مشكلة جامدة أوى

[amouramia]

يا جماعة أنا عايزة حد يساعدنى فى حاجتين :
أولا :
أتخلص إزاى من كل ال BULK mail فى الياهو و JUNK mail فى الهوتميل ..لأنهم كتييير أوى أوى
أنا عايزهم مايبعتوليش خالص ... أو أعمل لكل الصفحات delet مرة واحدة ...

ثانيا :
فى شخصيات متخلفة بتدخل عليا فى الياهو ماسنجر و عايزة تتكلم بالعافيه مهما عملت لها BLOCK و DELET برضة بتستمر تبعتلى massage ...... الشخصية دى هاتجننينى خلاص .


من فضلكوا حد يساعدنى أتخلص من الحجات اللى تزهق الواحد دى ...

وشكرا ليكوا كلكوا

[Mostαfα]

بخصوص المشكله الاولى فى الياهو عشان تشيلى كل اللى فى ال BULK هتلاقى جنب كلمه BULK كلمه [Empty] دوسى عليها و هيشيل كل اللى جواه او خشى فى ال BULK هتلاقى فوق الرسايل كلمه sender علمى عليها هيعلم على كل الرسايل و دوسى delete هيشيلها كلها

ولو فيه ميل مش عايزاه يبعتلك تانى اعمليله بلوك من ال Options هتلاقى Block Addresses خشى عليها و اكتبى الميل اللى مش عايزاه يبعت تانى و دوسى على Add Block فمش هتلاقيه بيبعتلك تانى

و بالنسبه للهوت ميل عشان تشيلى كل اللى فى ال JUNK mail خشى عليه هتلاقى فوق كلمه Empty دوسى عليها و هيشيل كل اللى جواه
و عشان تعملى بلوك لاى ميل ادخلى على Options بعدين Junk E-Mail Protection و بعد كده خشى على Block Senders و اكتبى الميل اللى عايزه تعمليله بلوك و دوسى add و ok

اما بقى بالنسبه للمشكله التانيه ممكن يكون بيستخدم برامج من البرامج الغلسه اللى بتخلى الواحد يتكلم مع اللى عامله بلوك وللاسف انا معرفش الحل ايه فى الناس الرخمه دى بس لو عرفت هقولك باذن الله

[amouramia]

بجد ألف شكر لك على الرد .
إنت رحمتنى من مشكلة كانت مضيقانى أوى .
و يارب أترحم من المشكلة التانيه الغلسة دى ..
و ألف شكر لك تانى..

[Mostαfα]

لو اللى ضايفك ده على الياهو خدى اللنك ده (http://www.dvd4arab.com/forums/showthread.php?t=46350&highlight=%D6%C7%ED%DD%DF)
ده برنامج بيشيل اسمك من عند اللى ضايفك عنده
بس لو على الهوت ميل انا سالت بس محدش عارف بس ساعات بتبقى المشكله دى انك لما بتبعتى ميل لحد و هو بيعمله فوروارد لحد تانى بيكون ميلك مكتوب فى الميلات اللى اتبعتلها الميل ده و بعتته تانى و كمان بيبقى مكتوب اسمك قبله فبيتعرف انك بنت و انتى عارفه الناس الرخمه اللى بتضيف البنات فلما تيجى تبعتى ميل لحد قوليله يمسح ميلك قبل ما يعمله فوروارد