جية الوقت اننا نعرف أحسن برنامج مكافحة فيروسات [الأرشيف] - موقع الدي في دي العربي

مشاهدة النسخة كاملة : جية الوقت اننا نعرف أحسن برنامج مكافحة فيروسات

ahmedfawziabdo

05-03-2005, 06:06 PM

بمإن دة قسم التصويت فياريت يجماعة نتعاون في التصويت دة علشان نعرف أحسن برنامج مقاومة فيروسات من حيث السرعة والامان وياريت لو حد لية تعليق علي برنامج يكتبة علشان نجمع الاراء دي ونطلع بأحسن برنامج

~~~~~~~~~~~~~~~~~~~~~~~~
منقول من قسم التصويتات بمنتدى الألعاب ...
GENNI

ahmedfawziabdo

05-03-2005, 06:12 PM

وياريت يجماعة لو حد واجة مشكلة دائمة او واجهتة بأستمرا ان يكتبها لتوضع في قائمة البرنامج لنعرف عيوبة

GENNI

06-03-2005, 01:11 AM

أنا اخترت Norton Antivirus ... و السبب انه برنامج قوي جدا في اكتشاف الفيروسات وقت قبل عرض الملفات التي تحتويها على الشاشة ...

عيوبه:

توجد قلة قليلة جدا من الفيروسات التي لا يراها ... و لكنه قوي جدا ضد ما يمكنه أن يراه ...
تقيل جدا على الجهاز ... و بيسبب بطء ملحوظ في أداء الجهاز ... و لا ينصح به لجهاز به RAM أقل من 256 ...

ahmedfawziabdo

08-03-2005, 01:00 AM

عندك حق ال norton جامد جداً بس هو فعلاً تقيل ودة موش عيب صغير
وشكراً علي مشركتك لاني كنت عايز الموضوع دة يلم وناقش في العيوب والمميزات اللي في البرامج الثلاثة بس أظاهر أن الموضوع رسي علينا احنا بس أو أحنا بس اللي عندنا البرامج دي ههههههههههههه

Radu

11-03-2005, 11:41 PM

مكافى باذن الله

:)

amr@epc

12-03-2005, 12:13 AM

النورتون هو الحل بالاضافة الى اى antispyware
انا عندى رامات 512 ميجا عشان كده مفيش مشكلة بالنسبة الى التقل

Ayman Xp

12-03-2005, 03:38 PM

قد تم شرح هذا الموضوع بالكامل و بإستفاضة على هذا اللينك
http://www.dvd4arab.com/forums/showthread.php?t=26538

ahmedfawziabdo

13-03-2005, 06:35 PM

مشكور أخ أيمن بس المقصود من هذا التصويت أن نعرف أفضل برنامج مكافحة في وقتنا الحالي فالمعروف دائماً أنة علي مرور الوقت هناك نسبة تفاوت في أداء البرنامج من حيث اكتشاف الفيروسات وتغير الأصدار وكمثال مثلاً أصدار كسبريسكي 5.14 أصدار جميل جداً وخفيف جداً ولكن عندما اتيت بالأصدار 5.20 فوجئت ببطء واضح في الجهاز فالمقصود انة ليس هناك برنامج سيبقي الأول دائماً ولهذا قمت بهذا التصويت لنعرف من هو الأفضل والاحسن في وقتنا الحالي ويرب أكون قدرت أوضح وجهة نظري
وشكراً

mashakel

14-03-2005, 09:25 AM

ماعليش اخواني وذلك عن تجربة

norton anti virus + zone alarmm + ad-aware 6

لازم التلاتة مع بعض اخواني و ذلك لتحقيق اكبر قدر من ال security و الكلام ده اتاكدت منه لما لاقيت مجلة لغة العصر كاتبة عن التلاتة و مدى التوافق بينهم

اما بخصوص مواصفات الجهاز التي يجب استخدامها مع الnorton
فعن تجربة شخصية ....
p4 processor 3.2 و يفضل AMD
1024 ram ..rd
و شكرا اخواني

PeAcE

الفارس100

18-03-2005, 02:48 AM

كاسبرسكاى هو الاقوى ويتميز انه خفيف + انه قوى جدا مع ملفات التارجون

ahmedfawziabdo

19-03-2005, 05:08 PM

أنا شايف ان اخر كلام أن المكافي اللي علي في التصويت (بالنسبة للبرامج الثلاثة في الوقت الحالي)

صاروخ2005

19-03-2005, 05:14 PM

انا جربتهم كلهم فلم اجد أفضل من المكافي وخاصة وانت تستعمل النت والتصفح خفيف على الجهاز

تحياتي

Ayman Xp

20-03-2005, 05:13 AM

برامج مكافحة الفيروسات لا تتحدد براى الاعضاء و لاكن برأى الخبراء بمعنى قد يظن عضو أن برنامج ؟؟؟ قوى لإزالتة فيرس من الفيروسات و يتهاون فى باقى المميزات

ahmedfawziabdo

20-03-2005, 06:07 PM

رأيك صح ياأيمن باشا بس انا رأي اننا ناخد بالمثل( أسئل مجرب )وعلشان نعرف هل فية مشاكل حصلت مع الغير مع برنامج من البرامج دية علشان علي الاقل علشان متحصلش معانا ومنة نعرف أحسن برنامج مفيهوش مشاكل وعيوبة قليلة
وبعدين والحمد لله الاعضاء زوي الخبرة في المنتدي الجميل دة كتير والحمد لله

donmido

29-03-2005, 12:57 AM

تمام يا جماعة كما قلت في موضوع سابق وعلشان تعرفوا الفرق بالرغم من ان النورتن يعتبر اتقل برامج مكافحة الفيروسات الا انه الاقوي وخصوصا norton anti virus 2005 .. ولازم اهم حاجة تصطبوه صح ..
واللي شايف انو كاسير سكاي احلى يشتغل بيه فترة ولتكن اسبوعين بس يكون بيدخل على النت كتير او عنده adsl وبعد كده يشيله وينزل norton وسيلاحظ الفرق ........... اما مكافي مع احترامي ليه فبيتلكك في حاجات كتير واعتقد انو البرنامج اللي يببص للحاجات اللي مبتعملش حاجة يبقى هو كمان مبيعملش حاجة :)

donmido

29-03-2005, 12:59 AM

ahmedfawziabdo

31-03-2005, 01:54 AM

طيب مع أن الرأي اللي كنت متظرة أن الكسبريسكي يكون اعلي تصويت لحد دلوقتي شايف أنة الأقل
ويجماعة قبل منحكم علي البرامج من كلمنا بردة الأحسن نشوف الموضوع المهم دة للي مشفهوش وبعد كدة نشوف لو فية مشاكل بتظهر مع البرنامج في شغلة وقوتة أمام الفيروسات مع الوقت والتحديث ورابط الموضوع هوة
http://www.dvd4arab.com/forums/showthread.php?t=26538

ahmedfawziabdo

31-03-2005, 01:56 AM

Evil_dide

03-04-2005, 03:44 AM

أعتقد أن>>> Norton SystemWorks 2002,2003,2004,2005<<< أفضل مجموعة برامج للجهاز

الفارس100

19-05-2005, 02:04 AM

لازلت بقول كسبارسكاى اقوى انتى فيروس شوفته مع انى جربت نورتن ومكافى لكن عملوا مشاكل وبالذات النورتن الى جانب انه تقيل وقع السيستم مرتين بفروس على النت وكان متحدث وكان 2003

ahmedfawziabdo

23-05-2005, 02:22 PM

هوة بصراحة أخ فارس من الواضح ان الكاسبر رغم قوتة أنما بردة مخدش شهرة زي النورتون والمكافي لسة وأنا مستني دة يحصل قريب بصراحة

DEARTITo

19-07-2005, 07:41 AM

سؤال بسيط عايز اوجهه لكل الاعضاء اللى شاركوا..............
هل لان هذا قسم تصويتات يتم وضع فيه اى تصويت ....؟ :eek: فبأعتقادى ان هذا المنتدى
هو منتدى العاب وان قسم المسابقات والتصويتات متفرع منه
اى ان اى تصويت سوف يوضع هنا من المفروض ان يكون متعلق بالالعاب
ولا انا غلطان .........

ممكن زيارة هذا الموضوع (http://www.dvd4arab.com/forums/showthread.php?t=50041) وقراءة البند الثالث
الخاص بقسم المسابقات والتصويتات

GENNI

19-07-2005, 07:09 PM

أخي العزيز DEARTITo ...
الموضوع قديم جدا ...

و لكن عشان خاطرك انت بس :cool: ...

prince 2005

22-07-2005, 01:54 PM

بصراحة ياريت الكل يستخدم zone alarm security suit لأن دة مجموعة متوافقة جدا
يعنى انتى فبروس وكمان فايروول

mix55

22-07-2005, 07:43 PM

الصراحة انا مستغرب جدا جدا على الناس الافاضل اللى لسة لحد دلوقتى بيقولوا على النورتون دة انتى فيروس ياجماعة النورتون من اول 2004 2005 وهو فى الضياع سيبك من التقل طظ انما دخل بيربى الفيروسات ياجماعة بجد انتو شايفن ان النورتون دة حلو طيب نصيحة للناس اللى بتقول حلو خد هاردك وروح لواحد صاحبك عاندوا المكافى او النورتون وبحق لو مطلعش عفريت لان الدنيا مش دايما والمكافى والكاسبر نفس المستوى ممتازين بس المكافى بقالو كتير من فترة منزلش نسخة جديدة من شهر 8 اما الكاسبر فمتطور اكتر انما الفرق بسيط جدا يعنى كان معايا هارد مدمر عملت بالمكافى شال بالعبيط الكاسبر بعد المكافى شال واحد بس واحد فالفرق بسيط جدا ولصالح الكاسبر بس المكافى اسرع والجديد الانتربريز سريع فى البحث

prince 2005

23-07-2005, 08:43 PM

أخى العزيز mix55 انا متفق معاك فى كل حاجة وبصراحة أنت راجل بتفهم كمبيوتر ونت صح النورتون دة أهبل وعبيط
وكمان متفق معاك إن الزمالك فوق الجميع

mix55

24-07-2005, 03:31 PM

أخى العزيز mix55 انا متفق معاك فى كل حاجة وبصراحة أنت راجل بتفهم كمبيوتر ونت صح النورتون دة أهبل وعبيط
وكمان متفق معاك إن الزمالك فوق الجميع
ههههههههههههههههه اشكرك جدا وكفاية انك زمالكاوى وكل الزمالكوية ناس سكر

prince 2005

26-07-2005, 09:26 PM

شكرا الله يكرم أصلك يا باشا

شبساوى

30-07-2005, 05:16 AM

انا الصراحة بقالي سنتين بستخدم panda titanum وبصراحة مليون علي عشرة مفيش حاجة تقدر تخش جهازك واذا دخلت يشيلها من نفسه وجداره الناري ممتاز لو دخلت موقع متفيرس يقفلهولك وقتي ولكن به عيب واحد بيبطى عند دخول الويندوزشويه صغيرين

العوق

30-07-2005, 06:22 AM

الى كل من يمدح النورتن
يكتب ايميله وابعثله باتش هكر يقوم بفحصه فقط قم بفحصه
وعلى فكرة مش ملف تجسس واحد انا مستعد ابعث 10 ملفات لعشر برامج مختلفة باتشات مشفرة
مش مليون بالميه ملاين بالميه جواب النورتن هيكون
no virus found
لكن الكلام هذا لايمشي على الكاسبر سكاي
هو الاقوى والافضل عن تجربة

العوق

30-07-2005, 06:36 AM

الى كل من يملك النورتن ارجوا الدخول
شوف من يملكون النورتن هل تم كشف الباتش ام لا
مع العلم الموضوع قديم والتشفير في تطور وهناك ملفات جديدة وبرامج جديدة للتشفير
لكن لايزال الكاسبر بالمرصاد

http://www.dvd4arab.com/forums/showthread.php?t=30679&highlight=%C7%CE%CA%C8%D1

Striker_E_10

31-07-2005, 05:39 AM

الmcafee اخف بكتير من الاتنين و اكبر ميزة فيه إن فى فيروسات بيقدر يعملها كلين
بينما الNorton أو kaspersky بيعملها delete

ahmedxl

09-08-2005, 09:17 PM

انا افضل المكافى

mix55

10-08-2005, 12:11 PM

حنا قولنا كدا ان النورتون فى بلاوى بتفوت منة والمكافى والكاسبر نفس المستوى ويمكن الكاسبر احسن بسيط وزى مقال الاخ انه بيعمل كلين المكافى بس مشكلة المكافى ان فى حاجات يقراها وميقدرش يعملها اى حاجة خالص الكاسبر مشوفتوش عمل كدا وطبعا النورتون خارج المنافسة

ahmedfawziabdo

11-08-2005, 10:01 AM

أنا سعيد جداً أن الموضوع أبتدي صورتة تكتمل وأننا فعلاً في الطريق أننا نعرف أحسن برنامج مكافحة فيروسات موش من كلام الدعاي لأ عن كلام التجارب ودة عندي أحسن كتير ومشكور أخ ميكس55 علي مشاركاتك الجميلة

samtheman

11-08-2005, 10:55 AM

انا شخصيا جربت تقريبا معظم ال anti virus من الكاملة (مع سيريال)
norton, mcafee,pc-cillin-panda,kaspersky,bit defender
ومن المجاني
avast, anti vir, avg
كنت اعمل بالاساس بالنورتون واصيب الجهاز بفيروسات لم يعالجها فانطلقت في التجريب.
وجدت كاسبريسكي و بيت ديفندر افضل من النورتون وكذا المكافي ..
ما وصلت اليه اخيرا هو ان النسخ المجانية الجيدة افضل من النسخ مع كراك ..
اعمل الآن ب Grisoft AVG وهو من الموقع www.grisoft.com
ويمكن الحصول عليه من download.com
وهو مجاني بالكامل وبكل الخواص (التحديث يومي - فحص البريد - الحجر الصحي scheduler, database, resident shield ) وغيرها ..
يتمتع بكفاءة عالية جدا ..
خفيف ولا يعطل عملك على الاطلاق ..
حجمه الاصلي صغير 9 ميغابايت ..
واعتقد انه الحل الامثل للكثيرين ..
اما الجدار الناري .. فيمكن لمن يشاء ان يركب zone alarm او ما يشبهها ..
و spam killer كمالية لمن يشاء .. اعتقد ان معظم الاخوة يقرءو الايميل على النت مباشرة ويمكنهم الحصول على بديل ..

™AlprincE_B@seM

11-08-2005, 10:55 AM

كاسبرسكاى ..... ودة اخر كلام عندى
مع انى مجربتش المكافى

mix55

13-08-2005, 03:35 PM

يا جماعة لكل الناس اللى دخلت على الموضوع دة http://www.dvd4arab.com/forums/show...%C7%CE%CA%C8%D1 للاخ العوق وجربوا الفيروسات التلاتة على البرامج بتاعتهم انا جربتهم على المكافى وقرا اول اتنين و الكاسبر زية و النورتون اول واحد بس اما BitDefender 8 Professional Plus فقراهم كلهم ومنغير اب ديت والصراحة انا كنت شايفة انة يدخل التصويت

edrakon

13-08-2005, 05:03 PM

معلش لاصحاب النورتون بس استحملوا رأي بصدر رحب النورتون بعد ما فشل انه يشوف ال gefoo و nemsi بقيت انصح بانه يترمي في الزباله انا بستعمل ZONE ALARM مع ANTIVIR و AVG و DR SPY ZQRE و احيانا بنزل الكاسبر برغم انه بيتقل الجهاز الا انه قوي جدا
عايزين تجربوا الانتي فيروس خشوا WWW.SERIALL.COM و ده سايت كراكات و سيريالات بينزل فيروس بمجرد دخوله و الي بيكشفه كاسبر و انتي فير و طبعا الي منزل الSP2 هيمنع السايت من انه ينزله الفيروس بس جربوا النورتون و المكافي بيشوف الفيروس ده و لا لأ

edrakon

13-08-2005, 05:06 PM

^^فهودي^^

13-08-2005, 06:01 PM

من واقع تجربتي الكاسبر قوي لكن فيه بعض الباتشات يفوتها وبعدين لاينصح تركيبه للذين يستخدمون الفيزا .
افضل برنامجين جربتهم مكافي سكورتي ، والعملاق الباندا بلاتينيوم سكورتي
طبعا كلنا عارفين المكافي سكورتي لكن لانعرف سوى القليل عن Panda Platinium Internet Security 2005

هذه بعض المعلومات عنه :
الجوائز الحاصل عليها البرنامج
http://www.pandasoftware.com/img/pro/pro_prem_05.gif

1- مكافح فيروسات يَكتشفُ ويُزيلُ كُلّ أنواع الفيروساتِ.تقول الشركه عنه إشترِه الآن: ركّبْه وإنسَ تهديداتَ الإنترنتِ.
َيكتشفُ آلياً ويُزيلُ كُلّ أنواع الفيروساتِ والديدانِ واحصنه طروادةِ ويحمى الرسائل البريدية الإلكترونية، على الإنترنتِ.
حيث يدقّقُ محرّكُ البحث UltraFast فى كُلّ المعلومات و كنتيجة، أنت محمي مِنْ الخطرِ حتى بدون تعريف تلك الفيروسات.

2- تقنيه TruPrevent: حماية ضدّ الفيروساتِ المجهوله.
لإكتِشاف الفيروساتِ، تَحتاجُ برامج محاربة الفيروساتَ أنْ تسجّل في ملفاتِ تحقّق الفيروسِات، ولهذا هم مَنْ الضَّرُوري أَنْ يُتم تحديث هذا الملف بشكل دورى.
على أية حال، عندما يَظْهرُ فيروس جديد ، فانه يُمْكِنُ أَنْ يَأْخذَ بضعة ساعات لتَطوير اللِقاحِ لمُقَاتَلَته.
لكن المشكلةَ ان تلك العديد مِنْ الفيروساتِ الاخرى جيلِ ساسر، Netsky أَو MyDoom، ينتشرًَ فوراً، ويُصيبُ آلافَ الحاسباتِ حتى لمن لديهم مضادات تلك الفيروساتُ.
كهذه الحمايةِ لا يُمْكن أنْ تُجدّدَ بمرور الوقت، فهم لا يَستطيعونَ تَمييز الفيروساتِ لأنهم ليس لديهم تلك التقنيه فالبرامج ضدّ الفيروسات التقليدية لا تَستطيعُ التصدى ضدّ الخطرِ المُتزايدِ
للعدوى مِنْ هذا النوعِ مِنْ الفيروسِات. على أية حال، فان تقنيه TruPrevent الجديدة، تَكتشفُ آلياً وتَمْنعُ تلك الفيروساتَ ، حتى قبل انتاج مضادلمثل هذه الفيروساتِ .

3- جدار نارى للحماية من لصوصِ الكومبيوتر، حيث يَمْنعُهم من دُخُول البي سي .
الجدار النارى تم تحسينه وتقول الشركه عنه انه اصبح قلعة ضدّ لصوصِ الكومبيوتر والدخلاءِ الآخرينِ، حيث يُبعدُ معلوماتكَ السرّية عن طريقِ الأذى.
وهذا فعلا ملاحظ به حيث وجدت بنفسى صعوبه بالغه فى تمكين الاختراق من خلال البرامج الحساسه كبرامج الشات وغيرها

4-مضاد ضِدّ رسالة الدعاية: يتخلّصُ مِنْ البريد الألكتروني الدعائي والرسائل الاباحيه والملغمه بملفات التجسس لذا أنت الآن ليس من الضروري أن تُضيّعُ وقتك فى تَنظيف رسالئل الدعاية مِنْ صندوقِ واردكِ.

5- مضاد spyware .
التقنية المعادية لspyware التي تتطفّلُ على عاداتِ الإنترنتَ لكي ترسلَ أَو تسْرقُ معلوماتَ سرّيةَ مثل تفاصيلِ بطاقةَ الإئتمان أَو كلماتَ السر
مثل (adware * spyboots* keyloggers، الخ. ) و(dialers).

6- مرشح محتوى ويبِ ، يَمْنعُ المواقع الاباحيه والغير مرغوبه.
محتوى ويبِ الذي يُرشّحُ تقنيةً سوءَ الاستعمال ِ كتَحديد الوصولِ إلى webmail ، التسوق عبر الإنترنت، المواقع الاباحيه.

7- التجديدات الفورية والآلية ضدّ الفيروساتِ والتهديداتِ الجديدةِ، حيث يتم التحديث آلياً على الأقل مرة كل يوم * للحِماية ضدّ الفيروساتِ والتهديداتِ الأخرى.

8- دعم تقنيةِ 24 ساعة يومياً، 365 يوم في السّنة. خبراء متوفّرون لمُسَاعَدَتك
دعم تقنيتنا وخبراء PandaLabs متوفّرون، على مدار الساعة، لمُسَاعَدَتك حينما تَحتاج فبينما تُجدّدُ أكثر البرامجِ ضدّ الفيروساتِ ضدّ الفيروساتِ الجديدةِ على مراحل بين إثنان وسبعة أيامِ، فان برنامجنا يتم تحديثه على الأقل مرة كل يوم.
9-دعم خبراء PandaLabs متوفّرون، على مدار الساعة، لمُسَاعَدَتك حينما تَحتاجُ اى مساعده .

وهذه صوره توضح القوئم الرئيسيه للبرنامج في المرفقات

ahmedfawziabdo

14-08-2005, 11:03 AM

مشكور أخي العزيز علي التحليل الجميل لبرنامج الباندا ولي فعلاً ملوش أنتشار بين برامج المكافحة الحالية ومشكور علي مجهودك الجميل والكبير دة

kolmana

21-12-2005, 02:05 AM

اخي النورتون هو اقوى مضاد فيروسات وعن تجربة فهو الافضل

stof

21-12-2005, 04:38 AM

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiii

ahmed782004

21-12-2005, 11:38 PM

اقوى برنامج. مكافى 7 بروفشنال ملوش حل بيعمل كلين للفيرس والتحديث سهل جدا.وسريع شكرا على مجهودك

medolala

22-12-2005, 05:59 AM

طيب يا ريت تجربوا avast! Antivirus

رائــــــــــــــــــــــــــــــــــــــــــــع

حجمه صغير .... خفيف جدااااااااااا على الجهاز

ما بيـــــــــــــــــــــــــــــــــــفوتش

mansatan

28-12-2005, 07:37 PM

i've been using mcafee for 3 years
0 virus

modyyy55

28-12-2005, 08:45 PM

فعلا ذى ما قال الأخ فهودى
الباندا فعلا برنامج قوى
بس أنا ما سمعتش عنه غير من سى دى التعريف بتاعة كارت الفاكس بتاعى
النسخة اللى عندى كانت تجريبية بس فعلا كان جميل جدا

sea_star_1987

25-02-2006, 04:20 PM

انا ياجماعة من رأيى ان كاسبر سكاى افضل برنامج على الأطلاق وانا على طول بشتغل بيه
وعمره ماقصر معايا فى اى حاجة غير انى وانا بعمل سكان للجهاز ممكن اشتغل عادى يعنى مش
بيتقل الجهاز نهائى

الشرقاوي العربي

25-02-2006, 08:44 PM

أنا بصراحة جربت كل البرامج دي وبعد 9 سنوات خبرة في عالم الكمبيوتر والهكر أنصح الاخوة بإستخدام 4 برامج أن وجدوا على جهازك أتحدى أن يكون في أي أختراق للفيروسات أو الهكر وزي ما بيقولوا خير اللكلام ما قل ودل وهما حسب الترتيب:
1- Norton AntiVirus 2006
2- kaspersky 5.14
3- Spyware Doctor
4- spy sweepe

Norton_Security

25-02-2006, 10:19 PM

مع احترامي للجميع

بس المكافي أفضل شي

nassah

25-02-2006, 11:30 PM

السلام عليكم ورحمة الله وبركاته

المكافي وبس 10\10 بعد ماجربت النورثن وجدة انه لايقوم بازالة بعض الفايروسات وثقيل دم على الكمبيوتر ودلك بعد خبرة تزود عن 8 سنوات في مجال الكمبيوتر والانترنت

hamada_fit

20-10-2007, 05:56 AM

النود احسن برنامج فعلا

nod32

Mįdσ_ƒįdσ

20-10-2007, 06:25 AM

كاسبر اسكاى بلا منافس ولا نود ولا نورتون ولا مكافى كله تعبان على الاخر

casperdino

20-10-2007, 08:39 AM

هو من وجهة نظرى المتواضعة norton 2005
مع العلم انه فى 2007
تم اخيار كاسبر سكى احسن انتى فيرس

ehabaskander

20-10-2007, 10:20 AM

احسن برنامج طبعاااا nod32 لانه خفيف جداااا و مفيش حاجه مش بيشوفها

المستر وبس

12-02-2008, 01:05 AM

تسلم يا غالى البرنامج جميل جدا

cortiza

12-02-2008, 05:50 PM

انا بقه باختار الافاست يعنى ولا واحد من اللى موجودين

cortiza

12-02-2008, 05:57 PM

انا بقه باختار الافاست يعنى ولا واحد من اللى موجودين

alkandil1212

14-02-2008, 11:59 AM

طيب تعالوا نخليها تحليل منطقي .. البت ديفندر واخد رقم واحد على العالم وقالوا إنه أقوى أنتي فيرس .. وقالوا برضه مش منتشر علشان تقيل ومشكلة التسجيل .. الكاسبر سكاي مركز تاني وكمان خفيف .. بس آه من حكاية البلاك ليست اللي مخلية الناس اللي محملاه في سباق مع ملاك البرنامج كل ما يضربوله سيريال يتحط في البلاك ليست مع أول أبديت .. النود 32 مركز تالت وأخف من الكاسبر ويمكن محرك تنظيف قوي كمان .. بس من بعد اللي حصل مع الناس في النسخة 2.7 وهجوم فيروس الأوتو رن والكوبي واخواتهم أسهمه نزلت .. دا غير واجهة استخدامه اللي غير واضحة وعايزة واحد خبير يتعامل معاها .. التريند أنتي فيرس ما أظنش حد مننا سمع عنه .. شكله بينزل بلاد الأجانب وبس .. وعلى فكرة دا واخد المركز الرابع .. ييجي بعد كدة الإف سيكيور .. أنا جربت النسخة اللي منزلها للموبايلات .. حلوة وخفيفة ما كنتش حاسس بيها وأعتقد إنه كويس ومش واخد فرصته .. بس برضه بنظرية البياع اللي عليه لمة هو اللي كويس بنلاقي إنه غير موثوق فيه للدرجة دي .. بعد كدة في المركز السادس وياللعجب .. المكافي .. حبيب قلبي مهما يقولوا العزال .. بس المشكلة إنه تم تقييمه كأنتي فايرس بس مش كباقة متكاملة زي التوتال سيكيوريتي اللي هوا منزلها .. ويمكن من عيوبه بطء ترقيته وصعوبة الحصول على ملفات الترقية من غير نت ولو جبتها برضه صعب تتأكد إنها المناسبة للنسخة اللي عندك .. مين السابع؟ .. النورتون .. أنا لو حكموني عليه هاحطه العشر تاشر .. تقيل ورخم وعلشان تفرده بتعمل حاوي ومشعوذ .. وياريت على حاجة عليها القيمة .. ألا كل الفيروسات بقت عاملاه الطيشة بتاعتها .. على فكرة أنا من الجيل اللي طلع على النورتون .. يعني أنا استخدمته من أول نورتون 5 اللي كان نازل أيام الويندوز 95 و 98 وليا معاه ذكريات سودا وبيضا .. تقريبا كان هوا والمكافي بس عالساحة بس المكافي ساعتها كان تقيل ورخم وإن كان برضه قوي .. المهم .. التامن كان آ في جي المعتمد من ميكروسوفت وكانت كمان بتعلم الناس إزاي يشيلوا الفيروسات اللي يلاقوها بيه .. بس برضه واجهته مش ببساطة الكاسبر مثلا ولا النورتون .. يمكن علشان كدة كانت ميكروسوفت بتحاول تشرحه ؟ يمكن .. المهم إني استخدمته برضه من 3 سنين وكان كويس وعمل شغل حلو بس جاتله فترة وقع فيها برضه .. التاسع .. حاجة إسمها سي آيه أنتي فيرس .. حد سمع عنه قبل كدة؟ مش أنا للأسف .. بس بيقوللك إنه سهل وقوي وبيترقى بسهولة (مش زي المكافي) وبيتفرد كمان بسهولة (زي المكافي) بس مشكلته في ضعف إمكاناته في الفحص والتحليل وكمان ضعف الدعم الفني ليه .. ممكن أجربه .. أخيرا العاشر .. حاجة برضه اسمها نورمان فيروس كنترول .. أول مرة يعدي أدام وداني .. المهم بيقولوا إن واجهة الاستخدام بتاعته نيلة (أنيل من النود) وإمكانات الفحص برضه ضعيفة (زي الآيه في جي) بس الباقي 10\10 .. عموما دا مش كلامي دا كلام أخويا العزيز mody10983 أو مش كلامه برضه دا كلام الموقع اللي هوا جابه في موضوعه في الرابط ده
http://www.dvd4arab.com/showthread.php?t=766439
والألذ بقى إنه جايب كمان البرامج دي وعارضها لحبايبه في المنتدى
كلمة أخيرة .. أنا كان نفسي أشوف الأفيرا آيه في جارد .. الألماني الجميل اللي كان له معايا أيام جميلة وما زال له عطاء في المجال وأعتقد إنه اتظلم في التقييم ده
عريضة .. أنا كاتب عريضة .. يا خوانا حد يسكتني بدل ما الصفحة تنزل تحت الشاشة .. سلام بقى

msenosy

15-02-2008, 12:44 AM

الكاسبر سكاي
هو الاقوى والافضل عن تجربة
ولكن المكافى افضل على المدى الطويل لخفته وسهولة التعامل معاه
يعنى اشتغل بالمكافى وخلى الكاسبر لوقت الحاجه ليه او للفحص الدورى كل فتره او لما تشك ان عندك فيروس

msenosy

15-02-2008, 12:45 AM

khopho2007

09-04-2008, 08:19 PM

شكرااااااااااااااااااااااااااااااااااااااااا

khopho2007

09-04-2008, 08:22 PM

شكرااااااااااااااااااااااااااااااااااااااااا

مصطفى المنسى

19-01-2009, 05:26 AM

مشكوووووووور اخى على المعلومه الهامه دى للانتى فيرس