زوجتى..... ورائحة فمها.!! [الأرشيف] - موقع الدي في دي العربي

مشاهدة النسخة كاملة : زوجتى..... ورائحة فمها.!!

waheed_naser

14-12-2006, 08:46 PM

طبعا هناك اكيد نوع من القارئين للموضوع
حيقولوا مش قادر يستحمل ريحة فم مراته
كتير حيقولوا كده
لكن دى بالفعل مشكلة انسان .... وبيدور على حل.... مش عايز يجرح مراته
علشان كده هو قرر يكتب
دايما
مثلا اول ما بتصحى من النون ريحة فمها بتكون وحشة قووووى.......
ومثلا فى وسط اليوم دايما بتكون ريحتها وحشة( فمها)
ايه الموضوع ده
وياترى مشكلة ليها حل..... ولو كان فى حل ياريت اعرفه الحقونى بيه بسرعة
انا محتاجه
ارجو الافادة وبسرعة
اشكركم

karabantas4444

15-12-2006, 02:07 AM

devlto

15-12-2006, 02:36 AM

معظم الحالات بتبقى بسبب عدم الأهتمام بنظافة الأسنان
1 لو عندها جير فى سنانها تروح تشيله
2 تنظف أسنانها بطريقة صحيحة
3 تستخدم نوع من انواع المضمضة اللى بتقتل البكتريا
4 تستخدم كاحت للسان و لو ملقتشى الكاحت ممكن تستخم فرشة الأسنان لتنظيف اللسان

الحاله دى معروفه وغصب عنها طبعا ربنا يشفيها ان شاء الله
واسمها الطبى Halitosis
بس انت ماوضحتش هى عندها امراض تانيه ولا لا ؟؟؟؟؟؟؟؟؟؟؟؟
لوكانت سليمه والحمد لله يبقى تنفذ كلام الزميل الدكتور karabantas4444

لو ماكنتش متاكد ان معندهاش امراض تانيه يبقى بالاضافه لكلام الدكتور karabantas4444
انصحك تعرضها على دكتور باطنه و دكتور أنف وأذن وحنجره من باب الاطمئنان لان فى بعض الأمراض الجسمانيه العامه بتخلى ريحه الفم تتغير
زى
التهابات الجيوب الانفيه
أمراض معينه فى البلعوم
او لاقدر الله فى خراج او صديد فى الرئه
أوأمراض الكبد
أو السكر
او الفشل الكلوى لا قدر الله

وان شاء الله يطلع الموضوع بسيط وتمنيلتنا لها بالشفاء ان شاء الله

waheed_naser

15-12-2006, 10:37 AM

اشكركم جدا جدا جدا على دكم يا دكاترة
بس لا ابدا هى معندهاش اى امراض..... غير اللى انا قلت عليه
هى سليمة ومتعافاة... تماما.. من اى امراض... ولكن لا ادرى ...... لماذا هذه الرائحة
وشكرا على مروركم............ وياريت تفيدونى اكتر
اى معجون اسنان اقدر استخدمه
بمعنى اى معجون ليه تاثير اكبر على حالتها
لان بسهوله اقدر ادخل معجون البيت وكلنا نستخدمه
لكن الصعوبة كلها انى اقولها ان ريحة فمك وحشة...... حتموت هيى على طول
علشان انا عايز اعالجها بدون ما اجرحها
اشكركم جدا

karabantas4444

15-12-2006, 11:31 AM

لو هيا عندها جير فى بقها يبقى مش حينفع غير انها تسبله
لو استخدمت اى معجون بيقضى الغرض
بس معظم حالات الريحة الوحشة بتكون بسبب بكتريا فعلى اللسان
و برضة ساعات فى انواع من التسوس بتبقى موجودة و الأكل بيخش جوة التسوس و يتخمر و يعمل ريحة وحشة
ف الأحسن ان يشوفها دكتور أسنان

boxeer

09-01-2007, 04:30 PM

كان في دراسه معموله في الموضوع دا بتقول ان في حجات برده بتعمل ريحه في الفم اولها نوع الأكل بتاكل ايه مثلا بصل توم كدا و طريقه النوم يعني لو بتنام مثلا وفاتحه الفم بتكون الريحه اكتر بس دي اكيد غصب عنها وفي حاجه استغربت منها
وهيا الشخص العصبي بيزيد عنده ريحه الفم اكتر ودا طبعا با لأضافه للي قالوه الدكاتره ودا صح 100% كل كلامهم

dynameta

12-01-2007, 01:57 AM

السلام عليكم ورحمة الله وبركاته

اخى الفاضل ..

اول شىء نشكرك على ذوقك وتحملك لشىء يضايقك فى سبيل عدم جرح شعور زوجتك و حسن تصرفك معها ..
لك الثواب من الله على ذلك ..

بالنسبة لمسببات الرائحة الكريهة بالفم فهى عديدة :

وقبل العلاج

لابد من فحص اللوز ..
فحص الجيوب الانفية
تتأكد من سلامة أسنانها .. لان وجود ضرس مسموس ومفتوح ( يدخل به الاكل و يعفن و يسبب هذه الرائحة )
تأكد من عدم وجود الإمساك المستمر وسوء الهضم . لانهما يسببان هذه الرائحة
مرض السكر ( يسبب أمراض اللثة ) ومنها هذه الرائحة ..

وبالنسبة للعلاج ..

بالإضافة إلى ما نصحك به الاخوه الافاضل ..
* غسل الأسنان بمعجون له رائحة قوية ..
* استخدام خيط الاسنان اثناء التنظيف بانتظام
* المضمضة
* تمتنع عن أكل الثوم و البصل النىء
* يمكنك ان تستخدم " لبان كلورتس " لان له رائحة قوية .

ويمكنك زيارة هذة الروابط لعلها تفيدك ..

البخر ( رائحة الفم الكريهة ) (http://www.dvd4arab.com/showpost.php?p=2794173&postcount=94)

الرائحة الكريهة للفم ( الأسباب والعلاج) (http://www.dvd4arab.com/showpost.php?p=2794261&postcount=95)

أطعمة مفيدة للأسنان تحارب الجراثيم و تعطر الفم (http://www.dvd4arab.com/showpost.php?p=3581425&postcount=103)

كيف تفرش أسنانك ؟ (http://www.dvd4arab.com/showpost.php?p=4628233&postcount=126)

كيف تستخدم خيط الأسنان ؟ (http://www.dvd4arab.com/showpost.php?p=4628407&postcount=127)

ما هو أفضل معجون أسنان ؟ (http://www.dvd4arab.com/showpost.php?p=4628484&postcount=128)

وان اردت الاستزادة فعليك بزيارة هذا الموضوع ..

{{{ ... طب الأسنــــــــــــــــان والعنايه بصحه الفم ... }}} (http://www.dvd4arab.com/showthread.php?t=113731)

وبالتوفيق الدائم باذن الله ..

Generous Hany

12-01-2007, 05:33 PM

الكلام ده كله بيكمل بعضه بس اعتقد ان اكتر الناس و بالذات اللى بيعيشوا فى اسكندريه عندهم التهاب جيوب انفيه و هم مش عارفين و بيعتقدوا ان التهاب الجيوب الانفيه ده مرض صعب و مش ممكن يكونوا مصابين بيه و هم مش حاسيين مع انه يصيب كل الناس اللى بيجيلهم ادوار زكام و برد بس بيختلف رد فعل انسان من الاخر

بمعنى ان فيه واحد ينتهى الالتهاب عنده مع زوال البرد و التانى يفضل الالتهاب موجود و هو مش حاسس

و لو عاوزين معلومات زياده اعتقد المنتدى الطبى البشرى للانف و الاذن و الحنجره ممكن يفيد

الخلاصه :::
ان احنا لازم نلتفت لدكتور الانف و الاذن و الحنجره شويه لانه يا جماعه بيفهم فى حاجات كتيير منا مايعرفش عنها حاجه و ده معناه انه اللى يروح لدكتور اسنان و يقوله روح لطبيب انف و اذن و حنجره مايطنش و يقول ده عاوز يدخلنى فى دوامه و يمشى يبخر الشارع

ده حتى مش اسلوب

مع تحيات جمعيه السفاحين العرب

waheed_naser

13-01-2007, 04:19 PM

يارب يارب يارب
يذدكوا معرفة... وينور عقولكم .. ويبارك فيكم
اشكركم كلكم على النور اللى نورتونى بيه
اشكركم جدا
جدا
جد
اما الان فلا حياء مع زوجتى بعد اليوم
شكرا جدا
والسلام عليكم
باركم الله فيكم وفى منتدانا العزيز

emoo_ottaa

05-12-2007, 01:42 AM

انا صحبتى عندها نفس المشكلة وكانت بردو تعانى من عقدة نفسية وبقت منطوية اوى وانعدمت الثقة بنفسها المهم ان اهلها كانو بردو بيقولو ان السبب اكيد فى عدم غسل الاسنان وكدة وكانت صحبتى بتغسلها كتير اوى واخيرا راحت للدكتور باطنى وعرفت ان السبب دة اما من الباطنة او تروح الانف والازن والحنجرة او تروح طبيبي الاسنان بس الحمد للة راحت لدكتور الاسنان والباطنة واخيرا عرفت ان سبب الرايحة فى الانف ولاازم تروح دكتور انف وازن وحنجرة وراحت للدكتور بس للاسف هى بردو من كتر فقدها للثقتها حاسة ان لسة الرايحة وكدة بجد حظ مراتك احلى بكتير على الاقل انت بتحاول تعرف اية السبب للشفاء لكن المشكلة فى صحبتى ان اهلها مش مقتنعين انها بتعانى من رايحة كريهة والبنت ياعينى كل شوية بتتحايل عليهم علشان بودوها للدكتور بس للاسف مكسلين وكل شوية يقولو حاضر ويطنشو على الرغم انى اخيرا عرفت اول الخط بس المشكلة انهم مش حسين بيهاومش مصدقين انها مشكلة كبيرة اوى

emoo_ottaa

05-12-2007, 01:45 AM

لو توصلت لسبب الراءحة ابقى قلى لو سمحت عملت اية ورحت انى دكتور وكتبلها اية ياريت متحرجهاش وعرفها براحة والحمد للة انك عرفت ان سبب الرايحة حاجة من التلاات حاول بقى تروح للدكتور وتعرف اية السبب وبالشفاء يارب بجد الموضوع بيسبب احراج كبير اوى لصحبتى

hima1

10-12-2007, 01:17 PM

جزاكم الله كل خير

علي الملعلومات القيم دي

wael57

25-12-2007, 12:50 AM

شكرا على المعلومات المهمة جدا