مشكلة فى تصميم الـ n73

[دريم بارك]

ياجماعة انا قريت كتير ان الجويستيك بتاعت ال n73 ضعيفة جدا وبتفك بعد فترة
ودة اللى حصللى انهاردة ... جاى اطللع الموبيل من جيبى .. لاقيت الموبيل فى حتة والجويستك فى حتة :no000000:
حاولت ارجعها تانى مكانها بس موش مظبوطة خالص وأكيد هتفك تانى :shutup00:
فياريت حد يقوللى اعمل اية
انا شارى الجهاز من غير ضمان من شهرين وشوية
هل فى توكيل نوكيا هنا فى مصر ؟؟
ولو فيه ياريت العنوان أو رقم التليفون
متشكر مقدما

[الثلاثي المرح]

في توكيل في شارع الهرم تحت كايروا مول توكيل نوكياااا

[mazeen]

السلام عليكم ورحمة الله وبركاته
يا اخى فيه كفر خاص بيه بلاستيك ومنتشر جدا فى مصر وبينزل كمان مع الموبايلات اللى جايه من الخليج وخاصه من السعوديه .... تانى شئ الأتصالات او اى تو يعنى ... بتضمن اى موبايل جاى من الخليج سوا امارات كويت سعوديه البحرين قطر .... بتضمنه بس بسعر رمزى كده حاول تروح وان شاء الله هايغيرولك الوش كله بوش اصلى وتريح دماغك

وده مش عيب ولا حاجه هو جهاز حساس مش عاز الجيبوب والبناطيل الضيقه ولو عاوز تحطه فى جيبك يبقى تلبسه الكفر ده بس حاذر مش تحط المطاطى ... حط الجامد اللى هو بلاستيك شفاف وماسك بعضه فيه واحد صاحبى مسمى الكفر ده اقصدام فعلا والله بيشيل بلاوى عن الجهاز

[دريم بارك]

انا متشكر ياجماعة على محاولتكم لمساعدتى
بالنسبة للأخ مازن
انا صدقنى عارف الكفر البلاستك دة بس مكنش هيمنع اللى حصل
لأن الكفر البلاستك موش بيحمى ال key bad
وعلى فكرة هية موش بتحصل بسبب الأستخدام السئ
دى بتحصل بسبب كترة الأستخدام وأكيد مع مرور الوقت هتحصل لكل اللى معاهم n73

لأن انا استخدامى والله نضيف جدا ... لو شفت الجهاز تقول كأنه لسة طالع من علبتة على الرغم انى موش حاطط علية اى cover

فى سؤال تانى ياريت حد يجاوبنى علية
هل الجويستك جزأ من الجهاز ولا هيه جزأ من cover الجهاز
يعنى ساعة لما أودية التوكيل هيفتحوا الجهاز ولا هيغيرولى الـ key bad بس

شكرا

[just_love]

هو اية الجوستيك دة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اصل انا ثقافتي الماني

[abousenna]

الجوستيك يا اخي هو عصاية التحكم في الاسهم وهي اللي في الصورة دي
http://img185.imageshack.us/img185/8950/15eh5.jpg

[الساهر48]

الجوستيك مقصود بيها الانلوج للتحكم

[دريم بارك]

طب ياجماعة حد يردلى على السؤال دة :

هل الجويستك جزأ من الجهاز ولا هيه جزأ من cover الجهاز
يعنى ساعة لما أودية التوكيل هيفتحوا الجهاز ولا هيغيرولى الـ key bad بس

[abousenna]

بص يا اخي
أنا قريت ان واحد جابه في تقريبا تاريخ 11/12وقعد معاه حوالي يومين بس والجويستيك ده انكسر منه
فراح التوكيل ولم يجد له قطعت غيار متوفة عندهم وقتها فهو مركون عنده دلوقتي ومش قادر يتحكم فيه. يعني معناه كده انه جزء من الجهاز وليس الـ cover
أما حكاية انه لو احتاج يتغير هيفتحوا الجهاز فدي انا ماعنديش فكرة عنها
فانت روح واسأل في التوكيل وتبقى مصيبة لو قطعة الغيار دي لسه مش متوفرة معاهم

أتمنى انك تلاقي قطعة الغيار دي وماتحتاجش انك تفتح الجهاز

بالتوفيق

[دريم بارك]

بص يا اخي
أنا قريت ان واحد جابه في تقريبا تاريخ 11/12وقعد معاه حوالي يومين بس والجويستيك ده انكسر منه
فراح التوكيل ولم يجد له قطعت غيار متوفة عندهم وقتها فهو مركون عنده دلوقتي ومش قادر يتحكم فيه. يعني معناه كده انه جزء من الجهاز وليس الـ cover
أما حكاية انه لو احتاج يتغير هيفتحوا الجهاز فدي انا ماعنديش فكرة عنها
فانت روح واسأل في التوكيل وتبقى مصيبة لو قطعة الغيار دي لسه مش متوفرة معاهم

أتمنى انك تلاقي قطعة الغيار دي وماتحتاجش انك تفتح الجهاز

بالتوفيق

متشكر يا ابوسنة على ردك وانا هروح لتوكيل i2 فى اقرب وقت واشوف اية الحكاية دى
بس حكاية فتح الجهاز دى انا خايف منها لأنه لو اتفتح هخسر فية كتير وقت البيع


مفبش حد تانى حصلتلة المشكلة دى؟؟
او حصلتلة اى مشكلة تانية مع الجهاز ؟؟
ياريت اللى معاهم الجهاز دة يخشو يقولو المشاكل اللى ظهرتلهم مع الجهاز دة سواء كانت سوفت وير او هاردوير

بالنسبة لى فى السوفت وير فوضع الكاميرا ساعات بيهنج وساعات اصور صور ملاقيهاش فى ال galary بس مبتحصلش كتير

ساعة لما ابقى حاطط نغمة mp3 كانغمة رن وأشغل معاها ال say caller's name الأقى اول ما حد يرن الجهاز يعمل restart لوحدة

ساعات الأقى الجهاز ميشتغلش vibration .... لازم أعملله restart عشان يتعدل

حصلتلى مرة آجى أحاول اتصل بحد من ال contacts مرضاش يتصل انما ممكن أكتب رقم وأتصل بية من وضع الأنتظار عادى ومتعدلش الأ بال restart بردو

ساعة لما بشيل ال sim card تحت اى ظرف لازم بيشيل ال log ودى حاجة مضيقانى جدا

دى مشاكل السوفت وير اللى ظهرتلى .... شوية صغيرين موش كدة ؟!!! :shutup00:

فى حد تانى بتحصللة المشاكل دى ولا انا بس اللى بيحصللى الكلام دة :showoff0:

وللعلم نسخة السوفت وير بتاعتى الجديدة
v 3.0638.0.0.1
30-10-2006

[m_a_t_sheme]

انا حصلتلى المشكلة دية فى اول يوم جبتة فية رجعتة للراجل غيرلة سوف وير واصبح كويس بيقول كان فيرس