تعالو نحسبها صح نشتغل فى بلدنا وننجح ازاى

[Vevo]

السلام عليكم ورحمه الله وبركاته
بسم الله الرحمن الرحيم

ازيكم جميعا انا حبيت افكر معاكم واسعادكم فى التفكير شباب كتير قوى بيدفعو كل الى معاهم عشان يسافرو الخليج او بره عموما ويمكن يشتغلو وممكن لا طيب ما تيجو نجرب نعمل بزنس فى مصر وب 800 جنيه بس ويدخلك 50.000 جنيه فى السنه ايه رايكم يعنى بمعدل 4.100 جنيه الموضوع يستاهل التفكير هتتعب فى اول شهرين تلاته بعد كده هترتاح وتتفرج على شغلك وهو بيزيد ولو نجحت فى الموضوع ده هتوصل حتى تكون شريك بجزء فى الشركه والشركه دى مش اى شركه دى شركه عالميه ترتبها العشرين على العالم فى مجالها
هاه فكر كده لو سافرت واشتغلت هدخل لنفسك كام فى الشهر هتصرف قد ايه
انا عايز اساعدكم لان نجاحكم من نجاحى فكرو ومستنى تكلمونى
انا اميلى :clap0000:
sayed_vevo@yahoo.com
kemosf@hotmail.com
الموضوع بجد ومش بهزار وعايز الى يشتغل يشتغل بجد وهتلاقى كل الى انت عايزه ان شاء الله كل الى اشتغل في الشركه نجحو كلهم نجحو
ومستنينكم معانا عشان كلنا ننجح
ربنا معاكم جميعا ويفوفئكم
السلام عليكم ورحمه الله وبركاته

[hamadam2002]

ما تدينا فكرة عن الموضوع هنا يعني
عشان الفائدة تعم
والمهم بس أوعى يكون تسويق شبكي
والمهم برضه ان تكون فلوسه حلال
وشكرا لعرضك العرض ده
ومستنين التفاصيل

[coolcool66]

ما تدينا فكرة عن الموضوع هنا يعني
عشان الفائدة تعم
والمهم بس أوعى يكون تسويق شبكي
والمهم برضه ان تكون فلوسه حلال
وشكرا لعرضك العرض ده
ومستنين التفاصيل

شكرا لك على الموضوع وأنا رأيى من رأيه

[Vevo]

يا جماعه الموضوع واضح دى شركه اجنبيه صينيه بالتحديد بتصنع وبتاجر فى الاجهز الطبيه وليها اكثر من فرع فى مصر وليها شهره عالميه طالبه ناس وهتحاسبهم زى كانك فى الصين عشان يعتبر المكسب واحد بالنسبالها
فيعنى من غير ما تسافر تقدر تشتغل فى شركه اجنبيه وانت فى بلدك

[phantom_ha]

بس خلاص ماتكملش .هو التسويق الشبكى وأنا فى رايى ده موضوع فاااااشل جدا ,هتقولى الشركة ديه محترمة وانا متاكد كويس منها وهتقولى أنا أتعاملت معاهم , هاجى وقولك أنك انت زيك زى الى اقنعك زى الى أقنع الى اقنعك ......بتحاول تقنع ناس وتجيبهم لا أكثر ولا أقل. وماشى يا عم أنا مصدقك وهنقول ان الشركة ديه محترمة وبتدفع بس تقدر تقولى هتقنع كام واحد عشان يشترى جهاز نبضات ثمنه 800 جنيه ؟؟؟؟؟؟ وحتى لو أقنعت حد هتعد اد أيه عقبال ما تعوض ال 800 جنيه الى انت أشتريت بيها جهازك؟؟؟؟؟ وعلى فكرة أنت كده زيك زى مندوب المبيعات تقريبا. وفى حاجة طريفة أوى أنا عاوز اقولهلكم برضه وهى أن 3 أشخاص من أماكن مختلفة كانوا عايزين يقنعونى بالموضوع ده الطريف بقى ان ال3 قالولى نفس القصة بالظبط وهى: كل واحد بيقولى أنا روحت ولقيت ناس اصحابى قابلتهم هناك وطلعوا شغالين فيها من زمان وأنهم دلوقتى دخلهم بقى لا يقل عن 3000 جنيه أو مش فاكر كام بس الطريف ان ال3 قالوا نفس الرقم ههههههه وأن فى واحد صاحبه لقاه وصل لمنصب أدارى مهم فى الشركة مش فاكر هو أيه المدير الماسى ولا البرونزى مش فاكر بظبط وكلام كتيييير كده تانى وعلى فكرة ال3 أشخاص دول ميعرفوش بعض ومن أماكن مختلفة فالى انا عاوز أقوله أنه كل واحد بيروح بيحفظوه نفس الكلمتين. على فكرة التسويق الشبكى ده بيفكرنى بصورة كاركاتورية وهى ان فيه صف طوييييييل واقف وكل واحد بيضرب الى قدامه على قفاه هههههههه . يل رب ماتكنش زعلت من كلامى يا نجم بس صدقنى ديه ما تنفعش شغلة نهائى

[phantom_ha]

لا وكمان خد عندك المفاجاة ديه : التسويق الشبكى افتى علماء كثير بحرمته يعنى التسويق الشبكى حرااام .هتقولى وانت عرفت منين ولا حضرتك بتفتى هقوم أنا قايلك صبرك بس عليا نص الفتوى من موقع أسلام اونلاين وهو طبعا موقع غنى عن التعريف , هتقولى هو فين نص الفتوى ديه هقولك خد عندك الروابط ديه
http://islamonline.net/servlet/Satel...=1122528620150
ومصدر الفتوى
http://www.islamonline.net/servlet/S...AAskTheScholar

[businessteam86]

شركه النصابين اسمها شيلا مصر وعلي فكره الجهاز اثبت ان النبضات بتاعته ليها كثير من الاعراض الجانبيه وكانت مكتوبه في الاهرام وللاسف لأني شغال دي اس ال مش عارف اجيبلك المقاله

[hamadam2002]

يا جماعة احنا مش عايزين نظلم الراجل
قد تكون نيته سليمة
وقد تكون انه داخل يجيب زباين
فمش عايزين نظن سوء في حد
عموما انا مبسوط ان الحمد لله نسبة الوعى زادت شوية عندنا
ونظام التسويق الشبكي ده أجمل تعبير سمعته بتاع الأخ فانتوم وهو ان فعلا كأنه طابور طويل وكل واحد بيضرب
اللي قدامه على قفاه واللي في الأول خالص بيحاول يلم أكبر قدر ممكن من الناس عشان يضربهم على قفاهم وهكذا
وبغض النظر عن النقطة دي وعن ان الموضوع حرام الى حد ما
فأنا شايف انه ما ينفعش في مصر نهائي
وبياخد منك مجهود جبار جدا جدا جدا
والناس كلها هتحس انك نصاب
لانك بتتعلم انك تبقى نصاب
ونقطة تالته ان انت وغيرك بتتعبوا وفي ناس بتدخلها فلوس أد اللي هيدوها ليك أضعاف مضاعفة
وانت تتعب وهما يتمتعوا بالفلوس دي
وبيعملوا شبه عملية غسيل مخ كاملة لكل العاملين عشان يتحملوا كل الظروف في سبيل نجاح الشركة
ويتحملوا تعليقات زي اللي احنا بنقولها دي
واننا من سارقي الأحلام ومحطمي الأهداف والي آخر هذا الكلام
بس انا رأي إن اي شي بيجيب فلوس بشكل سريع كده
ده يبقى مشكوك في أمره من أيام شركات الريان والشريف وتوظيف الأموال
الى نظام التسويق الشبكي ده
واللي بسبب دراستي للتجارة أعرف انه عالميا اسمه أسلوب التاجر الفاشل
اللي بضاعته بايره وعايز يصرفها بالطريقة دي
وان دخلك هيوصل أرقام مهولة
ولو دخل عن طريقك مش عارف كام مليون هيبقى انت معاك كذا كذا
انا طبعا بقول الكلام ده عشان أخلص ضميري
فعموما لو انت مرتاح في الشغل ده كمل
انما نصيحة مني لو انت بدأت تحس انك بتدفع فلوس أكتر من اللي بيجيلك
وانك حاسس انك بتضحك على الناس
فربنا يعوض عليك
وكلنا بندعي ربنا انه يرزقنا
بس بالحلال
كده كده الفلوس جاية مدام لينا نصيب فيها
المهم السعي
والسعي في الطريق الصح
اتمنى انك متكونش زعلت من كلامي
ومش عايز أي حد من الأخوة الأعضاء يظن ظن سيء في الأخ اللي عرض الموضوع ده
وأكيد كلنا استفدنا
وتحياتي للجميع

[حسن داود]

الله يخربيت الصين بكفياككككككم دانا يا ظلما من كتر البضايع الصيني عنية ضاقت

[saven777]

ممكن اتكلم واقول راى
كلامكوا جميل بس ليه ميبقاش بدلائل ووقائع
يعنى مثلا كام واحد من اللى اتكلموا دول راح الشركه او عرف الموضوع كامل او شاف الناس اللى شغاله عرف الجهاز او امكانياته
انا هقولك حاجه الراجل اللى كلمك دخل فى شغل وقرر انوا يدور على مكسب من وراه بس للاسف متعلمش وكان كل همه انوا يجيبى ناس مش عايز يصبر بس انا ممكن اقولك الموضوع بطريقه اسهل بكتير وهى
الموضوع عباره عن حاجه هما بيضحكوا علينا ويقوله عليها فرصه واظن مش مشكله ولا عيب ان الواحد لو شاف فرصه يروح يعرف عنها فكل المطلوب منك انك تروح وتعرف عن الموضوع اللى بتتكلم عليه محدش طلب منك تدفع او تدخل فى حاجه كل اللى حصل واللى بيحصل فى الشركه انك بتدخل تعرف القصه عجبتك واقتنعت ماشى معجبتكش خلاص يادار مدخلت شر وبعدين الناس لو فى واحد عايز يتاكد من حاجه او يسال فى حاجه الناس بتساعد والحاجه التالته والاهم ان الموضوع ده شغال وسليم وفى ناس بتنجح وناس بتاخد فلوس بس الصح ان الناس دى بتتعب علشان تنجح وتاخد الفلوس دى يعنى بتستحقها بعكسك انت واحد مكسل يعمل اقل حاجه يعرف عن الموضوع اللى بيتكلم عليه واللى بيتريق عليه وبيدى ردود وبيفتى وده موضوع عادى اظن من اكثر واهم الصفات المنتشره فى شعبنا الغالى
جرب تمشى فى الشارع وتسال عن مكان معين هتلاقى كل الناس بتوصفلك اللى يعرف بيوصف صح واللى مش بيعرف بيفتى وبيقولك على اى مكان على اساس انوا مش راضى يحرجك وخايف على زعلك لو قالك ميعرفش
(مع ان الصح ان هو اللى خايف يحرج نفسه ويوقول سمعت عنه لكن معرفش)
معلش ياجماعه انا طولت عليكم بس انا رائ ممكن نروح ونشوف الموضوع مقتنعناش بيه يبقى حصل خير وبين البايع والشارى يفتح الله
وبعد اذنك كنت بطلب الرابط تانى بتاع تحريم التسويق الشبكى

[phantom_ha]

ممكن اتكلم واقول راى
كلامكوا جميل بس ليه ميبقاش بدلائل ووقائع
يعنى مثلا كام واحد من اللى اتكلموا دول راح الشركه او عرف الموضوع كامل او شاف الناس اللى شغاله عرف الجهاز او امكانياته
انا هقولك حاجه الراجل اللى كلمك دخل فى شغل وقرر انوا يدور على مكسب من وراه بس للاسف متعلمش وكان كل همه انوا يجيبى ناس مش عايز يصبر بس انا ممكن اقولك الموضوع بطريقه اسهل بكتير وهى
الموضوع عباره عن حاجه هما بيضحكوا علينا ويقوله عليها فرصه واظن مش مشكله ولا عيب ان الواحد لو شاف فرصه يروح يعرف عنها فكل المطلوب منك انك تروح وتعرف عن الموضوع اللى بتتكلم عليه محدش طلب منك تدفع او تدخل فى حاجه كل اللى حصل واللى بيحصل فى الشركه انك بتدخل تعرف القصه عجبتك واقتنعت ماشى معجبتكش خلاص يادار مدخلت شر وبعدين الناس لو فى واحد عايز يتاكد من حاجه او يسال فى حاجه الناس بتساعد والحاجه التالته والاهم ان الموضوع ده شغال وسليم وفى ناس بتنجح وناس بتاخد فلوس بس الصح ان الناس دى بتتعب علشان تنجح وتاخد الفلوس دى يعنى بتستحقها بعكسك انت واحد مكسل يعمل اقل حاجه يعرف عن الموضوع اللى بيتكلم عليه واللى بيتريق عليه وبيدى ردود وبيفتى وده موضوع عادى اظن من اكثر واهم الصفات المنتشره فى شعبنا الغالى
جرب تمشى فى الشارع وتسال عن مكان معين هتلاقى كل الناس بتوصفلك اللى يعرف بيوصف صح واللى مش بيعرف بيفتى وبيقولك على اى مكان على اساس انوا مش راضى يحرجك وخايف على زعلك لو قالك ميعرفش
(مع ان الصح ان هو اللى خايف يحرج نفسه ويوقول سمعت عنه لكن معرفش)
معلش ياجماعه انا طولت عليكم بس انا رائ ممكن نروح ونشوف الموضوع مقتنعناش بيه يبقى حصل خير وبين البايع والشارى يفتح الله
وبعد اذنك كنت بطلب الرابط تانى بتاع تحريم التسويق الشبكىانا معاك فعلا ان الواحد لازم يشوف الاول ويجرب ويسأل وانا مؤمن جدا بالحكاية دى بس على فكرة مش لازم فى حاجة واضحة زى الشمس زى الموضوع ده انى اروح بنفسى وشوف وهو واضح الى فيه وضوح الشمس (ربنا عرفوه بالعقل) يعنى لو بحر غرق فيه 10 قدام عينيك مش لازم تنزل بنفسك عشان تعرف هو عميق ولا لأ ده ساعتها يبقى أسمه نوع من الغباء!!!!! وهقولك حاجة تانى الجهاز الى بيعرضوه ده وتمنه كان فى حدود 1000 جنيه ودلوقتى بقى ب 800 تقريبا ,سعر أحسن جهاز نبضات مثله ومش صينى كمان لا يتخطى 90 دولار!!!!!:crazy000: ولو مش مصدق دور على سعره فى المواقع التى تبيع مثل هذه الاجهزة وهتتأكد بنفسك. فجهاز زى ده لا يتخطى سعر أحسن جهاز زيه 400 جنيه وبيبعوه ب1000 جنيه يبقى ده اسمه ايه يا ترى؟؟؟؟
وبالنسبة لان حضرتك بتقول ان الصح ان الناس دى بتتعب علشان تنجح وتاخد الفلوس دى يعنى بتستحقها وان انا وغيرى مكسلين ,فكده انا عاوز اقولك ان الموضوع لو موضوع فلوس تيجى من اى مكان ومن اى شغلة حتى لو كانت تافهة وتنطوى على شىء من النصب ساعتها بقى يبقى أولى ليا انا وأمثالى من المكسلين اننا نشتغل منادى عربيات او سايس يعنى والناس ديه بتتعب برضه ولا ايه؟؟؟؟!!!!!!!!
وبالنسبة بقى للرابط: http://www.islamweb.net/ver2/Fatwa/S...ang=A&Id=35492

[mostafa samir a]

وعلي فكره الجهاز اثبت ان النبضات بتاعته ليها كثير من الاعراض الجانبيه وكانت مكتوبه في الاهرام وللاسف لأني شغال دي اس ال مش عارف اجيبلك المقاله


ارجو التوضيح للاهميه

[أسد مصري]

الواحد تاه بيم مؤيد ومعارض

[كيكوسات]

انا اؤيد ال قال ان النظام التسويق الشبكي فاشل بدليل ان سيادتكم بتحاولو تقنعونا بان احنا نشتري الجهاز علشان نكون اعضاء في الشبكه دي وبس مش علشان الجهاز ليه مميزات او ممكن ينفع كل الناس وفي الاخر بعض ما الضحيه يدخل في الشبكه يحاول يقنع هو كمان الناس بانهم يشتروا الجهاز علشان يقنعوا غيرهم بشراءه علشان بردوا يكونوا اعضاء يعني الجهاز ملهوش لازمه والهدف ان انت تجمع عملاء علشان يكوا اعضاء
يعني مندوب المبيعات احسن منكم ميه الف مره على الاقل هو بيحاول يقنع الناس بانهم يشتروا بضاعه علشان يستخدموها مش علشان ياخدوا نسب بعد كدا

[hamadam2002]

واضح ان نسبة كبيرة من الأعضاء معارضين الفكرة الفاشلة دي
وبالنسبة للأخ اللي بيقول ان لازم نورح عشان نشوف بعنيننا
فبقوله ان موضوع التسويق الشبكي ده هو واحد ونفس النصب ونفس النصابين
ونفس الكلام المكرر احنا شركة مية مية احنا عندنا سجل تجاري كذا كذا
وبندفع الضرايب والخ من الكلام اللي لا بيودي ولا يجيب
واللي دخل ولحق ينصب على اكبر قدر ممكن عايز الباقي يبقى نصابين زيه
وانا واثق ان في ناس كتيرة وقعت في الموضوع ده بسلامة نية
ونفسها بس ترجع الفلوس اللي دفعتها تاني
ولكن الموضوع أصبح زي الادمان
عايز على طول ناس
ربنا يسترها علينا