المساعد الشخصي الرقمي

مشاهدة النسخة كاملة : العضلة العنيدة !!!

zikoofire
03-10-2006, 02:33 AM
dumbbells السلام عليكم ورحمة الله وبركاتهdumbbells
السلام عليكم اخوانى الكرام ازيكم
اتمنوا انكم تكونوا بخير
بعد غياب طيل اعتذر عنه
وبعد اكتئابى وحزنى الشديد لرحيل مشرفنا المحبوب كابتن طارق
اسمحولى اكتب موضوع ربما شغل الكثير منا
بتمرن العضلة كتييير
بس ما فيش استجابة!!!!
تقول للكابتن
ياكابتن هو انا بعمل كده التمرين غلط؟؟؟
يقولك لا كده صح اوى
تستغرب
طب ليه العضلة مش بتنموا ؟؟؟ اشمعنى رفيقى الرياضة فيه تحسن
الاجابة بصراحة
ان كل جسم فيه عضلة
تسمى العضلة ( العنيدة )!!!العضلة العنيدة بتمنوا ببطء شديد
تحتاج لرعاية خاصة
لا تحاول ارهاقها
ولكن مرنها بعقل
بمعنى انها تحتاج تمرين فوق العادى ولكن ليس بشكل يدمرها
قد تكون هذه العضلة البنش
قد تكون عضلة الترايسيبس
قد تكون الاكتاف

ولكن اسمحوا لى ان اقوم بعمل استفتاء عن العضلة العنيدة لكل مناارجوا المشاركة
اخوكم
zikoofire
د/حمادة الهوارى
03-10-2006, 03:53 AM
شكرا على التوضيح يا زيكو
fathygad
03-10-2006, 04:00 AM
البنش هو العضله العنيده
brucelee
03-10-2006, 04:05 AM
غالبا يا جماعه من اكثر العضلات العنيده على حد علمى هو الدراع ككل من باى وتراى من اكتر العضلات العنيده ولكن العضلات الاخرى تعتبر نادره شويه لما تكون عنيده لان السبب يرجع للشخص وتمرينه مش كل عضله تتمرن ومتطلعش تبقا عنيده لكن الاساس التغذيه والكلامده كله وقبل كل ده التمرين الصح وانتو طبعا عارفين الكلام ده

لكن فى النهايه فى طبعا حاجة اسمها عضلات عنيده ومعروفه بتبقا بطبيعه نموها بطبئه فعلا وبتفضل صغيره لفتره كبيره عند اللاعبو بتسببلوا ازمه للبطولات وكده ولكن مش مشكله طبعا الكلام ده كله المنشط يعدل اللى جابته مش صعبه يعنى
chiristiano
03-10-2006, 10:01 AM
هههههههههه مافيش اعند من عضلات الظهر طبعااااااااااااااااااا اصعب عضلات واكتر عضلات بتاخد وقت
zikoofire
03-10-2006, 01:32 PM
شكرااا جدا يا دكتور حمادة ويا فتحى جارد ويا بروسلى ويا كريستيانى
متشكر جدا يا جماعة على مشاركتك
ياريت يا جماعة بقيت الاعضاء تشارك معانا عشان نعرف رايك وفى الاخر نقول راى موحد
ونعمل نسبة للعضلات العنيدة يعنى النسبة الشائعة .. او الغالبية العظمى ونرتبهم تبعا للنسب
بلاش المشاركة اللى بتتلخص فى عبارة ( انت كويس- شكرا !!)
Mr.TaToo
03-10-2006, 06:40 PM
اخى الغالى زيكو فاير
اشكرك مرتين الاولى على شعورك الجميل وصدقنى انا مقدرش ابدا اتأخر عن اخواتى واسرتى
الى بحبهم وبيحبونى وانا خلاص بينكم مره تانيه
وتانى حاجه اشكرك على موضوعاتك الهادفه الى ديما بتعجبنى افكرها

العضله العنيده عندى هى
خلفية الكتف :sly00000:
ياساتر منها عضله ياريت يشيلوها من المقرر ويريحونا بجد اول عضله بتقع فيا اول ماابطل تمرين
وبتطلع او بترجع بصعوبه شديده بس الحل الوحيد هو الاجهزه تركت تمرينها بالدانبلز الى الابد
Mr.MasRawY
03-10-2006, 07:29 PM
هههههههههه مافيش اعند من عضلات الظهر طبعااااااااااااااااااا اصعب عضلات واكتر عضلات بتاخد وقت

هو ده رأيى برضه
لأن متهيألى ان العضلة العنيدة عندى هى الظهر
وشكرا يا زيكو على الموضوع الهادف
eyaz dosareh
03-10-2006, 08:32 PM
العضله العنيده عندى هى التراى سيبس والكلف والباقى الحمد لله لسه فيه الرمق
شكرا على الموضوع الجميل دا
zikoofire
04-10-2006, 06:15 AM
طبعا يا كابتن طارق كان لازم نعمل كده
واى حد تعب معانا وكان ليه فضل علينا كان لازم نعترف اننا بنقدره وبنحبه
بعدين ما تنساش اننا اسرة واجمل واكبر واقوى اسرة على مستوى المنتديات
اما عن العضلة بتاعتك اللى هي خلفية الكتف
فهى فعلا من العضلات اللى بتحتاج وقت كبير عشان تنمو
مش عندك انت بس
لكن عند ناس كتيير
يمكن لانها الى حد ما عضلة ضعيفة
اشكلاك للمشاركة كابتن طارق
zikoofire
04-10-2006, 06:19 AM
كابتن المصراوى
الف شكر على مشاركتك
وبالنسبة لعضلات الظهر ... فانا شايف انها فى البداية فقط تعبتنى شوية
لكن دلوقتى الحمدلله الى حد ما بتنمو طبيعيا
بس هى مشكلة الظهر هى عدم وجود تمارين سويدى كافية تساعد على تمرينها
يعنى مثلا الصدر تلاقى الضغط push up واللى بيشغل الثلاثية بتاعت الدراع
هو صحيح انا سمعت انه بيملا بين اللوحين فى الظهر مع الممارسة المستمرة
لكن اكيد طبعا مش بشكل مباشر
وشكرا يا كابتن المصراوى مرة تانية على المشاركة
zikoofire
04-10-2006, 06:20 AM
ايوة يا اياذ
انت دوست على الوتر الحساس
الترااااااى
واه من الترااااى
فعلا بجد
اولا فى بدايتها
مش بتستجيب الا بعد مدة طويلة
ثانيا نموها
بطىء جدا
ثالثا
تمارينها
لازم عشان تتضخم تمرنها بعنف جدااااااا
وانا بيتهيالى انها عند ناس كتير عضلة التراى
شكرا مرة تانية على المشاركة
xander_cage
04-10-2006, 06:59 AM
السلام عليكم الاول
وبعد كده احب اشكركم على الموضوع الجامد ده اللى اول مره اشوفه فى منتدى عربى
انا لاعب كمال اجسام مبتدىء
وعندى اصعب عضله معذبانى نفسيا عضله المجنص
علما بأنى دخلت كورسات بسببها
وانا رأيى ان موضوع العضله العنيده ده بيختلف من بنى ادم للتانى
يعنى انا شفت ناس كتير درف وحيطان وجتت اللهم صلى على النبى بس لازم تلاقى عضله واقعه
الكمال لله وحده
وياريت مستر تاتو يقولنا نعمل ايه مع العضلات العنيده دى؟
عضله عضله
من اول البنش لحد السمانه
وانا بشكركم بجد على الموضوع الجامد اوى ده اللى محدش فكر فعلا انه يتكلم فيه
MR.ELTOONY
04-10-2006, 08:08 AM
اولا انا بحب اشكورك اخى الكريم زيكو على الموضوع الجميل دة

ولاكن اسمح لى انا اعتقد ان مشكلة العضلة العنيدة هذه تكمن فى كل منا بسبب واحد

((وهو العامل الوراثى ))

فهناك من لدية وراثة قوية من اقل التمارين الرياضية يحقق نتائج ممتازة
وهناك من لدية وراثة ضعيفة لاتساعد على بناء العضلات الى بعد المجهود الشاق والوقت الطويل
وهناك من يمتلك القوة الوراثية فى بعض العضلات واخرى لا
فأنا مثلا وراثتى العضلية والحمد لله تكمن فى الجزء العلوى اما نقاط الضعف
فى عضلات الكواديريسيبس ( الارجل )
ولاكن عندما اهتميت بتمرين عضلات الفخزين صدقنى اخى الكريم
حققت تقدما ممتاز فى كل الجسم
وانا انصح كل لاعب كمال اجسام
اهتمووووووووووووو بعضلات الرجلين ياشباب وشوفو الفرق

تحيــــــــــــاتى
zikoofire
04-10-2006, 02:27 PM
فعلا مستر التونى العامل الوراثى هام جدااا
وهو حاجة ما تتنسيش
واكيد طبعا الرجلين ضرورية للغاية
صحيح انها مهملة
لان مافيش شاب بيتمنظر بعضلات رجليه
كله عاوز ينفخ بنش ومجنص
وترباس
والنصف العلوى
اما النصف السفلى
فاجارك الله
يبقى منفوخ من فوق رجلين ما فيش
رفيعة جدا
بيبقى منظر بشعععع
رجاء اسمعوا نصيحة كابتن التونى اللى بضم صوتى لصوته
اهتموا بعضلات الرجلين
بلاش كسل
يلا فين بقيت مشاركاتكم يا شباب عشان نعمل نسبة العضلات العنيدة
popo0000
04-10-2006, 07:34 PM
البااااااااااااااااااااااااااااااي
منها لله غلبتني
samehnabil2005
04-10-2006, 07:48 PM
شكرا ياكباتين
mostafa_x
04-10-2006, 07:59 PM
البطن عندى

مع انى مش تخين او اى حاجه بس مش عايزه تظهر بشكل واضح
zikoofire
05-10-2006, 12:13 AM
يلا يا شباب فين بقيت مشاركاتكم ؟؟؟
نرجوا المشاركة وصدقونى كلنا هانستفيد انشاء الله
zikoofire
08-10-2006, 01:47 AM
يا شباب المنتدى فين مشاركاتكم..
يلا اتحفونى بيها ...
فين شباب منتدى كمال اجسام دى فى دى فور اراب ؟؟؟؟
Sir_Hissam2007
10-10-2006, 01:01 PM
أناعندى أعند واوحش عضله هى البطن
ياريت لو حد بطنه حلوة ياريت يقول على التمارين
zikoofire
11-10-2006, 02:02 AM
ياجماعة انتوا فين..؟؟؟؟
zikoofire
11-10-2006, 02:07 AM
بص يا سير هشام
البطن تحتاج لتمارين مكثفة
بمعنى انك لو عاوز بطن متقسمة ومتشرخة كويس
ماتجيش تلعبها مثلا اثناء التمارين العادية
يعنى بين التمارين
تلعب دور
وتكمل تمرينك
لا لازم لما تلعبها
ما فيش مانع يكون فى يوم التمارني العادية
لكن تلعبها مجموعة مع بعضها
ورا بعضه يعنى
مش تشكل
حتة بطن
وحتة باى
لا ورا بعضه
عشان تشرخ
صحيح هاتكون تعبت ومش قااارد
لكن بطنك هاتبقى هايلة
ونصيحة منى لو فى دهون اعمل تمارين هوائية
يعنى جرى
عجلة
نط الحبل
انشالله حتى عجين الفلاحة
ماهو من التمارين الهوائية برده
اتمنى لك التوفيق
وشكرا تانى على المشاركة
lancer glx
11-10-2006, 04:35 AM
انا بشكرك يا أخ زيكو على الموضوع الجميل ده
بس من المعروف العضلات العنيدة (صعبة الظهور) هى ثلات عضلات وهما الرست و البطن والسمانة لأنهم من العضلات ذات الالياف الحمرة اما باقى عضلات الجسم تعتبر سهلة الظهور لأنها من الالياف البيضاء وطبعا عضلات الجسم ذات الالياف البيضاء بتكون صعبة عند بعض الناس لقلة تمرين العضلة او كثرة تمرين العضلة زيادة عن حدها
وشكرا مرة اخرى على الموضوع واسف على الاطالة
zikoofire
11-10-2006, 02:19 PM
بشكرك يا كابتن على الاضافة واتمنى ليك دوام التوفيق
el hanoty
22-01-2007, 06:14 PM
العضله العنيده عندى هى التراى سيبس والكلف
el hanoty
22-01-2007, 06:20 PM
العضله العنيده عندى هى التراى سيبس والكلف
zikoofire
22-01-2007, 09:23 PM
اشكرك
واحب اقولك ان الكتف بيكون كده عند غالبية الناس .. لكن ممكن تتغلب على مشاكله بنصائح رونى كولمان اللى بتقول
انك وانت بتتمرن حاول ماتركزش عالوزن على قد ماتركز على انك تشارك اكبر قد من عضلات الكتف فى التمرين .. التكنيك بتاعك يكون مظبوط .. ركز... ماتمرنهاش بسرعة... ببطء.. عشان تحس بالتمرين.. كمان وانت بتمرن الكتف .. ماتاخدش فترات راحة كبيرة بين كل مجموعة والتانية .. حد اقصى 10 ثوانى ..
عضلة التراى سيبيس.. عاوز تحسنها .... لو انت بتلعب من فترة معقولة... ارفع اوزان ثقيلة... والا عمرها ما هاتضخم معاك.. التراى ركز على تمرين الشاكوش ... بجد بيعمل تاثير مش معقول ..
التراى .. لو عاوز تشرخها بعد ما ضخمتها ... اعمل تكرارات عالية... ماتقلش عن 15-20 عدة فى الدور الواحد
باوزان خفيفة ...
التراى ... لو انت حابب انك تمارسها فى البيت وانت بتتسلى ... العب الضغط العكسى ... ممتاز... ولو عاوز تلعبها وانت فى الجيم .. حط طارات على فخدك والعب الضغط العكسى ده...
كمان .. لو عاوز تلعب تراى بالاضافة لتقوية البنش السفلى .. زى تمرينة الاوفر كده...العب المتوازى.. وميل جسمك لقدام..ولو عاوز تركز عالتراى بس.. انزل راسى
الكتف ... اتصحك بالعقلة الامامية ... بس مش بتاعت الباى .. لا اللى زى الخلفية ... بس من قدام
اتمنى اكون افدتك ويارب اشوفك بطل ..
وتشوفنى انت كمان بطل ...ادعيلى بالله عليك .. عندى امتحانات

جوودلاك
اخوك
zikoofire
roaaroma2005
25-01-2007, 06:59 PM
شكرا على موضوعك بجد رئع جدا

وانا عندى كل العضلات بتبقى كويسة قوى واوزانها كويسه جدا بس بقى

عندى عضلة البنج هى اللى عنيده قووووى بس المشكلة انى برفع اوزان عالية فى التمرينة دى

زى بقيت العضلات وعملت كل حاجة ممكنة لكن بتبقى طالعه صغيره غير كل العضلات التانية بس اللى لاحظته انى لما بتقل

مرة واحدة العضلة بتكبر شوية يعنى اقصد انى بصدمها بالوزن حاجة غريبة صح؟

وعلى فكرة موضوعك بجد جميل قوووى واتمنالك المزيد
zikoofire
26-01-2007, 12:53 AM
اكيد العضلة لما بتسببلها التوتر المناسب بيحقق ضخامة ... وديه بتبقى حاجة ترجع لقدرتك انت وما ان كنت جديد فى الللعبة ولا بتلعب من فترة
جوودلاك
اخوك
zikoofire
كيكوسات
27-01-2007, 02:49 PM
والله العظيم الموضوع جميل جدا جدا وبشكرك يا كابتن على الموضوع ده


ياريت تقولى كل حاجه عن السمانه بالذات علشان عنيده جدا عندى
Ahmed_pipo
30-01-2007, 08:41 PM
موضوع جميل وجزاك الله خير
zikoofire
31-01-2007, 03:55 AM
مشكور يا كابتن احمد بيبو ربنا يخليك
zikoofire
31-01-2007, 08:57 AM
مشكور ياكيكو سات
واحب اقولك ان بالنسبة لعضلة السمانة ..
هاقولك ليها تمرينة حلوة اوى ... سوبر يعنى
شوف يا سيدى
على جهاز السمانة.. اللى هو سيادتك بتقف على حافة زى درجة سلم .. وبيكون فى تقل على كتفك من الجهاز يعنى
وبتتنزل بكعبك وتطلع
طبعا فى 3 اوضاع
7و11و8
المطلوب انك تعمل 7 و11 فى مجموعة واحدة .. يعنى فى الدور الواحد بتعمل 10 من نظام ال 7و 10 من نظام ال 11
تعمل اربع ادوار...
تخلصهم وتنزل فى وضع ال 8
بتبقى اخد وضع شبيه بوضع القط التقل المراى على ظهرك
او المقعدة العلوية بشكل ادق
انت منحنى
ساند بكوعك على وسادة
بتنزل بكعبك ورجلك مضمومة للداخلة يعنى كعوبك اخدة شكل 8 ومفتوحة للخارج
10 عدات يا جميل
راعى التركيز فى الوضع ارجوك .. لان التمرين ده بنشوف فيه عجب العجاب
ملحوظة.. تمرين وضع ال 8 ده شوفت ارنولد فى فيلم pumping iron كان بيلعبها وعلى ظهره فتاتين ..
الحقيقة المشكلة مش فى الفتاتين
لكن المشكلة فى الوحش اللى شايلهم ... وعلى سمانته.. مش رجله ولا حاجة.. عالسمانة بس!!!
اتمنى تحقق فيها نتائج كويسة
ملحوظة... السمانة بتستجيب بشكل كويس مع تمارين السوبر اللى بتحقق اعلى تدفق للدم واعلى ارباك للعضلة
كذلك جميع تمارين العضلات اللى بيسموها العضلات البيضاء...
جوود لاك يا كابتن
Zikoofire
shero_blood
04-03-2007, 07:54 AM
اقوى 3 عضالات مينو بسرع الرجل والباىسيبس والتراىسبس
zikoofire
09-03-2007, 02:30 PM
معلش مافهمتكش يا شيرو ياريت توضح
mero rm
13-05-2007, 03:59 AM
انا الباي تيبس الي بتجنني وقت التمرين بلاقيها ناطره وبعد التمرين الاقيها مستخبيه مش عارف ليه ؟
شرشوبى
16-05-2007, 11:19 AM
مع احترامى للجميع العضله العنيده وهى السمانه وده مش كلامى ده كلام رونى كوليمان وجاى كاتلر
محمد_عبد الستار
10-07-2007, 01:27 PM
و الله يا زيكو عندك حق ...................تسلم علي الموضوع
AAbido
10-07-2007, 01:48 PM
مشكووووووووور
double a
11-07-2007, 12:52 AM
انا الصراحه العضله العنيده الباع يعنى انا بلعب بقالى شهر البنش كويس التراى الحمد لله الضهر زى الفل اما الباى بمرنها نفس تمرينات كولمن د انا بلعب تبادل 30 كجم وبلعب زجزاج 30
اعمل ايه
thewitchking1
11-07-2007, 08:13 PM
البااااااااااااااااااااااااااااااااااااااااااااااا اى هو العضله الواطيه قصدى العنيده
gokr_love
11-07-2007, 09:59 PM
ياشباب بجد بجد يعنى انا عندى جسمى كلو زى الفل وبتقدم وببقا تمام

بس بس عضلات الزراع عندى موجودة بس من غير ضخامة

وبشيل اوزان كبيرة يعنى مش صغير ة وبردك لسه مافيش ضخامة

ياريت حد يقولى اعمل ايههههههه
zikoofire
14-07-2007, 12:43 AM
ياريت انت سيادتك يا كابتن جوكر تقولنا انت بتشيل كام علشان نحدد ان كان الباى بتاعك مظبوط ولالا
rockybeatall
08-08-2007, 03:38 PM
المجنصصصصصصصصصصصصصصصصصصص
zikoofire
10-08-2007, 11:56 PM
ياجماعة ديه مسألة نسبية
تختلف من شخص الى اخر
ترجع احيانا لعوامل وراثية
ياريت الناس تشارك اكتر من كده
rekoking44
11-08-2007, 12:30 AM
موضوع جميل اوى وانا شايف
انى انا عندى العضلة العنيدة هى الباى
zikoofire
15-08-2007, 01:38 PM
حاجة تانية عاوز اتكلم فيها
ياجماعة ..مش كل واحد لعب شهر وماشافش تاثير واضح فى عضلة معينة وبالاخص عضلة الباى ..يقوم يقول انا عندى العضلة العنيدة هيا الباى ..ياريت نصبر شوية لان الموضوع دا بيحتاج وقت ..خصوصا لما تكون شغال طبيعى بدون اى مكملات غذائية او عقاقير
شكرا ليكم جميعا
INVINOMASTER
19-08-2007, 09:02 AM
شكرا ليك يا أخ زيكو علي الموضوع الجميل ده

وكمان بحب أشارك وأقول إن أكتر العضلات إلي تعباني نفسيا جدا عضله الباي وعضله السمانه
الباي أصلا مبقدرش أشيل عليها أوزان مش عارف ليه
أما السمانه فبشيل عليها أوزان بس مش ظاهر عليها
القط الاسود2006
19-08-2007, 09:33 AM
انا الكتف عندي مش عاوز يكبر خااااااااااااااااالص بالرغم من اني مهتم بية و برضة مفيش نتيجة و مش عارف اعمل اية ياريت حد يقولي
kabraider
20-08-2007, 08:25 AM
البنش هو العضله العنيده
zikoofire
22-08-2007, 08:26 AM
زى ما قولتللكم الموضوع دا بيختلف من شخص لاخر
شكرا ليكم كلكم
medo9_zamzam
22-08-2007, 01:06 PM
العضلة العنيدة هى داءماالبىbi
thankzzzzzzzzzzzzzzz
zikoofire
24-08-2007, 04:50 PM
الباى نموها بطىء فعلا
بس اسمحولى
دا مش عند كل الناس
فى ناس تنمو عندهم عضلة الباى افضل من باقى عضلات الجسم
الموضوع نسبى
محمد_عبد الستار
24-08-2007, 07:40 PM
و الله يا مان مفيش اصعب من الباي .............بجد صعبه اوي .......... و تشكر يا ريس علي الموضوع
diabloman
25-08-2007, 02:25 AM
العضله العنيدة هى سداسيه البطن
nightmare2008
25-08-2007, 04:26 AM
طبعا وبدون شك عضله البطن انا صاحب صاله جيم وبدرب بقالى ثلاث سنين ومفيش اى ا ستجابه بس طفيفه
محمد_عبد الستار
26-08-2007, 11:14 PM
و الله عضله البطن دي اسهل حاجه ..................... ديتها شهر واحد و طلعتها يمكن عشان جسمي نحيف شويه
zikoofire
28-08-2007, 01:36 AM
شكرا يا جميل على مشاركتك
عضلة البطن مش بتظهر حالة وجود دهون لكن دا ما يمنعش انها بتكون مقسمة
لكن لو حرقت الدهون اللى عليها هاتكتشف ان العضلة بدات تظهر وجرب
m_6600
07-10-2007, 06:25 AM
شكرا لك
U31
08-10-2007, 12:16 AM
جميل والله معلومه حلوه
hoodaseror
11-10-2007, 04:48 AM
فى رأيى المتواضع
أن فيه عضلة عنيدة و عضلة عادية
بس فيه عضلة أحنا بطبعنا كبشر بهملها دائما
دا يما عند كل واحد عضلة هو بينفضلها أو مش بيهتم بيها فى التمرين
OK2005
11-10-2007, 08:14 AM
تسلم يالغالي و الله يعيطيك الف عافيه

و الى امام

............
medooooz
11-10-2007, 09:38 AM
البنش -واعوذ بالله من البطن بجد تعبتنى وبتحبطنى عشان اخسسها بس ,(مش اقسمها) و مفيش فايدة مع انى وزنى عادى ومش تخين بس منفوخة
like_baby
11-10-2007, 05:41 PM
الأخ زيكو فاير
بجد
إنت تحفة
إنت مذهل
إنت رائع
أنت كما قال عنك جميل في كل شيء
*******************************
أما بالنسبة للإستفتاء حول ما هي أعند عضلة وأبطئ عضلة في النمو
فأحب أقول ما عندي سوااااااء أملك الخبرة او لا أملكها
أو سواء كان كلامي على صواب أم على خطأ
أو سواء كنت متعصب لكلامي أو كنت محايدا أو ديمقرااااطيا
فأعند وألعن وأظل وأصعب وأتعب وأشقى عضلة في جسم البنآدم
وأعنف في نموها وكسوووووووووووووووووله وكسلاااااااااانه ونيمانه في نموها بلا مبالغة
هي عضلة البنج
كم أكره هذه العضلة
كم أنا معقدا من هذه العضلة
فكنت ألعب مدة ال4 والخمس شهور
وأصبح جسمي كله جميلا متوازيا
وجاءت الإمتحانات فقعدت عن الحديد شهر
فظل جسمي محتفظا بكل ما لديه من اوزان وصلت لها إلا عضلة النج الوحيده التي سقطت عن بكرة أبيها وكأنها لم تكن
حتى ليس انا وحدي فحتى المدرب الذي يدربني والأشخاص الذين يتمرون معي
كلهم تميزهم عضلات عن بعض إلا عضلة البنج فهي الكاد مختفية عند جميع لاعبي كمال الأجسام بصفة عاااااااااااااااااااامة مع الإعتذار في تعميم كلامي
لعنـــــة الله على هذه العضلة
وألف شكر ليك يا زيييييييكو
zikoofire
21-10-2007, 01:38 AM
اشكرك اخى على مشاركتك داخل موضوعى
وبجد انت اللى رائع وهايل عشان نورت مشاكتى
بالنسبة لعضلة البنش مش سهلة وبتحتاج مجهود جبار وطحن غير عادى عشان تزيد
صحيح فى ناس بتتعاطى منشطات وبتحصل على احجام وهمية لعضلة البنش
لكن اسمحولى انا هاستعبد الفئة ديه من تمارينى ، لانى بركز دايما فى تمارينى على الوضع الطبيعى اللى خلقنا عليه ربنا سبحانه وتعالى

واشكرك مرة تانية اخى