مصر تخسر 2-0 امام اسبانيا الضعيفه

[Shandid Media]

مصر تخسر اولى لقائاتها الوديه بعد حصولها على بطولة كاس الامم الافريقيه مصر 2006
جائت المباراه من جانب واحد فى الشوط الاول عدا دقائق قليله هدد بها ابو تريكه مرمى كاسياس حارس اسبانيا ولكن جائت بدون فاعليه حقيقيه وفى الشوط الثانى جائت المباراه افضل من الجانب المصرى بعد نزول الاسد المصرى عبد الحليم على الذى استطاع فى دقائق قليله ان يشكل خطر كببير على مرمى اسبانيا وفى النهايه احب ان اقول انه لابد من المزيد من الاحتكاكات الاوروبيه لان ذلك هو المحك الرئيسى الذى يوضح الفروق من اجل محاولة علاجها فى المباريات والبطولات القادمه

[tigerhelwan]

يا ريت لو تعرف تجيب الكورتين اللى لعبهم عبد الحليم على ابقى حملهم على المنتدى اصلى متفرجتش على الشوط التانى من المطش
بعيد عنك النور قطع

[Shandid Media]

ادخل الموضوع دا وقول رأيك انت والناس اللى فى المنتدى علشان انزلكو المطش كله لو عاوزين http://www.dvd4arab.com/forums/showthread.php?p=3183947#post3183947 بدل حوارات التقطيع من المطش وكدا خد المطش بخيره وبهاريزه

[MODY 99]

يا حماعة بقالى سنة بقول بركات لاعب محلى وادى كل شىء بان
ميقدرش يجرى ويلعب الا امام الكروم والترسانة والمحلة والعالم دى

[-=kimo=-]

الهزيمه مستحقه ومش عيب نخسر من فريق اكبر مننا


بالنسبه للاخ sosomeero
حقك عليا يا سيدي وانا مسحت المشاركه بتاعته واسمحلي حمسح مشاركتك كمان

[Shandid Media]

انا يا جماعه ابصم بالعشره ان الاحتراف فى اى حته فى اوروبه ولو حتى فى مركز شباب بيخلى الواحد على مستوى عالمى واديكو شوفتو الثقه اللى كان فيها حسنى عبد ربه اللى بيلعب فى نادى ستراسبورج درجه تانيه فى فرنسا وكان عامل شغل كويس جدا وبيرقص ومش هامه وكل دا عشان الاحتكاكات اللى هو بيمر بيها ولكن يخرج على هذه القاعده اللاعب الفذ العبقرى اللى الكلام مش هايخلص عنه لو اتكلمنا عليه اللاعب المعجزه المظلوم عبد الحليم على والكلام دا مش وليد المباراه دى فقط لا دا من زمان اوى وهو جامد بس مش واخد شهره زى بقيت اللعيبه مع انه لعيب بمعنى الكلمه ونزل فى عشر دقايق قلب كيان المطش وعمل الللى ابو تريكه ومتعب وبركات معرفوش يعملوه طول الشوط الاول ونص الشوط التانى دا راجع لانه لعيب واثق فى قدراته ومش خايف من اللعب ادم اسبانيا مع ان منتخب اسبانيا مهواش جامد والله يا جماعه دا فريق متوسط ومتواضع اوى يا جماعه احنا بس اللى هولنا الموقف وعملنا من المطش بطوله كاس عالم مستقله وقعدنا نتكلم عليه فى الاعلام المكتوب والمسموع والمرأى اكتر من الحديث عن كاس العالم نفسه فى حين انها مباراه وديه ولا يجب ان تأخذ اكثر من ذلك الحيز من الاهتمام كونها مباراة وديه الغرض منها الاستفاده الخططيه والتكتيكيه ولكن ليس معنى ذلك الاهمال الزائد عن الحد مع انى ارجح كافة الاهمال فى اللعب امام الفرق الكبيره عن الخوف المبالغ فيه مثل ما فعل المنتخب امس

[mohamedgalal]

احنا كويسين بس عايزين احتكاك كتير ولعب بثقة

[Shandid Media]

بس برضه الاحتراف ثم الاحتراف وانا ليا حكمه بتقول :
الاحتراف بيخلى اللعيبه تتشاف

[hamadayousry]

احنا بنلاعب اسبانياااااا
مش انجولا
احنا لعبنا كويس
بس كان في احسن بكيتر واتتضح ذلك في نهاية الشوط الثاني

[Shandid Media]

برضه عبد الحليم وجعفر وحمزه افضل من ثلاثى الاهلى ومش بقول كدا انحياز للزمالك لكن اظن انت شوفت حليم عمل ايه لما نزل وحسن شحاته لو فضل مصمم على ابعاد محمد زيدان زيزو وميدو وحسام غالى يبقى منفكرش نلاعب فرق اوروبيه تانى لان التلاته دول ملهومش حل ولو كانو بيلعبو كان ممكن بعون الله نكسب 3-0 او 4-0 لكن حسبى الله ونعم الوكيل فى حسن شحاته............

[Shandid Media]

ونسيت اتكلم عن واحد مهم اوى فى حراسة المرمى شريف اكرامى اللى بيساوى 12 عصام حضرى + نص نادر سيد +3 عبد الواحد السيد + 17 مصطفى كمال
واللاعب المتميز جدا جدا جدا امير عزمى مجاهد اللاعب صاحب الخبره الاوربيه الكبيره برغم ان فترة اللعب فى اوروبا لم تكن طويله ولكنه لاعب مجتهد جدا بالاضافه الى شيكابلا ولكن السؤال فين دول من المنتخب ولا هو المنتخب بيضم الاسوأ وليس الافضل

[Shandid Media]

اللى عاوز الاهداف يزور الموضوع دا
http://www.dvd4arab.com/forums/showthread.php?p=3186923#post3186923

[rabah_youssef]

أخى الكريم arabicsheref مع التحيذ الشديد فى ردودك لنادى الزمالك ولكن مش موضوعنا .

أنا أولا أهلاوى بس طبعا أنا هأقول رأى بعيد عن كل كلام الاندية المحلية بتاعتنا التعبانة دى .

ثانيا المنتخب المصرى بأكمله مفهوش لاعب واحد يقدر يسد فى مباراة زى دى .

وكمان مفيش لاعب واحد عمل حاجة فى المباراة دى لا تقولى عبد الحليم على ولا حسنى عبد ربه ةلا عبد الفتاح القصرى

انت بتتكلم فى مباراة 90 دقيقة جبنا فيها هجمتين وكورة عبدالحليم على مجرد تدريب لكاسياس فى نص الجون .

كمان الدكتور المغفور له محمد محمد محمد أبو تريكة يعنى 3 محمد 1 تريكة (( انا أهلاوى )) ضيع أنفراد أستحالة بكل المقاييس أنت هى تضيع من مهاجم بيلعب كورة درجة عاشرة وربنا يكرمه على اللى عمله

الفنان عماد متعب بضم حرف الميم طبعا 90 دقيقة واقف بيستفقد المكان وعاوز يعرف الكورة شكلها أيه ؟.

طبعا محمد بركات الواحد مش عارف يقول بس بمباراة اتحاد جدة وأسبانيا فعلا أتضح ان هو لاعب محلى ميقدرش على لأى حاجة غير كده .

طبعا سيبك من الاخ محمد شوقى واللى صنفته أذاعة BBC أنف اسوأ لاعب فى كأس أفريقيا .

والملازم أول عبد الظاهر السقا اللى فى ماتش كوت ديفوار فى تصفيات المجموعة فى كأس أفريقيا لمس الكرة 18 مرة بالظبط مع 18 تمريرة مقطوعة من قدمه الزهبية .

وسيبك أساسا من أى لاعب فى الزمالك لأن الزمالك فى حالة توهان وبعيد عند الدينا خالص .

وفى الاخر يا جامعة محدش يقول أن أحنا كنا بنلاعب أسبانيا ويكفينا شرف المحاولة لأن أسبانيا فى أضعف حالاتها .

وكمان محدش يقول أن ده ماتش ودى لأن اللى يشوف أى لاعب من منتخب أسبانيا وهو بيلعب يفهم .

وفى الاخر بعد كل ده أنا عارف ان المشاراكة دى هتتحذف بس أتمنى لو واحد بس يقرا ويقول انا لو غلطان فى حاجة ...

ومشكور على الموضوع أخ arabicsheref .....

[-=kimo=-]

كره القدم غالب ومغلوب
ولا حرج في ان نخسر من فريق يفوقنا بمراحل
ولو اردتم معرفه الفارق فبحسبه بسيطه
اللاعبين المصرين كلهم على بعض ثمنهم لا يتعدى العشره ملايين جنيه مصريا
اما الفريق الاسباني فيتعدي ال150 مليون يورو

وطبيعي جدا انه اقوى مننا وطبيعي جدا انه يتسيد المباراه

اذا فلماذا نلعب مباراه وديه نعرف مسبقا ونتوقع هزيمتنا فيها

لاننا وبكل بساطه لو اقتصرت كره القدم لدينا على الدوري وكاس مصر فلن نتقدم شبرا واحدا
او بمعنى اخر سنتقدم على انفسنا فقط

والدليل على هذا اننا لازلنا نصر على طريقه 3 5 2 العقيمه
رغم ان كل فرق العالم تلعب بطريقه 4 4 2

ونطالب بمزيدا من المباريات الوديه الخارجيه مع الفرق الكبرى وكل هزيمه نتعلم منها شئ جديدا
الي ان نصل في يوم من الايام الي نصف مستوى هذه الفرق
ساعتها يمكن ان نطالب بالتعادل مع هؤلاء العمالقه

اما لو بقينا على اسلوبنا هذا ومش فاضين وحتدفع كام
يبقى محلك سر والشعب مبسوط اننا مش بنخسر


واعتقد كفايه كلام لغايه كده اسمحولي اقفل الموضوع قلب ان يتحول الي اهلي وزمالك كالعاده