نصيحه لك اخت على وشك الجواز @@@@@

[شادى العجوز]

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك
من مركب الخطوبة إلِّي محدش عارف هاترسى على إيه.. إلى مثوااااه الأخير في قفص
النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي
عمرك مانتي شايفاها بعد الجواز.. المهم نصائحي لك عند أي عزومة مع ختيبك..
قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش
م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة
وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة..
بالعافية.. قال يعني نفسك مسدودة.. اضغطي على أعصابك
جدااا وبعدين لما
تروَّحي.. إبقي حِفِّي زي مانتِ
عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب
من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف
الحجر للزبون.. وطبعًاااااا عايزك تنسى تمامًا.. السلطانية اللي بتقيميها على
بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل..
مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق
الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص
وبعدين تحطيها ف بؤك من سكات.. مش تشفطي المكرونة عود عود..


6- السمك..
مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص..
بالطول وبعدين تفردي اللحم ع الجانبين ولما تخلصي ناحية.. متقلبيش السمكة..
بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم
الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف
واحتقار شديدين.. آل يعني زهقانة من كتر أكل الجمبري الجامبو ف بيت ببااااا..
وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا
ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي
...لا..لآ...لآ...بالشوكة حتة حتة وإنت زي ما تكوني هاتعيطي من كتر ما
البطاطس
صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي
مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام
التفتفة للبذر.. إنسي....

10- ولما تخلصي أكل تحطي
إيدك على بطنك.. -اللي عصافيرها بتصوصو من العينات اللي كلتيها-.. وتقولي له
مش ممكن.. أنا عمري ما اتفجعت كدة..


أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..
آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من
شنطة إيديك.. لفة الفول والطعمية اللي جايباها معاكي.. وبالهنا
والشفااااااااااااا

[dodashawky2]

ههههههههههههههه
جميلة موت يا اخ شادي
ضحكتني موووووت والله
بس اصلي قريتها قبل كدة كاملة
بس بجد مهما حقرأها حموت من الضحك
كله كوم والسمك كوم
أصلي والله مش بأكل السمك فخايفة حد يفتكرني بنفذ اللي بالموضوع هنا هههههههههه
شكراً

[شادى العجوز]

ههههههههههههههه
جميلة موت يا اخ شادي
ضحكتني موووووت والله
بس اصلي قريتها قبل كدة كاملة
بس بجد مهما حقرأها حموت من الضحك
كله كوم والسمك كوم
أصلي والله مش بأكل السمك فخايفة حد يفتكرني بنفذ اللي بالموضوع هنا هههههههههه
شكراً


ههههههههههههههههههه

شكرا على مرورك ورد الجميل ده .

واحنا مصدقينك انك مبتكليش السمك بس لو نفسك فيه

ابقى كليه فى الخباسه مع نفسك.

[Mandolin]

ههههههههههههههههههههه
جامده قوى النصايح دى وكله كوم والسمك ده فعلا كوم تانى
بس كل شئ هايبان على اصله لما يدخلو قفص النسانيس على رايك ماتقوليش بقه شوكه وسكينه ده هايبقى باديهم الاتنين ورجليهم كمان لو طالو دى هاتبقى مهزله
هههههههههههههههه
بس يارب يعملو بالنصايح دى عالطول حتى لما يدخلو القفص .

[بنت الفراعنة]

هههههههههههههههههه
حلوة موت وسرد الموضوع شيق ولزيز جدا والله
واللي ضحكني اكتر اكلة الفووووووووووول والطعمية
اللي المصريين لايمكن انهم يستغنوا عنهم ابداااا
ومرسيه ليك يا شادي العجوز

[Dentesta]

شكرا على الموضوع الرائع ده .

[SCOOP]

الف شكر على الموضوع و النصائح الغاليه دى ...

شايفين يابنات ... اتعلموا بأه ..




\و احنا ياجميل .. متنصحناش بحاجه ؟؟؟؟

[AMIR EL MASTER]

ههههههههههههههههههههههههههههههه ايه ده كله هو البنات فى الحقيقة مفاجيع اوى كده

[HOHO3000]

هههههههههههههههههههههههههههههههههههههههههههههههههه هههههههههه
موضوع جامد مووووووووووووووووووووووووووووووووت

أنا ضحكت كتير فعلا ..
و أحنا مالناش نصايح يا مان
تحياتي :)

[Zanadoo]

حلوه يا شادي باشا ع الاشتغاله الجامده دي يا تري انتا جبتها من حد ولا مألفها ؟ لو انتا اللي مألفها تبقي انتا واد جامد

[شادى العجوز]

حلوه يا شادي باشا ع الاشتغاله الجامده دي يا تري انتا جبتها من حد ولا مألفها ؟ لو انتا اللي مألفها تبقي انتا واد جامد

:harhar10: وانت مالك

خليك فى كوزك لما نعوزك

هههههههههههههه

[Zanadoo]

ماشي يا عم شادي انسي يا عمرو وان كنت ناسي افكرك يلا بلاش فضايح هنا يا حجووووووووز


هههههههههههههههههه

[dynameta]

والله جميله جدا و ضحكتنى جدا جدا

اشكرك جزيلا

[شادى العجوز]

والله جميله جدا و ضحكتنى جدا جدا

اشكرك جزيلا

شكرا على ردك الجميل

وانا فى الخدمه .

[شادى العجوز]

ماشي يا عم شادي انسي يا عمرو وان كنت ناسي افكرك يلا بلاش فضايح هنا يا حجووووووووز


هههههههههههههههههه


اما تبقى مشاركاتك اكتر من 100 ابقى تعالى اكلم معايا .:harhar10:

[Zanadoo]

مشاركات ايه يا ابو مشاركات الله يرحمه كان ميعرفش الويندوز من قفص الجوافه يا حجوووووووووووز

[amokashy]

انتا معلم يابا والله

جميله جدا

[شادى العجوز]

مشاركات ايه يا ابو مشاركات الله يرحمه كان ميعرفش الويندوز من قفص الجوافه يا حجوووووووووووز


الحمد الله يا سيدى

مفيش حد بينزل من بطن امه وفايده اللاب توب

الايام بتعلم .

وبعدين مش انا قلتلك قبل كده لما مشاركات توصل 100 ابقى

تعالا اتكلم معايا .

يلا ياحبيبى روح العب ادام بيتكم .

[meda85]

شكرا ليك على الضحك دة بس بجد ملهاش حل هات ما عندك

[mosay]

موضوع جميل جدا

[FOX2002]

هههههههههههههههههههههههههههههههههههههههههههههههه
10000000000000000000000000000% رائع

[I-IEMA012]

ههههههههههههههه
وااااااو شديدة اوى يا باشا
الف شكر

[midosito]

من الأفضل ماتتنيليش تاكلى بره قولى عاملة دايت وهو طبعا ما هايصدق إنك وفرتى تمن الأكلة

وقضوها بقى جوافة

ههههههههههههههههههههههههههههههههههههههههههه

[mex]

حلوه قوي يا مستر الموضوع ده

بس انت عارف بجد احسن حاجه انها تبقي علي طبيعتها من غير تكلف

بس مش معني كده انها تعك برضه ههههه لازم شوية كتكيت - ايتيكيت - علشان الزبون

و بمناسبة السمك .. انا اعرف واحد خطيبته بتفصصله السمك ( عقبااااااااالي يا رب )

[aeha]

الف شكرا ياباشااااااااااااااااااا

[mooroo250]

جميله جدا جدا

[ahmedxl]

مشاركات ايه يا ابو مشاركات الله يرحمه كان ميعرفش الويندوز من قفص الجوافه يا حجوووووووووووز


هى ايه حكايه حجوزززز دى

[mando_h20]

هههههههههههههههههههههههههههههههههههههههههههههههههه هههههههههه
موضوع جامد مووووووووووووووووووووووووووووووووت

[pink_mercury]

ههههههههههههههههه
قال يعني لما أشوف كل الاكل ده قدامي هفتكر اللي انت بتقوله ده انا هنزل ع الاكل حتتك بتتك وعينك ماتشوف الا النور
ياراجل ده انا جعت من القراية بس ان ماكانتش الطرابيزة كلها بعون الله تتمسح الواحدة ماتحسش انها حطت لقمة في بقها
ههههههههههه

[الساحره الصغيره]

موضوع جميل جدااااااااااااااااااااااا ودموعى نزلت من كتر الضحك
ولو كل مواضيعك كده فاحنا منتظرين منك المزيد
وشكرا لمجهودك الرائع

[هدىالعربى]

بجد موضوع جنان ونصايح احلى
بس مفيش بنت بتبقى مع خطبها وبتعمل انها :icon30: مش رقيقه

[heshamwhite]

مشكور أخى العزيز على الموضوع الأكثر من رائع

وفعل أن ممكن أستخدمة فى الأتجاة المعاكس

[mohamed adel sh]

موضوع يهلك من الضحك.

[ZAM_A_LEK]

ههههههههههههههه
جميلة موت

[ENG_AEA]

موضوع رااااااائع جدا وفكاهى جدا شكرا لك اخى الغالى

[سارة كامل]

ميرسسيييييييييي على هذا العرض الجميل

اللى يفتح النفس على الاكل

وموضوع جميل





http://www.reem-qs.com/up-pic/uploads/385a641e6e.jpg


http://img170.imageshack.us/img170/2045/mod9yz3cp7.gif


شاهدو السيدة الاولى المثل والقدوة للمرأة المصرية (http://www.dvd4arab.com/showthread.php?t=452505)


اكتشف سر هذة الصورة الرجل يراها بلون والمراة تراها بلون اخر (http://www.dvd4arab.com/showthread.php?t=452009)


نصائح تجميليه( اقنعه للبشره) (http://www.dvd4arab.com/showthread.php?t=438134)

[شادى العجوز]

ميرسسيييييييييي على هذا العرض الجميل

اللى يفتح النفس على الاكل

وموضوع جميل





http://www.reem-qs.com/up-pic/uploads/385a641e6e.jpg


http://img170.imageshack.us/img170/2045/mod9yz3cp7.gif


شاهدو السيدة الاولى المثل والقدوة للمرأة المصرية (http://www.dvd4arab.com/showthread.php?t=452505)


اكتشف سر هذة الصورة الرجل يراها بلون والمراة تراها بلون اخر (http://www.dvd4arab.com/showthread.php?t=452009)


نصائح تجميليه( اقنعه للبشره) (http://www.dvd4arab.com/showthread.php?t=438134)

العفو يا عسل

وبالهنا والشفا.

[genius_tiger]

يخرب عقلك يا مجرم
مفيش حجه لرجال
ه أصل مرة أتحطيط في فرح والأخ الي قاعد جنبي من قريبنا الي منشفهمش غير في الأفراح المهم عملي جنتل اوييي وانت عارف الأكل بالطريقة الجنتل مش مريح ولا بيشبع بس تعمل أيه حولت أعمل زيه معرفتش فاسبت نص الطبق وسبت الباقي أبقى أتحفنى بحجاتك ديه

[batsha]

فول وطعميه ههههههههههههههههه
شكرا ليك على التوبيك الجامد طحن

[batsha]

فول وطعميه ههههههههههههههههه
شكرا ليك على التوبيك الجامد طحن

[mohamedmohsenah]

لو بجد قابلت واحدة بتعمل اللى انت بتقول عليه اعرف على طول انها بتعمل عشان اللى انت بتقول عليه لأن دة معناه انها بتضحك على اللى معاها
وطبعا بعد الجوازهتيبقى الحكاية زى الزفت يعنى لو كان اتجوزها وهى بتظروط كان هيبقى الحال اتغير

[lilie2007]

ههههههههههههههههههههههههه

والله انت مش معقول يا شادي

نصائح جميلة ومفيدة

بس ياريت الو احد يقدر يعاملها

الف شكرا ليك علي الموضوع الجميل والدم الخفيف ده

[Muhammed Gaber]

ههههههههههههههه

[Rino]

حلوة منك يا شادي
إسـلوبك في الشرح جميل جداً

ههههههههههههههههههههههههه

[tonna]

ههههههههههههههههههههههههههههههههههه بجد انت فظييييييييييييع انا مت من الضحك اوكتر حتة ضحكتني بتاعه ابوس كعب رجلك ههههههههههههههههههههههههههههههههههههههه

[GNT ELFRDOS]

جميلة اوى ياشادى ههههههههههه بس فعلا مهما دارينا مافيش حاجة بتستخبة كله هيبان بعد الجواز هههههههههههه
بس عارف المفروض البنت ماتسطنعش هتخبي لحد امتى :harhar10:
مشكو ر ع النصائح الثمينة :clap0000:

[Super Abdo]

والله أكتر موضوع ضحكني بجد

ههههههههههههههههه

[shomaelharam]

تمام يا باشا
وربنا يعينك

[miss diamond]

ميرسى ليك على المعلومات القيمة دي
واحلى حاجة طريقة عرضك ليها
وننتظر المزيد

[beauty fairy]

thankssssssssss
elmawdo3 to7fa

[beauty fairy]

thanksssssssssssss
elmawdo3 to7fa

[beauty fairy]

thanksssssssssssss
elmawdo3 to7fa

[beauty fairy]

thanksssssssssssss
elmawdo3 to7fa

[Bo0oSY]

موضوع جميل اوى

شكر ليك

[eslammagd]

جميلة جدااااااااااا يا شادى

[tota4331]

حقيق جميل
ياسي شادي

[ma7mod_zoro]

شكرااااااااااااااااااااااااااااااااااااااااااااااا اا

[taymor_tato]

ياراجل حراااااااااام عليك اللي بتعمله في البنات ده
هما عملوا لك حاجه علشان ده كله
كل مواضيعك بستفه في البنات كده

[Thunderboy7000]

جامده قوى النصايح دى

[نوووونا]

ههههههههههههههههههههههههههههههههههههه
احنا مش وحشين للدرجة دى
ههههههههههههههههههههههههههههه
سكر
سكر
سكر

[tito_bora]

شكررررررررررا

[S.E.M.S.E.M]

ههههههههههههههههههههههههههههه بصراحة تفطس من الضحك
طيب منا عندى حل حلو برضوة بدل مااعزمها وفى الاخر تعمل نفسها بتاكل
انا انفض احس يا عم ولا خروجا ولا حاجة انا اعزمها على قرطاس ترمس وخلاص يمصمصوا فية هوة دا الى ينفع معاهم هههههههههههههههههه

[ahmedmosad20011]

هههههههههههه
شكرا ياجميل على الموضوع ده والله جميل وخالى بالك من الجمبرى...تسلملى

[الاستاذ2000]

يخرب عقلك ياعجوززززززززززززززززز

[charmingmelody8]

فطستنى من الضحك كده نفسى كان هينقطع

[sabahy06]

ههههههههههههههههههه

بجد موضوع يهلك من الضحك

شكرا ليك يا شادى

[bassam_fisho]

دا علي كدا الواحد يكون عامل حسابة للحاجات دي اوي اوي انة يشوف البنت بتاكل كدة براحة يعرف انها مفجوع______________ة اوي بس انتة برضو مجبتش الموضوع كامل المفروض كنت جبت الاستايل بتاعها هيكون ازاي المفروض تجيب الاستايل بتاعها الا كدة انتة هتوديها في داهية وشكلها هتروح في داهية هتاكل وتمشي ومش راجعة تاني وبكدة انحسبت علينا اكلة يا معلم واحنا المساكين في الاخر واللة بندلعوهم ونوكلوهم واحنا اللي في الاخر بندفع وينخرب بتنا مهو برضو انا بقول الشباب اليومين دول مال حالهم كدة مش زي الاول اتاري البنات مخلصة فلوسنا علي الاكل ههههههه بس برضو انتة كدة اخت صواب كبير كدة عشان انتة نصحت بنات كتير مكنتش بتعمل اللي انتة بتقولة دة وبكدة زمان البنات بتدعيلك دلوقتي ابسط ياعم بقااااااا ******* مع خالص تحياتي ملك الرومانسية (بسام الفيشاوي ) (تايتنك)

[bassam_fisho]

دا علي كدا الواحد يكون عامل حسابة للحاجات دي اوي اوي انة يشوف البنت بتاكل كدة براحة يعرف انها مفجوع______________ة اوي بس انتة برضو مجبتش الموضوع كامل المفروض كنت جبت الاستايل بتاعها هيكون ازاي المفروض تجيب الاستايل بتاعها الا كدة انتة هتوديها في داهية وشكلها هتروح في داهية هتاكل وتمشي ومش راجعة تاني وبكدة انحسبت علينا اكلة يا معلم واحنا المساكين في الاخر واللة بندلعوهم ونوكلوهم واحنا اللي في الاخر بندفع وينخرب بتنا مهو برضو انا بقول الشباب اليومين دول مال حالهم كدة مش زي الاول اتاري البنات مخلصة فلوسنا علي الاكل ههههههه بس برضو انتة كدة اخت صواب كبير كدة عشان انتة نصحت بنات كتير مكنتش بتعمل اللي انتة بتقولة دة وبكدة زمان البنات بتدعيلك دلوقتي ابسط ياعم بقااااااا ******* مع خالص تحياتي ملك الرومانسية (بسام الفيشاوي ) (تايتنك)

[matrix1667]

هههههههههههههههههههه
موضوع جميل جدا بجد
فعلا يابنى انت جبت من الاخر
كله بيبان بعد الجواز

[onlyonekimo]

1000 شكر يا برنس بجد لذيذ اوي

[momayo]

جزاك الله خيرا

[nac1]

موضوع جامد جدا
بس بعد اللى قولتة
يستحسن يمشوا على الكورنيش
يا كلوا سودانى وضرة وترمس
احسسسسسسسسسسسسن بكتير
من السمك والجمبرى

[المهتدية بالله]

موضوعك ضحكنا جدا والله لان طريقة كلامك حلوة وظريفة
بس انت ليه شديد على البنات كده على فكرة اولآ مش كل البنات مفجوعين بالطريقة دى
وثانيآ لازم يكون فيه صراحة فى كل حاجة وبالذات فى طريقة الأكل دى لانهم هيعيشوا مع بعض وهيشوفوا بعض فى كل موقف من اول اليوم لآخره يعنى بلاش كدب من اولها عشان متبوظش الجوازة بعد كده.
وأنا عن نفسى مش هخرج اتغدى مع خطيبى بره البيت انا هطبخله بايدى وااكله كمان بايدى.

[m_refat2004]

:rofl::rofl::rofl::rofl::rofl::rofl:

http://img170.imageshack.us/img170/2476/361751eq9.gif

[spot rose]

هههههههههههههههههههههههههههه حلوه قوى والله
بس ايه انت عرفت الكلام ده منين بس على فكره والله الولاد مفاجيع مفجعوين قوى بس انتو بتلزقوها فينا
بس حلوه خالص على فكره

[masterofdevil]

يالهوى على الفضايح

[mostafakyhat]

جامد والله يا استاذ

بس السمك كدا محتاج لكتلوج

[microsoft11]

هههههههههههههههه
جميله اوى يا مان .........!

[yesmin_gesy]

لا بجد موضوع تحفه
مشكوررررررررررررر

[ramylove]

thxxxxxxxxxxxxxxxx

[gurl_love]

ههههههههههههههههههههههه موضوع جاامد

[ashour.hesham]

هاهاهاها معاك حق الموضوع رائع وفعلا هم كلهم الا واحدة كدة

[patrignani]

جامد اوي النجم يه

[madboy2002]

لو صباح الفضايح يا عم شادى طب وليه تفضحهم وتعلمهم كده سيبهم عشان الواحد ميدبس فى واحدة منهم ويندم بعد كده ههههههههههههههه
بجد نصايح هايلة وبرضة تنفع للرجالة والبنات xD

[weldomran]

هههههههههههههههههههههههههههههههههههههههههههههههههه هههههههههههههههههههههه

ودا مين المغفل الى ممكن يعظم خطيبته الايام دى وجنبرى جامبو كمان الا عمرو ما دخل بيتنا اكله لخطيبتى ليه وتروح تحكى بقا لامها وامها ترمى عليك يامعلم تلاقى نفسك فى النهاية مدبس فى كيلو ولا اتنين او عزومة اه ماهو انت بقا لازم تعمل دكر علشان تملى العين ياجماعة المواضيع دى ذادت قوى عن حدها ماله الترمس والب والكاذوذا او حمص الشام ولا الذرة المشوى الله عليه وهو سخن مولع ساعة عصارى على احلى نيل فى الدنيا وزحمة الكورنيش ونكون على طبيعتنا مش رايحين نتمنظر وحبكينها اوى والى ضارب له بدلة وهيا لابسة الدولاب وعاملين نفسهم بقا ولاد ناس شيك هاى لايف يعنى الله يرحم اهالينا كانو بيكملو عشاهم نوم علشان يربونا او يتربوا هما ياجماعة الى رايح يعزم خطيبته فى مطعم ويكلف نفسة 150 200 جنية يكتفى بخمساية على الكورنيش او بلاش منها ويحطهم فى مطاريف الشقة او الفرح احسن ولو معاه كتير يفتكر ان فى ناس بتموت من الجوع احنا فى مصر عايشين فى نعمة والله فى بلاد غيرنا بيموتو من الجوع مجاعات وقرف امال ليه ربنا فرض علينا الصيام علشان نحس بيهم معلش انا اصلى اتحرق دمى عايز اتجوز نفسى اخلف عيل ارحموا الشباب شوية هيلاقيها منين ولا منين البت من دول بتجننن ونفسها تتعاكس حتى ولما يجى ابن الحلال يتقدم يهلكوه طلبات وعزومات وهداية وووو طب خد عندك اموت واعرف ايه هدية عيد الام دى رخرا يعنى لازم يعنى اجيب لحماتى هدية عيد الام الا ما جبتها لامى اجيبها لحماتى يارب اتجوز واحدة يتيمة والله نفسى اتجوز واحدة يتيمة والله نفسى اتجوز واحدة يتيمة تلت مرا بقولها معلش انا اصلى دمى اتحرق من الى بشوفه

[stone could]

هههههههههههههههههههه بجد جامد

[Eng-darsh]

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك
من مركب الخطوبة إلِّي محدش عارف هاترسى على إيه.. إلى مثوااااه الأخير في قفص
النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. على أحلى محلات أكل ف البلد.. واللي
عمرك مانتي شايفاها بعد الجواز.. المهم نصائحي لك عند أي عزومة مع ختيبك..
قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف يعني مش
م الوسط ولا م البوز زي الخنجر ولا من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة
وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة..
بالعافية.. قال يعني نفسك مسدودة.. اضغطي على أعصابك
جدااا وبعدين لما
تروَّحي.. إبقي حِفِّي زي مانتِ
عايزه....

3- الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب
من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف
الحجر للزبون.. وطبعًاااااا عايزك تنسى تمامًا.. السلطانية اللي بتقيميها على
بقك ف البيت.. وتدلدقي على روحك..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل..
مش تميليه.. عشان تلهطيها لآخر نقطة.....


4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق
الرز وتعبي.. إوعي.. الرز بالشوكة.. وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص
وبعدين تحطيها ف بؤك من سكات.. مش تشفطي المكرونة عود عود..


6- السمك..
مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص..
بالطول وبعدين تفردي اللحم ع الجانبين ولما تخلصي ناحية.. متقلبيش السمكة..
بلاش فلح.. شيلي السلسلة

بالشوكة والسكينة وحطيها ف جنب الطبق وكملي أكل النص التاني.. وبدل الفيلم
الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف
واحتقار شديدين.. آل يعني زهقانة من كتر أكل الجمبري الجامبو ف بيت ببااااا..
وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا
ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي
...لا..لآ...لآ...بالشوكة حتة حتة وإنت زي ما تكوني هاتعيطي من كتر ما
البطاطس
صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي
مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام
التفتفة للبذر.. إنسي....

10- ولما تخلصي أكل تحطي
إيدك على بطنك.. -اللي عصافيرها بتصوصو من العينات اللي كلتيها-.. وتقولي له
مش ممكن.. أنا عمري ما اتفجعت كدة..


أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..
آل يعني بتمسحي بؤك..
وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من
شنطة إيديك.. لفة الفول والطعمية اللي جايباها معاكي.. وبالهنا
والشفااااااااااااا




انت عايز الحق ولا ابن عمه

بصراحة جامدة موووت

[ahmed.samy.90]

لازم البنات يعلموا كل الحاجات دى
شكراً على الموضوع

[teto_sha]

بجد جامدة جدا تسلم ايدك

[كرستاله مصريه]

موضوع دمه خفيف اوى يا شادى
ونصائح جامده موت
تسلم ايديك

[tatola]

ياعم هنقضيها سندوتشات بقا وخلاص

[vision4future]

جامدة يا مان
بس مفيش كلام من ده بعد الجواز

[tigerhelwan]

هههههههههههههههههههههههههههههههههههههههههههههه
بجد موضوع جامد مووووووت
تسلم ايدك يا باشا على المواضيع الجامده دى

[waelelgohary]

طيب و اللى اتجوز قبل ما يقرأ الموضوع الجامد ده يعمل ايه يا كبير يطلقها و يرجع يخطبها من جديد
هههههههههههههههه
ومنتظر الرد فى اقرب وقت

[fox_09]

موضوع جميل جدا تسلم ايدك

[nona_200]

موضوع جميل تسلمي