تقيم NFSC على GameSpot محبط محبط !!!

[cell]

السلام عليكم

الاعلان عن تقيم لعبة Need For Speed Carbon على موقع Game Spot و للاسف التقيم كان محبط للغايه 7.8 !!!

كثير كان يتوقع هذا التقيم بصراحه انا منهم لان بأختصار التطور فى الجرافيك مع قلب النهار الى الليل دون تطور حقيقى فى نظام اللعب او اضافت انماط جديده تجدد اللعبه اثر عليها بشكل كبير جدا جدا من رأى اللعبه لم تأتى بأى جديد عن الجزء السابق و للاسف هذه هى نقطة ضعف هذه السلسله....

موقع جيم سبوت ليس موقع متواضع فهو من اقوى و اقسى المواقع فى تقيم الالعاب و موثوق منه مليون فى الميه وشركات الالعاب تعمل له الف حساب ...

اتمنى اضافت الجديد للعبه فى الاجزاء القادمه ...

[kokoeffect]

ياباشا ده كده مكرمنها كمان انا عارف ان اللعبه مش وحشه بس انا موضوع ان همه يخلو اللعبه عتمه كده هو الي مديقني يعني ياريت عملنها بليل ذي Underground لا دي عاتمه فعلا وتقريبا نور العاربيه هو اللي بيوريك الطريق .. في مجموعه كبيره من الطرق ... انا الحقيقه الجزء ده مش عامل حسابه خالص بس الواحد هيعمل ايه مدام مفيش العاب Racing كتير .. وحتي اللعبه الرائعه Test Drive اللي كنا مستنينها علي احر من الجمر اجلوها ل 2007 .. علشان يطورها اكتر ....

بس معتقدش مهما كانت النسخه مش قويه اوي او مفيهاش ايضافات ان محدش هيلعبها .. لان N.f.s بقت عامله ذي التطعيم لينا لازم نلعابها كل سنه اي كانت امكانيتها او شكلها ....

وبشكرك عزيزي Cell علي الخبر .....

[cell]

السلام عليكم

شكرا اخى على ردك و بالفعل عندك حق فى موضوع الظلام الغريب اللى فى معظم الطرق لكن يبقى العيب الخطير اللى فى العبه هو عدم التجديد و ايضا بعض الصعوبه لكن فى النهايه فعلا لعبه مسليه و لازم نلعبها كل سنه ....

متأسف جدا يا جماعه انا اخطئت فى كتابة التقيم .... التقيم الصحيح هو

7.4

[سامح حسين سيد]

انا بقى اما بلعب من كتر الضلمه العربيه كسرتها فى الحيطان

[mido2000]

انا اول ما شغلتها حسيت ان فى حاجة غلط عندى فى الجرافيك بسسب الضلمة الشديدة اولا وعدم تحسين الجرافيك عن mostwanted ثانيا هم على فكرة مستخدمين نفس المحرك بتاع موست ونتد لكن لما قلبوها باليل افقدو اللعبة الكثير من انواع الاضاءة اللى كانت بتحسن الجرافيك لدرجة انى حاسس ان جرافيك مويت ونتيد احسن كتير (رغم ان الاداء فى كاربون على نفس الامكانيات الى كنت مشغل بيها موست ونتد اقل بكثير لدرجة اذهلتنى وبدون سب واضح ) ده كمان ميل ما قال الاخ cell عدم التجديد فى طريقة اللعب نوعا تحس انهم اخدو موست ونتد وعملو فيها شوية حبشتكنات كدة اى كلام تحسسك انها لعبة جديدة والسلام انا جربتها ساعة واحدة بس لكن للاسف مطلعتش زى ما كانت متوقع لها ابدا

الشكر لصاحب الموضوع الاخ Cell

[gearsboy]

بصراحه ياجماعه أنتوا كده قلقتونى قوى أنا لسه بنزل فى اللعبه ومن كلامكم ده مش عارف
أكمل التنزيل ولا أيه النظام :busted_r:

بس أنا للأسف من مدمنى نيد فور سبيد :harhar10: ولما شوفت الفيلم بتعها قولت دى شكلها لعبه جااااامده
بس للأسف مش عارف أيه اللى حصل :no000000:

بس فى نفس الوقت أنا مبسوط من الموضوع ده قوى لأنه بيخلى الأعضاء على علم باللعب الجديده أول بأول لأن فى ناس لسه مستنينها (زى أنا ) وعايزين يعرفو أى حاجه عن اللعبه :clap0000:
وأحب أشكر الأخ cell على الموضوع الجامد ده
وكمان أنا كنت عايز اقوله أنى كنت لسه ناوى أكتب الموضوع ده بس هو سبقنى وعلى العموم مش مهم خيرها فى غيرها :in_love0:

[R_I_P]

وفي حاجة كمان يا جماعة
الكارير بتاع اللعبة قصير جدا
لدرجة اني خلصت 70% منه في يوم واحد بس
مع العلم اني ملعبتش كتير
هي اللي خلصت بسرعة

[washwashne]

ياراجل يا عنى اللعبه ايه نظمها حلو ولا

[tefa_algen]

كده كده هلعبها لو عملتوا ايه
ميرسى على الخبر

[cell]

السلام عليكم

اخى mido2000

بالفعل كلامك مظبوط اللعبه اعتقد ان EA استخدمت نفس محرك NFSMW فى هذه اللعبه لكن مع زيادة الفيزيائيه فى اللعبه مثل الصناديق على الطريق او الحواجز و جعلها اكثر استجابه مع اللعبه بالاضافه الى الاناره و معروف إن اكثر تحميل على الكارت يكون من الاضاءه و الخيال ...

اخى gearsboy

لا يا اخى لا تقلق كمل تحميل العبه عادى فهى ليست سيئه الى هذه الدرجه لكن كنا نأمل التغير و اقولها مره اخرى ... التغير.
و لو نظرنا الى تقيم موقع جيم سبوت نجده عادل تماما لانه لا يقيم من جانب واحد لكن من 5 جوانب اساسيه و هو ايضا معذور فهذا الموقع هو الذى اعطى لعبة السيارات رقم واحد فى التاريخ من رأى Gran Turismo 4 بصراحه غير عادل و هو 8.9 مع انها كانت تستحق على الاقل 9.5 ...
و بالنسبه للموضوع فهو موضوعك يا اخى و نورنته جدا جدا ... :bye10000:


اخى R_I_P

فعلا انا لاحظت هذا الامر و بالاضافه الى صعوبه غير عاديه مع الرؤساء فى السباقات الاخيره و هذا ما اشار اليه موقع جيم سبوت عند مراجعته للعبه ...
The Bad: Frustrating boss battles; underutilizes police chases.


اخى washwashne

اللعبه جيده يعنى ليست سيئه :msn-wink:

[cell]

كده كده هلعبها لو عملتوا ايه
ميرسى على الخبر

السلام عليكم

اخى الكريم هذا الموضوع ليس للعيب فى اللعبه و او التحريض ضدها !!
لكن فقط نقل مراجعه عن اكبر موقع العاب عن هذه اللعبه ... و طبعا تلعبها زى ما تحب مش ببلاش :harhar10:
امزح معك فقط و شكرا على ردك يا اخى :bye10000:

[mido-ghost]

اعتقد ان اللعبه ديه .. الجزء ده .. معمول عشان الناس اصحاب النسخة الأصلية ....
عشان تقدر تلعبها مع بعض اونلاين ....
وبعدين انا من وجهت نظري فعلا .. تقريبا مفيش جديد ... بس اهو ..
منقدرش منلعبهاش .... علي رأي kokoeffect ........ بقت عامله ذي التطعيم

[cell]

اعتقد ان اللعبه ديه .. الجزء ده .. معمول عشان الناس اصحاب النسخة الأصلية ....
عشان تقدر تلعبها مع بعض اونلاين ....
وبعدين انا من وجهت نظري فعلا .. تقريبا مفيش جديد ... بس اهو ..
منقدرش منلعبهاش .... علي رأي kokoeffect ........ بقت عامله ذي التطعيم

السلام عليكم

شكرا خى الكريم على ردك و فعلا انا سمعت عن نظام الاونلاين و بيقولوا حلو جدا و هو عباره عن نقاط تجمعها من السباقات و بهذه النقاط ممكن تدخل تشترى من الـ STORE بتاع EA و تطور سيارتك ....

[compeng]

طب ننزلها الأول وبعدين ربنا يسهلها وتشتغل

[zoro nasr]

شكرا علي المعلومات


بس يا ريت تطلع حلوة لاني ناوي اجيبها انشاء الله


و شكراااااااااااااا

[Shandid Media]

انا فاضلى نص جيجا واللعبه تكمل عندى يارب تطلع حلوه

[theone_2005]

يا مسهل انا مقفل اللى قبلها ويارب تطلع حلوة

[حسام محمد]

ايه يا جماعه الضلمه دي اقصد الله ينور كل واحد يسحب بطاريه ولا كشاف نور ويلعب وخلصت علي كده
ويمكن قاصدين ان اللعبه تبقي ضالمه كزياده صعوبه مش اكتر
والله اعلم ان كنت بحلم ولا دي الحقيقه
وفاضل دقيقه وخلاص هنلعب nfsc

[momed2005]

ياشباب والله حرام الي عملتوه في اللعبه بجد اللعبه جاااااااااااااااااااااااااامده جدا جدا جدا
والحمد لله انا قفلتها وكل حاجه تمام وانا شايف انها رهيبه بكل ما جائت من جديد

[doctor_hosny]

المشكلة يا جماعة اننا كنا مستنين نيد اوى اوى اوى اوى وفى الاخر تطلع كدة

[abu sala7]

ana bera2iey elle3ba gameeeeeeeeeeela gedaaaaaaaaaan w a7la mafeeha enaha dalma
bas moshkeletha el wa7eeda enaha aseera aweeeee ya3ny 7araaaaaaam
lazem tkoon atwal shwaya
bas elle3ba testahel
enjoy it allllllllllllll

[sonsonalex]

اخى اولا اشكرك على التقرير ولكن اللعبه لم تات بجديد فعلا حتى موسيقى مطاردة البوليس هى هى
صوت بلاغ الشرطه هو هو
انا ارى ان موست ونتد افضل بمراحل

[True Face]

بصراحه اللعبه تعبانه جدااااااااااااا
انا خلصت 50% من الCareer في اقل من 8 ساعات!!!!!
انا مش عارف ليه انا فضلت مستني لعبه تنزل في 6 ايام علشان اخلصها في 16 ساعه :)
من الاخر Most Wanted احسن من Carbon بكتييييييييييييييييييييييييييييييييييييييييييييييي ير
انا اسف ولكن اللعبه اقل من ان الواحد يتكلم عنها
وشكرا لصلحب الموضوع

[theone_2005]

يا جماعة صحيح انها ما طلعتش ذى ما احنا متوقعين بس برضة لازم نلعبها ونقفلها مرة واتنين وتلاتة
وشكرا