تعمل ايه لو واحد قالك انك قنبلة وهتنفجر فى أى وقت؟

[shadow of my smile]

يا ترى ممكن تعمل ايه لو واحد جه قالك انه موجود جواك قنبلة قوتها كبيرة جدآآ وهتنفجر فى أى وقت؟؟؟هو ده بالفعل اللى حصل فى فيلم impostor فالفيلم يبدأ بكونه فى المستقبل والأساليب والادوات الحديثة وأيضآ الأسلحة الحديثة..
فيوضح لنا ما قد خلفته الحروب ورائها من نظم فرضت نفسها على ذلك الوقت وذلك بقيامهم بعمل "قبة" لحماية الأرض من هجمات الأعداء من مَن يريدون غزو الأرض..
ويوضح لنا انه كعادة تلك النظم تترك ورائها فراغآ كبيرآ من الأهتمام بالأشخاص الفقراء وتلك الطبقة من مَن لا يملكون حتى قود يومهم...
ثم يأتى محقق من الوزارة ليواجه بطل الفيلم ويخبره انه ليس صاحب شخصية الرجل الحقيقى وانه عبارة عن شخص مماثل تم زرع قنبلة بداخله يعيش فى صورة الرجل الحقيقى الذى قد قام بقتله للأستيلاء على شخصيته وهدفه هو قتل رئيس البلاد..ويفاجىء البطل بهذا الأمر ثم يجد ان كل من حوله من أصدقاء ومقربين منه حتى زوجته قد صدقوا الأمر..فيرى انه لا يوجد أمامه سوى البحث عن حقيقة الأمر حتى يتوصل لإثبات براءته من تلك التهمة..ولكن ما سيكتشفه فى النهاية لم يكن فى حسبان أحد على الإطلاق..
ومرفق ملف التورنت الخاص بالفيلم حتى تستطيعوا تحميل الفيلم ومشاهدته..وأتمنى لكل من قام بمشاهدة الفيلم إخبارنا اذا كان يتوقع نهايته؟؟ :rolleyes: هذا رابط ترجمة الفيلم..وأتمنى ان تستمتعوا بيه..
http://www.dvd4arab.com/forums/showthread.php?p=176916&posted=1#post176916

[Tigger]

موضوع جميل يا أخ شادو ... وطريقة جذب للموضوع رائعة
وحقيقة لم أتوقع نهاية الفيلم... لأنى اتصدمت فى هذا الفيلم بصراحة
وكنت معشم نفسى انى هشوف فيلم جامد .. وفوجئت بفيلم اشبه مايكون بحلقات 911 الامريكية ليس به الا مطاردة طوال الفيلم بين ناس معرفهومش والبطل ، يعنى لعبة عسكر وحرامية بمعنى اصح.
ولا أكذب عليك، انا نمت كذا مرة طول الفيلم من شدة الملل.

أنا آسف .. ولكن هذا رأيى الشخصى فى الفيلم.
مع ملاحظة ان نوعية الافلام المفضلة لدى هى تلك الغير متوقعة النهاية وترجمت منهم فيلمين the hole, along came a spider
وهناك فيلم رائع ايضا مثل wild things اتحدى ان يتوقع احد احداثه او نهايته.

[too_busy_body]

شكرا على كلامك المشوق.......و لكن بكل اسف الفيلم ده بايخ جدا
و ابسط حاجه......النهايه بتنافى مع كل اللى كان حاسس بيه البطل و كل مشاعره
فيلم فاشل

[hippo]

انا عاوز اعرف هو الفلم انتهي على ايه لانى كنت بقدمه بسرعه وانا بتفرج ومشوفتش النهاية
فارجو من الاخ شادو او الاخ تيجر او ايا ممن شاهدوا الفلم يقولوا لى على النهاية كانت ايه ؟؟؟؟؟؟؟

[shadow of my smile]

هبعت لحضرتك برسالة خالصة أقول لحضرتك فيها يا أستاذ هيبو
لكن أتمنى ان ماحدش يقول النهاية عشان ما يحرقش الفيلم ومايحرقش متعته للأشخاص اللى لسه ماشفهوش..
وطبعآ الأراء المختلفة بالنسبة لمستوى الفيلم مش قضية..لكنى مستنى أراء أعضاء أكثر من الناس اللى شافوا الفيلم..لانى شايف ان الفيلم جميل جدآآ..

[koki_2005]

100% يا ريس

[waely]

ممكن اقول النهاية واحرقها؟؟؟؟

[gamer]

لا يا وائل ... ارجوك انا لسه ماشفتوش .

و لا اقولك ... قول النهايه و انا مش هاخش هنا تانى (:

[shadow of my smile]

ممكن اقول النهاية واحرقها؟؟؟؟
يعنى انت عارف انك بكده هتحرق الفيلم لما تقول النهاية
طيب بدل ما تحرق النهاية مش ممكن انك تشاركنا برأى حضرتك فى الفيلم نفسه..وبما انك شاهدته فما رأيك فى ترجمة الفيلم؟؟
وأتمنى ليك يا أستاذ جامر الحصول على الفيلم ومشاهدته..فهو فى رأيي من الأفلام الجميلة التى تستحق المشاهدة..

[GoodMan]

أحب أوضح ان الفيلم من وجهة نظرى كان جيد جدا ومثير أعجبنى جدا وطبعا اختلاف وجهات النظر وارد[b]

[shadow of my smile]

أحب أوضح ان الفيلم من وجهة نظرى كان جيد جدا ومثير أعجبنى جدا وطبعا اختلاف وجهات النظر وارد[b]

يا أستاذ جود مان..أنت كنت فين يا راجل..ده انا كنت ابتديت أحس انى الوحيد المعجب بالفيلم..
أتمنى يكون فعلآ عجبك..وأتمنى تكون الترجمة كمان حازت على اعجابك..
شكرآ لمرورك الكريم..

[waely]

انا كنت بهزر بس
انا طبعا ميرضنيش اني احرقه علي حد
الفيلم منوجهة نظري مستواه متوسط
ليس جيد وليس سيئ

[khattab_012]

بصراحة أنا أيضاً لم يعجبني الفيلم إطلاقاً

و حاولت أضغط على نفسي و أكملة بس ما قدرتش

الفيلم في نظري أقل من المتوسط

[crasyboy]

الصراحة الفلم عجبنى جدا ..........وانا مش مصدق انة معجبكومش
والترجمة بتاعتة كانت ممتازة
بس هو لما شاف مراتة ميتة وجرى على المستنسخة
انا عرفت انة فى حاجة غلط
عشان كان المفروض يجرى على مراتة
بس انا مكنتش اتوقع ابدا...ابدا....ابدا...اللى حصل بعد كدة

[shadow of my smile]

شكرآ ليك يا كريزى بوى على المرور الكريم..والكلام الجميل..
أتمنى ان الفيلم يكون عجبك..وكذلك الترجمة..
شكرآ ليك

[MEMO_VAMPIRE]

this movie is too bad

[Brad Pitt II]

أولاً: أحييك يا أحمد على طريقة عرض الموضوع (وخاصة العنوان)

ثانياً: بخصوص الفيلم فأنا شاهدت الفيلم من فترة طويلة (3 سنوات تقريباً) ومش متذكره جيداً ومش متذكر تفاصيله بالظبط بس بصراحة اللي أنا فاكره إن الفيلم ضعيف جداً جداً سواء في القصة أو التمثيل أو الإخراج المتواضع جداً جداً جداً غير إن أحداثه كانت بطيئة ومملة للغاية
وبخصوص نهاية الفيلم فأنا مش متذكر إن كنت شاهدت الفيلم إلا نهايته أو ما قدرتش أكمله .. ‘بقى قولي النهاية على الميسينجر :)

[tarek roka aror]

سورى ياجماعه بس انا مااعرفش الفيلم ده اساسا