تجربتي في عيادة اسنان مصييييبه

[d0tn3t]

السلام عليكم ورحمة الله وبركاته

انا عايز اقولكم على تجربتي في ابشع مكان في الارض قصدي عيادة الاسنان :crazy000:

البداية كانت من كام يوم كده حسيت بوجع خفيف في ضرس من اضراسي هوه بصراحه مش وجع خفيف قوي يعني انا ليلتها معرفتش انام اصلا من ضرسي وبقيت اقول يا ميييييييييييين يخلعه و يريحني و قولت بقى لازم اروح الحق و اخلعه و اريح دماغي لما كنت هاعيط خلاااااص من الوجع :shutup00: :icon1366: :icon1366:

المهم روحت تاني يوم عند دكتور سنان اعرفه من بعيد كده يعني وانا اصلا طالع و رجليا عماله تخبط في بعضها و حاسس اني هايغمي عليا وخلاص على فكره انا عملت عمليه قبل كده ومابخفش من الدكاتره بس بتوع السنان بقى فعلا عندي دراكولا ارحم منهم :essen000: :essen000:

المهم دخلت على الراجل و قعدنا نتكلم في الشغل و البلد و الدنيا اصلا انا كنت بتوه عشان مايقمش و بعدين قاللي ماتقوم بقى يابشمهندس عشان اشوف فيه ايه المهم انا قمت بالعافيه و قعدت على كرسي الاعدام :firestart:

معلش طولت عليكم بس اعمل ايه اصلي مش طاااااااايق بقى ولا سناني خااااااالص

المهم بعد مغسل ايديه و ظبت نفسه لقيته ماسك بتاع كده بسن في ايده وعينك ماتشوف الا النور انا شفت البتاع ده من هنا قامت معدتي قلبت و اقعدت ارجع و بهدلت الدنيا وابدا مش هارجع تاني

الوجع رجع تاني و روحت غصبن عني بس المره دي بقى غمضت عنيا عشان ماشوفش حاجة وبرده اول ماوصل عند بقى بطني قلبت و كنت هاموووووووت

الحقوني ياجماعه الوجع فعلا لحد دلوقتي سعات بيجيني و بيألمني اوووي وانا بخاااف جدا من دكاترة السنان دول ومش عارف اعمل ايه
ياترى فيه دكاتره سنان بيستخدموا بنج كلي يعني اول مادخل يخدروني و اناااااااام على طوووول او فيه طريقه للخلع او للحشو من غير الحقن :shutup00: و البتااااااع الطويل ده ابو سن :crazy000:

[karabantas4444]

يا عم الحاج انت اصلا عمرك أخدت أبرة فى العضل لو الوريد
اهو أبرة الأسنان أصلا مبتوجعش و لو حسيت بوجع بيبقى أخف من وجع الأبر العادية
و بعدين الكلام دة لو جه من بنت او عيل صغير نقول ماشى بس يجى من راجل يبقى أخص على الرجالة
فيه نظام البنج الكلى فى الأسنان بس مكلف + انك لازم تعرف ان نسبة الوفيات من التخدير الكلى حوالى 1 كل مليون شخص و انا معرفشى اذا كنت فقرى و لا اية نظامك و تكون سعيد الحظ اللى يتكل
و بعدين يا أخى الخوف و الترجيع ممكن تتغلب عليه بأدوية قبل متروح لدكتور الأسنان و نصيحة متخلعشى سنة و أحسنلك تعالج العصب
و لو انت أسكندرانى و تعرف تجيلى حوريك حعمل فيك أية

[®Martindale]

بصراحه انا بخاف جدا من الحقن ...... لكن اكتشفت ان كلام الدكتور karabantas 444 صحيح جدا بعد ماجربت

الحقنه مش بتوجع إطلاقا ومش بحس فيها نهائيا.

عموما علشان تكون عارف انا بقالي شهرين مكسل اروح لدكتور الاسنان علشان الموضوع ده.

[karabantas4444]

بصراحه انا بخاف جدا من الحقن ...... لكن اكتشفت ان كلام الدكتور karabantas 444 صحيح جدا بعد ماجربت

الحقنه مش بتوجع إطلاقا ومش بحس فيها نهائيا.

عموما علشان تكون عارف انا بقالي شهرين مكسل اروح لدكتور الاسنان علشان الموضوع ده.
شوفت ادى الرجالة اللى قهرت المستحيل :flex0000: او الخوف و بعدين بردة عشان افهمك ساعات الدكتور لما يبقى شاطر بيلهى العيان صح و بتكون ايده خفيفة

[scozy_touny]

بص يا سيدى الموضوع ده بيحصل عادى جدا انت طبيعى ما فيهاش حاجه انك تكون خايف
الالم اللى انت بتقول عليه ده الم عصب مش ضرورى انك تخلع السنه دى لكن الافضل انك تحشيها عصب
وزى ما قال زميلى العزيز الدكتور الشاطر هو اللى يلهى العيان وما يخليهوش يشوف الادوات بتاعته وزى ما قال برده الابره مش بتوجع قوى كده لانها رفيعه قوى فمش مؤلمه للدرجه اللى انت متخيلها على فكره انا دكتور اسنان وجربت كمان ان حد يعملى عمليف فى بقى وخلى بالك حاول تشيل من دملغك فكره الخوف والجزاره وكرسى الاعدام دى عشان تخلص من الالم ده والله المستعان

[dr_abod]

وجع مره بدل وجع كل مره

[drsenna]

انا من كام يوم جالى العيادة راجل طويل عريض قد 2 متر طول المهم قاللى انا هخلع بس من غير بنج قلتله ليه يا عم قاللى بخاف من الحقنه المهم بالراحة كده فهمته وادتله الحقنة الراجل محسش بيها خالص وبعد ما كان خايف من الحقنة قاللى يا دكتور ادينى حقنه بنج تانى علشان محسش بالم الخلع والراجل خلع وروح وهو بيضحك والحمد الله لسه عايش لحد دلوقتى
فنصيحتى ليك حاول متخفش وممكن الدكتور يستخدم اسبراى الاول قبل الحقنة وانت مش هتحس بشكة الابرة خالص
واحمد ربنا انا كنت بروح فى مستشفى فى قرية كنا بندى حقن الأسنان بالسرنجة البلاستك

[karabantas4444]

واحمد ربنا انا كنت بروح فى مستشفى فى قرية كنا بندى حقن الأسنان بالسرنجة البلاستك [/b][/QUOTE]
اة يا جزارين بحقن البلاستيك

[mimo2]

يا عم احمد ربنا دانا الدكتور اللى برحوله مابيرضاش يدى بنج خالص وبيقول انه مش عمال على بطال ناخد بنج دانا من شهر عملت عنده علاج عصب من غير بنج وعينك ماتشوف الا النور حسيت انه بيحفر بالشنيور فى اسنانى بس بعد ماشال العصب انسى ولا حاسس باى حاجة
انا نفسى الدكتور يستخدم بالبنج عمرى ما رحتله وادانى بنج الا البنج الاسبراى اللى مالوش اى لازمة

[drsenna]

الراجل باين عليه بيوفر

[karabantas4444]

يا عم انت مسموحلك لو شخص بالغ تاخد لحد حوالى 15 حقنة بنج
دة شكله دكتور كفتجى

[فافافا]

نصيحة لا تذهب الي هذا الدكتور مرة اخري لأنه جزار