سؤال بخصوص تقويم الاسنان

[esso001]

هاخش فى الموضوع علطول . انا بشوف ناس كتير مركبين تقويم اسنان ونفسى اعرف دا بيفيد فى ايه بالظبط وياريت لو سمحتم اى طبيب اسنان منكم يكتبلى دواعى استعمال تقويم الاسنان كلها علشان لو كنت محتاج اركبه اكون عارف علما بأن عمرى 20 سنه وشكرا مسبقا .

[B O S T O K]

السلام عليكم

على فكرة انا عندى 20 سنه ومركب تقويم بقالي حوالي سنه

المهم :

دواعي التقويم :

بيبقى لتصحيح وتعديل وضع الاسنان للوضع المثالي

فمثلا لو أسنانك فيها crowding اي انها سنه طالعه لقدام والتانيه لورة مثلا
يعني بالبلدي كده ... متنحكشه.. أو ملغبطه

أو ان أسنانك بضب مثلا ..التقويم بيظبط الضب ده
وهكذا

لو انت سنانك كويسه ..بلاش تركبه
يعني لو الموضوع عندك مسأله سنه واحده ولا حاجه فبلاش تلجأ للتقويم

عيوب التقويم :

1. بياخد وقت طويل
2. بيحتاج منك عنايه بالاسنان وتنظيفها خلال تركيب الجهاز الثابت أكتر م الاول .. ليه؟؟؟ لأن الاكل بيتراكم عليه وان مكنتش تنظفها كويس بعد الاكل وقبل ماتنام هتلاقي سنانك اصفرت وبدايزيد فيها التسوس
3. ودي حاجه في الكتب وهي ان التقويم بيسبب ضعف الجذور بتاعه الاسنان نظرا لان الشغل عليها وتعديل مواضعها بيسبب انها تكون أضعف م الاول
4. غير ان ممكن لو لغبطه السنان دي كتيرة أوي ..بتحتاج تخلع سنان من بقك ويعيد تنظيم الاسنان على هذا الوضع
ودي حاجه متخضش أوي لأنك مبتحسش بيها أو مبتفرقش معاك في الاخر


مسأله السن:
امتى اقدر أعمل وامتى مقدرش؟؟؟

بيبقى فيه غضروف ثانوي(secondary cartilage) في مفصل الفك(TMJ) الغضروف ده بيحصل تعظم كامل -يعني بيتحول عضم- لما الانسان يوصل 25 سنه تقريبا

وفي ناس بيتحول عندهم الغضروف ده لعضم في سن أقل من كده .. وفي ناس في سن أكتر من كده

طول ما انت عندك لسه غضروف ماتحولش لعضم ..ممكن تعديل وضع الاسنان وتعديل العلاقه بين اسنان الفك السفلي واسنان الفك العلوي

وده بيبان في نوع معين من الاشعه اللي بتتطلب قبل التقويم اسمه Cephalometric
وعلى اساسه بيبداطبيب الاسنان (المتخصص) في بدايه عمليه التقويم .

ونصيحه مني ...لو سنانك شغاله يعني ...بلاش تقويم !

د.باسم الفحل

[B O S T O K]

لو عايز معلومات أكتر خش على اللينك ده:

http://www.dvd4arab.com/showthread.php?t=113731

المشاركه الرابعه

هتلاقي كل اللي انت عايز تعرفه

[karabantas4444]

[
مسأله السن:
امتى اقدر أعمل وامتى مقدرش؟؟؟

بيبقى فيه غضروف ثانوي(secondary cartilage) في مفصل الفك(TMJ) الغضروف ده بيحصل تعظم كامل -يعني بيتحول عضم- لما الانسان يوصل 25 سنه تقريبا

وفي ناس بيتحول عندهم الغضروف ده لعضم في سن أقل من كده .. وفي ناس في سن أكتر من كده

طول ما انت عندك لسه غضروف ماتحولش لعضم ..ممكن تعديل وضع الاسنان وتعديل العلاقه بين اسنان الفك السفلي واسنان الفك العلوي



لتصحيح المعلومة دى التقويم ملوش سن
السن بيفرق بس فى مدة ال retainer
يعنى لو انت سنك صغير محتاج تلبسه من 6 الى 12 شهر
بس لو سنك كبير بتلبسه على مدى حياتك تقريبا
و عادى فى ناس شوفتها فوق الأربعين و الخمسين و عاملين تقويم
و على فكرة دة كان سؤال سأله أستاذ عندنا وطبعا أحنا اتدبينا و قلنا السن الكبير مينفعشى فيه تقويم

[B O S T O K]

المعلومه دي خدناها واحنا بندرس الـ embryology

ولكن امبارح بس سمعت في المؤتمر اللي النقابه بتاعتنا عاملاه ان التقويم ممكن يتعمل في أي سن

وكان المحاضر د. محمد بوشناق

هو كان يا من القاهرة يا من اسكندريه

هو ده اللي قالكم المعلومه دي ؟؟

وشكرا ع التصحيح !

[karabantas4444]

لأ أستاذ تانى اللى قالهالنا
و الصراحة معرفشى الدكتور محمد بوشناق
و فى النهاية انا بصحح عشان الكل يستفاد
و شكرا يا باشا

[karabantas4444]

بخصوص ال TMj و ال growth centers دة بيبقى لية سن معين و تقريبا بيبقى قبل 10 سنين و دة بيستخدم فى myofunctional appliances
this for restriction of rapid growth of maxilla or mandible & after age of 10 we can't use this appliances till the growth of of face is completed & this is at about age of 18 to 21 then we can make orthognathic surgery to correct it
& this is for malocclusion which its etiology due to the skeletal defect