هل تفسد الـــ CHEATS & TRAINERS متعة الألعاب ؟؟؟؟!!!!

[aaaa42bbbb]

السلام عليكم

شاركوا معنا برأيكم في إجابة هذا السؤال

هل تفسد الـــ CHEATS & TRAINERS متعة الألعاب ؟؟؟؟!!!!

متى يجب إستخدام الـــ CHEATS ؟؟؟؟

فكر قبل التسرع بالإجابه ، فأين التحدي باللعبه إذا كان يمكنك حل كل المشاكل عن طريق كلمات السر ؟؟!!!

في إنتظار ردودكم

[_DOUF_]

gedaaaaaaaaaaaaaaaaaan

[crasyboy]

مش كل الالعاب يا اخ aaaa42bbbb
فمثلا لعبت commandos خلصت التلات اجزاء من غير شيت واحد عشان هى اساسا معتمدة على تفكيرك...
ولكن لعبة the hulk انا كنت عايز اضرب وخلاص ....عشان كدة كنت باستجدم الشيت اللى يخلينى لا اموت

[bb_stoney]

والة يا اخ aaaa42bbbb على حسب اللعبة لو كانت معقدة اوى باستخدم ال cheat لما بغلب فيها لكن لو قدرت اعديها من غير cheat يبقا خير و بركة :D

:D :5bouncy: :D

[OzoS@iD]

طبعا الشيت يفسد متعة اللعب
فما فائدة اللعب وأنت لا تموت مثلا؟؟؟؟؟؟؟

[aaaa42bbbb]

أنا مع كل من DOUF_IZ_BACK و bb_stoney و ozosaid في رأيهم وأخالف crasyboy لأن مجرد أنك متمتش في لعبه يفقدك التحدي و تصبح اللعبه بلا هدف

[crasyboy]

حضرتك لعبت hulk كانت اول لعبة اجرب فيها الشيت
ولو كنت شفتها كنت حتعرف ان طرق الضرب كتيرة جدا جدا
وانت طبعا عايز تجربها كلها
لو كنت حالعبها من غير شيت كنت حاخلصها مش بقول لا
لكن كنت حبقى ملتزم بضربة او ضربتن اللى بينجزوا وطبعا الجرى
ولكن الشيت اتاح لى التمتع باللعبة :D

[aaaa42bbbb]

و لكن أنا فعلاً لعبت و خلصت لعبة Hulk و من غير Cheats و أعتقد - وإن كنت لا أجزم - أني تعرفت إلى معظم الضربات الموجوده وأستمتعت باللعبه ، و بالطبع أنا أحترم وجة نظرك

[heno]

بصراحة يا جماعة أنا عندى نظرية غريبه جداً بالنسبالى كرجل ( جرافيك ديزاينر ) ..
إن الغرب بالألعاب دى بيلهينا عن حاجات كتير .. يعنى مثلاً بلعبة دى مافيا .. أنا لعبتها من غير شيت و خلصتها فى 3 أسابيع .. و لما لعبتها بالشيت خلصتها فى يومين .
و أنا بالنسبالى كرجل فى مجال الجرافيك كما قلت سابقاً كل إللى يهمنى فى اللعبة هو الجرافيك .. و لذلك فأى لعبة أجيبها أروح منزل الترينر أو الشيت بتاعها و ألعبها و أتفرج عليها و على الجرافيك إللى فيها و بس .
اللعبه إللى أقدر أخلصها فى يومين .. ليه أخلصها فى 3 أسابيع .
لدرجة إنى بقالى فتره كبيرة جداً مالعبتش لعبة من غير شيت .. حتى أن أصحابى يطلقون علىَّ لقب ( ملك الشيت ) .

[SHAKSHAK]

و الله يا جماعه أحياناً لما اللعبه بتقفل و تسود
مابيكونش فيه حل غير الشيت
بس مش عمال على بطال
و مش فى أى لعبة

[bb_stoney]

على فكرة يا جماعة مش عارف لية عندى الاحساس دة ان معظم الى قالوا انهم مابيحبوش الcheat مابيلعبوش لعبة غير بالcheat :D

[aaaa42bbbb]

ليه بس ظن السوء ده يا bb_stoney

[bb_stoney]

انا مابظنش ولا حاجة بس عندى الاحساس دة :D

[aaaa42bbbb]

بصراحة يا جماعة أنا عندى نظرية غريبه جداً بالنسبالى كرجل ( جرافيك ديزاينر ) ..
إن الغرب بالألعاب دى بيلهينا عن حاجات كتير .. يعنى مثلاً بلعبة دى مافيا .. أنا لعبتها من غير شيت و خلصتها فى 3 أسابيع .. و لما لعبتها بالشيت خلصتها فى يومين .
.
عزيزي HENO

أختلف معك بشده ، فلا يمكن أن نلوم الغرب على كل شئ ، و نظرية المؤامره ضد العرب لا تصلح هنا

فعالم الألعاب صناعه قائمه على إنتشار و بيع الألعاب ،و في الغرب ملايين من الشباب الذين يلعبون الجيمز و لا يمكن أن نقول ان الألعاب موجهه من الغرب لإلهائنا عن شئ ما

من يريد أن ينجز عمل فسينجزه و من لا يريد ، فسيجد ما يلهيه عن ذلك

تلك هي وجهة نظري و علي إحترام وجهة نظرك

شكراً

[gamer]

انا رأيى من رأى shakshak_3333

لو احنا شفنا العاب رائعه مثلا زى Mafia و GTA و Doom ... الخ (علشان ماطولش عليكم) هنلاقى ان الالعاب دى استحاله تجيلك نفس تلعبها ب Cheat , لان جمال الالعاب دى فى صعوبتها .
مثلا العاب المغامرات (Adventure) مالهاش Cheat لكن ليها حاجه اسمها Walkthrough ... و فايدته انه يحل كل الالغاز الموجوده فى اللعبه .

اما العاب زى Journey 2 the center of Earth و Midnight nowhere فصعب جدا او مستحيل انك تخلصها من غير Cheat او Walkthrough , الموضوع بيتوقف فى المقام الاول على اللعبه نفسها .

[bb_stoney]

يا اخ gamer ممكن تكتب لى اسماء احسن لعب الadvanture لو سمحت؟؟
:D :5bouncy: :D

[aaaa42bbbb]

كلامك صحيح يا gamer و هو ده اللي أنا عاوز أوصله

لو أنت بتلعب اي لعبه من أولها بالشيت ، فأيه هدفك أساساً من لعبها ؟؟

أما لو زي ما أنت و bb_stony بتقولوا ، يعني عدم إستخدام الشيت إلا لما العمليه تتأزم على الأخرو يبقى مفيش حل إلا كده أو تسيب اللعبه ، في رأيي يبقى إستخدام الشيت يخدم هدف اللعب نفسه

شكراً

[medo_omar]

انا لا استخدم الشيت فى جميع الالعاب التى تعجبنى وتجزبنى اما الالعاب التى تشعر عند لعبها انها مجرد تضييع وقت او هى ديه اللعبة اللى على جهازك ومفيش غيرها بلعبها بالشيت وقول نفسى ليه اتعب نفسى فى لعبة مش عجبانى زى Soldier Of Forutune الجزء التانى.

وافتكر برضه انى استخدمت الشيت فى لعبة War Craft 3 Regon Chocie فى المرحلة الاخيرة فى اخر 10 ثوانى من اللعبة لانها كانت بتفرق معايا عليهم .

[aaaa42bbbb]

انا لا استخدم الشيت فى جميع الالعاب التى تعجبنى وتجزبنى اما الالعاب التى تشعر عند لعبها انها مجرد تضييع وقت او هى ديه اللعبة اللى على جهازك ومفيش غيرها بلعبها بالشيت وقول نفسى ليه اتعب نفسى فى لعبة مش عجبانى
انا لا العب لعبه لا تعجبني أبداً ، مثل hidden and dangerous رغم أنها واخده rate عالي جداً

[bb_stoney]

انا لا العب لعبه لا تعجبني أبداً ، مثل hidden and dangerous رغم أنها واخده rate عالي جداً

نفس الكلام بالضبط وفى راى كل واحد لية وجهة نظرة الخاصة اثناء تقيم اللعب
:D :5bouncy: :D

[محمد هو الافضل]

انا اريد اسرار او شفرات للعبة grand theft auto:vice city

[aaaa42bbbb]

يا أخ محمد هناك موضوعان مختصان بالحصول على الأسرار و الشفرات يمكنك أن تضع طلبك بهما شكراً

[B@SS@M]

بصراحة أنا مليش في الألعاب قد كده لكن ماهي فائدة اللعبة اذا كنت فيها الألفا والأوميجا.

[movieman]

انا مبحبش العب بشيت خالص لان ديت بتفقد متعه اللعبه بس ممكن استخدمه لما اكون عايز اخد المرحله جري يعني مثلا في هيت مان 3 وصلت المرحله الرابعه او الخامسه ولقيت العبه طلعت المهم مش عايز اقول الشتايم الي انا قلتها وجبت العبه تاني من واحد صحبي وكانت سليمه فانا طبعا مش هاعيد من اول تاني فعملت شيت ليها لغايت موصلت المرحله الي انا وقفت فيها بعدين شلت الشيت يا جماعه الي بيلعب بشيت يحاول يجرب يلعبها من غير شيت لان الشيت فعلا بيبوظ هدف اللعبه فمثلا لو كانت لعبه ضرب فلهدف منها انك تحافظ على حياتك اكبر فتره ممكنه اما لو كانت لعبه عربيات وعايز تفتح عربيات فيها فان الشيت بيجبهالك لكن هاتلعب بالعربيات ديت يوم ولا يومين و هاتقفلها اما لو منغيرها فهاتفضل تلعبها لغايه ماتفتحها من غير شيت اما لو كانت لعبه advanter فان المراد منها اختبار الذكاء والصبر ولعبه هطول معاك لو انت قعدت تفكر في لغز ويت طبعا احسن من ان تكون عارف حل اللغز وتخدها جري اما لو كانت استراتجي فالهدف منها اختبار الذكاء العسكري والتخطيط لكن لو عملت شيت فيها فهتكون العبه كانها هركليز ضد مستر بين تقريبا كدا مسبتش اي نوع لعبه

[sab3awi]

لا شك في أن الcheats تضيع متعة الألعاب و تجعل من اللعبة مجرد مضيعة للوقت

و لكن في بعض الأحيان و نظرا لضيق الوقت و كثرة المسؤوليات و المشغوليات فقد نستعين ب walkthrough للتغلب علي نقطة صعوبة معينة في اللعبة قد تجعلنا نفقد أعصابنا و نغلق الجهاز كله و ندخل ننام أحسن

walkthrough not a cheat

[aaaa42bbbb]

السلام عليكم

شكراً لكل من bassam و movieman و sab3awi

كلامكم تمام التمام و شكراً مشاركتكم لنا

شكراً

[ahmedrmden]

هلا انا اخوكم احمد ممكن سؤال انا عايز اتعلم كيف انزل افلام من على النت وكيف اعرف الترجمة
الصحيحة من الترجمة الموجوده عندكم لانى لسه جديد فى الموضوع ده
ولكم جزيل الشكر,,,,,,,,,,,,,,,,,,,
اخوكم احمد المصرى

[YOUSIF ДHMED]

أكيد نعم ...

[_DOUF_]

انا ليا رأي ان اللعبة اللي تتزنق فيها
لازم تتعذب علشان تخلصها يعني مثلا لعبة Call Of Duty United Offensive أو FarCry يعتبرا من الالعاب الصعبة الى حد ما ولكن اذا يئست منههم فاين المتعة لازم تتعذب و تكرة اللعبة و تحاول وتموت غير كدة في رأي انني لا استحق حق اكمال اللعبة اذا لم اكملها بنفسي فهذا غش

[Egyption_Warrior]

بخصوص هذا الموضوع
انا عن نفسى ان اللعبة بالشيت تصبح لا قيمه لها
لانك سوف تفقد ما بها من اثارة اللعبه
فاذا مثلاً انك تلعبها بدون شيت ولا يوجد بها تسييف الا فى منطقه معينه
فستكون فى اتم التاهب من انك تموت لكى لا تعود مرة اخرى من بداية المرحله
اما اذا كنت واضع شيت فلم تكون مهتم بمن يقاتلك فى اللعبة
فسوف تؤدى الى برود فى اللعبه فبالتالى سوف تزهئ منها وتمل
فلست من المرجحين باستخدام الشيت فى اللعبة لانها تجعل اللعبه بردة وليس لها معنى وتفقد اثارتها
واكيد هناك من يوفقنى على ذلك
ولكم تحياتى

[jeeto_sf]

for me i just finish the game without any cheats
and after i finish it i can try the cheats
just to know what it will look like playing with cheats
do u got me
_______________________
if u are a ps lover just click here (http://www.dvd4arab.com/forums/showthread.php?t=34154)

[AERO]

و الله يا جماعه أحياناً لما اللعبه بتقفل و تسود
مابيكونش فيه حل غير الشيت
بس مش عمال على بطال
و مش فى أى لعبة

و مش فى أى لعبة

[medoelboss]

فين متعة العبة بعد الشيت اية المتعة لما تقفل العبة من غير مجهود يا فرحتك

[ahmedfawziabdo]

فين متعة العبة بعد الشيت اية المتعة لما تقفل العبة من غير مجهود يا فرحتك
أهو هو دة الكلام ولا بلاش

[ahmed_akhmedoo]

انا ما فيش لعبة جيبتلها ترنر او شيت إلا و كرهتا بعد كده

[ahmedfawziabdo]

وانا بردة أول مفتح الcheat بتنتهي حلاوة اللعبة

[MO2KILL]

اكيد الشيت بيفسد جو اللعبة العام و يقلل الاثارة لو مثلا بتحمى نفسك من الموت فى لعبة قتالية او بتقصر اللعبة لو بتستعمل ترينر فلوس او تعدية مراحل ده رأى الشخصى

[aaaa42bbbb]

كلام صحيح ، و علينا إحترام وجهة النظر الأخرى ، و لكني أتفق مع من يقولون أن الشيت يفسد الألعاب

[ahmedfawziabdo]

واضح من التصويت أن فعلاً في أعضاء كتير مبتحبش الcheat وبتحب تلعب بجد

[T.Conan]

هو في حاجه صعب جدا انك تخلصها من غير شيت

لعبة prince القديمه مش الجديده

لما تيجي تقاتل الظل بتاعك لو غلبته تموت ما غلبتوش وغلبك تموت وظلك يفضل زي ماهو

اللعبه قديمه جدا يمكن من يجي .............. 7 سنين :D

[Mowahed]

alslam alikum
well about me the most improtant thing is the story of th game if i couldnt finish the game i finish by cheats to just know the end of story but after then i consider the game a challenge for me then i play again without cheat and then i win and finish with out cheats
i just cheat becouse i am so curios to know the end of the story

[Mowahed]

sorry i didnt answer the main question,cheats cancels the fun of the game and destroy it's challenge

[adel_mido]

Ya Ged3an El Cheats Betbawaz El Games Tab3an

[abodel]

أنا رايي ان الواحد يستخدم الcheat أو الtrainer لما يعجز عن متابعة اللعب أو يكون مزنوق فى حته و عايز يعديها و يكون غلب حماره فيها، و كمان فى بعض الالعاب مفيهاش غير ضرب و قتل يعنى مفيش تفكير زى لعبة lord of the rings ممكن الواحد يستخدم ال trainer و مش هيضيع متعة اللعب.

[kingout]

ياجماعة انا عمرى مااقفلت لعبة بشيت ولما بتقف ادامى لعبة ودى حاجة نادرة
زى اللعبة اللى مفيش حد اقدر يقفلها منغير شيت او انة يعرف حل الألغاز من النت Journy to middel earth
احسنلى اننا ملعبهاش واراهن اى حد يكون قفل اللعبة دى لوحدة

[phantom]

زي ما الأخ movieman بيقول
انا مبحبش العب بشيت خالص لان ديت بتفقد متعه اللعبه بس ممكن استخدمه لما اكون عايز اخد المرحله جري يعني مثلا في هيت مان 3 وصلت المرحله الرابعه او الخامسه ولقيت العبه طلعت المهم مش عايز اقول الشتايم الي انا قلتها وجبت العبه تاني من واحد صحبي وكانت سليمه فانا طبعا مش هاعيد من اول تاني فعملت شيت ليها لغايت موصلت المرحله الي انا وقفت فيها بعدين شلت الشيت

و كمان ممكن أستخدمه لما أكون قفلت اللعبه و عايز ألعب مرحله في نصها مره تانيه أو أفتح حجات جديده أو أتأكد من بعض الحجات

[zero0co0l]

انا لم استخدمه الا في لعبة تومب رايدر last revolution
واستخدمته في السلاح فقط
وده مافسدش حاجه لان اللعبه بتعتمد اعتماد كبير عي حل الالغاز مش علي السلاح

[aaaa42bbbb]

شكراً لكل من شارك بالموضوع

[Elemo]

أنا لما بيكون قدامى لعبه بكرها أوى بيبقى قدامى حل من اتنين
يا أعملها uninstall
يا أفلها بشيت علشان مندمش انى صطبتها

[™MαFiα]

طبعا موضوع جامد
وفى موضوع الشيتات دى الكل متفق انها بتبوظ اللبعه
لكن رأيى الخاص وهو رأى الكثير ان فيه جيمز بتكون صعبه جدا وفى مراحل معينه لازم نستخدم شيت يأما اللبعه تتوقف لحد الجزئيه دى
وشكرا للموضوع الجامد

[عاشق الألعاب]

مش كل الالعاب يا اخ aaaa42bbbb
فمثلا لعبت commandos خلصت التلات اجزاء من غير شيت واحد عشان هى اساسا معتمدة على تفكيرك...
ولكن لعبة the hulk انا كنت عايز اضرب وخلاص ....عشان كدة كنت باستجدم الشيت اللى يخلينى لا اموت

[Neano]

طبعا .... فجمال اللعبة في صعوبة المراحل ....... فاذا ما المتعة من تقفيل اللعبة بالشيت أو التراينر؟؟؟

[Body the king]

اللعب من غير ‏cheatمتبقاش لعب

[ǏČ€ МᾀŊ]

و اكيد ان استخدام ال CHEATS بيفسد من حلاوه اللعبه بس فى ساعات بتوصل لحاجات بتقفل معاك متلاقيش حل غير ان تستخدم ال CHEATS بس انت لو جربت تعديها من غير متستخدم شفره هتحس بحلاوه فى اللعبه اكتر