حد عنده فكرة عن السفر لأمريكا؟

[م.عمرو]

السلام عليكم ورحمة الله وبركاته

يا جماعة الخير انا نويت وتوكلت على الله وقررت السفر لأمريكا للبحث عن عمل بمجهودي بعد ان درست الموضوع جيدا من كل النواحي

المهم دلوقتي بخصوص موضوع الفيزا

سمعت ان يجب في الشخص المتقدم يكون عنده حوالي 20 الف دولار في الحساب الخاص بيه في البنك علشان يقدر يسافر, علشان يضمنوا إنك تقدر تصرف على نفسك هناك ومتحتجش لمعونة من الدولة, فهل الكلام ده صحيح فعلا؟

وحد عنده فكرة عن كيفية استخارج فيزا الزيارة (وليس نظام الهجرة العشوائية السنوية) ؟

االي عنده معلومات زيادة ياريت ميبخلش بيها عليا وشكرا جزيلا لكم

[Clint Eastwood]

الكلام اللى انت بتقوله ده لما تكون هتسافر سياحة بس

على ما اعتقد وعلى ما سمعت من اصدقائى

بس احسن حل ليك انك تقدم فى الهجرة العشوائية

وبرضو الموضوع هيبقى مكلف جدا وممكن على الفاضى

لانك قبل مقابلة السفير بتدفع مبلغ مش صغير طبعا

وبعد المقابلة ممكن تترفض لا قدر الله

من غير مايبقى ليك الحق فى استعادة فلوسك تانى

ومتنساش الموضوع بتاع الضامن ده اهم حاجة فى الموضوع

[م.عمرو]

الاخ الفاضل اشكرك على الافادة جزاك الله خيرا

اتصلت بصديق مصري ساكن في دبي كان سافر أمريكا من مصر من سنة تقريبا وقالي المعلومات التالية للي يحب يستفيد بيها:

فيزا السياحة: شروطها التقدم ليها:

- تتصل برقم السفارة الأمريكية في القاهرة على رقم 090070600 ويكون معاك جواز سفرك وإنت بتتصل علشان هيطلبوا منك رقمه وتطلب طلب تحديد موعد للمقابلة.

- تروح البنك التجاري الدولي CIB وتسحب استمارة التقديم منه وتمنها 500 جنيه وتملاها وتاخدها معاك وإنت رايح معاد المقابلة.

- الضمانات: انك تكون بتشتغل هنا في مصر وتجيب جواب يفيد بإنك بتشتغل مش أقل من ثلاثة أشهر, أو يكون عندك حساب في أي بنك وتاريخ الحساب مش أقل من 6 أشهر أو تمتلك عقار أو شقة أو سجل تجاري بإسمك في مصر, حاجه واحدة بس من الحاجات دي علشان يضمنوا إنك هترجع تاني لمصر, طبعا بعد ماتسافر وتلاقي شغل, بتحول فيزا الزيارة لإقامة دائمة وتبدأ أول خطواتك في الحصول على الجرين كارد الي بيتيح لك الحصول على الجنسية الأمريكية بعد كده وإستخراج جواز سفر أمريكي.

- فيزا الزيارة ممكن تستلمها في حدود شهر أو أقل

--------------------------------------------

بالنسبة لنظام الهجرة العشوائية, باب التسجيل فيها مفتوح حاليا ونتيجة الإختيار العشوائي بتظهر في شهر نوفمبر وبتؤهلك للحصول فورا على الجرين كارد في حالة ما اذا تم إختيارك للسفر, مشكلتها بس هي فترة الإنتظار الطويلة وإن ممكن مش يختاروك للسفر لأن أمريكا بتحدد عدد 50 الف فيزا هجرة عشوائية كل سنة من كل بلدان العالم وعلى حسب إحتياجاتها من تخصصات ومؤهلات وخلافه.

للي يحب يقدم على طلب الهجرة العشوائية من خلال النت يزور الموقع التالي:

http://www.usagc.org/index2.aspx?afk=ezawaj20arb

وربنا يوفقنا كلنا ان شاء الله

أخوكم عمرو

[دليل مصر]

يوجد فرص وظيفية متاحة على الرابط
http://www.daleeleg.com/fourm/viewforum.php?f=31