى موضوع لى والحمد لله انه لفت انتباهك
يعنى حضرتك شايف انها تحاول علشان ترضى ضميرها من ناحيته
ولما تسيبه تكون عملت اللى عليها علشان ما تكونش ندمانه

مره تانيه انا سعيد جدا بمرورك وتشريفك الموضوع
وشكرا لردك القوى

hanyfirst1

20-01-2007, 03:47 PM

بون بونى

السلام عليكم

بهنيك مرة اخرى ياهانى على موضوعك الرائع ......... وانا داخلة انهاردة لكى اشارك برايى فى الموضوع

وعليكم السلام شكرا لعودتك وانا اكيد هاكون سعيد برايك
من المحتمل ان يكون هذا الشاب يحبها فعلا ولكن اما ان يكون من الذين يستمتعون بعذاب غيرهم فيكون مثل الحيوان المفترس الذى يتمتع باصطياد فريستة حتى انة يفقد الشعور اوالاحساس بمن يحب
نقطه جميله جدا وفعلا فيه شخصيات كتيره من النوع اللى ذكرتيه شخص يحب التملك
ولا يشعر بما سيحدث بعد ذلك ولا يعنيه انكسار قلب انسان

اويكون هذا من احد الشبان الذين يرفضون الارتباط بمن يحبوهم ويعرفوهم قبل الارتباط ....... ومثل ذلك النوع من الشباب اود ان اقول لهم هنيئا لكم بمما اختارتوا ........ علشان يرضى كبريائة لقد اختار انيعيش مخدوعا لان من الاستحالة ان تجد اليوم من قلبة ليس دق فى يوم من الايام وتركت حبيبتك التى كنت بالفعل اول شخص فى حياتها لمجرداوهام وبحثت عن الارتباط بالشكل االتقليدى لمجرد الكبرياء
للاسف ايضا كلامك صحيح ويوجد نوعيات كثيره من الشباب تفعل مثل ذلك

اما بالنسبة لتلك الفتاة ........ فهذا يكفى لقدحاولتى كثيرا وتعذبتى كثيرا وقد حان الوقت لكى تخرجية من قلبك وتحريرة من حبك وتتركية وحيدا فى سماء الدنيا بدون قلب يخاف علية ونفس تتمناة

فاذا شعر بغيابك فسوف يبحث عن جميع الوسائل ليعوداليكى ... واذا لم يشعر وذهب بعيدا فهوليس لكى منذ البداية وتحمدى الله سبحانة وتعالى على هذا لانة لا يستحق حبك

فلقد كنتى متميزة عنة دائما ....... فى البداية تميزتى بامتلاكك الحب الحقيقى فى قلبك وشعرتى بة وجمالة
وبعدذلك تميزتى بشاجعتك ودفاعك عن حبك ........ ولذلك فيجب ان تتميزى فى النهاية بشجاعتك والحفاظ على كرامتك

وفى النهاية يجب ان ترتبطى بغيرة بمنهويستحقك ويقدرك.......... ولكن احذرى لايجب ان يكونهذا الارتباط لمجردالارتباط فقط اوللتلخص من تلك الازمة العاطفية

فيجب عليكى اولا ان تعودى الى حياتك الطبيعية بدونة وتعالجين جراحك وتنسية تماما حتى تقابلين الشخص الذى تشعرين معة بالامان حقا والحب والحنان وتشعرين بانة تغلب بحبة لكى على جرح الماضى الاليم ....... ولكن لايجب ابدا انت بحثين انتى عن الحب
كلام جميل جدا وكلام معقول جدا ما اقدرش اقول حاجه عنه
يعنى انتى كشابه تنصحى من هى فى مثل هذا الموقف بان تشق طريقها
من من يستحق ان ينال شرف لقب رب البيت بكل مواصفاته
وان تجد غيره من يحبها ويفعل كل ما بوسعه للحصول عليها فى حدود امكانياته طبعا

واسفة جدا ياهانى انى طولت عليكم
انا سعدت جدا بردك الجميال وكم كنت اتمنى ان يطيل اكثر واكثر
حتى نتمتع جميعا بكلمات حقيقيه ونصائح مهمه
نوتى الموضوع اختى بون بونى

hanyfirst1

20-01-2007, 03:52 PM

انا شايف ان الشاب ده ميستهلهاش

ولو بيحبها صحيح كان يبزل اقصى مجهودلائرضائها
يعنى انت كمان مع الراى بتاع جميع اللى سبقوك
انها تشوف مستقبلها بعيدا عن هذا الشخص
رفتنى زيارتك وشكرا لرايك الصريح والمباشر

hanyfirst1

20-01-2007, 09:29 PM

العفو يا هنون يا صديقي
شكرا يا حبى لك مره تانيه
على فكره ابقى كلمنى انا منتظرك على الهوت

hanyfirst1

20-01-2007, 09:53 PM

atsh_h

23-01-2007, 04:06 AM

من ليس لديه قدره على العطاء ليس لديه قدره على ان يحب!!!

hanyfirst1

23-01-2007, 07:22 PM

من ليس لديه قدره على العطاء ليس لديه قدره على ان يحب!!!
بدايه احييك على الجراه فى ردك
اما الكلمات التى ذكرتها فهى بالفعل مسك الختام
وخير الكلام ما قل ودل
شكرا لك وشرفنى مرورك الكريم على الموضوع
واسعدنى كثيرا رايك الهام شكرا لك اخى atsh_h

rasol_2020

26-01-2007, 10:32 AM

مشكوررررررررررررررررررررررررررررررررررررررررررررر

™SeReNDiPitY

29-01-2007, 03:30 PM

موضوع جميل جدا
بس هسألك سؤال ان ليه تتمسك بالشخص دة وهو مش بيحاول يسعى علشان يتوج بها

لو هى شافت حياتها هيبقى افضل لها طبعا لانه مش حاسس انه عليه مسؤليه

ماهى ساعدته فعلا ومش لاقيه منه اى استجابه

م/غادة

29-01-2007, 03:34 PM

اولا احب اهنيك جدا على موضوعك الجميل ده
اما رأيي في الموضوع ده فيختلف على حسب ظروف الشاب ده هل هو فعلا مش عايز يشتغل كسل منه ولا دلع او استهتار لو كان كده يبقى اصلا دى شخصية ما تتحبش
اما احساسي في الحكايه دى او من كلامك انك قولت انه تقريبا ضايع يبقى اكيد دور على شغل وكحال معظم الشباب دلوقتى جاله احباط لانه اكيد مالقاش اى شغل وحتى لو لقى يبقى اكيد مش مناسب لتعليمه وللى كان بيحلم بيه ودى طبعا حاجه تجيب احباط يعنى هيعمل ايه دور ودور ومالقاش مافيش بأيده حاجه وطبعا لازم هياخدله فترة هيبطل يدور فيها وهيكون تايه في حياته وبعد كده هيرجع يحاول تانى لغاية ما ربنا يرزقه ان شاء الله
اما بالنسبة للبنت فهى لازم تحط نفسها مكانه لو كانت هى مثلا من البنات اللى عايزين يشتغلوا هتلاقي نفس المصير وهدور ومش هتلاقي زييه بالضبط وساعتها هتعرف اللى هو فيه ولازم تستناه لو كانت بتحبه لان الحب بيبان في الظروف اللى زى دى اما لو كانت عايزة تتجوز وخلاص ومش فارقه معاها لا حب ولا غيره وعايزه تعمل بيت وتجيب اولاد وحكاية الحب دى مش شغلها الشاغل فانصحها تنسحب لانها مش هتقدر تكمل وتستحمل واحب ساعتها اقولها انها اختارت من وجهة نظري الحياة اللى مالهاش اى طعم
واسفه جدا للاطالة

meda85

29-01-2007, 04:02 PM

تسلك طريقها وتشق حياتها مع غيره حتى لا تظلم نفسها

baligh hamdy

08-02-2007, 03:34 PM

اجاباتي علي اسئلك كالاتي وهذا من رايي الشخصي

يجب ان تتركه لانه انسان لا يعرف التضحيه و الكفاح لمن احب واعلل ذلك بانه لم يحبها هذا رايي بالنسبه له

بالظبط بالطريقه دي هيا هتكسب كتير احسن ما تخسر معاه

لا سبيل لها بعد ذلك معه في شي اخر

وشكرا

انا رايي نفس الاجابات دي برضه

وموضوع رائع يستحق دخول المسابقة
تسلم ايديك

M e M o

09-02-2007, 04:53 PM

السلام عليكم ورحمه الله وبركاته

اسئلتى عن الموضوع كالاتى

هل يجب ان تتمسك به هذه الفتاه لعل الله يحدث بعد ذلك امرا؟

هل تسلك طريقها وتشق حياتها مع غيره حتى لا تظلم نفسها؟

ماذا لو احثته وشجعته ولم تجد منه اى تقدم؟

حوار يجب ان نتناوله جميعا شباب وشابات لعل منا من يحتاج
الى حل لمثل هذه الاسئله
فى انتظار اراءكم ومناقشاتكم الساخنه

شكرا ليك يا هاني علي الموضوع الجميل ده

بس في البدايه انا عايز اقول بأختصار شديد

ان المستوي اللي أحنا عايشينه و مستوي البلد و حالها

أدي الي غياب الطموح عند شباب كتيييييييييييير

وديه مصيبه كبيره

بس انا هجاوبك علي الاسئله

ج1 : ممكن تستني معاه مده بس مش كبيره لان ساعتها ليس في الامكان أفضل مما كان

ج2 : ده هيبقي وضع طبيعي بعد ما تسيبه

ج3 : هتبقي عملت اللي عليها ويبقي هو ظلم نفسه

evilofdevil_23

20-02-2007, 06:51 AM

المشكلة دي عندي برضه مع اختلاف بسيط
صديق ليا فيه نفس العيب سلبي جدا متجوز وعنده ولد
ونايم في البيت طول النهار وبالليل على القهوة
اوقات باكون عاوز اضربه واوقات كتير بيصعب عليا
اتكلمت معاه وحاولت انا واخواته نغيره
ولكن
حسبت من ناديت حيا .. ولكن لا حياة لمن تنادي
انا ماقلتش حل للمشكلة اللي انتي عرضتها
علشان مش قادر بجد احل المشكلة دي
ياريت تفيدني

7abeeb

21-02-2007, 11:35 PM

هل يجب ان تتمسك به هذه الفتاه لعل الله يحدث بعد ذلك امرا؟

هل تسلك طريقها وتشق حياتها مع غيره حتى لا تظلم نفسها؟

ماذا لو احثته وشجعته ولم تجد منه اى تقدم؟

بجد موضوع رائع جدا جدا اخ هاني
تسلم ايديك يا عم

بس برايي
هل يجب ان تتمسك به هذه الفتاه لعل الله يحدث بعد ذلك امرا؟
برايي انه يجب على هذا الشاب ان يبذل كل طاقته للحصول على من يحب
اكيد ان الله قادر على كل شيئ بس يا اخ هاني كل شيئ ولو حدود
بس ميعرف اي حد ايمتا حيحصل الامر ده اللي حيغير حاله
يمكن يحصل بعد ما يعنسو الاتنين ؟؟؟ واكيد كده محدش منهم حيستفيد حاجه

هل تسلك طريقها وتشق حياتها مع غيره حتى لا تظلم نفسها؟
برايي لو ان هذا الشاب معملش اي حاجه او حتى حاول انه يشتغل او يعمل اي حاجه في سبيل حبهم
يبقى هو ما يستاهلش حبها
والافضل لها تشق حياتها مع غيره بكون افضل ليها وليه

ماذا لو احثته وشجعته ولم تجد منه اى تقدم؟

يبقى الراجل ده مينفعهاش ولا باي حاجه حتى لو اتجوزو حيفضل كسول واعد بالبيت او بالقهوه وده حيدمر حياتهم مع بعض

مشكور اوي يا عم هاني على الموضوع الرائع جدا ده
وده بقا رايي بصراحه اتمنا اني اكون مجرحتش اي حد فيكم

moh_bas

24-02-2007, 03:23 AM

بصراحه بعد الكلام ده أنا مش عارف أقول ايه
بس المهم انا إنه لو ما اتخذ خطوه ايجابيه هي مش لازم تعلق نفسها بيه
هي ممكن تلجا الي التهديد كأن تخبره أنها ستتزوج أو اي شىء من هذا القبيل
وشكرا يا مان

romanza

04-03-2007, 11:08 AM

الأول أحب أشكرك جدا على الموضوع ده
لأنه فعلا موضوع مهم جدا
وثانيا
أنا هحط نفسي مكان البنت دي وأرد عليك
وطبعا مش هرد كده وخلاص لأ، الرد هيكون عن طريق العقل والقلب معا
الأول احنا لازم نفرق هو أصلا بيحبها وشايف فيها زوجة المستقبل؟
وناوي ياخد خطوة يعني وللا بيحب وخلاص؟
حاجة تانية
موضوع الشغل ده هو العائق الوحيد؟
هل هو مثلا بيمر بأزمة الشغل وهتعدي؟
يعني هو جاهز أو فيه بوادر ومش باقي غير إنه يشتغل؟

دلوقتي أنا هخليني مكانها وأقولك
لو أنا بحب واحد أكيد يعني هكون عارفة هل هو واضح معايا وللا لا
يعني أنا أكون بضحي عشانه
هل هو بيعمل مجهود وللا لأ
أنا عارفة أزمة الشغل دي كويس وعارفة أد ايه الشباب بيكونوا في أسوأ حالاتهم
لما يكون مافيش شغل، وأعدة البيت بتكون وحشة أوي بالنسبة لهم

انا مش عايزة أطول عليك في الكلام
بس الملخص ان موضوع الشغل ده لو هو أزمة وهتعدي
مش هيكون عندي أي مانع أبدا اني أقف جنبه
ندور مع بعض على شغل ليه
وفي نفس الوقت اللي بيدور فيه ده يحاول يذاكر الحاجات اللي تنفعه في الـ interview
أحس انه بيسعى معايا يعني
انما ألاقي واحد أنا عمالة أدورله على شغل
وهو ولا هنا ودماغه مش معاه أصلا
لا بيدور ولا بيجتهد عشان لما يروح شغل يقبلوه وعنده لا مبالاه كده
يالهوي دانا يجيلي شلل منه
يبقى معلش أقوله مع السلامة
مش عايزة أطول عليك وأديك أمثلة
بس المهم اني أحس هل الشاب ده طموح وعايز يعمل حاجة فعلا ومحسسني انه متمسك بية
وللا الموضوع بالنسبة له عادي كده وهو بارد ومش خايف أروح منه
على أساس انه مريح دماغه اني مستنية وخلاص
والمصيبة الأكبر بقى لما يكون ماكونش نفسه أصلا
وأعد من غير شغل وفرحان بنفسه
لا دانا بجد أروح أموت أحسن بدل ماموت من النقطة اللي يجيبهالي

لما أسيب واحد وهو بالشكل ده عمرها ماتكون ندالة مني
بس تعامله هو مع الموقف وإحساسه بية وبأهمية انه يسعى
ده دليل على حبه لية
واحد بقى مطمن عشان أنا مستنية وخلاص ومش بيعمل أي حاجة
يبقى بيحبني ازاي
ضامن الظروف ازاي اني مش أضيع منه؟

لو حد بيحب بجد وفي الظروف دي لازم يسعى
عشان مجرد التفكير ان حبيبته تضيع منه أكيد لازم يكون زي فكرة بتلسعه أول ماتيجي على باله
ويحاول يبعدها بإنه يعمل كل اللي يقدر عليه عشان يكون مع حبيبته ومش تضيع منه

معلش أنا طولت عليك أوي
وميرسي تاني على الموضوع الحلو ده

سارة كامل

19-03-2007, 08:11 AM

وهذه الفتاه تحبه جدا وعندها من الشجاعه ما يكفيها
لمواجهه العالم باكمله للحصول على من تحب

أخى لاتغضب من رائى وهو

انها ليست شجاعة ولكنها تسمى اسم اخر

فلم اسمع عن صحابى ذهبت حبيبتة بشجاعة تواجة العالم بحبة وتقف معة فى ظروفة

ان شئت قلت أنى رجعية

هل المفروض ان يكون قصة حب و مواعيد و معايشة للظروف بينهم و ووووووو

لم اسمع ان ابى بكر الصديق تزوج ام رومان وهى ام السيدة عائشة عن مثل هذا الحب

واسفة

(ما ان تمسكتم بة لن تضلوا ابدا كتاب اللة وسنة نبية)

http://www.reem-qs.com/up-pic/uploads/385a641e6e.jpg

http://img170.imageshack.us/img170/2045/mod9yz3cp7.gif

شاهدو السيدة الاولى المثل والقدوة للمرأة المصرية (http://www.dvd4arab.com/showthread.php?t=452505)

اكتشف سر هذة الصورة الرجل يراها بلون والمراة تراها بلون اخر (http://www.dvd4arab.com/showthread.php?t=452009)

نصائح تجميليه( اقنعه للبشره) (http://www.dvd4arab.com/showthread.php?t=438134)

safaaa

31-03-2007, 07:28 PM

رأيي الشخصي
أن الشاب ده لو بيحبها فعلا هيعمل المستحيل عشان تكون حبيبته من نصيبه
يعني لو هو قاعد في البيت ومش بيدور على شغل يبقى المفروض البنت تسيبه لأنه مش بيسعى لكن لو بيدور ومش لاقي تستناه وتشجعه لحد ما يكون جدير بيها
انت كاتب انه انسان خريج جامعه ولا يعمل وليست عنده
المقدره على ان يفعل اى شئ للحصول عليها
وحاولت مع حبيبته مرات ومرات لتشجيعه وحثه على العمل
ولكن يبقى الحال على ما هو عليه
وهنا لازم حبيبته تنساه لأن
الحب شيء جميل لازم الطرفين يحافظوا عليه عشان يدوم زي الورده لازم تراعيها عشان تكبر لكن لواهملتها هتموت
وشكرا على الموضوع وارجو ان اكون افدتك