تايه فى الشبكات يا ولاد الحلال

[Devil_H]

السلاموا عليكم

اسف للعنوان بس انا فعلا تايه

انا لسه متخرج من حاسبات

وعايز اخد كورسات فى الشبكات وانا معرفش اى حاجه فيها

يا ترى اخد كورسات ايه

Mcse ولا Ccna

ياربت الى يعرف يقولى ايه الى احسن ولو فى حاجه تانى يقولى عليه

وياريت لو يرسملى خريطه للكورسات وكل كورس كام امتحان

تانى حاجه الاماكن وانهى احسن وانهى اغلى

وشكرا ليكوا

[Devil_H]

ايه انتوا فين

كتير شافوا الموضوع ومحدش رد

فين متخصصى الشبكات

نرجوا الافاده

[abd_elkhalek]

بص يا باشا
انا اقولك من خبرتى المتواضعة فى هذا المجال كل اللى انا فهمته
انا بادرس فى سيسكو اكاديمى دلوقتى واقدر اكلمك عنها
تقدر تعتبر ان كورس ccna هو متعلق بهاردوير الشبكات وعلشان الخصلك الموضوع
الكورس وده حسب اكاديمةسيسكو الان متقسم على 4 semisters
1-tcp/ip
وده اغلبه بيتكلم عن عن هذا البروتوكول وبيعرفك الفرق بين الراوتر والسويتش وازاى بيتركب الكابلات وانواعها
2-routing protocol
وده بيتكلم عن كل ما يتعلق بالrouter ازاى تنزل عليه سوفت وير وازاى تتحكم فى الاجهزة عند من الراوتر وايه الrouting protocles
3- switching
وده بيتكلم عن كل حاجة خاصة بجهاز السويتش وطريقة عمله وازاى ايضا تتحكم فيه
4-wan
وده انا لسه متدرستهوش بيتكلم عن wan الكبيرة يعنى مثلا تقدر تقول بين البلاد وبعضها وايضا بيتكلم عن بعض الswitching

اما كورس mcse انا بصراحة ما خدتوش
بس اقدر اقولك اللى انا اعرفه عنه لغاية لما حد درسه يفيدنا
هو متعلق servers يعنى ببساطة ازاى تتحك فى الشبكة عندك من الجهاز اللى امامك عن طريق الويندوز سيرفر بتاع الخاص ميكروسوفت


بص باه دى حاجات للزمن

كورس ccna يفيد فى ان انته هتعمل الشبكة من الاول وانت اللى هتركب السويتش وتركب الراوتر وتشغلهم وتوصل الاجهزة عليهم
لو الشركة كبيرة وجامدة هتعمل manage على الاوتر والسويتش وكده انتهى دورك غالبا الشركة دى مش هتحتاجك تانى الا فى حلات الصيانى
لكن الشركة بتحتاج بعد كده بقعد فى قسم اسمه ال ITو ده غالبا system administrator وده اللى بعد كده بيتابع كل الاجهزة فى الشركوة ويتابع السيرفر كلها
ده باه لازم معاه mcse

طبعا زى ما انت حاسس من المثال ان كل شركة محتاجة mcse لكن كل شركة مش محتاجةccna غير فى الاول فقط
طبعا ده انا باقوللك على اساس احنا فى مصر والل انا شايفى ماشى فى الشركات

لكن كل ده بيختلف يعنى مثلا حسب طبيعة دراستك
انا مثلا فى هندسة قسم اتصالات وبالتاى دراسة الشبكات بتوسع هتفيدنى وكمان شغلة السوفت وير محبهاش اوى زى mcse
ومع ذلك بفكر اخدها علشان يبقى فى تكامل فى الغل
فى واحد تانى بيفكر فى الشغل وبس الاحسن له رأيى فى الاول mcse
هو فى واحد عايز يكمل ccnp وccie ويبقى من المعدودين فى العام اللى راتبهم يصل ل6 ارقام بالدولار سنويا

وكمان لازم تشوف انت بتحب ايه

انا حاولت اوضح لك الصورة على قد ما اقدر وحسب ما فهمته طبعا فى اراء معايا وفى وجهات نظر مختلفة
يا رب اكون افدتك ولو بشىء صغير
ولو عايز اماكن الكورسات انا ممكن اعرفك لو انت فى القاهرة واى استفسار ان شاء الله انا معاك

يا سلام لو انت استفدت ودعتلى دعوة كويسة كده وانت بتصلى ركعتين فى الليل يبقى كده انتى شكرتنى

[nabil_lastknigh]

شكرا يا عبد الخالق للتوضيح الجميل منك انا كمان استفدت كتير فعلا

[Eng_Ahmed Fadl]

شكرا يا عبد الخالق للتوضيح

[titoegy]

بالنسبه ليا مش عارف اقولك رد معين بس الرد الاجمل
ربنا معاك يا مان علشان مستقبلك
وتفيدنا في المنتدى ههههههههههههه

[Hany_IT]

هوا الراجل فعلا وضحلك الدنيا كلها مشكور

[i1egypt]

شكرا عل التوضيح الرئع دا بس كان عندي استفسار
هو فى واحد عايز يكمل ccnp وccie ويبقى من المعدودين فى العام اللى راتبهم يصل ل6 ارقام بالدولار سنويا
الدورات دي اسعارها ايه علشان انا خلصت Mcse وعايز اكمل فى حاجة جامده ياريت تفدني ايميلي i1egypt@hotmail.co
مستنى منك رد فى الايميل

[mustafah82]

بص يا باشا طبعا انت بتقول انك مش فاهم حاجه في الشبكات فحرام لما تدخل Mcse Or Ccnaلانك هتلاقي صعوبه كبيره فيهم وفي فهمهم ادخل الاول دبلومه للشبكات او اي تقديمات وبعدين ادخل الشهادات العالميه دي

[roma2100]

الف شكر على شرح

[a7md7mdy]

الله ينور عليك يا باشمهندس عبد الخالق

[elshehab2006]

أنا خريج هندسة إلكترونيات واتصالات حديث التخرج وأريد العمل في الشبكات وأقوم بدراسة CCNA حاليا فإن كان لديك كورسات CCNA أو MCSE أرجو منك رفعها وأرجوا المساعدة في ايجاد فرصة عمل أو تدريب .
أرجوا الرد مع الشكر.

elshehab2006@yahoo.com