××× شركات البترول والبنك التجارى الدولي×××

[al3na2010]

السلام عليكم ورحمه الله وبركاته

الاعضاء الاعزاء

لكم مني التحايا والتقدير


كنت عايز اسئل اى حد لو عنده اى بيانات عن الوظائف في شركات البترول او البنوك وخاصه البنك التجارى الدولي يحاول يساعدني بــ أى معلومات يعرفها عن كيفيه التوظيف في هذه الاماكان وعن المرتبات والمزايا التي توجد بها


واى حد يعرف اى حاجه ياريت مايبخلش عليا بيها



ولكم مني جزيل الشكر علي تعاونكم ....

[deutsher102]

هههههههههههههههههههههههههههههههههههههههههههههههههه ههههههههههههههه انا اسف على الضحك بس انت بتتكلم بجد والا بتهزر شركات لبترول والبنك التجارى الدولى مره واحده يا راجل قول شغل فى مصلحه المعاشات والا فى التربيه والتعليم حاجه كده على ادنا وبعدين فكرك الشركات ديه بتطلع اعلانات علشان الشغل بقلك ايه ربنا يوفقك

[msmr]

ولا تزعل نفسك يباشا خش علي الينك ده وشوفه وفيه البنوك كلها http://www.egypt.com/press/banks.asp

[aloa83]

ربنا يوفقك انت صحيح شكلك مش عايش فى الدنيا

[m_m02202]

ده نايم و لا ايه
انت عارف انت سنه ايه و لا يوم ايه ولا الساعه كام؟
ائولك انا.....
سنه 40 مليون شاب عاطل(تقريبا)
يوم 7300 يوم اسود عشناهم ولسه الايام الجايه اكثر سوادا(عشرين سنه تقريبا)
الساعه ......ادينا مستنين الساعه اللى ربنا يريحنا فيها منهم(طبعا عارفين انا ائصد مين)
قال بنوك قال...................
صباح الخير يا مان

[vito_corleone14]

البترول: يافلوس جامده اوي ياواسطة كبيرة جدا.....وسلملي على الشهادات
البنوك: نصيحة لو تقديرك كويس في كلية تجارة او اى كلية ادارة اعمال او قتصاد.....يعنى لو جايب طبعا مش اقل من جيد...حاول تجيب عناوين كل البنوك او ارقام فاكساتها.....وافضل ابعت في(c.v) بيتاعك كل اسبوعين على عنواين كل البنوك...ومتزهقش افضل ابعت ...ممكن جدا بنك يبعتلك عشان تعمل مقابلة شخصية.....بس البنوك الكبيرة زى البنك التجارى الدولي مثلا هايخليك تعمل اختبار اول....لكن البنوك الحكوميه محتاجة واسطة كبيرة برضه الا لو كان تقديرك كبير جدا وليك ترتيب على الكلية دا وضع تانى
خلاصة الكلام
في البترول: انسى انسى انسى الا لو كان ليك واسطة جامده +فلوس (رشوة)
في البنوك: تقدير كبير مع ارسال السي في كل اسبوعين بدون زهق...بنوك حكومية زى البنك الاهلى (كوسة)..بس برضه ابعتلوة ممكن تحصل ويبعتولك

[mydo777]

شكرا للأخ vito_corleone14 علي انه ما أحبطناش ذى باقي الإخوة

يا إخواني حال البلاد لا يخفي علي أحد و يا ريت ما نحبطش بعض و نشجع بعض علي المحاولة

[hamadam2002]

يا عم ولا يهمك من الكلام ده كله
اسعى انت بس وادعي ربنا وظبط نفسك في الكورسات
وخللى أملك في ربنا كبير
ولو ربنا رايد ليك خير في حاجة هتجيلك
عمر الطموح ولا الأحلام كانت وحشة
بالعكس
بس المهم ما تكونش أحلامك زي أبراج مبينة على الهواء
اعمل أساس قوي والأساس القوي ده هو اللي هيشيل احلامك كلها مهما كانت عالية
اهم حاجة قوي الأساس على أد ما تقدر
والشهادات مهمة جدا
بس المهم انك تكون واخد الشهادة عن جدارة مش مجرد ورقة وخلاص
وادعي ربنا وربنا سميع وقادر على كل شيء
وادعليلنا كمان معاك
ومتبقاش تنسانا لما تتعين:msn-wink:
وربنا يوفقنا جميعا يا رب

[al3na2010]

بسم الله الرحمن الرحيم


لحد دلوقت كاتب الثريد من فتره ومتابعه بس مالقتش حد يستاهل ارد عليه او مالقتش حاجه ارد عليها غير هؤلاء الاشخاص الذين سوف اذكرهم ... المحترمين



اللي خلاني ارد علي الثريد ثلاث اشخاص هم المثال المحترم وده اللي اقصده ومهما اتكلمت عليهم او قلت في حقهم بجد هما اكبر من كلامي لانهم فعلاً دخلو وقالو اللي عارفينه بدون مايحبطوا الانسان او يقولو كلام ملوش معني


شكر خاص جدا لهم مع كل الاحترام والتقدير ومهما قلت هما اكبر من كلامي عنهم :

الاستاذ vito_corleone14

الاستاذ mydo777

الاستاذ hamadam2002

[Mared83]

انا بشجعك على اصرارك وتفكيرك النضيف ومايهمكش من الناس المحبطه دى واوعى تحبط وخليك عندك ثقه فى ربنا وديما فكر كويس ومتحطش الوسطه فى دماغك
للاسف انا ماعنديش ماعلومات بخصوص الموضوع بتاعك

[hamadam2002]

اولا ربنا يخليك على الكلام الجميل اللي انت قولته ده
ثانيا زي ما قولتلك الطموح والأحلام دي بتكون شئ كويس بس تكون مبنية على أساس صح مش مبنية على الهواء
ثالثا اعرف ان مفيش حد في الدنيا كلها عارف قيمة الحلم والهدف بتاعك الا انت
واللي بيحاول انه يحبطك او يتريق عليك ده
يا اما فاشل ومش عايز حد يبقى ناجح في الدنيا
يا اما غيران منك
يا اما بيشكك في قدراتك وبيستهزئ بيها
وكل ده لا يعنيك في شيء
وبالتوفيق

[al3na2010]

أنا بجد مش عارف أقول او ارد حتي علي الناس المحترمه واللي بجد بتحاول تساعد الانسان ولو حتي بالكلمه وده ابسط شيء



وبشكر جداً الاستاذ Mared83

علي تشجيعه وكلامه الجميل واللي بيدل علي شخصه المحترم والاخلاق العاليه


واكرر شكري لــ الاخ الفاضل وعلي قد اخلاقه العاليه انا مش عارف اقوله ايه بس مش لاقي غير اشكرك

الاستاذ hamadam2002


ولكل من قام بالرد علي وتشجيع الموضوع لهم مني جزيل الشكر والتقدير والاحترام علي مجرد تفكيرهم بالرد والمساعده ولو حتي بالتشجيع


وياريت دائماَ يجمعنا الديفي دي العربي علي الحب والتعاون ...

[pop999]

شوف ياباشا انا هقولك لان اصحابي اللي وصليين كتير اوي بس اللي زياك وزيا علي الله بس انا علطول عرف هما بيتعينوا ازاي

نبدا اولا بشركات البترول انا لي 3 اصحاب شغلين تبع وزاره البترول واحد خريج معهد خدمة والتاني معهد هندسه والتالت زراعة بس معهم وسطه واحد منهم بيحكيلي ان اللي شغلين معه ملهمش علاقه خالص بالبترول اللي هو خريج معهد هندسه ...بس حط في دماغك الوسطه قبل كل شي صددددددددددددددقني...والوسطه يعني الفلوس طبعا هما بيدفعوا بس المهم مين اللي بياخد منهم ما بيرضوش يقولوا والوسطه بتاخد فحدود 20او25 الف

اول مرتب في شركه البترول التابعه للوزاره 900 جنيه قابله للزياده بس بعد فتره من 4الي 5 سنوات ومش كل شركات البترول فيه اللي تابعه للبوتجاز بياخدوه اعلي هما والبترول نفسه واقلهم الغاز الطبيعي

اما البنوك فالوسطا بتعتها سهل في حاله معرفه شخص له علاقه برئيس مجلس اداره البنك واللي يعرف رائيس مجلس الاداره اتعيين فالبنك ... ولو تقصد البنك التجاري الدولي بياخدوه اول تعيين لحد علمي 1600 جنيه اول تعيين وغير المكافات وبتوصل الي 2500 بس اللي هيشغلك في السي اي بي هياخد منك 100 الف جنيه

واي خدمه معلومات اكيده ومتتعبش نفسك بالسي فيا ده بس انت وحظك

[al3na2010]

متشكر جداً علي ردك والمعلومات المفيده وعايز اعرف من وجه نظرك ايه الافضل بس انت قلت مرتب شركات البترول التابعه للوزاره 900 جنيه بس اللي انا بسمعه ان مرتبتهم اعلي من كذا بكثير حتي يمكن اعلي من البنك التجارى الدولي مش عارف مجرد حجات بسمعهاا


ومتشكر علي اهتمامك وردك pop999

[alexboy88]

يا جماعة في حديث عن الرسول( ص) بيقول من كان يؤمن بالله واليوم الاخر فليقل خيرا او ليصمت -صدق رسول الله صلي الله علية وسلم

اكيد الموضوع لازم واسطة وفلوس بس اهو الواحد بيعمل اللي علية والتوفيق من عند الله

[al3na2010]

يا جماعة في حديث عن الرسول( ص) بيقول من كان يؤمن بالله واليوم الاخر فليقل خيرا او ليصمت -صدق رسول الله صلي الله علية وسلم

اكيد الموضوع لازم واسطة وفلوس بس اهو الواحد بيعمل اللي علية والتوفيق من عند الله




مقدرش اقووووووووووووول بعد كلامك غير الله عليك


ولك مني التحايا والتقدير

[pop999]

خريجي هندسه بترول وباور بس هما اللي مرتبتهم كبيره لكن انا بقصد الشهادات الغير هندسيه بيشتغلوا ادريين

[al3na2010]

متشكر جداً علي الرد وفي انتظار مزيد من المعلومات

[al3na2010]

ياريت اى حد يعرف المرتبات في الثلاث شركات اللي هقول اساميهم يقولي وايهم افضل واحسن


1/ شركه الاسكندريه للبترول

2/ شركه بتروميد

3/ شركه التعاون


ولكم مني جزيل الشكر

[al3na2010]

ايه محدش عارف حاجه عنهم ؟؟

[omar_2]

والله الارزق على الله والدنيا حظوظ ولو ربنا كتبلك لقمة عيش فى حتى هتلروح علشان تاكلها و ربنا يوفقك

[al3na2010]

متشكر جدا ياعمر علي ردك وفي انتظار اى معلومات

[mo7amed 3mara]

انا اسف بس صعب صعب صعب صعب صعب صعب ..............

[fanko86]

انا عندى عنوان الموقع بتاع شركه شلمبر جير ممكن تدخل عليه وتسجل فيه وتبعت ال cv وربنا يوفقنا جميعا
www.slb.com/careers

[al3na2010]

شكراًجداًعلي الرد

[egale1984]

انتا اسعي ياباشا وانشاء الله ربنا يكرمك ويكرمني ويكرم كل انسان عندو طموح انو يحقق احلمو وانا الحمد لله عندي امل كبير في ربنا وانشا الله ربنا هيكرمنا انا زيك ياجميل بردو نفسي في فرصت شغل كويسة تحقق احلامي وانشاء الله ربنا يرزقك ويرزقني بشغل كويس.

[al3na2010]

egale1984 متشكر جدا علي ردك وصدقني لو عندك طمووح هتوصل ان شاء الله وخلي املك في ربنا كبير


وان شاء الله ربنا يوفقك ................ ولك مني التحايا والتقدير

[OMEGA2005]

tayeeeeeeeeeeeb