الجزع الرابع من موضوع ( احصل على الجسم الذى تريده فى اقل وقت ممكن !!)

[zikoofire]

السلام عليكم اخوانى الكرام

.... ازيكم ... وايه اخباركم... كل عام وانتوا بخير.. ويارب تكونوا بخير دايما..
اسف لو كنت اتاخرت عليكم ...بس انشاء الله مش هاتاخر عليكم تانى.. بس هى ظروف الحياة بقى
ازيك يا وحش .. ايوة طبعا اتحسنت باين عليك اهو :in_love0:
بص بقى النهارده انشاء الله اول حصة ليك فى الحديد
طبعا انا واخد بالى انك ما بتخافش
بص بقى.. النهارده انشاء الله فى جدولنا هايكون كتف وتراى
هانبدا بعضلة الكتف وبالنسبة للكتف يمكن ما تحسش انت نفسك ان هو ذو قيمة
لكن الحقيقة لما بتهتم بيه بيدى فورمة عالية جدا وشكل هايل للذراع والجسم بشكل عام
يلا تقعد على دكة الكتف
هاتعمل زى مانا بعمل كده :showoff0: تطلع فوق خالص .. وامسك من اخر عرض لكتفك
لا معلهش انا عارف انه تمرين رخم ... بس ضرورى .. هاتعملى اربع تمرينات ... منهم دور بالبار فاضى
وبعد كده بوزن خفيف
يلا وانا معاك اهو
ماشى تمام
الوزن بقى
لا كفاية 5 كيلو فى كل جنب
تمام اوى بجد عااااش
بص بقى يا جميل ... اللى بعد كده الكتف الامامى ..وده ليه وضعين ( واسع - وضيق )..
خلينا النهارده نبتدى بالكتف الواصع لانه اسهل فى التمرين .. خصوصا انك لسة ماخدتش على التمرينة ديه
اربع ادوار برده الاول بالبار فاضى والبافى 3/5
بكده انت وحش بالبارdumbbells
خلينا بقى نخش على الدامبلز ...
التمرين الاول وهو التجميع
واللى انت يا وحش هاتعمله هو انك تطلع زى مانا بعمل كده لغاية الاخر وتضم ايدك .. وبعد كده تنزل برده لغاية اخر مفصل كتفك...وياريت تركز فى التمرين
التمرين اللى بعد كده هو الامامى
هاتعمل كتفك 45 درجة
لا يا حدق مش بالمنقلة ولا حاجة
بس تقديريا كده
زى مانا بعملها كده خليك معايا .. يابنى ركز معايا انا .. مش قولتلك قبل كده دول بيلعبوا من بدرى
لايا خفيف من بدرى يعنى مش من 8 الصبح
يعنى من سنين
المهم
بعد الامامى
هاتدخل على تمرين الرفرفرة.... ايوة اضحك اضحك... لما تلعبه هاتضحك اكتر ...لا المرادى جانبى بس
اللى هى بتلعبها وانتى ظهرك مفرود زى كوز الذرة
والتانية بتبقى موطى زى تمرين القطانية كده .. لا هانبقى نعرفه مع بعض بعدين
المهم 4 ادوار بوزن خفيف
بس خلصت..
حلو ندخل بقى على عضلة الترااااااااى
وهى بالمناسبة عضلة رخمة شوية !!!!
بص يا سيدى مش هانطول النهارده فى التمرين بتاعى التراى يعنى هاننجز عشان انت تعبان
ايه هو انا دوست على الوتر الحساس ولا ايه
لا تماسك يا وحش
التمرين الاول بالبار ... وهو الضغك العلوى ... يعنى هاترفع البار الزجزاج وترفع لفوق .. وحاول تضم كوعك شوية عشان تركز على العضلة..
4 ادوار منهم واحد بالبار فاضى والتلاتة التانيين بوزن خفيف .. ممكن 5 كيلو
اللى بعد كده هايكون وانت نايم.. ودراعك عمودى على جسمك ...وانزل لغاية الاخر
برده عدد مرات زى الاول
كده خلصنا البار
هاندخل بقى على الدامبلز
هاتعملى ....
ايه يابنى خلاص اهو والله قربنا نخلص .. اصمد بس اصمد
اعملى تمرين الفرنساوى
ترفع الدامبز للاخر بضغط اعلى
وتنزل لغاية خلف رقابتك عندك كتفك الخلفى
وبلاش اللى بشوفه من عجب العجاب فى الفرنساوى .. اللى ماتعرفش هو فرنساوى ولا المانى ..
ناس بتحجز بايديها .. واللى بيرفع بايد ويساعد اوى بايد تانية
المهم 4 ادوار هو صعب شوية خليه بوزن خفيف احسن
ندخل بقى على الشاكوش.. وده بقى بجد بجد هايل جدااا.. بيدق عضلة التراى..
حاول وانت نازل تقرص اوى على التراى و تنزنق عليها اوى وانت تحت ... وخليك تحت لمدة ثانيتين قبل ماتطلع تانى
بسسسسسسسسسسسسسسسسسسسسسسسس
تماااام عاااش اوى
كده انت خلصت تمرينة النهارده ..
ياعلى يا ابراهيم يا حسين .. شيلوه لغاية البيت
وبكده اعزائى المشاهدين .. يوووووووه
من ساعة ما سيبت التليفيزيون وانا لسة مش قادر انسة كنت بختم ازاى
وبكده اخوانى الاعزاء نكون خلصنة تمرينة اليوم الرابع
ومستنى مشاركاتكم ... ماتتاخروش على ارجوووووووكم
اخوكم
zikoofire

[vampir11]

ههههههههه
انتا جامد يازيكو والله اسلوبك اكتر من رائع
بس انا زعلان منك ياعم
الوحش بتاعك بعد تمرين الكتف راح يجرب كتفة فى باب القوضة بتاعتة
وكتفة اتكسر مش تتواصى بية فى التمرين شوية
المرة الى فاتت بعد الجينيرال راح ضرب الحاج محسن بتاع البليلة والمرادى كان عايز يكسر الباب
مش كدا ياعم
ههههههههه
كان حقك تبقى صحفى فى جرنان باسلوبك الجميل دة
تسلم ايدك وكل سنة وانتا طيب

[ttiittoo1]

الله عليك يا زيكو يا جامد اية يا واد الحلاوة دي بجد موضوع هايل :icon30: :icon30: :icon30:
بس عندي سؤال هو اية تمرين الشاكوش دة :bigsmile: :argue:
ولو مقولتليش اية هوة هــــ:icon_twis :qleft5: :blob7: :firestart :violent5: :blob10: :new_2guns :XXbazooka :qtank: :blob8:

[ttiittoo1]

علي فكرة حلوة حكاية >الجزع الرابع< خصوصاً الجزع :bigsmile: :bigsmile: اوعة تكون زعلت انا بهزر معاك:nosweat0: :nosweat0: :cupidarr: :bleh0000: :bleh0000: :bleh0000: :bleh0000:

[zikoofire]

الف شكر يا فامبير وياتيتو ... والله بجد ماحد جميل غير مشاركاتكم يا كباتن
اما بالنسبة للشاكوش يا تيتو .. فهو زى تمرين الدامبل بتاع الباى .. بس الفرق انك بتركز فيه على النزول .. يعنى بتقرص اوىى .. وانى نازل .. لحد لما تعس ان العضلة شدت اوى ..
يعنى تطلع عادى .. ولما تنزل تقرص تحت وتثبت ثانيتين

[kabreet]

ايه ياعم زيكو الجمال ده

لا بجد تمارين جامده جدا واسلوبك اكتر من رائع

وان شاء الله الكل يستفاد

واتمنى لك مزيد من التوفيق والتقدم

وكل سنه وانت طيب وكل اعضاء المنتدى طيبين

[zikoofire]

وانت طيب يا كبريت واتمنى فعلا تكونوا استفدتوا لان ده هو هدفنا كلنا

[MR.ELTOONY]

تسلم يازيكو على الحلقة الجديدة دى يابطل

وفى انتظار المزيد منك ياغالى

وكل عام وانتا بخير

تحياتى

[Mr.MasRawY]

مجهود رائع يا زيكو
بس ابقى كتر التمارين للوحش شوية
الراجل بقاله معانا 4 اجزاء اهو يعنى بقى قديم ههههههه
شكرا يا غالى

[zikoofire]

العفو يا كابتن مصراوى وياكابتن التونى ... وربنا يخليكوا للمنتدى
وبالنسبة لكتر التمارين .. انشاء الله هايكون فة تنويع فىالنظام التدريبى .. عشان نغطى مساحة عضلية اوسع
بس ماتحرقوش بقى بقيت الحلقات
اتمنى انى اشزف مشاركات بقيت الاعضاء

[simosta]

بجد الله عليك وتستحق كل شكر

دايما كده يا غالى مواضيعك ممتازه

ربنا يوفقك

[mohamed2010]

اللهم صل على سيدنا محمد وآله وصحبه وسلم

اللهم إن كان لك صفوة تدخلهم الجنة بدون حساب ولا عقاب فاجعل قاريء رسالتي منهم.....

اللهم وفق مرسل هذه الرسالة وأعنه على ذكرك وشكرك وطاعتك وحسن عبادتك,

اللهم وفقه لما تحب وترضى, اللهم أحسن خاتمته واجعل قبره روضة من رياض الجنه,

اللهم ارحمه وارضى عنه وارزقه الجنة التي وعدت بها عبادك الصالحين

(((لا تتكاسل في نشرها)))

[zikoofire]

جزاكم الله خيرا يا محمد