آخر كلام فى موضوع سكان الفضاء

[thefox_zom]

بسم الله الرحمن الرحيم
انا عارف ان موضوعى ده هيزعل ناس كتير من المستمتعة بمواضيع سكان الفضاء
وأنى كده بصحيهم من حلم مليان آثارة وتشويق لكن ده رأيى وبرهانى واللى عنده كلام تانى يرد عليا

أولاً: موضوع مخلوقات فضائية ده فى كلام كتير متناقض وكلنا عرفين أن مثلاً لو عندك موبايل فيه مشكلة
وكل واحد يقولك على حل مختلف عن التانى ..الحل الواحيد انك ترجع للشركة اللى صنعته ..هى أعلم بيه وبحاله
وفى حالة الفضاء وسكانه ...الصانع والخالق هو الله..ولازم نرجعله...وهو سبحانهترك لنا قاموس النيا ومعجمها
وهو القرآن لذلك فأنا أتيت بنصين من القرأن يخلصوا المضوع ده تماماً...

ثانياً: النص الأول بيقول...بسم الله الرحمن الرحيم
وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لَا تَعْلَمُونَ (8)
سورةالنحل الآية8

كلمة ويخلق ما لا تعلمةن معناها اننا على مدار قراءتنا لهذى الأاية وطلاما هى موجودة ...إذن فإن فيه
مخلوقات لا نعرفها ومهما أكتشفنا من كائنات سنظل نجهل كائنات آخرى لوجود هذى الآية
والآية الكريمة لم تحدد مكان المخلوقات سواء فى الفضاء أو على الأرض..لذلك ما من الممكن ان توجد كائنات
فى الفضاء الخارجى.

ثالثاً: ولكن يوجد آية آخرى تحسم هذا الموضوع وهى
بسم الله الرحمن الرحيم
وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ (179)
البقرة179
صدق الله العظيم
يا أولى الألباب ..أى العقول وذكرت فى مواضع كثيرة جداً
الأنسان هو صاحب القل الوحيد فى هذه الحياة ..فقد ميزه الله عن باقى المخلوقات بالعقل
وهذا ما يعلمه الصغير قبل الكبير اى ان لا عقل لغير الأنسان حتى لو كانت هناك الملاين من المخلوقات
الفضائية فهى بلا عقل مثل الحشرات ..بكتريا..فيروثات..أ, حتى حيوانات مثل القرود ..لكن ليس لها عقل
لكى تصنع سفينة فضائية..او طبق طائر أو ما شابه ذلك

وهذا ليس قولى هذا قول الله فى خلقه


وأنا كنت من أشد المهتمين بهذا الأمر ولكننى أرفض الجرى وراء الأقاويل فقد اقتنيت عدة كتب عن هذا الموضوع
ولكن الحمد لله على نعمة القرآن الذى هدانى لهذا التفسير..

آرجو من إدارة النتدى تثبيت هذا الموضوع ...وأن لا يكون مجرد موضوع للقراءة بل هو مكان لمناقشة
هذا الأمر وتبادل الدلائل عن هذا الموضوع من عنده رأى أخر موضح بدلائل من القرءان فليتفضل ويفتح باب النقاش


آرجو من من شاهد هذا الموضوع ..أنه يرد مش عشان يشكرنى ..لا يرد ويقول رأيه فى وجود كائنات أم لا....

شكراً منتظر ردكم

[mostafa_khattab]

بداية أتفق معك فى أن الله عزوجل خلق من المخلوقات مالا نعلمه

وقد يكون هناك فى حضارات وأمم أخرى فى كواكب وعوالم أخرى ولكن

موضوع الأطباق الطائرة وسكان الفضاء الذين يهبطون منها أمر مفبرك من أوله لأخرة حسب أعتقادى

وقد أستنتجت ذلك لعدة أسباب

-أولا:لماذا كانت هذه الأطباق الطائرة تنزل فقط فى أمريكا وروسيا ولم تهبط فى أى مكان أخر فى العالم

-ثانيا:لماذا كان هبوط الأطباق الطائرة فقط أيام الحرب الباردة بين الدولتين ولم نسمع عنها بعد ذلك

-ثالثا:كما تعرف فعلماء الغرب والروس بالأخص كانوا يعتبرون الدين نوع من التخلف ولايعترفون بالخالق ولكن المشكله

أن كل أكتشافاتهم العلمية كانت تؤكد على وجود خالق لهذا الكون وكان الحل العبقرى لتلك الأزمة هو كائنات الفضاء

الغامضة (لماذا دائما كائنات الفضاء فى كل كتاباتهم أقرب للآلهة وأنها أكثر رقى وتقدم وحضارة عنا)

ومن يقرء كتاب أنيس منصور (الذين هبطوا من السماء) الذى يعرض لتفسير علماء الغرب لظاهرة الأطباق الطائرة يجد أن

بعض الأراء تقول أن الكائنات الفضائية هى التى وضعت نواة الحياة على الأرض ؟؟؟؟؟؟وأن أدم وحواء قد هبطا من

كوكب الزهرة؟؟؟؟؟؟؟؟ويستعينوا ببعض أثار القدماء للدلالة على أنه فى القدم أتت كائنات الفضاء

لتخلقنا؟؟؟؟؟؟؟؟

يعنى ببساطة لو كان بالضرورة هناك خالق لهذا العالم فليكن كائنات الفضاء فهذا أفضل من الأعتراف بالله ؟؟؟؟

[thefox_zom]

أولاً شكراً على مرورك يا مصطفى
ثانياً...يظهر ان فيه ناس كتير مش حابة الموضوع بتاعى ..يعنى مش عايزين حد يكذب موضوع سكان الفضاء
عيزين يعيشوا فى الوهم ..بدليل ان أنت الوحيد اللى رد من كل الناس اللى شاهدوا الموضوع

ثالثاً ..انا لما اتكلمت عن الموضوع ده حاولت متكلمش عن الناحية السياسة أو عن أصل الحكاية عشان محدش يقعد يجيب دليل من هنا أو من هناك ان الموضوع ده صحيح.....ان اتلمت من ناحية دينية بحتة واللى عنده كلمة نفى للى انا قلته انا مستنى.....

[mostafa_khattab]

شكرا على ردك

ونسيت أذكر كمان أن العالم الكبير فاروق الباز سئل عن ظاهرة الأطباق الطائرة فقال أنه

لايوجد دليل علمى واحد عليها

[mostafa_khattab]

وماتزعلش قوى من موضوع الردود ده

يمكن يأخى مقتنعين بكلامك بس مكسوفين يشكروك عشان قلت مش عايز شكر :msn-wink: :msn-wink: :msn-wink:

[thefox_zom]

عندك حق يا مصطفى لكن أنا كان قصدى ان الموافق يقول واللى مش موافق يقول لأنى حاسس من جو المنتدى كد ان كلهم مؤمنين بالمواضيع دى

[genius_amns]

انا والله مكنتش عايز ارد عشان ما اتفهمش غلط بس احنا بنقول الرأى والرأى الآخر والاختلاف فى الرأى لايفسد للود قضيه وطالما احنا بنتكلم فى موضوع زى المخلوقات الفضائيه يبقى لازم نفتح دماغنا شويه ونروح بدماغنا وخيالنا لبعيد شويه برضوا ........ انت جبت الدليل بتاعك من القرآن بس اظن ان القرآن ربنا نزله على رسوله (صلى الله عليه وسلم) واللى فيه يسرى على الناس اللى عايشين على كوكب الارض بس يعنى بمعنى اوضح الآيه الكريمه ( وَلَكُمْ فِي الْقِصَاصِ حَيَاةٌ يَا أُولِي الاْلْبَابِ لَعَلَّكُمْ تَتَّقُونَ ) خاصه بكوكب الارض بس ومين عارف والله اعلم يمكن يكون فيه كون تانى غيرنا خالص وبرضوا ليهم حياتهم وربنا منزلهم حاجه زى القرآن يعنى كل عالم مستقل بذاته وكل عالم تسرى عليه قوانينه فقط.......... انا عارف انى سرحت منك شويه بس انا بصراحه لا اظن ان الكون الواسع قوووووى اللى احنا فيه عاملين زى الذره فى البحر مفيهوش مخلوقات غيرنا ممكن يكون فيه مخلوقات غيرنا بس ولا احنا هنعرف نوصلهم ولا هما هيعرفوا يوصلولنا الا اذا شاء ربى وارجو تقبل وجهه نظرى بصدر رحب وشكرا على طرحك هذا الموضوع الشيق

[chiclets2005]

انا باردوا من راىgenius_amns ليهعشان ممكن يكون فى ناس تانى بس احنا مش شايفنهم وشكرا على موضوعك

[thefox_zom]

أولاً شكراً للعضوين............genius_amns وchiclets 2005
شكراًللرد والأهتمام

ثانياً: أنا أساساً عامل الموضوع لكى نتناقش فيه ..مش عشان كله يرد ويقولى كلامك مظبوط.....فمرحباً بكل رأى

ثالثاً: بالنسبة لرأيك انا معاك ان الكون واسع ولكن حسب تعاليم الدين ..القرآن غير محدود بمكان أو زمان لأنه لم يترك كبيرة ولا صغيرة...وعلى فكرة أنا مش متشدد ولا حاجة ...بس ده حتى العلماء الملحدين بدأوا يدرسوا القرآن كأنه كتاب علمى ..لكثرة الأعجاز العلمى اللى فيه ولو كان القرآن محدود بمكان لكن ذلك مذكور فى القرآن...........

وأنتظر منكم الردود ...بدون حدود




مواضيعى

لماذا أنت دائماً صح وهم خطأ (http://www.dvd4arab.com/showthread.php?t=379463)
آخر كلام فى موضوع سكان الفضاء (http://www.dvd4arab.com/showthread.php?t=379113)

آلو آلحقونى (ساخر جداً) (http://www.dvd4arab.com/showthread.php?t=379291)

أول مشاركة لى (فى المطعم) (http://www.dvd4arab.com/showthread.php?t=378865)

[edrakon]

معلش انا اخالفك الرأي في موضوع الكائنات الفضائية

فيه اشارات كتيرة للاطباق الطائرة في الحضارات القديمة المختلفه
الفراعنه - الاشوريين -جزر المحيط الهادي - قبائل الاسكيمو
طبعا كلهم فسروها بمعتقداتهم فسروها آلهة و شياطين و طيور ضخمه حسب عقلية وقتهم
بامكانك تدور في النت علي ancient UFO او FORBIDDEN
ARCHEOLOGY و ممكن تلاقي كلام كتير في الموقع التالي http://www.surfingtheapocalypse.com/
بالاضافة
ان اهتمام دول كثيرة بالموضوع ده - الي درجة رضد ميزانيات ضخمه - يعطيه مصداقية
بالنسبه للاخ مصطفي خطاب
اول نقطه : انك قولت ان ظهور الاطباق الطائره مقصور علي الدول العظمي فقط
مشاهدات الاطباق الطائرة منتشرة في كل مكان تقريبا منها البرازيل - فرنسا - الكويت - ايران
ثاني نقطه :و في ازمنه كثيرة و قد صورت في رسومات قديمه منها مثلا مشاهدة كريستوفر كلومبوس لما اطلق عليه كرات - جمع كرة - من النار في ما يعرف الان بمثلث برموده
ثالث نقطه :"لماذا دائما كائنات الفضاء فى كل كتاباتهم أقرب للآلهة وأنها أكثر رقى وتقدم وحضارة عنا"
الطبيعي ان من يتمكن من عبور المسافات الشاسعه في الفضاء ليصل الي الارض ان يكون اكثر رقي و اكثر تكنولوجيا من سكان الارض لانه بطبيعة الحال ان من يقل عنا في التطور و من يماثلنا في التطور و من يفوقنا في التطور بدرجه بسيطه لن يكون لديه الامكانات التكنولوجية ليقطع المسافات الشاسعه - اقرب نجم لمجموعتنا الشمسيه - علي فرض وجود حياة فيه - علي مسافة 30 سنة ضوئية اي ليصل الي الارض يجب ان يسير بسرعة الضوء 310000 كم / الثانية لمدة 30 عام اي ان يقطع 310000 *30 =9300000

[edrakon]

معلش انا اخالفك الرأي في موضوع الكائنات الفضائية

فيه اشارات كتيرة للاطباق الطائرة في الحضارات القديمة المختلفه
الفراعنه - الاشوريين -جزر المحيط الهادي - قبائل الاسكيمو
طبعا كلهم فسروها بمعتقداتهم فسروها آلهة و شياطين و طيور ضخمه حسب عقلية وقتهم
بامكانك تدور في النت علي ancient UFO او FORBIDDEN
ARCHEOLOGY و ممكن تلاقي كلام كتير في الموقع التالي http://www.surfingtheapocalypse.com/
بالاضافة
ان اهتمام دول كثيرة بالموضوع ده - الي درجة رضد ميزانيات ضخمه - يعطيه مصداقية
بالنسبه للاخ مصطفي خطاب
اول نقطه : انك قولت ان ظهور الاطباق الطائره مقصور علي الدول العظمي فقط
مشاهدات الاطباق الطائرة منتشرة في كل مكان تقريبا منها البرازيل - فرنسا - الكويت - ايران
ثاني نقطه :و في ازمنه كثيرة و قد صورت في رسومات قديمه منها مثلا مشاهدة كريستوفر كلومبوس لما اطلق عليه كرات - جمع كرة - من النار في ما يعرف الان بمثلث برموده
ثالث نقطه :"لماذا دائما كائنات الفضاء فى كل كتاباتهم أقرب للآلهة وأنها أكثر رقى وتقدم وحضارة عنا"
الطبيعي ان من يتمكن من عبور المسافات الشاسعه في الفضاء ليصل الي الارض ان يكون اكثر رقي و اكثر تكنولوجيا من سكان الارض لانه بطبيعة الحال ان من يقل عنا في التطور و من يماثلنا في التطور و من يفوقنا في التطور بدرجه بسيطه لن يكون لديه الامكانات التكنولوجية ليقطع المسافات الشاسعه - اقرب نجم لمجموعتنا الشمسيه - علي فرض وجود حياة فيه - علي مسافة 30 سنة ضوئية اي ليصل الي الارض يجب ان يسير بسرعة الضوء 310000 كم / الثانية لمدة 30 عام اي ان يقطع 310000 *30 =9300000
مثلما لم يستطيع الهنود الحمر اكتشاف اوروبا بينما حدث العكس لتفوق الاوربيين الحضاري
فمن المنطقي وجود كائنات متنوعه في رقيها بدءا من الميكروبات الي الكائنات العاقلة التي تتباين في تطورها الحضاري و من يتمكن من قطع المسافات المهولة في الفضاء - بلا شك - هو الاكثر تكنولوجيا

و عموما الكون واسع جدا لدرجة ان من المستحيل انه يكون كله معمول لاجل المخلوق الي اسمه الانسان اكيد فيه مخلوقات تانيه تشاركنا فيه

[thefox_zom]

فى البداية شكراً يا derakon على متابعة الموضوع والرد

...بالنسبة لرأيك ..أنا طبعاً أحترمه جداً ....ولكن لو تلاحظ ..أنا متكلمتش عن قلة الأدلة على وجودهم لأنى عندى كتب فيها أضعاف الأدلة اللى أنت جايبها...ولكنى أتكلمت على مبداء وجودهم من الأصل ..وده مخالف للدين بتاعنا..وأنا من الناس اللى بتعتقد ان الدنيا والعلم جزء من الدين مش الدين هو الجزء ...يعنى مينفعش جوه الجامع أصلى وأصوم ...وبره أقول حاجات مش فى المنهج بتاعنا لمجرد أن ده علم ,ان العلم ملوش دعوة بالدين .........

وبعدين يعنى أيه ...بيرصدوا ميزانيات ضخمة....مش دليل .................
طيب ما هم بيرصدوا ميزانيات لعلماء نظرية التطور......ده معناه انها صح؟
طيب ما هم بيرصدوا ميزانيات عظيمة لأفلام تتكلم عن الألحاد وان الكون مش مخلوق ذى ماتركس..هل ده معناه انهم صح.

وعموماً منتظر ردك وياريت تركز على الدلائل الدينية لأن الدلائل الآخرى موجودة فى كل المنتدى وعرفينها

وبعدين هما لو عايزين يثبتوا حاجة بيثبتوها.....ده انت ممكن تتهم بكرة بأنك كائن فضائى..وبالصور والفيديو..كمان
دى هوليود يا عم مش أى كلام


مواضيعى



لماذا أنت دائماً صح وهم خطأ (http://www.dvd4arab.com/showthread.php?t=379463)
آخر كلام فى موضوع سكان الفضاء (http://www.dvd4arab.com/showthread.php?t=379113)
آلو آلحقونى (ساخر جداً) (http://www.dvd4arab.com/showthread.php?t=379291)
أول مشاركة لى (فى المطعم) (http://www.dvd4arab.com/showthread.php?t=378865)

[genius_amns]

معلش بس مقدرتش ما اردش تانى
انا لما قلت القرآن خاص بكوكب الارض بس كان قصدى ان سيدنا محمد انزل عليه القرآن والرساله للبشر فى كوكب الارض فقط صح ياجماعه ولا انا بقول حاجه غلط يعنى الرسول لما يؤمر بارسال رسالته الا للناس اللى عايشين هنا بس
حضرتك بقى بتقول القرآن غير محدود بمكان أو زمان لأنه لم يترك كبيرة ولا صغيرة انا عارف طبعا وده كلام لا جدال فيه بس برضوا بالنسبه لكوكب الارض بس .................. ياريت وجهه نظرى توصلك واظن انها مش صعبه للدرجه دى يعنى انا بجد مش متخيل ان الكون ده كله بنجومه واقماره وكواكبه ومجراته وسدمه ( جمع سديم وهوه ما تدور حوله المجره) لا توجد حياه الا على هذا الكوكب الضئيل المدعو بكوكب الارض بغض النظر عن اذا كان موضوع اليوفو موضوع حقيقى او هوه موضوع مفبرك وعلى فكره ياجماعه احسن حاجه فى موضوع المخلوقات الفضائيه غموضه ومفيش حد قدر يجزم انه فيه مخلوقات فضائيه ولا حد قدر ينفى بالدليل القاطع على عدم وجودها عشان كده سيبوا كل واحد يتخيل ما يحلو له وفى النهايه الله اعلم ....

[thefox_zom]

مش كل مرة يا genius_amns تعتذر قبل متتكلم
شكراً على متبعتك الجيدة
اولا بص أنا مش كاره لموضوع الفضاء ده يعنى كلامى مش نقد وخلاص انا لقيت دليل فقلته اما عن تفسيرك لكون القرآن نزل على الأرض فقط فالكلام ده بجد محتاج ايضاً لتفسير من الدين مش من العقل يعنى عشان استفيد دورلنا على دليل

ثانياً متنساش كمان ان موضوع كسوف الشمس وخسوف القمر والنجوم السوداء وانفجار الكواكب ونظرية الانفجار العظيم
.........وغيرها وغيرها من الظواهر الغير أرضية واللى بتحدث قليل جداً ...ذكرت فى القرآن...

ومتنساش أن معرفتنا بموضوع سكان الفضاء محصلش فىكوكب تانى ....دول إذا كانوا ظهروا ...فظهروا فى سماءنا
وأرضنا ....أى على الأرض...مش كده ولا أيه
وبما أن القرآن ذكر مثلاً كسوف الشمس اللى بيحثل كل كام سنة ...كان من الأولى أنه يذكر ظهور الأطباق الطائرة

وبكرر أنا مش مهاجم وبس ..أنا بحاول أوصل لحل وأقناع

ثالثاً موضوع التخيل ...أنا مقلتش حاجة ..الفروض ان الأنسان يسعى وراء ظهور الأجسام الغريبة دى ويعرف هى أيه ...يعنى إذا كانت ظهرت فعلاُ..لأن حتى لو هى بأفتراض يعنى طلعت نظم تجسس من دول أخرى فالواجب أنه يعلمها ده دورنا فى الحياة اننا نبحث فى أسررها
بس أنا كان قصدى اننا مهما دورنا مش هنغير حاجة من الثوابت الدينية الغير قابلة للتغير...وأنا أعتبرت الموضوع ده من الثوابت..ألا أن يقنعنى حد بدليل يوازى دليلى


وشكراً تانى عاى ردودك الشيقة

[محمد عامر]

بعيداُ عن موضوع المخلوقات الفضائية أسمح لي بان أقول لك

عزيزي لسنا وحدنا العقلاء في هذا الكون والدليل من القرآن الكريم

أقرأ سورة الجن وستعرف ان الجن عقلاء وأمم امثالنا ولهم شعوب وقبائل ولغات واديان ووظائف ومهام

ولما جاء وفد ملوك الجن للرسول (صلي الله عليه وسلم)

ومن سياق سورة الجن من أولها تعرف أن المتحدثين عقلاء بل في قمة العقل والوعي

وألا تري معي أن العقاب والحساب يوم القيامة لابد أن يكون مسبوقاً بفعل عاقل حتي يحاسب عليه

فكما هو معروف فالعقل مناط التكليف

وكما هو معروف أن الرسول (صلي الله عليه وسلم ) أرسل إلي الثقلين الإنس والجن بشيراً ونزيراً

بسم الله الرحمن الرحيم

(( قل أوحى إلىّّ أنه استمع نفرُُ ُ من الجن فقالوا إنا سمعنا قرءاناً عجبا (1) يهدى إلى الرشد فئامنا به

ولن نشرك بربنا أحدا(2)


-------------

الآيه رقم 11

وأنا منا الصالحون ومنا دون ذلك كنا طرائق قدداً(11)



حتي نهاية السورة

فيا سبحان الله سهوله وسلاسة عجيبة ووضوح في معاني الآيات تدل علي عقل هؤلاء من بني الجن


أما عن المخلوقات الفضائية فأقول الله سبحانه وتعالي أعلي وأعلم ولكن أنظر إلي مقدار

كوكب الأرض بجانب هذا الفضاء السحيق والممتد وستعرف بعقلك أن الله ما خلق هذا الكون عبثاُ

أو لمجرد كواكب ونجوم بجانب بعضها البعض وكل شئ يسبح بحمده

[dvd_fly]

أخي العزيز
thefox_zom أولا إسمحلي أقولك إني مع إحترامي لكل اللي إنت قولته لكن كلامك غير موضوعي بالمرة
يعني إنت بتقول كلام إنت مقتنع بيه و بتلصقه بايات قرانية يعني انت بتقول ان الاية دي (وَلَكُمْ فِي الْقِصَاصِ حَيَاةٌ يَا أُولِي الْأَلْبَابِ لَعَلَّكُمْ تَتَّقُونَ)
موجهة للبشر على كوكب الأرض فقط بما يعني أن الإنسان هو الوحيد الذي يملك عقلا و حتى لو كان فيه مخلوقتات تانية تبقى زي القرود ماعندهاش عقل
مش حأقولك قد إيه الكلام ده ضحكني لكن حأرد عليك بموضوعية
أولا يا سيدي هذه الاية لا تعني بالمرة ان الانسان هو الوحيد ذو العقل في الكون
و مافيش أي إشارة من الاية لكده أصلا ربنا سبحانه و تعالى بيقوليا أولو الألباب يعني يا أصحاب العقول و لكن ما قالش أنتم وحدكم أصحاب العقول
و لكنه قال يخلق ما لا تعلمون في اية حضرتك استشهدت بيها برضه و الله أعلم هل الكلام ده على الكائنات التي تحيا على الأرض أم أن هناك كائنات أخرى في كواكب أخرى
أنا يا سيدي لست متعصبا لفكرة معينة
و لكن المشكلة إن كلامك في بداية الموضوع كان مستفز لناس كتير عشان كده هما ما ردوش
يعني إنت بتقول (أنى كده بصحيهم من حلم مليان آثارة وتشويق لكن ده رأيى وبرهانى واللى عنده كلام تانى يرد عليا)
ليه بتستخدم أسلوب الهجوم ده على الناس و بتتهمهم بإنهم عايشين في الأحلام
و بعدين إنت عمال تقول أنا عندي أدلة هي فين دي يعني ما شوفناش غير اية من القران حضرتك فسرتها على مزاجك
عامة يعني المفروض موضوع زي ده يبقى معمول للنقاش ليس أكثر
يعني حضرتك بتتكلم بأسلوب كأنك بتفرض رأيك على حد لا بالعكس أنا عايزك إنت نفسك ما تكونش متعصب لفكرة معينة يعني إحنما بنتناقش و نشوف مين ياللي حيقدر يتكلم بأسلوب موضوعي في النقاش و يقول رأيه بدون إجبار للاخرين على إعتناق تفكيره
يعني الأتاذ ده مثلا كان ليه رأي محترم جدا و أسلوب راقي في الحوار أنا إحترمته جدا

بداية أتفق معك فى أن الله عزوجل خلق من المخلوقات مالا نعلمه

وقد يكون هناك فى حضارات وأمم أخرى فى كواكب وعوالم أخرى ولكن

موضوع الأطباق الطائرة وسكان الفضاء الذين يهبطون منها أمر مفبرك من أوله لأخرة حسب أعتقادى

وقد أستنتجت ذلك لعدة أسباب

-أولا:لماذا كانت هذه الأطباق الطائرة تنزل فقط فى أمريكا وروسيا ولم تهبط فى أى مكان أخر فى العالم

-ثانيا:لماذا كان هبوط الأطباق الطائرة فقط أيام الحرب الباردة بين الدولتين ولم نسمع عنها بعد ذلك

-ثالثا:كما تعرف فعلماء الغرب والروس بالأخص كانوا يعتبرون الدين نوع من التخلف ولايعترفون بالخالق ولكن المشكله

أن كل أكتشافاتهم العلمية كانت تؤكد على وجود خالق لهذا الكون وكان الحل العبقرى لتلك الأزمة هو كائنات الفضاء

الغامضة (لماذا دائما كائنات الفضاء فى كل كتاباتهم أقرب للآلهة وأنها أكثر رقى وتقدم وحضارة عنا)

ومن يقرء كتاب أنيس منصور (الذين هبطوا من السماء) الذى يعرض لتفسير علماء الغرب لظاهرة الأطباق الطائرة يجد أن

بعض الأراء تقول أن الكائنات الفضائية هى التى وضعت نواة الحياة على الأرض ؟؟؟؟؟؟وأن أدم وحواء قد هبطا من

كوكب الزهرة؟؟؟؟؟؟؟؟ويستعينوا ببعض أثار القدماء للدلالة على أنه فى القدم أتت كائنات الفضاء

لتخلقنا؟؟؟؟؟؟؟؟

يعنى ببساطة لو كان بالضرورة هناك خالق لهذا العالم فليكن كائنات الفضاء فهذا أفضل من الأعتراف بالله ؟؟؟؟

فعلى قد ما أقدر و أعرف حأقول رأيه برضه في كلامه
يا أستاذ مصطفى أنا معاك في إن الموضوع محير إن الظهور لهذه الكائنات و الأطباق الطائرة كان معظمه في وقت الحرب الباردة أو في روسيا و أمريكا
ممكن يا سيدي فعلا يكون ده نوع من الحرب الباردة بين الدولتين
و لكن إحنا ما نقدرش نقول إنه ما حصلش حوادث مشاهدة أطباق طائرة في أماكن أخرى
تخيل معي إن ظهر طبق طائر في بد زي مصر و في هذه الفترة الزمنية
و قولي هل يا ترى الناس حتفهم أصلا إيه اللي هما شافوه ده؟
هل لو فهموا حتى حيروحوا يحكوا للصحافة مثلا؟
هل لو حكووا حيكون في حرية للصحفي إنه ينشر كلام زي ده في جريدة؟
و هل لو الحكومة وقتها عرفت حاجة زي كده ممكن تسمح بنشرها؟
و بعدين يعني هي الناس أصلا في بلد زي بلدنا دي حتشغل دماغها بحاجة زي دي ليه؟ كفاية عليه لقمة العيش اللي بيدور عليها كفاية عليه و الشغل و الوظيفة و العروسة و المشاكل اللي كالية بلدنا
و قيس على ذلك بقى في أي بلد حالها زي حالنا مثلا
و بعدين الله أعلم يمكن يكون الكائنات دي- إن وجدت- بتدرس الأماكن اللي ممكن تظهر فيها عشان تعلن للأرض وجودها
فأنا لو مكانهم مش حألاقي دولتين أحسن من أمريكا و روسيا أعلن فيهم عن وجودي
نظرا لأن أنظار العالم متجهة ليهم طوال الوقت و أي خبر صغير يحصل هناك تلاقي العالم مهتم بيه
ده غير إن فيه حرية كبيرة هناك
و بعدين الناس دي عندها قدر كبير من الثقافة و التفتح اللي يخليهم يفهموا إن ممكن يبقى فيه كائنات عايشة في كوكب تاني
و أخيرا بس عايز أنبه كل اللي بيفكر في الموضوع ده إنه ينفض عنه الغرور البشري اللي كان واضح جدا في كلام الأخ صاحب الموضوع- و بأعتذر لو كلمتي دي ضايقتك- لما قال حتى لو فيه كائنات تانية تبقى أكيد قرود ما عندهاش عقل
و هل ننفي عن الله- حاشا لله- القدرة إنه يخلق كائنات ذات عقول في أي مكان في الكون
و هل ممكن أن يصل بنا الغرور لدرجة إننا نتخيل إن الكون ده كله ملك للإنسان وحده أو إن مافيش غيره في الكون الكير العظيم ده
أعتقد إن ده غرور شديد من الإنسان إنه يتخيل إن ربنا خلق الكون ده كله عشان يجعله هو بس صاحب العقل و الأرض هي الوحيدة اللي عليها كائنات
و ياريت يا جماعة بلاش نجيب ايات من القران و نقعد نفسرها على مزاجنا
يعني أنا حأتناقش معاكو في الموضوع ده إنشاء الله لكن لو حد جاب اية من القران- و ليست مباشرة و صريحة في الموضوع ده- و قعد يفسرها على مزاجه إسمحولي ما أقدرش أتناقش معاه لأني مش عالم دين ولا هو كذلك و حرام نفضل نخترع تفسيرا لكلام ربنا ممكن يفتن ناس و نشيل إحنا وزرهم
و أخر حاجة بس بأكد إني مش متعصب لفكرة معينة إحنا بنتناقش و أي رأي من الإتنين مستعد لتقبله لو أقنعني

[edrakon]

انت راجل محترم وزوق
ما اقدرش ارد من منظور اسلامي لاني انا مسيحي علشان كده بتكلم من منطلق علمي فقط و ليس ديني
لكن اعتقد ان فيه اخوة مسلمين يوافقوني في الرأي ان فيه مخلوقات فضائيه
و شكرا علي اهتمامك بالرد

[dvd_fly]

انت راجل محترم وزوق
ما اقدرش ارد من منظور اسلامي لاني انا مسيحي علشان كده بتكلم من منطلق علمي فقط و ليس ديني
لكن اعتقد ان فيه اخوة مسلمين يوافقوني في الرأي ان فيه مخلوقات فضائيه
و شكرا علي اهتمامك بالرد

يا باشا أصلا مافيش حاجة في الدين الإسلامي بتنفي وجود الكائنات الفضائية ( على حد علمي يعني )
و أنا بأشكرك على موقفك بإنك حتناقش الموقف من وجهة النظر العلمية لكونك ما تقدرش تناقشه من وجهة نظر دينية إسلامية
و طبعا يا حبي أنا باوافقك الرأي على إن فيه كتير من المسلمين يعتقدون في وجود الكائنات الفضائية يعني
أنا واحد منهم لكني زي ما قولت مش متعصب لرأي معين و مستعد لتقبل كل الاراء

اول نقطه : انك قولت ان ظهور الاطباق الطائره مقصور علي الدول العظمي فقط
مشاهدات الاطباق الطائرة منتشرة في كل مكان تقريبا منها البرازيل - فرنسا - الكويت - ايران
ثاني نقطه :و في ازمنه كثيرة و قد صورت في رسومات قديمه منها مثلا مشاهدة كريستوفر كلومبوس لما اطلق عليه كرات - جمع كرة - من النار في ما يعرف الان بمثلث برموده
و أقولك أنا معاك في كلامك ده
ده غير إن أصلا معظم المشاهدات المشهورة زي ما قولت قبل كده كانت في أمريكا و روسيا لعدة أسباب ذكرتها قبل كده
ففعلا ففيه العديد من المشاهدات في دول أخرى
يا جماعة إتفضلوا نوروا موضوعي المثبت ده
مرجع للصور و المستندات عن Aliens & UFO (http://www.dvd4arab.com/showthread.php?t=281809)
حتلاقوا فيديو لحاجات كتير قوي من دول كتيرة
و فيهم الفيديو بتاع عملية التشريح بتاعة روزويل اللي أقسم العديد من مخرجين الأفلام المتخصصين إن الفيلم ده غير مزور و فعلا فيلم حقيقي
حصل في العالم مشاهدات كتيرة قوي للأطباق الطائرة و غيرها و على مدار التاريخ فيه حاجات كتير إحنا مانعرفهاش و ما نسمعش عنها لكن مش معنى كده إنها ما حصلتش
"لماذا دائما كائنات الفضاء فى كل كتاباتهم أقرب للآلهة وأنها أكثر رقى وتقدم وحضارة عنا"

بالنسبة للنقطة دي كمان يا أخ مصطفى
طبيعي يا سيدي إن الكائنات دي بالذات تكون أكثر تقدما منا
ليه؟........
لأن الكائنات اللي إستطاعت بتكنولوجيتها تعمل اللي إحنا ماقدرناش نعمله بتكنولوجيتنا فده معناه إن التكنولوجيا الخاصة بيهم متقدمة عننا بكتير بدليل إنها وصلتهم لينا
و بالنسبة للكتابات بتاعة مثلا كهوف تسيلي- لو إنت تقصد حاجة زي كده- فطبيعي إن لما ييجي ناس بدائيين يشوفوا كائنات زي دي حيقولوا عليهم الهة و غيره بإعتبار القدرات الخارقة بتاعة الكائنات دي- بالنسبة للبدائيين يعني- قدرات الهة
ده بإفتراض صحة النظرية دي بتاعة كهوف تسيلي
الله أعلم يمكن يكون اللي حصل في الكهوف دي حاجة تانية
المهم
الموضوع شائك جدا يا جماعة
ياريت نتناقش فيه بهدوء و بموضوعية لأنه حير علماء كتير قوي من زمان فياريت إحنا نقدر نتخيل ولو جزء بسيط من الحقيقة بمساعدتنا لبعض و مناقشتنا مع بعض

[thefox_zom]

أنا آسف يا جماعة على التأخر فى الرد
.............................................
هبدأ بالرد على العضو محمد عامر
شكراً جداً على رسالتك اللى كانت مفيدة بالنسبة لى ....وشكراً لأنك تقريباً الوحيد اللى فهم أنا عايز إيه من الموضوع ده
وأنت بردك غيرت من فكرى فى االموضوع بدرجة كبيرة وآرجو منك أنك لو عثرت على أى دليل تانى ميكنش علمى تفيد الأعضاء بيه..وعموماً كمل الرد لأنى الأجابة على ردك ستذكر وأنا برد على العضو DVD_fly اللى شكله فى نهاية الموضوع هيضربنى ..ده اللى حسيته من طريقة كلامه.
وشكراً على متابعتك.

وبالنسبة للأخ DVD_fly
شكراً برضه على ردك
أولاً: كلامك كان مليان سخرية شديدة منى ..مش عارف هل ده أسلوبك على طول ..أنا قرأت اللى أنا كتبته تانى ..
ولقيت انى مكلمتش حد بالأسلوب ده خالص ..ثم أنا ذكرت أنى كاتب الموضوع ده مخصوص عشان نتبادل الأراء
حول وجود الكائنات الفضائية من عدمه (من الناحية الدينية) لأنى لاحظت ان فيه مواضيع كتير بتناقش الموضوع ده
من النواحى العلمية ..فقلت أعمله جانب دينى ..بحيث لما تشاهد احد المواضيع الأخرى يبقى عندك خلفية دينية
وحدود ملتزم بيها ..يعنى عارف أيه حرام وأيه ممكن...
وبرضه قلت ان الموضوع مش بتاعى انا بس يعنى هيعتمد على كلامك ...بحيث انت أثناء بحثك المستمر عن
الموضوع دهه وجدت حديث لشيخ ..أو نص قرآنى أو أى شئ دينى ..تقوله فى الموضوع ده ...أو اللى عنده
وجهة نظر دينية فى الموضوع يتكلم.(وجهة النظر تحتمل الصواب والخطأ)..المهم فى الأخر هنجمع أكبر قدر ممكن
من الدلائل التى تؤكد أو تنفى الموضوع ده....وبكده أكون كونت مفهموم عام عن البعد الدينى للموضوع ده......
عشان كده قلت برضه أن الموضوع ده لازم يتثبت لأنه متجدد لأن ممكن بكرة أو بعده يطلع تفسير دينى للموضوع
ده..طبعاً أنت فهمنى
ودى أول نقطة ..وآرجو ان تلاحظ أسلوب كلامى وأسلوب كلامك
ثانياً: بخصوص موضوع تفسير القرآن ..أنا قلت كل واحد هيجيب من عنده دليل مش أنا اللى هجيب كل الدلائل لأنى لو
عندى كل الدلائل مكنتش دخلت وعملت الموضوع ده أصلاً....والموضوع معمول علشان كده... أنا أجيب اية وغيرى
يجيب واحدة وممكن أطلع أنا جايب اية مش فى مكنها وأنت تجيب آية صح...وهكذا.

ثالثاً: موضوع انى بفرض رأيى ...أيه دليلك ده أنا أساساً داخل عشان أكون رأيى من أرائكم..
مثلاً الأخ محمد عامر جبلى آية وضحتلى موضوع ان الجن عاقل ..وأنا أستفد من الموضوع ده جداً..وشكراً ليه
كمان مرة ...وبعدين مينفعش أكتب موضوع عن (لماذا أنت دائماً صح وهم خطأ) وأروح مصمم على رأيى هنا...
رابعاً: بتقول أنى معنديش دليل ............مازلت بتحاول تخلينى ماسك عليك جريمة ولازم أثبتها ..أو بتهمكم بحاجة
أنا عندى سؤال مش كل حاجة فى الدنيا لها تفسير دينى....أنا بقى فاتح الموضوع ده للبحث عن التفسير الدينى
لوجود الكائنات الفضائية...
خامساً : شكراً لوصفك ليا بالغرور ..برضه مش عارف إذا كانت دى طريقتك فى الكلام ولا أيه...
بص أنا هقولك كلام مش تفسير ..انا هعرضلك أيات وأنت تقولى رأيك
قبل كده عايزين نتفق على ثوابت وحدود للتفكير
1- إذا كان القرآن ده للكوكب الأرض بس. ذى العضو اللى أقترح كده والرسل برضه كده ....فطبعاً الكلام ده لا
يسرى على الله سبحانه وتعالى يعنى ربنا رب كل الناس والكائنات المزعومة...صح مش كده
2- هم أكيد بدل مش بنى آدم يبقى هما فصيلة تانية يعنى لا ينتموا للملائكة ولا للجن...........
طيب هبدأ فى عرض الآيات
3- موضوع الغرور أنا مجبتش حكاية ان الأنسان مكرم عن باقى المخلوقات أو ..مميز عنهم من دماغى
مش ملاحظ آيات الله دى
1- أَوَلَمْ يَرَوْا أَنَّا خَلَقْنَا لَهُمْ مِمَّا عَمِلَتْ أَيْدِينَا أَنْعَامًا فَهُمْ لَهَا مَالِكُونَ (71)
وَذَلَّلْنَاهَا لَهُمْ فَمِنْهَا رَكُوبُهُمْ وَمِنْهَا يَأْكُلُونَ (72) وَلَهُمْ فِيهَا مَنَافِعُ وَمَشَارِبُ
أَفَلَا يَشْكُرُونَ (73) وَاتَّخَذُوا مِنْ دُونِ اللَّهِ آَلِهَةً لَعَلَّهُمْ يُنْصَرُونَ (74)

2- وَلَقَدْ مَكَّنَّاكُمْ فِي الْأَرْضِ وَجَعَلْنَا لَكُمْ فِيهَا مَعَايِشَ قَلِيلًا مَا تَشْكُرُونَ (10)
3_ وَسَخَّرَ لَكُمُ الشَّمْسَ وَالْقَمَرَ دَائِبَيْنِ وَسَخَّرَ لَكُمُ اللَّيْلَ وَالنَّهَارَ (33)
4- وَالْأَنْعَامَ خَلَقَهَا لَكُمْ فِيهَا دِفْءٌ وَمَنَافِعُ وَمِنْهَا تَأْكُلُونَ (5)
5- وَلَكُمْ فِيهَا جَمَالٌ حِينَ تُرِيحُونَ وَحِينَ تَسْرَحُونَ (6)
6- وَسَخَّرَ لَكُمُ اللَّيْلَ وَالنَّهَارَ وَالشَّمْسَ وَالْقَمَرَ وَالنُّجُومُ مُسَخَّرَاتٌ بِأَمْرِهِ إِنَّ فِي ذَلِكَ
لَآَيَاتٍ لِقَوْمٍ يَعْقِلُونَ (12)
7- وَاللَّهُ جَعَلَ لَكُمْ مِمَّا خَلَقَ ظِلَالًا وَجَعَلَ لَكُمْ مِنَ الْجِبَالِ أَكْنَانًا وَجَعَلَ لَكُمْ سَرَابِيلَ
تَقِيكُمُ الْحَرَّ وَسَرَابِيلَ تَقِيكُمْ بَأْسَكُمْ كَذَلِكَ يُتِمُّ نِعْمَتَهُ عَلَيْكُمْ لَعَلَّكُمْ تُسْلِمُونَ (81)
وأختتمها...بأحسن آيتان يردوا على ماقولته بشأن أعتقادى بأننا مكرمون أو نتميز على غيرنا من
المخلوقات
8-وَلَقَدْ كَرَّمْنَا بَنِي آَدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُمْ مِنَ الطَّيِّبَاتِ وَفَضَّلْنَاهُمْ
عَلَى كَثِيرٍ مِمَّنْ خَلَقْنَا تَفْضِيلًا (70)

وواضح من الآيات لما خلق الله المخلوقات...أما لما خلقنا الله
فالأجابة
وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ (56)
ولن أعلق على الآيات حتى لا يقال انى أفسر


وعيزكم تفكروا معايا أو تسألوا شيوخ عن اللى جاى ده
بسم الله الرحمن الرحيم
إ ِذْ قَالَ رَبُّكَ لِلْمَلَائِكَةِ إِنِّي خَالِقٌ بَشَرًا مِنْ طِينٍ (71) فَإِذَا سَوَّيْتُهُ وَنَفَخْتُ فِيهِ مِنْ رُوحِي فَقَعُوا
لَهُ سَاجِدِينَ (72) فَسَجَدَ الْمَلَائِكَةُ كُلُّهُمْ أَجْمَعُونَ (73) إِلَّا إِبْلِيسَ اسْتَكْبَرَ وَكَانَ مِنَ الْكَافِرِينَ (74)
قَالَ يَا إِبْلِيسُ مَا مَنَعَكَ أَنْ تَسْجُدَ لِمَا خَلَقْتُ بِيَدَيَّ أَسْتَكْبَرْتَ أَمْ كُنْتَ مِنَ الْعَالِينَ (75) قَالَ أَنَا
خَيْرٌ مِنْهُ خَلَقْتَنِي مِنْ نَارٍ وَخَلَقْتَهُ مِنْ طِينٍ (76) قَالَ فَاخْرُجْ مِنْهَا فَإِنَّكَ رَجِيمٌ (77) وَإِنَّ عَلَيْكَ
لَعْنَتِي إِلَى يَوْمِ الدِّينِ (78) قَالَ رَبِّ فَأَنْظِرْنِي إِلَى يَوْمِ يُبْعَثُونَ (79) قَالَ فَإِنَّكَ مِنَ الْمُنْظَرِينَ (80
صدق الله العظيم
فى كل كتب التفاسير أجمعت على أن المشهد ده يتلخص فى الآتى
الله سبحانه
وأمامه الملائكة(والذى كان منهم إبليس قبل ان يعصى الله..وهم أساساً مقسومين لمخلوقات
من نار ومن نور) ثم يليهم الأنسان والذى كان يمثله آدم عليه السلام وكلنا يعرف هذى القصة..أن
الله روى لنا هذى القصة على لسان رسوله قصة بدأ الخليقة ..وفسرها الشيوخ على ان
المخلوقات فى هذا الوقت كانت النوعين السابق ذكرهم ثم خلقنا الله .....هل أخفى الله عنا خلقه
لهذى المخلوقات ...أم ماذا

سادساً : كان نفسى لما تكلمنى بدل ما تهاجمنى تحاول معايا نلاقى سبب دينى لوجودهم ..مثلاً أنك تقول لى
إذا مكنش وجودهم ينفع دينياً ممكن نبصلهم مش على انهم مخلوقات تانية ممكن جداً يكونوا
بشر ..كانو متقدمين وسافروا للفضاء بعد دمار حضارتهم ..يعنى هما أساساً من الأرض ..أنت
مسمعتش عن حضارة أطلنطا المفقوده...يعنى تفسير مثل هذا... ممكن...............
سابعاً : عشان أثبتلك أنى مش بس مهاجم وأنى أبحث عن الحقيقة هجبلك رأى الأزهر(الشيخ عطية صقر ) فى
موضوع الكائنات الفضائية...على الرغم من أنه لم ينفى ولم يثبت وجودهم..
_____
السؤال
يقول اللّه سبحانه { ومن آيايه خلق السموات والأرض وما بث فيهما من دابة وهو على جمعهم إذا يشاء قدير} الشورى : 29 ، ألا تدل هذه للآية على أن هناك كائنات حية فى غير الأرض التى نعيش عليها ؟

الجواب
لقد نشط البحث عن الحياة فى الكواكب الأخرى خلال الأربعين سنة الماضية ، واستخدمت منذ ثمان عشرة سنة الموجات اللاسلكية لهذا الغرض ، ومنذ ستة أعوام اهتم الفلكيون بالتسمع على الكون لالتقاط الإشارات الصادرة منه ، وذلك فى مختبر الدفع النفاث فى " باسادونا " ومركز الأبحاث " آميس " التابع لمؤسسة " ناسا " بكاليفورنيا . ومؤسسة " سيتى" وهى رمز لمشروع البحث عن المخلوق الذكى الموجود خارج الأرض ، والدى يضم أكثر من مليون يد عاملة تعاون فيه الخبراء الأمريكيون والروس على تحليل ألف ساعة من الإشارات التى تم استقبالها من الفضاء الخارجى بأجهزة إليكترونية معقدة وشديدة الحساسية .
وقد قرروا أنه لا يتم لهم النجاح إلا إذا استطاعوا إرسال إشارة يمكن للعالم الخارجى التقاطها . لكن النجوم الهائلة العدد لا يمكن أن تسلط أشعة على نجم منها مرة ثانية إلا بعد مرور مائة ألف عام على المرة الأولى ، وهذا كله فى نجوم مجرتنا فقط " التبانة " فكم من الزمن يكفى لتسليط أشعة على نجوم المجرات الأخرى وما أكثرها ؟ .
ذكرت هذه المقدمة لترى أيها القارئ أن سعة الكون وتعدد نجومه والاكتفاء مرة واحدة بتسليط الأشعة على كل نجم ، كل ذلك لا يكفى للاعتقاد أو غلبة الظن أن فى الكَون حياة من جنس حياتنا البشرية ، أو من جنس آخر .
ومهما يكن من شيء فإن هذه الأبحاث متروكة لعقل الإنسان ، وموقف الإسلام منها موقف المشجع على النظر فى ملكوت السموات والأرض ، ونصوصه أشهر من أن تذكر، والإنصاف فى البحث سيؤدى إلى تعميق الإيمان باللّه ، كما قال سبحانه فى ختام الآيتين اللتين تتحدثان عن النظر فى الكون أرضه وسمائه بمائه ونباته ومعادنه وحيوانه وإنسانه { إنما يخشى اللَّه من عباده العلماء} فاطر: 27 .
والقرآن يكفيه أن يضع دستور البحث ويشجع عليه ، وليس من شأنه أن يدون جزئيات العلوم فى أكثرها ، وعلى امتداد الحياة البشرية ستكشف أمور تتطلبها حاجة الإنسان فى نموه المطرد، وما دام اللَّه هو الحق ، وهو خالق العالم على هذا النظام البديع فإن كلامه لا يتعارض مع قوانينه أبدا ، وإذا توصل الباحثون إلى ما يوهم التعارض مع القراَن فلا يجوز أن نسرع بالشك أو التأويل ما دامت النتائج لم تصل إلى مرتبة الحقائق العلمية التى لا يتطرق إليها الشك ، ولست موافقا على مسلك بعض الكتاب الذين يسرعون إلى الربط بين القرآن والعلم كلما لاح فى الأفق كشف جديد، وقد يسرفون فى التأويل والتوفيق ثم تظهر البحوث التالية فساد ما سبق من نتائج ظلمنا القراَن بحمل آياته عليها ومع إحسان ظنى بأن كثيرًا من الباحثين عندهم غيرة دينيهَ حملتهم على هذا الربط فإنى أدعوهم إلى التريث ، أو إلى جعل الأمر محل الاحتمال بعيدا عن القطع والجزم به .
والمفسرون للقرآن سلكوا فى مثل هذه المواقف مسلك الحيطة والحذر فلجأوا إلى القول بالاحتمال وعدم المانع ، يقول النسفى فى قوله تعالى { ومن آياته خلق السموات والأرض وما بث فيهما من دابة وهو على جمعهم إذا يشاء قدير } الدابة تكون فى الأرض وحدها ، لكن يجوز أن ينسب الشىء إلى جميع المذكور أى السموات والأرض -وإن كان متلبسا ببعض ، كما يقال :
بنو تميم فيهم شاعر مجيد، وإنما هو فى فخذ من أفخاذهم ، ومنه قوله تعالى { يخرج منهما اللؤلؤ والمرجان } وإنما يخرج من الملح ، ولا يبعد أن يخلق فى السموات حيوانات يمشون فيها مشى الأناسى على الأرض ويكون للملائكة مشى مع الطيران ، فوصفوا بالدبيب كما وصف الأناسى انتهى .
انظر إلى قوله : ولا يبعد أن يخلق فى السماوات حيوانات . هذا هو الموقف العلمى الصحيح من كل ما لا يجزم به الإنسان ، فإذا تحقق أن فى السموات كائنات حية فظاهر الآية { وما بث فيهما من دابة } تحقق أن فى السموات كائنات حية فظاهر الآية { وما بث فيهما من دابة} لا يتعارض مع هذه الحقيقة ، وإذا لم يتحقق وجود كائنات حية فيها فالآية باقية على معناها على النحو الذى وضحه المفسر من أن النسبة إلى الجزء نسبة إلى الكل ، وهو أسلوب معروف عند العرب الذين نزل القراَن بلغتهم ، ففى مجموع السماوات والأرض دواب ، وفى مجموع المياه العذبة والملحة لؤلؤ ومرجان .
وإن كانت الدواب فى الأرض واللؤلؤ والمرجان من البحر الملح .
وبعد، فإن الموضوع ليس عقيدة نحاسب عليها ، ولا يترتب على الجهل بها شيء ، ونحن لم نحل مشاكل الأرض ولم نأت على نهاية العلم بأسرارها حتى نهتم بأسرار الكائنات العليا ، ويكفينا أن القرآن وهو أصدق خبر يحدثنا عما يهمنا منها ، والقرآن كلام اللَّه لا يأتيه الباطل من بين يديه ولا من خلفه ، فإن وجد كشف جديد يزيدنا يقينا بصدقه فذاك وإلا فهو صادق على الرغم من عجزنا نحن { لكن اللَّه يشهد بما أنزل إليك أنزله بعلمه والملائكة يشهدون وكفى باللّه شهيدا}



أسف على الأطالة وبرضه مستنى اشاهد باقى مشاركاتك...يارب الموضوع يثبت...لأنه لسه هيحلو اكتر
وعندى أسئلة كتير عن نظام المنتدى هبقى أبعتهالك يا DVD على الخاص لأنك شكلك من زمان فى المنتدى

ويا ريت يا جماعة اللى يرد ميسخرش من حد .......شكراً

[dvd_fly]

يا سيدي أنا بأعتذرلك كتير عن التأخر في الرد و مش حأكذب عليك أنا إتأخرت عشان بصراحة ما خدتش بالي إنك رديت والله غير دلوقتي حالا
و ده لظروف كتير ماكنتش عارف أتابع كل حاجة في المنتدى
و أنا طبعا رديت على رسالتك في ميعادها و بأكررلك إحنا إخوات و مافيش بيننا ضغائن أبدا إنشاء الله
أرد بقى يا سيدي عليك واحدة واحدة
أولا: أنا والله ما كنت أقصد السخرية لكن أسلوبك زي ما سبق قولتلك حسيت إن فيه فرض رأي بشكل مبالغ
و بصراحة أنا لسه مؤمن بإن أسلوبك في السابق كان فعلا فيه فرض و كان مش عاجبني
لكن عموما خلينا ننسى اللي فات و نتناقش بالراحة كده

ثانيا: بالنسبة لموضوع الدلائل الدينية أنا بصراحة ماكنتش جاي أصلا أتكلم معاك من الناحية الدينية لأن ده مش تخصصي و الناحية الدينية بالذات ما ينفعش أتكلم فيها من غير ما أكون فاهم كويس و عشان كده حأحاول التحفظ في ردي عليك من الناحية دي و أنا فهمت إن أصلا كان قصدك من الموضوع ده المناقشة الدينية لهذا الموضوع لكن دعنا نمزج هذا بالعلم لكي لا يؤخذ علينا أننا نفتي في الدين دون علم

ثالثا: خلاص يا عم إتكلمنا في النقطة دي و بس عايز أقولك كفاية عنوان موضوعك ( اخر كلام في موضوع سكان الفضاء ) قصدك بعد كده إحنا نسكت يعني ولا إيه :fruits_c: عموما يا سيدي أهم حاجة النوايا الحسنة و أنا أتسم فيك النية الحسنة إنشاء الله

رابعا: بأكرر كلامي معلش و أقولك بلاش تكون المناقشة دينية خالصة لجهل العديد منا بالكثير من الأشياء من هذه الناحية ده غير إني ما أحبش أفتي عن غير علم و لو المناقشة دينية على فكرة يبقى مكانها في المنتدى الإسلامي مش هنا :msn-wink:

خامسا:
بأعتذر عن وصفي ليك بالغرور و لكن على فكرة أنا كنت بأتكلم عن الغرور البشري العادي في هذه النقطة بالذات يعني عادي يكون عندك الغرور ده لكن المفترض إننا نحاول نتخلص منه
المهم....
1- صح طبعا فالله رب العالمين و هو الذي خلقنا جميعا و خلق كل الكائنات حتى لو كان فيه منها مش عالأرض فهو من خلق الله سبحانه و تعالى
2- الله أعلم بإنتمائهم للملائكة أو الجن ماحدش عارف حاجة و مش عايز أفتي و مش معنى كلامي إني بأقول إنهم ملائكة أو جن أنا بس بأقولك ما أعرفش
3- هو أنا قولت إن الإنسان مش مكرم عن باقي المخلوقات؟
أنا اللي قولت إننا مش لازم نقول إن الإنسان هو الكائن الوحيد العاقل في الكون
الله سبحانه و تعالى كرم الإنسان عن جميع المخلوقات على الأرض
لكن....
4- كل الايات دي ما نفتش بأي شكل وجود الكائنات الفضائية المزعومة و الله أعلم
5- بالنسبة لمشهد خلق ادم يا سيدي مش معنى كده يعني إن ربنا أخفى علينا وجود كائنات أخرى
لكن إيه المشكلة يعني إن الكائنات دي ماكنتش موجودة في هذا الوقت أو في هذا المشهد و برضه بأكرر الله أعلم مش عايز أفتي
6- والله تفسيرك كويس و منطقي برضه و بأفكرك إن لحد دلوقتي مافيش أي نظريات مؤكدة في هذا الموضوع
والله أعلم
7- مش حأرد طبعا على كلام الشيخ عطية صقر
أصل أنا أجي جنب راجل عنده العلم ده إيه؟
لكن كلامه زي ما إنت قولت مافيهوش نفي صريح برضه لكن أنا لا أجرؤ إني أرد على كلامه مع إن ممكن يكون عندي رد بس مش حأقوله طبعا
و رد دي مش معناها تكذيب لكلامه حاشا لله يعني أنا بس ليا وجه نظر ممكن يكون فيها إختلافات عن وجهة نظره
و أرجع و أقولك مافيش داعي نخلي المناقشة دينية في المقام الأول
خلينا نتناقش مناقشة علمية
و أنا بأكرر أنا ما كنتش بأسخر منك والله
و عموما يا سيدي إعذرني و إنشاء الله تكون قدرت تفهم وجهة نظري
و مستني ردك :msn-wink:

[thefox_zom]

استنى علية شوية بقى يا عم dvd اصلى فى كلية الفنون التطبيقية وعندى مناقشة ومشاريع وكلام كتير كده ملوش لازمة ...ان شاء الله أول ما أخلص هرد عليك..استنى عليه بس:msn-wink: ...
والكلام ده طبعاً لكل اللى هيشارك فى الموضوع ...
أنا متغيب لحين ما أخلص من موضوع الأمتحنات وبعدين اتكلم على أخونا اللى فى الفضاء..
بس استنانى يا dvd عندى رد ليك ....
وعموماً على بال لما أرد إذا رأيت اى كان فضائى فى الجو بيطير إذن هو طائر..ولو كان منقاره مش مقوس(ملوى)
يبقىحلال أكله.. سمى عليه وأدبح وبالهناء والشفاء..وأهى وجبة جديدة تضاف للمصريين:clap0000:

:bye10000: :bye10000: :bye10000:

[thefox_zom]

بسم الله الرحمن الرحيم
معنديش صبر أأجل المناقشة لما بعد التقيمات فى الكلية ..هرد على dvd

اعتزارك مقبول طبعاً بخصوص التأخر انا برضه ردك شفته بعدها بثلاث أيام
وموضوع خلافنا منتهى من زمان ..احنا اخوات
وأرد بقى عليك
أولا: أنا والله ما كنت أقصد السخرية لكن أسلوبك زي ما سبق قولتلك حسيت إن فيه فرض رأي بشكل مبالغ
و بصراحة أنا لسه مؤمن بإن أسلوبك في السابق كان فعلا فيه فرض و كان مش عاجبني

مش عارف موضوع السخرية ده ..مش واخد بالى خالص منه..يمكن..على العموم هاخد بالى بعد كده..بس فرض الرأى لأ وألف لأ ......انا اساساً لسه مكونتش رأى فى الموضوع عشان أفرضه


ثانيا: بالنسبة لموضوع الدلائل الدينية أنا بصراحة ماكنتش جاي أصلا أتكلم معاك من الناحية الدينية لأن ده مش تخصصي و الناحية الدينية بالذات ما ينفعش أتكلم فيها من غير ما أكون فاهم كويس و عشان كده حأحاول التحفظ في ردي عليك من الناحية دي و أنا فهمت إن أصلا كان قصدك من الموضوع ده المناقشة الدينية لهذا الموضوع لكن دعنا نمزج هذا بالعلم لكي لا يؤخذ علينا أننا نفتي في الدين دون علم

على فكرة انا برضه مش شيخ دى حبة برامج وأنا بأبحث عن ما أريد فتواه فيها ...
وللأسف أنا فشلت فى الموضوع ده(آخر كلام فى موضوع سكان الفضاء)...لأنى كنت فاكر ان حد فيكم هيجبلى من الأخر دينياً طبعاً..يعنى لما دخلت اعمل الموضوع قلت اكيد كل واحد من المهتمين بالمجال ده ..زى ما عنده خلفية علمية ..عنده خلفية دينياً عن الموضوع..وهيقولها ..لكن للأسف لم أستفد ولم يستفد غيرى.
وموضوع الناحية العلمية..كل المنتدى بيتكلم فيها..مش ناقصة موضوع كمان..وبعدين انا اساساً كنت مقتنع بالموضوع ده علمياً ..لكن لما جاء فى بالى الناحية الدينية ..بدأت الأسألة تيجى وتروح ..وضميرى مش مطاوعنى..كمل فى الناحية العلمية وأنا لم أقتنع دينياً.

ثالثا: خلاص يا عم إتكلمنا في النقطة دي و بس عايز أقولك كفاية عنوان موضوعك ( اخر كلام في موضوع سكان الفضاء ) قصدك بعد كده إحنا نسكت يعني ولا إيه عموما يا سيدي أهم حاجة النوايا الحسنة و أنا أتسم فيك النية الحسنة إنشاء الله

هههههههههههههه...أنا اصلاً اللى غلطان انى اتكلم فى موضوع زى ده ..فى منتدى زى ده.....(عارف لما تيجى وتقول انا زملكاوى فى مدرجات الدرجة الثالثة للأهلى)...بالظبط
واسم الموضوع كان ممكن يكون احسن من كده فعلاً..بس ده يعتبر رابع موضوع ليه فى الموقع..مش خبرة فعلاً
والأسم اللى رشحته بعد كتابة الموضوع هو(سكان الفضاء من المنظور الأسلامى)....حلوة المنظور دى

رابعا: بأكرر كلامي معلش و أقولك بلاش تكون المناقشة دينية خالصة لجهل العديد منا بالكثير من الأشياء من هذه الناحية ده غير إني ما أحبش أفتي عن غير علم و لو المناقشة دينية على فكرة يبقى مكانها في المنتدى الإسلامي مش هنا

خلاص يا عم يعنى الم حجاتى وامشى ...من هنا ....طيب..همشى


- هو أنا قولت إن الإنسان مش مكرم عن باقي المخلوقات؟
أنا اللي قولت إننا مش لازم نقول إن الإنسان هو الكائن الوحيد العاقل في الكون
الله سبحانه و تعالى كرم الإنسان عن جميع المخلوقات على الأرض
لكن....
4- كل الايات دي ما نفتش بأي شكل وجود الكائنات الفضائية المزعومة و الله أعلم

لا انت مقولتش كده لكن قولت
و هل ممكن أن يصل بنا الغرور لدرجة إننا نتخيل إن الكون ده كله ملك للإنسان وحده أو إن مافيش غيره في الكون الكير العظيم ده
أعتقد إن ده غرور شديد من الإنسان إنه يتخيل إن ربنا خلق الكون ده كله عشان يجعله هو بس صاحب العقل و الأرض هي الوحيدة اللي عليها كائنات

ايوه والله الكون مخلوق عشانا واحنا مخلوقين عشان نعبد الله..الكون كله مسخر لنا..ومش هدور على آيات ..لأن الآيات اللى انا جبتهالك كنت جابها عشان النقطة دى مش عشان انفى موضوع سكان الفضاء


لكن إيه المشكلة يعني إن الكائنات دي ماكنتش موجودة في هذا الوقت أو في هذا المشهد و برضه بأكرر الله أعلم مش عايز أفتي

مش شايف با DVD ان احنا كده هنتحامل على الدين قوى لمجرد ان احنا نثبت شئ أساساً لم يثبت علمياً
يعنى بالعامية..هنلف ونضور عشان نثبتها



و.......كفاية كده ...خلاص ..انا هلم أوراقى وأمشى من الموضوع ده وياريت لو حد جاب حاجة أكيدة عن الموضوع يتصل بيا على الخاص لأن الموضوع كده فشل تماماً..معرفتش أحضر أثبات ولا نفى..ولا أنتوا قابلين الكلام فى الموضوع ده أساساً..طبعاً الكلام مش على اللى ردوا
وشكرا يا DVD والله استمتعت بالمناقشة معاك..أشوفك بقى فى مواضيع تانية
وهكتب مواضيع تانية ان شاء الله بس فى الأجازة بقى
السلام عليكم ورحمت الله وبركاته

[Steif_MAAD]

بداية أتفق معك فى أن الله عزوجل خلق من المخلوقات مالا نعلمه

وقد يكون هناك فى حضارات وأمم أخرى فى كواكب وعوالم أخرى ولكن

موضوع الأطباق الطائرة وسكان الفضاء الذين يهبطون منها أمر مفبرك من أوله لأخرة حسب أعتقادى

وقد أستنتجت ذلك لعدة أسباب

-أولا:لماذا كانت هذه الأطباق الطائرة تنزل فقط فى أمريكا وروسيا ولم تهبط فى أى مكان أخر فى العالم

-ثانيا:لماذا كان هبوط الأطباق الطائرة فقط أيام الحرب الباردة بين الدولتين ولم نسمع عنها بعد ذلك

-ثالثا:كما تعرف فعلماء الغرب والروس بالأخص كانوا يعتبرون الدين نوع من التخلف ولايعترفون بالخالق ولكن المشكله

أن كل أكتشافاتهم العلمية كانت تؤكد على وجود خالق لهذا الكون وكان الحل العبقرى لتلك الأزمة هو كائنات الفضاء

الغامضة (لماذا دائما كائنات الفضاء فى كل كتاباتهم أقرب للآلهة وأنها أكثر رقى وتقدم وحضارة عنا)

ومن يقرء كتاب أنيس منصور (الذين هبطوا من السماء) الذى يعرض لتفسير علماء الغرب لظاهرة الأطباق الطائرة يجد أن

بعض الأراء تقول أن الكائنات الفضائية هى التى وضعت نواة الحياة على الأرض ؟؟؟؟؟؟وأن أدم وحواء قد هبطا من

كوكب الزهرة؟؟؟؟؟؟؟؟ويستعينوا ببعض أثار القدماء للدلالة على أنه فى القدم أتت كائنات الفضاء

لتخلقنا؟؟؟؟؟؟؟؟

يعنى ببساطة لو كان بالضرورة هناك خالق لهذا العالم فليكن كائنات الفضاء فهذا أفضل من الأعتراف بالله ؟؟؟؟


:icon30: :icon30: :icon30:

[Steif_MAAD]

كنت اتمني ان الموضوع ده يبقي احسن من كده
بس انا حابب ارد علي الاخ دي في دي .................
ياباشا عايز تتكلم من الناحيه العلميه يبقي قبل متتكلم تجيب دليل
معلش يعني انت عمال تقول للراجل فين ادلتك وانت مجبتش ادله غير ايه مش عارف تفصرها
مع احترامي لحضرتك ده مش اسلوب مناقشه ولو ده اسلوب مناقشتك طيب هاتلنا دليل علمي واحد يثبت ان فيه كائنات فضائيه
ياراجل ده بيقولك فاروق الباز تقولي.................
وان شاء الله هاحاول اجيب اخر الموضوع ده

[thefox_zom]

شكراً يا steif على مشاركتك
أنا حاسس كده انك لم تقراء الموضوع كله....بس هو فعلاً DVD مجبش دليل علمى ..وده لأنى قولتله..بلاش نتكلم فى الناحية العلمية
وياريت برضه اذا كان عندك دليل بالنفى أو الأثبات..تجيبه..عشان فعلاً احنا عايزين من الآخر
على فكرة ان معجب جداً بشعار الزمالك(بينى وبينك يعنى..متقولش لحد)..

[Steif_MAAD]

شكراً يا steif على مشاركتك
أنا حاسس كده انك لم تقراء الموضوع كله....بس هو فعلاً DVD مجبش دليل علمى ..وده لأنى قولتله..بلاش نتكلم فى الناحية العلمية
وياريت برضه اذا كان عندك دليل بالنفى أو الأثبات..تجيبه..عشان فعلاً احنا عايزين من الآخر
على فكرة ان معجب جداً بشعار الزمالك(بينى وبينك يعنى..متقولش لحد)..
ياباشا انا قريت الموضوع كله وعارف ان انت قلتله كده بس انا بحاول اكمل وجهة نظرك
ومدام بيتكلم في الناحيه العلميه يجيب دليله الاول
وبالنسبه لشعار الزمالك فهو ملكيه عامه وميغلاش عليك ياباشا:clap0000: :clap0000:
وهاحاول ابحث عن دليل مقنع في الموضوع ده:smoke100: :smoke100:
وياريت كل الناس اللي تكتب في الموضوع يبقي عندها سعة افق وتسامح وتفاهم اكتر
سلااااااااااااااااااااااااااااااااااااام:bye10000: :bye10000: :bye10000:

[thefox_zom]

شكراً على ردك
ومنتظرينك

[semsembaby]

جميل جدا بالتوفيق

[WiNtEr SoNaTa]

اخي العزيز..

اشكرك اولا اعلي موضوعك الرائع..

ولكن الكائنات الفضائية موجوودة بالفعل...
وهناك شواهد كثير علي ذلك...

حوادث غريبة في امريكا.... في فترة الخمسينات..
شواهد كثيرة علي مستوي العالم..
في بريطانبا قامت الحكومة البريطانية بتكوين مكتب خاص لاستقبال الشكاوي والحالات التي يتم رؤيتها


وفي امريكا هيئة الكتاب الازرق لدراسة هذا الموضوع..

ويمكن الرجوع عن هذا الموضوع في موضوعي او موضوعي اخي العزيز احمد عن المخلوقات الفضائية...

وشكرا لك ثانية

[thefox_zom]

شكراً على ردك wintar
لكن شكلك من قمة اقتناعك بوجود الكائنات المزعومة لم تقراء باقى الردود وتعرف اننا كنا بناقش الموضوع من الناحية الدينية وليست العلمية مع ان فى ناس قالو برضه ان مفيش اسباب علمية واضحة
لكن على اية حال شكراً على متابعتك

[thefox_zom]

فين Dvd ........هو زهق منى ولا أيه

[abdallah_pop]

مشكور اخى على هذا الموضوع

[motaz012]

يا جماعة
الحمد لله حصلت خلاص على عضوية خاصة بى
انا كنت بأكتب لكم بأسم thefox_zom
وهكمل معاكم بMotaz012



أنت فين يا DVD fly

[sensationalsoni]

معلش ياجماعة ولكن الموضوع شدني و بتوجة بالكلام للأستاذ Motaz012 هو أنتا نسيت أية مهمة جداّ وهي " وخلقنا من الماء كل شيئا حي " و لذلك فلقد أثبت العلماء وجود الماء علي كواكب أخرى و هنروح بعيد ليه مالمريخ فيه مية ووجد العلماء أثار لوديان لايمكن نحتها الا بواسطه المياة ولما أجرو درسات لطبقات الأرض وجدو مياة متجمدة عند القطبين أذا المريخ كان علية حياة أمال أة الحصل أقولك أستاذMotaz012 من المعرف أن كوكب الأرض له درع من الموجات الكهرومغناطيسية وهي ألي بتحمينا من الأشعة الكونية ولها فوأد أخري من أهمها أنها هي السببه لمغناطسية الأرض معلش لو كنت بطول عليك ولكن أنتا السبب نرجع لموضعنا أمال أة الي مسبب الموجات الكهرومغناطيسية أقولك الحمم الملتهبة ألي في باطن الأرض و أنها بدور في أتجاة واحد أمال أش دخل الكلام دة بالموضع بتعنا وجد العلماء أن باطن المريخ بيتكون من صخور بس مفيش حمم ولا أي معادن سائلة ودة هو ألي سبب أنهيار الغلاف الجوي للمريخ فأصبحت درجات الحرارة علي سطحة منخفضة جدا في المساء و مرتفعة جدا في الضوء
مما أدي ألي أنهيار الحياة علي سطحة أما بالنسبة للماء فأما تبخر بفعل الحرارة أو أمتصطة الأرض وتجمد الخلاصة أنة بالفعل كان في حياة علي سطح المريخ و أرجو مكونش طولت عليك و منتذر الرد فأسرع وقت

[motaz012]

يا أستاذ
sensationalsoni

أعتقد أنك تسرعت فى كتابة هذا الرد
لأنك أكيد مقرأتش كل الموضوع والردود
لأن مش ده رأى فى سكان الفضاء
ياريت تقرأ الردود كويس
وهتلاقى ضالتك
مشكور على مرورك

[mahmoud1882]

والله ياجماعه انا شايف احنا نخاينا في نفسنا احسن اللي بيخاف من العفريت يطلعلو......هههه .نتكلم جد انا بصراحه مش فدماغي الموضوع ده ..بس انا قرأت قبل كده لدكتور نبيل فاروق ..كان كاتب في مذكراته لما كان في الصعيد ان كان في ادله علي وجود زي طائره هليكوبتر كانت نزلت في المنطقه دي علي حسب كلام الناس في الخمسينات وطبعا مكنشي في طائرات هليكوبتر في الستينات فقال ياما تخاريف الناس عن الحاجات اللي بطير او كائنات فضائيه ....
بالنسبه للصور و الحالات ..انا سمعت ان في ناس اقصمت انها شافت وحش لوخ نس في اسكتلندا ..وان في ناس طلعتلها النداها ....والناس مش بتكتفي من الحكايات ..واظن مفيش اكتر و اعظم من اسطوره عبدالله الحظرد االي العرب بيقولو انهم شافوه ووحش طلع من قلب الصحراء ليلتهمو حي و انت الكاتب الكبير Love craft كتب عنه مجموعه قصاصيه ..وحكايه امريكا والكائنات الفضائيه انا في أعتقادي انها بتسلي الشعب الامريكي..وان الارهاب والمسلمين هما التسليه الجديده للامريكان و النظام الامريكي دلوقتي بعد ما حقق بن لادن اللي مقدرتشي تعمله الكائنات الفضائيه في امريكا ..وشكرا

[motaz012]

آرائك عجيبة وجميلة
يا
mahmoud1882

[shakalala]

بسم الله الرحمن الرحيم
اسمح لى اخى الكريم انى اشتر فى موضوعك المحترم
حضرتك اقتبست الادله بتاعك من القران الكريم وانا برده هارد عليك من القران الكريم
طبعا كل الناسس فى العالم بتؤمن ان اى مخلوق فيه له جسد يبقى له روح
يقول عز وجل (يوم لا تنفع نفس ايمانها )وده فى حديثه عز وجل عن يوم القيامه
فى حديث قدسى عن رب العزه فى ما معنا (انه سبحانه وتعالى سوف يحاسب جميع المخلوقات حتى انه سبحانه سوف يحاسب النبات لمذا مايل الجزع على الجزع الاخر )
طيب لما يبقى النبات ما عندوش عقل ربنا هيحاسبه ليه
يعنى جميع ما خلق عز وجل له عقل يفكر يبقى مش احنا بس اللى فى الكون
ثانيا اوده الاهم وارجو المعذره فى اللى انا هاقوله ده
فى العصور القديمه الى عصر الانبياء كانت تتنزل الملائكه وكان عذاب ربنا بينزل على هذه الامم عن طريق ما خلق الله فى الجو والبر والبحر الى جانب الملائكه
فانا اعتقد انه قد حدث لبس وتحريف لما كان يراه الناس فى ذلك الوقت
وكذلك كان فى مخلوقات كتيره انقرضت الانسان الحالى لا يعرف عنها اى شئ بس انسان ذلك العصر كان يراها وكان بيرسمها
ولما تيجى لينا تلك الصور طبعا لازم ما نعرفش عنها حاجه لان ما حدش فينا شافها قبل كده
اما م يختص بوجود كائنات اخرى على هذا الكوكب فطبعا فيه (ويخلق ما لا تعلمون )
وطالما ربنا قادر على كل شئ فممكن يكون فى كائنات اخرى على كواكب اخرى تدب فيها الحياه بشكل او باخر

[mahmoud1882]

ربنا يخليك يامعتز ..انا قولت اشارك اصل موضيعك حلوه

[ENG_AEA]

مشكوووووووووووووووور جدا اخى الغالى على موضوعك الرائع

[motaz012]

شكراً
Eng_aea
على متابعتك لمواضيعى

[jamica.7]

الف شكر يا مان علي الموضوع

[motaz012]

أهلاً بيك يا جامايكا
انت كائن فضائى ولا أيه

[Alien_nation]

السلام عليكم
أولا:التساؤل عن وجهة النظر الدينية في موضوع الأطباق الطائرة و وجود المخلوقات الفضائية غريب جدا وغير مفهوم ، فلا معني لقول أن وجود مخلوقات أخري خارج الأرض حرام أو حلال، فعلى حد علمي لا يوجد اثبات أو نفي في القرآن أو السنة لهذا الموضوع بالتالي لا معني لمناقشته من وجهة نظر دينية .

ثانيا :موضوع المخلوقات الفضائية هو مجرد مجموعة من الأفكار و التفسيرات لظواهر غامضة حيرت البشر على مر العصور، و على حد علمى أن الأسلام لا يمنع التفكير و التأمل بل بالعكس الأسلام يحث على التفكير و التأمل و التدبر في أي شئ و كل شئ ماعدا بعض المواضيع المحددة والتي ليس من بينها موضوع وجود مخلوقات خارج الأرض .

ثالثا : عدم وجود ذكر لمخلوقات فضائية في القرآن أو السنة ليس دليلا على عدم وجودها ، فهناك الكثير و الكثير من الظواهر العلمية و الكونية لا يوجد لها ذكر في القرآن ، و هذا ليس عن نص في القرآن و لكن القرآن لم ينزل من أجل ذلك، (أي من أجل أن يكون موسوعة علمية).
رابعا : بالنسبة لموضوع الحساب و يوم القيامة و كيفية محاسبة المخلوقات الفضائية "إن وجدت" وهم ليسوا على دين؟
فمن أدرانا ، ففي حالة و جودهم ، لما لا يكون لهم رسالاتهم و انبيائهم و رسلهم ؟ الله قادر على كل شئ و علمنا البشري ضئيل و محدود .

أرجو أن أكون قد أفدتكم بمساهمتي في هذا الموضوع
شكرا

[thegrayfox]

thanx alot

[خلايج حول]

بسم الله الرحمن الرحيم
السلام عليكم ورحمه الله وبركاته
اخوانى الاعزاء تاملوا معى كلمه رب العالمين وهى تعنى ان الله سبحانه وتعالى هو رب واله اكثر من عالم بل هو رب عالم كثير وفى القران الكريم مايدل على ان الله سبحانه وتعالى قد خلق السموات والارض وبث فيهما مخلوقاته اى فى الارض وفى السماء وما خلقنا السموات والارض وما بينهما لاعبين صدق الله العظيم
اسوق مثالا بصرف النظر عن رؤيه قدماء المصريين لهم وتسجيل هذا الكلام فى رسومهم
اذكر مرة والله على ما اقول شهيد اننى قد شاهدت انا ووالدتى طبقا طائرا ونحن فوق سطح منزلنا بالقاهرة وكان هذا
فى عام 1992 وكان هذا الطبق الطائر يرسل اضواء عجيبه غريبه اللون عن الوان عالمنا هذا اضواء فسفوريه اللون مزيج من اللون الارجوانى والاخضر الفسفورى والفيروزى لاحظوا انى اقول الوان تقريبيه للالوان التى شاهدتها وليست هى
وطار فى لحظه حول محور شاقولى فى الفضاء اى فى منحنى صاعد حتى غاب عن اعيننا فى لحظه واحدة هو كان معلقا يتارجح فى السماء على مسافه قريبه من السطح ويرسل هذة الاضواء وكان هذا الجسم مسطحا ليس له مقياس عرض حتى يهيا لناظرة انه عبارة عن لوح خشب طائر مستعرض ف السماء
وهناك سفر النبى حزقيال فى التوراة حيث يصف نزول طبقا طائرا من السماء
ارجو ان اكون افدت واستفدت وشكرا

[ahmad_ziad]

امممم , الحقيقه مش عارف فى الموضوع ده بما يسمحلى انى اقول رأى مفيد لكن هاتابع يمكن اعرف حاجه جديده ....... شكرا على الموضوع المشوق

[HOSAM181]

thankssssssssssssssssssss

[motaz012]

شكراً لمشاركتكم المفيدة يا شباب
والموضوع مش لازم يخرج حد منه منتصر ومهزوم
لكنه باب للحوار والنقاش
لعلنا نستفيد

[محمود مشالى]

مشكور ياخى

[ASAB]

thefox_zom
شكرا علي الموضوع بس احب الفت نظرك لحاجة مينفعش تعطي دليل قاطع من القرأن وذلك لسببين
الاول ان القران لا يفسر بمكان اوزمان لانه قول الله الي يوم الدين
ثانيا اذا اكتشف العلم عكس كلام سيادتك هيطلعلنا شوية متخلفين بيمسكوا في اي حاجة ويقولوا قرانكم غلط والعياذ بالله وهذا حدث كثيرا
فاترك الاعجاز العلمي في القران الكريم للعلمااااااااء فقط
شكرا

[THE GAME WAR ™]

اتفق معك فى كلامك واوافق على وجهه نظرك