لعبة كمبيوتر مصريه جديده (بوحه: هلاوس مفتوحه)

[MostafaAshour]

الحكايه ببساطه ان بوحة لعبة كمبيوتر عربية مصرية ثلاثية الابعاد


عربية يعنى ابطال القصة بيتكلموا عربى .. يعنى الأماكن ليها طابع مصرى .. يعنى الميكانيكى بيجرى ورا بوحة وبيقوله "فين الربع جنيه اللى عليك يا بوحة؟"



- يعنى شومة بدل الشوت جان وعربية ميكروباص بدل الـعربية البورش ويعنى فلاحين وصعايده بدل المارينز و الألينز..


ده غير كمان انك ممكن تلعب مع أصحابك مالتي بلاير بشخصيات بوحه المختلفه..

مش عاوزين نحرق اللعبة اكتر من كده ..
لو عايز تعرف معلومات اكتر ادخل علي السايت (http://www.boo7athegame.com)و متنساش تسيب المايل بتاعك عشان نقولك اول ما اللعبه تنزل..
www.boo7athegame.com (http://www.boo7athegame.com)

مصطفي عاشور
واحد من الناس اللي عملوا اللعبه

[ezzmoka]

السلام عليكم
أولا يا أخ مصطفى أهلا بيك معانا فى قافلة الديفيدى
ثانيا ألف مبروك على اللعبة .... بس ملقيتوش غير بوحة :crazy000:
و ان شاء الله لما تنزل ألعبها معاكوا
و على فكرة مستوى الفول عنده قليل ... خدوا على الجحش و هاتله تلات أربع أطباق :msn-wink:
سلام

[MostafaAshour]

حبينا نعمل شخصيه مصريه|عربيه هزليه و لقينا ان بوحه بيوفي الغرض.. حبينا الفكره تبقي جديده.. و ان شاء اللع هيبقي في بعد كده ألعاب بتناقش مواضيع تانيه كتير :)

بمناسبة الفول : ما تقلقش هنظبطوا :)

[™MαFiα]

الموضوع واللعبه والفكره كلياً تُعد مفاجأه كبيره جداً بالنسبالي وبالنسبه للآخرين ...
فلم يَكن أحد يتوقع يوماً ما إن شخصية " بوحه " ستتحول إلي لعبه ..
وأعتقد أيضاً إن مصممو اللعبه إهتمو بشخصيه شعبيه جداً في مصر .. وده ممكن يكون
أحد أسباب شهرة اللعبه إن شاء الله ..
نتمنى لكم أخي العزيز كلنا التوفيق ..
فَلِكُل مُجتَهدٍ نَصيب .. ونتمنى إخبارنا بآخر أخبار اللعبه ..
تحيتى ..

[™MαFiα]

عَذراً .. نسيت أرحب بيك في منتداك بصفه عامه ومنتدى الالعاب بصفه خاصه :) ..
ونتمنى رؤية باقي فريق عمل اللعبه هنا في المنتدي ..
تحيتى ..

[mstool]

ياريت معاد نزولها و هيا لعبة جامدة جدا شكلها بس نقول على معاد نزولها و بلاش تزلونا يعنى و ربنا يوفقكوا
و اعملوا الجرافيكس واطية يعنى كارت 64 يبقى يشغلها او 32 علشان تضمنة ان هيا تبقى على كل كومبيترات مصر

[MostafaAshour]

ان شاء الله الديمو بتاع اللعبة هاينزل خلال اسبوعين ..

واللعبة بعديه بشويه ..

وعشان تعرف اخبار اللعبة اول بأول من غير ما كل شويه تروح الويب سيت .., ممكن تشترك فى الـ mailing list اللى موجوده فى الويب سيت ( هاتلاقيه اول عامود على ايدك اليمين )..

شكرا
ezzmoka
mostafa_mafia_2
mastool

على تشجيعكم ده ..
بس انا كان ليه سؤال فى رائيكم الشباب العربى مستعد يدفع فى لعبة بوحة كام ؟

شكرا تانى مره ياجماعه ويارب اللعبة تعجبكم .. ( دعواتكم )

سلام
عاشور

[king of persia]

شكلها لعبة صايعة
ربنا يوفقكو و تطلعولنا حاجات مندى كتير

[kareemalaa]

thnxxx alot

[عماد عطية]

الف شكر يا اخي علي الموضوع المتميز وأطلب ممنك بعد إذنك مراسلتي عند صدور اللعبة

[tarekgnaid]

منتظرين بوحة جيم و ان شاء الله بعدها تنزلوا كتكوت جيم

[بورعى]

الف شكر على هذا الموقع الرائع

[mustafaorabi]

شكرا على المشاركة ة لاليميل بتاعي : mustafaorabi@hotmail.com

[حسام محمد]

الف شكر ليس عالعبه ولكن علي هذا السبق
انا بحب الناس التي تعملي في صمت وتفاجئ الاخرين بالنجاح
ربنا يوفقكم

[Mustang GT]

اول حاجه مبروك على اللعبه و ان شاء الله نشوف العاب اكتر و اقوى بعد كده :)
و انا شوفت الصور فى الموقع و للاسف حسيت ان الجرافيكس ضعيف ... عموما بانتظار الديمو و بعد كده نقولك رأينا بالتفصيل :)


بالنسبة للسعر لاحظ ان العرب تخصص كوبى يعنى حاول يكون السعر فى متناول الجميع عشان متتنسخش و يروح كل تعبكم ... اتذكر ان لعبة عربية اسمها تحت الحصار او تحت الرماد كان سعرها اصلى حوالى 60 جنيه تقريبا و طبعا كل الناس اشترت الاصلى و لما نفس الشركة نزلت لعبه زويا بـ 160 جنيه محدش اشتراها و نسخوها ...

و بالتوفيق :)

[ihavedsl]

فكرة جامده موووووت

بس انتو محتاجين تسويق


انا ممكن اسوقهالكم

[MostafaAshour]

شكرا يا جماعه علي تعليقاتكوا جدا و هنحاول ان شاء الله نكون عند حسن ظنكم..

@Mustang

الصور اللي علي السايت دي للعبة و هي لسه تحت التظبيط :) قريب جدا هنحط صور أجمد من كده..
بالنسبه لملحوظتك علي السعر.. اعتقد انه هيكون قريب من السعر اللي انت بتقول عليه.. بس احنا لسه بنعمل marketing studies..
شكرا
Mostafa Ashour

[MostafaAshour]

@Ihavedsl
احنا أكيد نحب ان اي حد يساعدنا :) و علي فكره احنا محتاجين موزعين في كل الدول العربيه.. ممكن تساعدنا ازاي يا ihavedsl

[Mustang GT]

ربنا يوفقكم ان شاء الله و نشوف لعبة تشرفنا ...

و طالما اللعبة تحت التظبيط فانا عايز أأكد ان نجاح اللعب عموما بيعتمد على الجرافيكس+الصوتيات+طريقة و اسلوب اللعب... و طبعا فى الاخر افكار اللعبة عموما و قصتها و اعتقد و متأكد ان عندكم خيال خصب بالنسبة للجزء الاخير فعايزين اللعبة عموما تطلع حلوه عشان الكل يشتريها :)

صحيح بالنسبة للتسويق فى الدول العربية ... انا رأيي تشوف فيرجن لو ينفع يسوقهالك فى فروعه العربية ... دا لو ينفع!:)

[ЇL B Д Ӎ B Ї Ҋ Ѳ]

انشاء الله اللعبة تتطلع جامدة ..وعلى فكرة احنا مش مستنين ان اللعبة تتطلع ممتازة عشان زى الموقع بيقول تقريبا دى تانى لعبة للشركة....ويا رب نشفكوا زى Ubi Soft :msn-wink: ...بس تبقوا تظبطوا الاسعار مش زيهم:smoke100:

[m2m_m2m]

ربنا معاكو
اللعبه شكلها لذيذه
ان شاء الله
هكون اول واحد يشتريها (بس ياريت متكنش غاليه)

[osha2010]

thank youuuuuuuuuuuuuuuuuuuuuuu
hassanosha@yahoo.com