عايز تنتقم من اللى سرق محمولك !! انا هاقولك تعمل اية [الأرشيف] - موقع الدي في دي العربي

indeep

15-11-2004, 03:50 AM

اخوتى الاعزاء
الحمد للة لسة ماحصلتش معايا حتى الان ولكن الاحتراس واجب وربنا يستر الواحد مش عارف هايعيش ازاى من غير موبيل :p
وهاهى طريقة تخلي الي سرق موبايلك يرجعه لك او تحرق دمه
قبل ان تفقد موبايلك هذه مهمه جداً لجميع اصحاب الموبايلات احفظ الرقم التسلسلي للجهاز ال Serial Number
فيمكنك في حالة سرقة الموبيل الاتصال على شركة الاتصالات وإعطائهم الرقم التسلسلي للجهاز بحيث يوضع هذا الرقم في
القائمة السوداء لدى الاتصالات ومهما وضع السارق من شرايح في الجهاز فلن يعمل لان رقم الجهاز اصبح في.... الباي باي , ولاتستهينون بالرقم سجلوه

واليكــم الطريقـــة
إذا أردت أن تعرف الرقم التسلسلي ال Serial Number الخاص بجهازك
اضغط على الارقام التالية
نجمة *
ثم مربع #
ثم صفر
ثم 6
ثم أضغط مربع مرة أخرى #
سيظهر لك رقم مكون من 15 خانة على شاشة الجهاز هذا هو الرقم التسلسلي ... سجلة في مكان آمن

وفي حالة سرقة جهازك تتصل على شركة الاتصالات وتعطيهم الرقم التسلسلي فيتمكنوا من اقفال جهازك بالكامل
وبالتالي حتى لو حاول السارق تغيير الشريحة فالهاتف لن يعمل معه .. وبكل بساطه تحرق دمه .... زي ماحرق دمك
وأتمنى ان تنال اعجابكم ولو كل واحد عمل كدة
باذن اللة السارقين هايبطلوا سرقة واهة نكسب فيهم سواب
;)

B@DR

15-11-2004, 05:09 AM

الطريقة سليمة مائة في المائة وصحيحة ايضا indeep العظيم شرحه تمام

بس يااخي العزيز جدا ياسلام لو كنت شفت الموضوع ده في الجوالات

كان هايبقى اخر عظمة ..بس برضوا انت كده تمام جدا

الف شكر يااخي العزيز بس نصيحة كل واحد يحافظ على موبايله احسن

heno

15-11-2004, 05:09 AM

شكراً يا باشا على هذه الطريقة العبقرية .
و أتمنى محدش ينتقم من صديق ليه و يسهيه و يروح واخد منه الجهاز و يعمل نفسه بيلعب ( سناك ) و يروح واخد الراقم و مبلغ عنه و بكده يقفل الخط على صديقه بطريق المقلب . :D

أبو الهول

15-11-2004, 05:27 AM

شكرا على الأفكار الجميلة دي

أبو الهول

walidzahran

15-11-2004, 08:26 AM

many thanks ya man

crasyboy

15-11-2004, 08:50 AM

thank u man u are great

khattab_012

15-11-2004, 12:37 PM

شكراً على الطريقه الجميله بس لي سؤال هل تنفع مع كل أنواع و موديلات الأجهزه أم عائلة النوكيا فقط ؟
شكراً يا باشا على هذه الطريقة العبقرية .
و أتمنى محدش ينتقم من صديق ليه و يسهيه و يروح واخد منه الجهاز و يعمل نفسه بيلعب ( سناك ) و يروح واخد الراقم و مبلغ عنه و بكده يقفل الخط على صديقه بطريق المقلب . أيوة فعلاً دي مصيبه و ممكن تحصل من ذوي الأفكار المريضه :)

mody010

15-11-2004, 12:44 PM

فكره حلوه يا مان بس بردوا نحب نعرف ايه نظام الموبايلات التانيه زى انواع سامسونج

ABO-BAKR AHMED

15-11-2004, 01:27 PM

:eek: مش عارف والله هانعيش ازاى من غير نصائحكم

OzoS@iD

15-11-2004, 01:33 PM

indeep

15-11-2004, 03:37 PM

[SIZE=6]اخى العزيز (( لولو ))
ياباشا اخجلتم تواضعنا بكلامك الجميل دة كعادتك اخى العزيز المحترم فى ردودك
ولم يكن عندى اى فكر ان هذا الموضوع قد وضع من قبل

اخى واستاذى (( هينو ))
شكرا لزيارتك الكريمة للموضوع وردك علية
الموضوع منور بردك علية ياكبير
ومنظرك كدة اتقرصت من الموضوع دة قبل كدة :)

اخى (( ابو الهول ))
شكرا لمرورك الكريم على الموضوع

اخى العزيز (( وليد زهران ))
كل اللى بتمناة ان الموضوع يكون نال اعجابك
و شكرا على الرد

اخى (( كريسى بوى ))
مشكور اخى على ردك الجميل و نورتنى

اخى الغالى (( خطاب ))
اخى العزيز هذة الطريقة تصلع للتعامل مع جميع انواع وموديلات المبايلات
وان لم تكن لكنت قد ذكرت ذلك فى الموضوع
وشكرا لمرورك اللى بعتز بية

اخى (( مودى010 ))
حبيبى طبق هذة الطريقة على السامسونج بس بصراحة انا مش متذكر الكود المستخدم فى السامسنج
للحصول على serial number لو تحب معانا الاستاذ (( لولو )) خبير الجوالات فى المنتدى اسالة وباذن اللة هايفيدك

[SIZE=6]اخى (( ابو بكر احمد ))
مشكور اخى ردك اسعدنى بس هاتعيش من غيرنا ماتقلقش :)

اخى الغالى (( سعيد ))
شكرا اخى على مرورك وعلى ردك .. بجد ردك دائما يسعدنى

ونهايتا انا شاكر جدا لردودكم فجميعها اسعدتنى وبالتوفيق واتمنى ان يكون الموضوع قد نال رضاء الجميع كما كنت اتمنى
وفى انتظار باقى الردود لانها تسعدنى وتدفعنى للامام و اتمنى ان اكون عند حسن ظن الجميع

Sayed Ali

16-11-2004, 12:46 AM

indeep

16-11-2004, 01:20 AM

شكرا اخى (( Sayed Ali ))

على ردك الجميل .. واضافتك الهامة للموضوع
وبالظبط هذا هو المقصود من كلامى
ونفس هذا الاسلوب هو المتبع فى اغلب الدول العربي
وانا ملاحظ انك عضو جديد ولذلك لك منى كل تشجيع وهمتك معانا فى المنتدى
وفى انتظار مشاركاتك معنا قريبا

walid26

16-11-2004, 04:32 AM

ألف ألف شكر أخي Indeep والمعلومة اللي كانت تايهه عني فعلا

وألف شكر مرة تانية علي النشاط الملحوظ في المنتدي اللي فعلا دايما منور بيك

indeep

16-11-2004, 05:28 AM

اخى العزيز جداا جداا (( وليد ))
ياوليد باشا اشكرك على ردك الجميل دة ياراجل يامحترم
اللى فعلا بيزيدنى سعادة كل مرة
وكل ما اتمناة من اللة ان يكون الموضوع افادك
ويارب يديم المحبة

B@DR

16-11-2004, 05:39 AM

ياصديقي الحبيب والغالي انا لم اقصد انه موجود هناك

انا ذكرت اني كنت اتمنى لو كان معنا هناك فهمتني خطأ

وعالعموم حصل خير والموضوع جميل واكثر من رائع

لك كل حبي واحترامي وتقديري

وكل عام وانت بالف خير ياصديقي

indeep

16-11-2004, 06:08 AM

عزيزى الغالى (( لولو ))
معزرتا لسوء التفاهم الذى حدث
وانا مش عارف فاتت على دى ازاى ووضعت الموضوع هنا
ولكن اعتقد انك تملك الصلاحيات لتنقل الموضوع الى قسم الجوالات
وبصراحة فالموضوع هنا غير ملحوظ بالمقارنة بوضعة هناك بقسمك
فانا لا امانع بل بالعكس ارحب بذلك لتمنياتى ان يزخر قسمك قسم الجوالات
بالعديد من المشاركات الهامة والمتنوعة لكى يجزب اعضاء جدد فى للاشتراك فى المنتدى
ووعد المشاركة القادمة فى قسم الجوالات باذن اللة

Refoo_5534

16-11-2004, 06:43 AM

طيب , ما إللي يتضرر من هذا الموضوع ممكن يغير السيريال بإستخدام أحد برامج تنزيل السوفت ووير للمحمول المتخصصة في هذا المجال !!

B@DR

16-11-2004, 06:56 AM

اخي العزيز والحبيب indeep

لاداعي للاعتذار اخي الحبيب فالموضوع ابسط من ذلك بكثير
واشكرك على روحك الجميلة وحبك للتعاون معنا جميعا
ولكني ياعزيزي حتى لو كنت املك الصلاحيات فليس من حقي ابدا
التعدي على الحقوق الواجبة لاعزائي واساتذتي المشرفين هنا
فهذا الحق مكفول لهم هم فقط وانا لم ولن اتعدى حدودي مع اي منهم
واعلم ياعزيزي وصديقي انك تريد ان يصبح منتدى الجوالات
من المنتديات المعروفة والمحببة للاعضاء لكن هنا او هناك
فهو منتدى واحد والاعضاء كلهم اخوة وكلنا احبه واهم مافي الموضوع
ان تعم الفائدة على الجميع
والف شكر لك مرة اخرى فانت فعلا اخ محترم جدا
وانتظر مشاركتك معي في الجوالات
وكل عام وانت بالف خير وحب وسعادة

indeep

16-11-2004, 04:36 PM

شكرا اخى (( refoo ))
على مشاركتك ولكن الموضوع مش بالسهولة اللى انت متخيلها

اخى العزيز (( لولو ))
انى لم ولن احرضك على التعدى على الاخوة المشرفين
فيعلم اللة كم انى احترمهم واقدرهم
ولكن قصدى كان انة من الممكن بعد اخذ الاذن منهم ان تنقل الموضوع لانة يخص
قسم الجوالات . كما يحدث فى بعض المواضيع التى تنشر فى الاقسام الخاطئة من المنتدى
وشكرا لحسن حديثك . وساشارك معك قريبا باذن اللة

SRK

16-11-2004, 08:52 PM

مشكووور اخي indeep على هذا الموضوع

بس جاء بعد فوات الاوان

اخي كان عنده موبايل من احدث الموبايلات ..وكان غالي جدا..مع كاميرا وكل هالاشياء..

لكن

اتلطش

وراااااااااااااااااااااااااااااااااااح

بس يلا

خيرها بغيرها

indeep

17-11-2004, 02:37 AM

اختى الغالية (( srk ))
معزرتا لتاخرى فى الموضوع لحد ماتسرق الموبيل
بس اتمنى ان الموضوع يفيدك علشان اللى حصل ما ييتكررش
واجرى بسرعة دلوقت اكتبى serial الجهاز
وشكرا ونورتى الموضوع بردك علية
وتمنياتى بالتوفيق دائما

dr_ahmed2004

17-11-2004, 02:57 AM

الف الف شكر اخى العزيز جدا indeep على موضوعاتك الممتازة , الحمد لله انا لسه جهازى فى السليم وان شاء الله هايفضل فى السليم , الواحد مش عارف ازاى ممكن يعيش من غير موبايل

indeep

17-11-2004, 04:01 AM

حبيبى الغالى (( د.احمد ))
ياغالى انا سعيد جدا بمشاركتك هذة فى الموضوع
ولقد كنت اتسائل الموضوع زاد نور لية مرة واحدة . اتارى الغالى نورة بردة علية :)
واحمد اللة على ان الموضوع اعجبك واتمنى ان اكون دائما عند حسن ظنك وحسن ظن الجميع
ومعاك ازاى الواحد ممكن يعيش من غير موبيل . دة فى حتى ناس عندها الموبيل دة اغلى من كنوز الدنيا
بس بردة خد Serial الموبيل عشان تبقى فى السليم ومش هاتخسر حاجة

indeep

22-11-2004, 04:19 AM

الف شكــر للاخت العزيزة (( SRK )) على تلبية النداء ونقل الموضوع لقسم الجوالات

™Samir

15-12-2004, 05:29 PM

شكرا علي الموضوع

mamdouh

20-12-2004, 03:41 AM

والله الواحد مش عارف يقول إيه على أد إن الموضوع شيق وهام على أد أن فعلا لازم الواحد ياخد باله وعلى رأي المثل " حرص ومتخونش " ومافيش حاجة مضمونة في زماننا
بس أنا عندي واحد صاحبي كان اتسرق منه الموبايل وراح لشركة الإتصالات يبلغ قالولوه ان مافيش حاجة زي كده في مصر بالرغم ان راحلهم بالسيريال للموبايل فانا مش عارف الكلام ده إتطبق هنا في مصر واللا لسه يعني لو حد عنده تجربة في الموضوع ده ومتأكد من ان احنا عندنا الموضوع ده يا ريت يقولنا

وألف شكر على الموضوع الجميل ده ،، :5bouncy:

ahmad2004

20-12-2004, 10:22 AM

شكرا اخي Indeep على هذه الخدمة وشاكر لك هذا المجهود وان شاء الله راح احتفظ برقم السريال بتاعي
وكل سنة وانت طيب ؟؟

indeep

24-12-2004, 06:45 PM

اخوانى الاعزاء ممدوح و احمد
اشكرك اخوانى الاعزاء على هذة الردود الجميلة وللعلم فأن هذا الموضوع
طبق فى مصر وان لم يستجيبوا لك قم بأبلاغ مباحث الاتصالات ويمكنك
احضار نمرتهم من الدليل . واعتزر لكم لتأخرى فى الرد عليكم
ولكم اخوتى خالص تحياتى

YOUSIF ДHMED

28-12-2004, 08:57 PM

شكراً على الطريقة. بس الرقم السري طويييييييل ما ينحفظ.

AHMED-MATRIX

31-12-2004, 02:55 AM

شكراً يا باشا

tarekgnaid

02-01-2005, 05:09 AM

شكرا جدا على هذا الشرح الوافى و جزاك الله خيرا

indeep

17-01-2005, 06:58 PM

اولا اعتزر لجميعكم على تأخرى فى الرد عليكم ولكن ذلك راجع لظروف الامتحانات

اخى العزيز ybvbr07
شكرا لمرورك بالموضوع ولكن نظرا لطول الرقم فلم اطلب منك حفظة بل كتابتة فقط فى مكان امن
وتقبل تحياتى

اخى العزيز احمد ماتركس
شكرا لمرورك الكريم بالموضوع وردك علية
تحياتى لك

اخى العزيز tarekgnaid
لا شكر على واجب واتمنى ان يكون الموضوع قد افادك ورجاءأ تقبل تحياتى
واتمنى دوام مشاركتك معنا فى المنتدى

hussein_9744

06-02-2005, 06:45 PM

شكرا جدا علي شرح الطريقه دىىىىىىىىىى

eng_islam

06-02-2005, 07:36 PM

u r 100% man !

lordradwan

06-02-2005, 08:29 PM

my phone had been stolen but i had read this b4 so i took the serial #
wat shall i do now
call mobinil and vodaphone and tell them about it?
and how can thy prevent the others of using it?

indeep

07-02-2005, 02:41 AM

اخى العزيز hussein_9744

لا شكر على واجب اخى واشكرك على ردك ومرورك بالموضوع

indeep

07-02-2005, 02:43 AM

اخى العزيز eng_islam

لا شكر على واجب اخى واشكرك على مرورك الكريم بالموضوع واتمنى ان يكون نال اعجابك وافادك

indeep

07-02-2005, 02:49 AM

اخى العزيز lordradwan

لقد قمت بشرح ذلك من قبل ولكن مرة اخرى لك .. قم بأبلاغ مباحث الاتصالات ويمكنك معرفة رقمهم من دليل الهاتف وهم بدورهم سيبلغون شركتى المحمول فى مصر بالسريال نامبر للجهاز اذن يجب ان تعلمة اولا قبل الابلاغ للتأكد من ان هذا الجهاز يخصك
وشركتى المحمول بمصر ستعرف ماهو رقم الشريحة الموضوعة بالجهاز وستقوم اولا بأبلاغ الشرطة عنة ويتم القبض علية وثانيا ستغلق اى شريحة تابعة لهم للعمل على الجهاز وبهذا سيكون الجهاز عديم القيمة فى يد السارق ومن الجائز جداا القبض علية

وشكرا لمرورك اخى

moroo

09-02-2005, 03:57 AM

شكرا لك يا اخ indeebعلى هذة الطريقة ولكن عندى سؤال ماذا لو اعاد لى هذا اللص جهازى كيف استخدمة انا

™HaTeM

10-02-2005, 06:39 PM

شكرا اخى العزيز ولونها جت متأخره

indeep

11-02-2005, 04:32 AM

اخى moroo

شكرا لزيارتك للموضوع وبالنسبة لسؤالك فأية المشكلة انا مش فاهم فعند عودت الجهاز لك يمكنك استخدامة بطريقة عادية كما كنت تستخدمة من قبل السرقة

indeep

11-02-2005, 04:34 AM

اخى العزيز medooo2

لا شكر على واجب وشكرا لزيارتك الكريمة للموضوع وياسيدى ماتزعلش نفسك ملحوقة وعوضك على ربنا

asemmido

23-02-2005, 12:54 PM

شكراااااااااااااااااااا على الطريقة الجميلة دية

indeep

24-02-2005, 08:58 AM

لا شكر على واجب اخى asemmido واتمنى ان تكون اعجبتك

koty 3510

12-03-2005, 04:08 PM

خمسه عليك ياعم

3mora4ever

02-04-2005, 12:44 AM

الف شكر يامان

ashraf harby

04-04-2005, 03:18 AM

سبحان الله وبحمده سبحان الله العظيم

maldini-3

17-04-2005, 05:48 PM

الله ينور عليك يا باشا يا حارق دمهم

hibernate

30-04-2005, 03:17 PM

انتا متأكد من موضوع الشركة ده يعنى هتمنعه من المكالاماات

yagami

07-05-2005, 09:46 PM

و الله أرحتنا يا أخ Indeep شكرا جزيلا

samehemary79

21-05-2005, 04:19 PM

جزاك الله خير ولكن سواب بالثاء لا بالسين(ثواب)

HAZOOMA

27-05-2005, 07:07 AM

أنت كده تمام بس نمرة شركة الاتصالات دى انا معرفهاش

mahmoud koko

13-06-2005, 02:23 PM

الف شكر على النصيحة الجميله ... وربنا يسترها علينا كلنا ومحدش يتسرق منه حاجة ..

mizogel

29-06-2005, 04:10 PM

ألف شكر يا معلم على المعلومة الهائلة دي

MskT

03-07-2005, 07:32 AM

مشكوووووووووووووورررر

gezera

19-07-2005, 08:39 PM

thinkkkkkkkxs

™AlprincE_B@seM

21-07-2005, 10:13 PM

مشكور جدااااااااااااااااا

bonty

22-07-2005, 04:55 PM

شاكرين مهلليلين يا يا باشا

josh

06-08-2005, 11:06 AM

مشكوور جدا وربنا يحفظك موضوعك خساره كبيره للحراميه

rmslover

14-08-2005, 05:07 PM

rmslover thanks u very much ya man

m502010

28-08-2005, 03:18 AM

مشكور
مشكور مشكور
مشكور مشكور مشكور
مشكور مشكور مشكور مشكور
مشكور مشكور مشكور مشكور مشكور
مشكور مشكور مشكور مشكور
مشكور مشكور مشكور
مشكور مشكور
مشكور
مشكور
مشكور مشكور
مشكور مشكور مشكور
مشكور مشكور مشكور مشكور
مشكور مشكور مشكور مشكور مشكور
مشكور مشكور مشكور مشكور
مشكور مشكور مشكور
مشكور مشكور
مشكور

asd_10

02-09-2005, 05:04 AM

اخى العزيز لايوجد اى سوفت وير يغير السريل نمبر فى اى عدة كلر اخيك ابراهيم المصرى

liontusk

03-09-2005, 02:46 AM

مفيش فايده في الموضوع ده
كل ده هكس ومالوش قيمة
بدليل أنا عن نفسي اتسرق مني موبايلي و كان معايا ال serial بتاع الموبيل ... أولا رحت القسم و عملت محضر و اتكتب فيه ال serial ورحت موبينيل علشان أقفل الخط بتاعي و آخد شريحه جديده فقالولي هات serial موبيلك اللي اتسرق علشان نحطه في ال black list وهو مش هايعرف يستعمل تليفونك خالص..قلت تمام كده ..أروح بى لفودافون كمان...وفعلا رحت و اديتهم الرقم
و بعد كل اللف و الدوران اللي حكيتلكم عنه ده
محصلش حاجه...ودي السنه التانيه على سرقه تليفوني
ولا مباحث تليفونات اتصلت
ولا أي بطيخ أتصل

MohamedYousri

03-09-2005, 09:53 PM

الطريقه شغاله و بتنفع فعلا كتير بس بتبقي عايزه واسطه وكتير هما بيجيبوا التليفون و بيضرب عليه

*#06# الكود ده يعتبر في اغلب الانواع هو هو ثابت علي جميع الانواع و الموديلات

وشكرا علي تذكرينا بهذه الطريقه

salah luaa

08-09-2005, 02:43 AM

مشكورعلى المجهود والمعلومة الجميلة أخ indeep بس الاحسن من كدة الاتصال بمباحث الاتصالات وتعطيهم السريال وهيجبولك الموبايل والى خد الموبايل لحد عند ودة حصل مع واحد صاحبى اتسرق منه الموبايل وخلال يومين واول ما الموبيل أشتغل كانت المباحث واخدة التليفون والى اشترى التليفون وشكرا لك .

sherifrefaat

26-12-2005, 09:16 PM

أقتراح جميل بس فيه حاجة أسمها مباحث الاتصالات ممكن تبلغها بسرقة الموبايل و تعطيهم السيريال بتاعه ولو مرجعهوش اقى بلغ شركة الاتصالات والكلام ده موجود هنا في مصر بس التليفون بتاع مباحث الاتصالات ممكن تاخدوه من الدليل 140 أو 141
الكلام ده في مصر و معرفش في باقي الدول موجود ولا لأو كده يبقى عندك فرصة يرجعلك الموبايل والفكرة واحدة وأنهم (مباحث الاتصالات ) بتبلغ شركتي المحمول بسرقة الموبايل وبمجرد تشغيل الموبايل بأي خط تقوم الشركة بالابلاغ عن البيانات لصاحب الخط ولو كان الموبايل متباع بيجيبوا اللي باعه لحد ما يوصلوا لل سارق و الجهاز يرجع لصاحبه طبعا

و الله يا أخي أنا إتسرق مني موبايل في مبنى نيابة المرور باللإسكندرية و عملت محضر في قسم محرم بك و أمين الشرطة لهف 10 جنيه علشان يكتب المحضر فقط و قاللي حنبلغك في خلال أسبوع بالكتير وحتى الآن و بعد مرور تلات سنين لم يظهر الموبايل ولا بلغوني بأي حاجة و سلملي على مباحث الاتصالات

sameh_ezzat

10-04-2009, 08:08 PM

السلام عليكم ورحمه الله وبركاته شكرا اخى العزيز ولونها جت متأخرهبس هل الطريقه دى فى التلفونات النوكيا بس ولا فى التلفونات الصينى بردة وشكرا يابرنس على المعلومات الجميله دى وننتظر منك كل جديد اخوك فى الله سامح

boseca

11-04-2009, 03:37 AM

أنا اتسرق مني موبايل n73
وعملت محضر والمفروض انه راح النيابه وولا حصل اي حاجه لا رجع الموبايل ولا حاجه
وسألت على الخدمه ديه في فودافون قاللولي انهم منعوها هما وموبينيل وانا اللي اتحرق دمي والكلام ده بقاله فتره
انا اللي اتحرق دمي
انا اسف ان كنت عكننت عليكم وشكرا على تعبك حبيبي على كل حال