المساعد الشخصي الرقمي

مشاهدة النسخة كاملة : أرجو من اخواني اللي معاهم شهادات معتمده في الشبكات الدخول

صهيب الرومي
09-05-2006, 11:05 PM
السلام عليكم

اولا باركولي الحمد لله دخلت امتحان CCNA و ربنا وفقني و نجحت الحمد لله :clap0000:

بس محتار اكمل في كورس ايه فلذلك كنت ارجو من اخواني الكرام اصحاب العلم و الخبره ان يتكرمو علي و ينصحوني

ايه الافضل اللي اكمل فيه دلوقتي هل هو CCNP او MCSE و علي فكره انا ان شاء الله ناوي اخد الاتنين بس محتار بأيهما أبدا ؟
Cairoadmin
10-05-2006, 02:06 AM
بسم الله الرحمن الرحيم

السلام عليكم أخى العزيز

أنا حاصل على الــ Ccna وأيضاً سرتفايد مايكروسوفت وكنت محتار مثلك بس فى انى ادرس Mcdba او اوراكل او انى اكمل مشوار سيسكو والـــ Ccnp بس فضلت إنى ابحث عن فرصة العمل اولا ثم اكمل المشوار واعتقد أنه يجب ان ننظر إلى خططنا المستقبليه اولا يعنى في مصر مجال العمل مفتح للــ Mcse وفى الدول العربية بالخليج مثلا الاثنين معاً وانت معك Ccna وفى مصر قليل من الشركات لديها سويتشات مانج ورواتر نظراً لصغر رأس مال الشركة يعنى لا تجد بيئة السويتشات المانج والرواتر الا في اوراسكم او رايه الخ يعنى الشركات الكبيرة اما في الخليج فالشركات كبيرة وراس المال عملاق يعنى من السهل العمل في ايجاد فرصة عمل مناسبة هنا في بسرتفيد سيسكو اما في مصر فالمجال واسع لسرتفيد مايكروسوفت شوف انت تقدر وتحب ان تكون في مصر او تستطيع السفر وايضا قبل ذلك شوف طموحاتك ايه هل انت حابب سيسكو والهاردوير اكتر ولا برامج الابليكاشن يعنى مايكروسوفت اكتر والله الموفق.

والسلام عليكم ورحمة الله وبركاتة
akrameladl
10-05-2006, 02:10 AM
احسنت يا اخى عندك حق فعلاً
صهيب الرومي
10-05-2006, 03:16 AM
أولا احب اشكر Cairoadmin علي المداخله الطيبه و الكلام الجامد قوي ده بس انا عايز اقولك اني بصراحه بحلم للسفر خارج مصر و بالذات الامارات لان اعتقد هلاقي هناك اللي يشبع طموحاتي

لان الناس هناك محترمه و مرتبتهم معقوله و كويسه


شكر خاص للاخ akrameladl علي التصويت الوحيد للموضوع ههههههههههه

و اتمني مزيداً من الاراء و الردود
bestofnay
10-05-2006, 03:55 AM
و الله الاخ cairoadmin جابلك من الاخر في الموضوع دة بس الافض بردة انك تدرس mcsa الاول عشان تقدر تفهم الاساسيات في الشبكة عشان لما تخش في حوار التوجية و الروتارات بتاعة سيسكو تبقي فاهم و واقف علي ارضية صح و ربنا يوفقك ان شاء الله
bestofnay
10-05-2006, 03:57 AM
و الله الاخ cairoadmin جابلك من الاخر في الموضوع دة بس أنا بفضل أنك تدرس الاول mcsa عشان لما تخش في حاور التوجية و روتارات سيسكو تبقي فاهم كويس الناس دي بتفكر أزاي و تبقي واقف علي أرضية صح و انت بتدرس سيسكو و ربنا يوفقك أن شاء الله
صهيب الرومي
10-05-2006, 04:13 AM
مهو انا دارس ccna و معايه شهاده يا عــــم bestofnay